ما شيڭرۇي اۆتونوميالى رايوندىق پارتكوم رەفورمانى جاپپاي تەرەڭدەتۋ كوميتەتىنىڭ ماجىلىسىندە بىلاي دەپ باسا دارىپتەدى
ستراتەگيالىق سيپاتتى، جاسامپازدىق سيپاتتى، جەتەكشىلىك سيپاتتى ءبىر قىدىرۋ رەفورما شاراسىن شىعارىپ، ماڭىزدى سالالار مەن شەشۋشى بۋىنداردا اناعۇرلىم كوپ تىڭ سەرپىلىسكە قول جەتكىزۋ كەرەك
جاڭ چۇنلين، حى جۇڭيوۋ قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 3 - ايدىڭ 1 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ رەفورمانى جاپپاي تەرەڭدەتۋ كوميتەتى 3 - ايدىڭ 1 - كۇنى تۇستەن كەيىن ءماجىلىس اشىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەت ەكىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ رەفورمانى جاپپاي تەرەڭدەتۋ جونىندەگى ماڭىزدى بايىمداۋىن مۇقيات ۇيرەنىپ، دايەكتىلەندىرىپ، ورتالىق رەفورمانى جاپپاي تەرەڭدەتۋ كوميتەتىنىڭ قاتىستى ورنالاستىرۋلارىن، تالاپتارىن دايەكتىلەندىرىپ، تياناقتاندىرىپ، رايونىمىزدىڭ رەفورمانى جاپپاي تەرەڭدەتۋدەگى ءتۇيىندى قىزمەتتەرىن ورنالاستىردى. اۆتونوميالى رايوندىق پارتكومنىڭ شۋجيى، اۆتونوميالى رايوندىق پارتكوم رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى ما شيڭرۇي ءماجىلىستى باسقاردى.
اۆتونوميالى رايوندىق پارتكومنىڭ ورىنباسار شۋجيلەرى جاڭ چۇنلين، حى جۇڭيوۋ ماجىلىسكە قاتىناستى.
ءماجىلىس «اۆتونوميالى رايوندىق پارتكوم رەفورمانى جاپپاي تەرەڭدەتۋ كوميتەتىنىڭ 2023 - جىلعى قىزمەت تۇيىندەرىن» قارادى، قاشقار ەكونوميكالىق اشۋ رايونىنىڭ جانە قورعاس ەكونوميكالىق اشۋ رايونىنىڭ رەفورما، دامۋ جاعدايىنان مالىمەت تىڭدادى.
ما شيڭرۇي بىلاي دەپ اتاپ كورسەتتى: جەر - جەر، تاراۋلار ساياسي دەڭگەيدى ونان ارى جوعارىلاتىپ، پارتيا 20 - قۇرىلتايىنىڭ رەفورما ورنالاستىرۋلارىن وسكەلەڭ ساياسي سانالىلىقپەن جاپپاي دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحى جانە جاڭا داۋىردەگى پارتيانىڭ شينجياڭدى باسقارۋ جالپى جوباسى سياقتىلاردى دايەكتىلەندىرۋمەن، تياناقتاندىرۋمەن تىعىز ۇشتاستىرىپ، پارتيا 20 - قۇرىلتايى ورنالاستىرعان رەفورما مىندەتتەرىنىڭ شينجياڭنىڭ رەفورما، دامۋ، ورنىقتىلىق قىزمەتتەرىمەن ۇشتاسۋ ءتۇيىنىن ءداپ باسىپ تاۋىپ، ماسەلەنى باعدار ەتۋدەن، نىسانانى باعدار ەتۋدەن جازباي، ستراتەگيالىق سيپاتتى، جاسامپازدىق سيپاتتى، جەتەكشىلىك سيپاتتى ءبىر قىدىرۋ رەفورما شاراسىن شىعارىپ، رەفورما ارقىلى دامۋداعى بوگەتتەردى اشىپ، حالىق تۇرمىسىنداعى قيىن ماسەلەلەردى شەشىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا توقتاۋسىز جاڭا قوزعاۋشى قۋات ۇستەپ، شينجياڭنىڭ باسقارۋ جۇيەسى مەن باسقارۋ قابىلەتىنىڭ وسىزاماندانۋ دەڭگەيىن جوعارىلاتۋ كەرەك.
