ۋاكىل اكرام ءمامتىمىن:
شارۋالاردىڭ ويداعىداي ”جارشىسى“ بولامىن
□ انار بۇلت \ شينجياڭ گازەتىنىڭ ءتىلشىسى گۋان مىڭيىڭ
2 - ايدىڭ 20 - كۇنى تاڭەرتەڭ مەملەكەتتىك حالىق قۇرىلتايى ۋاكىلى، بۇگۇر اۋدانى تەرەكبازار اۋىلى سايماي ءمالى قىستاعى پارتيا ياچەيكاسىنىڭ شۋجيى اكرام ءمامتىمىن قول تەلەفونىن، ەستەلىك داپتەرىن جانە ءبىر بۋدا ۇسىنىس جوبالاردىڭ العاشقى نۇسقاسىن الىپ جولعا شىقتى. وسى بىرنەشە كۇندە ول ەلدى ارالاپ پىكىر - ۇسىنىس جيناۋمەن قاربالاس بولدى.
”مەملەكەتتىك حالىق قۇرىلتايى ۋاكىلى بولىپ سايلانعاندا، مەن جاۋاپكەرشىلىگىمنىڭ اۋىر ەكەندىگىن، بورىشىمنىڭ داڭقتى ەكەندىگىن تەرەڭ سەزىندىم“. اكرام ءمامتىمىن بىلاي دەدى: ”اۋىل - قىستاقتان كەلگەن، اۋىل - قىستاققا تامىر تارتقان مەملەكەتتىك حالىق قۇرىلتايى ۋاكىلى رەتىندە، اۋىلداستار ءۇشىن ءۇن قاتۋ بورىشىم جانە مىندەتىم، ولار ءۇشىن جارشى بولىپ، كوپشىلىكتىڭ جۇرەك ءۇنىن پىكىر جانە ۇسىنىسقا اينالدىرىپ، مەملەكەتتىك ەكى ماجىلىسكە الىپ بارامىن“.
بيىل مەملەكەتتىك ەكى ماجىلىستە اكرام ءمامتىمىن جەمىس - جيدەك، كوكونىستىڭ ساپاسىن جوعارىلاتىپ، ءونىمىن ارتتىرۋدى ىلگەرىلەتۋ، شارۋالاردىڭ كىرىسىن ارتتىرۋدى جەبەۋ، اۋىل - قىستاقتى گۇلدەندىرۋدى ىلگەرىلەتۋ سياقتى جاقتارداعى ۇسىنىستاردى الىپ بارماقشى. ۇسىنىستاردىڭ مازمۇنىن كەمەلدەندىرۋ ءۇشىن، ول قىستاقتا، اۋىلدا كەڭىنەن تەكسەرۋ - زەرتتەۋ جۇرگىزىپ، پىكىر الدى.
2021 - جىلى 9 - ايدا اكرام ءمامتىمىن ساي ءمالى قىستاعى پارتيا ياچەيكاسىنىڭ شۋجيى مىندەتىن ۇستىنە الادى، مىندەتكە تاعايىندالعاننان كەيىنگى العاشقى جۇمىسى قىستاق تۇرعىندارىن ارالاپ، تالاپ - تىلەكتەرىن ۇعىسىپ، ءاربىر پىكىردى قالدىرماي داپتەرىنە جازىپ، ويىنا ءتۇيدى. ونىڭ باسشىلىعىندا، قىستاق پارتيا ياچەيكاسى جەرگىلىكتى جاعدايعا قاراي ەرەكشە ەگىمشىلىكتى دامىتۋ سىندى دامۋ وي جەلىسىن تۇراقتاندىرىپ، قىستاق تۇرعىندارىنىڭ ءبيداي، جۇگەرى، اق ورىك، المۇرت سياقتىلاردى ەگۋىنە زور كۇشپەن جەتەكشىلىك ەتىپ، كوپشىلىكتىڭ اقشا قالتالارىنىڭ شىنايى قامپايۋىنا مۇمكىندىك جاسادى.
مىنە كوكتەمگى ەگىس جۇمىستارى باستالۋ الدىندا تۇر، اكرام ءمامتىمىن مەن قىستاق ”ەكى كوميتەتى“ باسشىلىق القاسى اقىلداسىپ، قىستاقتاعى بوس تۇرعان 700 مۋ جەردى ۇيلەسىمدى جوبالاپ، سەلبەستىك كووپەراتيۆىن قۇرۋ ءتاسىلى ارقىلى شارۋالاردى كوكونىس ەگۋگە شابىتتاندىرىپ، قىستاق تۇرعىندارىنىڭ كىرىسىن ارتتىرۋعا ءادىس - امال قاراستىردى.
”جاقىنعى جىلداردا قىستاعىمىزدا زور وزگەرىس بولدى، اۋىلداستاردىڭ تۇرمىسى بارعان سايىن جاقساردى، قىستاقتا وندىرىلگەن انار جەلىلەس ونىمدەرى ەلىمىزدىڭ جەر - جەرىنە ساتىلدى. وسى جولى مەملەكەتتىك حالىق قۇرىلتايى ۋاكىلى ءبىزدىڭ جۇرەك ءۇنىمىزدى بەيجيڭگە جەتكىزەدى، ءبىز ايرىقشا تەبىرەندىك“، - دەدى ساي ءمالى قىستاعىنىڭ تۇرعىنى زىلايحان قاسىم.
بۇل كۇندەرى مەن قىستاق تۇرعىندارىن ارالاپ، ماتەريال جينادىم، ويتكەنى حالىق تۇرمىسىمەن جاناسقان جوعارى ساپالى ۇسىنىستاردى جازۋىم كەرەك“. اكرام ءمامتىمىن شاماسىنىڭ جەتىسىنشە اۋىل - قىستاقتى گۇلدەندىرۋگە ءبىر كىسىلىك ۇلەسىن قوسۋدى ءۇمىت ەتتى، ”مەملەكەتتىك حالىق قۇرىلتايى ۋاكىلى رەتىندە، مەن حالىقتىڭ ارمان - تىلەگىن جيناقتاۋعا، اۋىل - قىستاق كاسىپ سالاسىنىڭ دامۋى، اۋىل - قىستاق قۇرىلىسى، وسى زامانعى اۋىل شارۋاشىلىعى سياقتى جاقتاردى توڭىرەكتەي وتىرىپ بەلسەنە اقىل - كەڭەس بەرۋگە قۇلشىنۋىم كەرەك“.