ما شيڭرۇي بىلاي دەپ باسا دارىپتەدى: شينجياڭ قىزمەتى ءدوپ كەلىپ وتىرعان جاڭا جاعداي، جاڭا مىندەتتەردى ءداپ باسىپ يگەرىپ، كونەسىن قالدىرىپ، جاڭاسىن ورناتۋعا باتىل بولۋ سىندى رەفورمالاۋ، جاڭالىق اشۋ رۋحىن ورناتىپ، رەفورمانى جاپپاي تەرەڭدەتۋ قىزمەتىندە تىڭعىلىقتى ناتيجەگە قول جەتكىزۋدى ىلگەرىلەتۋ كەرەك. ورتالىقتىڭ رەفورما ورنالاستىرۋلارىن جان - جاقتى دايەكتىلەندىرىپ، ورتالىقتىڭ رەفورما شەشىمدەرىن، ورنالاستىرۋلارىن، وتە - موتە، پارتيا 20 - قۇرىلتايىنىڭ رەفورما ورنالاستىرۋلارىن شينجياڭنىڭ ناقتى رەفورما مىندەتىنە اينالدىرىپ، تەكسەرۋ - زەرتتەۋ جۇرگىزۋدى بارىنشا كۇشەيتىپ، شىندىققا جۇگىنىپ، ناقتى ءىس ىستەۋ، شىنايى يگەرىپ، ناقتى ىستەۋ ستيلىن بار كۇشپەن اسقاقتاتىپ، شەگە قاعۋ رۋحىمەن تياناقتاندىرۋدى، ونىمدىلىگىن كورسەتۋدى ىلگەرىلەتۋ كەرەك. اۆتونوميالى رايوننىڭ رەفورمانى جاپپاي تەرەڭدەتۋ مىندەتتەرىن ءبىر تۇتاس جوسپارلاپ ىلگەرىلەتىپ، نازاردى ەكونوميكانىڭ جوعارى ساپالى دامۋى، وقۋ - اعارتۋ جانە عىلىم - تەحنيكا دارىندىلارى، شينجياڭدى زاڭمەن باسقارۋ، ۇلت، ءدىن، حالىق تۇرمىسىن قامتاماسىز ەتۋ جانە جاقسارتۋ، ەكولوگيالىق وركەنيەت قۇرىلىسى، پارتيا قۇرىلىسى سياقتى ءتۇيىندى سالالار مەن شەشۋشى بۋىندارعا شوعىرلاندىرا ۇزبەي كۇش جۇمساپ، ماڭىزدى تۇيىندەردەن قامال الۋ ارقىلى رەفورمانى تەرەڭگە بويلاتۋدى ىلگەرىلەتۋگە جەتەكشىلىك ەتۋ كەرەك. كەلەلى رەفورمالاردى تۇيىندەردە سىناق ەتۋدى تىڭعىلىقتى ىلگەرىلەتىپ، يدەيانى ازات ەتىپ، شىندىقتى ءىس جۇزىنەن ىزدەپ، بەلسەنە ىزدەنىس جاساپ، باتىلدىقپەن جاڭالىق اشىپ، سىناق ءتۇيىنى قىزمەتىنىڭ ونىمدىلىگىن ۇزدىكسىز جوعارىلاتىپ، جالپى جاقتاعى رەفورما ءۇشىن كوشىرۋگە، جالپىلاستىرۋعا بولاتىن تاجىريبەلەردى، ادىستەردى ازىرلەۋ كەرەك. قاشقار، قورعاس ەكونوميكالىق اشۋ رايوندارىنىڭ جوعارى ساپالى دامۋىن جەدەلدەتىپ، شارۋاشىلىق - ساۋدا ورتاسىن ۇزدىكسىز ساپالىلاندىرىپ، باقشا رايونىنىڭ ءتۇزىلىس - مەحانيزم رەفورماسىن تەرەڭدەتىپ، اشىق ەكونوميكالىق تۇزىلىستە جاڭالىق اشىپ، جىبەك جولى ەكونوميكالىق بەلدەۋى وزەكتى رايونىنىڭ ماڭىزدى تىرەك ءتۇيىنىن جانە باتىسقا ەسىك اشۋدىڭ بيىك بەلەسىن قۇلشىنا تۇلعالاۋ كەرەك.
ما شيڭرۇي بىلاي دەپ باسا دارىپتەدى: باستاما اشىپ، قادام باساتىن جىلدا رەفورمانى جاپپاي تەرەڭدەتۋ قىزمەتىن ويداعىداي ىستەۋدىڭ ءمانى زور، جاۋاپكەرشىلىگى اۋىر. جەر - جەر، تاراۋلار رەفورما جاۋاپكەرشىلىگىن شىن مانىندە ارقالاپ، رەفورما مىندەتتەرىن تىڭعىلىقتى ىلگەرىلەتۋى، ءار دارەجەلى پارتكومدار تۇلعالىق جاۋاپكەرشىلىكتەرىن تياناقتاندىرىپ، پارتكوم شۋجيلەرى ءبىرىنشى جاۋاپتى ادام جاۋاپكەرشىلىگىن وتەپ، رەفورمانى بار كۇشپەن يگەرىپ، تياناقتاندىرۋدى جەبەپ، ناقتى ونىمدىلىككە ۇمتىلۋى كەرەك؛ ءارقايسى ارناۋلى گرۋپپا سايكەستىرۋدى، جەتەكشىلىك ەتۋدى كۇشەيتىپ، رەفورما مىندەتتەرىن تياناقتاندىرۋدى باستاماشىلدىقپەن ويداعىداي يگەرۋى كەرەك؛ ءارقايسى باستاماشى تاراۋ جاۋاپكەرشىلىك تانىمىن، تۇلعالىق تانىمدى كۇشەيتىپ، رەفورما مىندەتتەرىن ۋاعىندا، جوعارى ءونىمدى ورىنداۋى كەرەك. ءار دارەجەلى باسشى كادرلار يدەيالىق كوزقاراسقا بۇرىلىس جاساپ، قىزمەت قابىلەتىن جوعارىلاتىپ، نازاردى امالياتتا جولىققان تىڭ ماسەلەلەرگە جانە رەفورما، دامۋ، ورنىقتىلىقتاعى تەرەڭ قاتپارلى ماسەلەلەرگە شوعىرلاندىرا قىزمەتتى ۇزدىكسىز ىلگەرىلەتىپ، قيىن ماسەلەلەردى شەشىپ، شينجياڭنىڭ رەفورمانى جاپپاي تەرەڭدەتۋىندە اناعۇرلىم زور ناتيجەگە قول جەتكىزۋدى تىڭعىلىقتى ىلگەرىلەتىپ، قوعام ورنىقتىلىعى مەن باياندى تىنىشتىقتى جۇزەگە اسىرۋعا پارمەندى قامتاماسىزدىق ازىرلەۋى كەرەك.
جاڭ جۋ، تيان شياڭلي، ۋاڭ ميڭشان، ۋاڭ جيانشين، ياڭ فاسىن، ءيۇسۇپجان مامەت، قادەن كابەن، لي نيڭپيڭ، پيڭ شينلاي، چىن ميڭگو، سۇن حۇڭمەي، ءماردان مۇحيت، ياڭ شيۋلي، ءدىلشات سايىم، گاۋ جيميڭ، دۋ حۇڭيان، اۆتونوميالى رايوندىق پارتكوم رەفورمانى جاپپاي تەرەڭدەتۋ كوميتەتىنىڭ مۇشەلەرى جانە مۇشە ورىندارداعى قاتىستى جاۋاپتى جولداستار قاتارلىلار ماجىلىسكە قاتىناستى.
