قۇرىلىم رەفورماسى مىندەتتەرىن قاز - قالپىندا ناقتاپ تياناقتاندىرايىق
− پارتيا 20 - كەزەكتى ورتالىق كوميتەتى ەكىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
پارتيا مەن مەملەكەت قۇرىلىمدارى رەفورماسىن تەرەڭدەتۋ − پارتيا 20 - قۇرىلتايىنىڭ رۋحىن دايەكتىلەندىرۋدىڭ، تياناقتاندىرۋدىڭ ماڭىزدى شاراسى. مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدەگى شوعىرلى ورنالاستىرۋ.
پارتيا 20 - كەزەكتى ورتالىق كوميتەتىنىڭ ەكىنشى جالپى ءماجىلىسى كەڭ كولەمدە پىكىر الۋ نەگىزىندە العا قويىلعان «پارتيا مەن مەملەكەت قۇرىلىمدارىنىڭ رەفورما جوباسىن» قاراپ ماقۇلدادى. باس شۋجي شي جينپيڭ «پارتيا مەن مەملەكەت قۇرىلىمدارىنىڭ رەفورما جوباسى (جوبا نۇسقا)» جونىندە جالپى ماجىلىسكە تۇسىنىك جاسادى. بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيا مەن مەملەكەت ىستەرىنىڭ دامۋ جالپى جاعدايىن شىعار ءتۇيىن ەتىپ، جاڭا بورىش پەن مىندەتتى، جاڭا ستراتەگيالىق ورنالاستىرۋدى، جاڭا قىزمەت قاجەتىن كوزدەي وتىرىپ جاساعان ماڭىزدى شەشىم - ورنالاستىرۋى، پارتيانىڭ سوتسياليستىك وسىزامانداندىرۋ قۇرىلىسىنا باسشىلىعىنىڭ قۇرىلىم ورنالاستىرۋ جاعىندا اناعۇرلىم عىلمي، قىزمەت فۋنكتسياسىن بەلگىلەۋ جاعىندا اناعۇرلىم ساپالى، ءتۇزىلىس - مەحانيزم جاعىندا اناعۇرلىم كەمەلدى، جۇمىس جۇرگىزۋدى باسقارۋ جاعىندا اناعۇرلىم جوعارى ءونىمدى بولۋىن پارمەندى ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جونىنەن اسا كەلەلى ءارى تەرەڭ ءمان الاتىندىعى ءسوزسىز.
”زەردەلىلەر زامانعا قاراي ءادىس - امال قولدانادى، بىلىكتىلەر جاعدايعا قاراي ءىس ىستەيدى“. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيا مەن مەملەكەت قۇرىلىمدارىنىڭ رەفورماسىن تەرەڭدەتۋدى مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدىڭ ءبىر ماڭىزدى مىندەتى ەتىپ، پارتيانىڭ جاپپاي باسشىلىعىنا تاباندى بولۋ، حالىقتى وزەك ەتۋگە تاباندى بولۋ، ساپالىلاندىرۋعا، سايكەستىرۋگە، جوعارى ءونىمدى بولۋعا تاباندى بولۋ، مەملەكەتتى جاپپاي زاڭمەن باسقارۋعا تاباندى بولۋ پرينسيبى بويىنشا پارتيا مەن مەملەكەت قۇرىلىمدارىنىڭ رەفورماسىن تەرەڭدەتتى. ورتالىق پەن جەرگىلىكتى ءار دارەجەلى، ءار ءتۇرلى قۇرىلىمدار رەفورماسىن جالپى تۇلعالىق سيپاتتا ىلگەرىلەتۋدەن پارتيانىڭ باسشىلىق جۇيەسىن، ۇكىمەتتىڭ باسقارۋ جۇيەسىن، قارۋلى كۇشتەر جۇيەسىن، بۇقارالىق ۇيىمدار قىزمەتى جۇيەسىن قايتا قۇرۋ سيپاتىندا اقاۋسىزداندىرۋعا، ودان پارتيانىڭ باسشىلىق قابىلەتىن، ۇكىمەتتىڭ اتقارۋ قابىلەتىن، قارۋلى كۇشتەردىڭ جاۋىنگەرلىك قۋاتىن، بۇقارالىق ۇيىمداردىڭ ومىرشەڭدىك قۋاتىن جۇيەلى سيپاتتا نىعايتۋعا دەيىن، پارتيا مەن مەملەكەت قۇرىلىمدارىنىڭ فۋنكتسياسىندا جۇيەلىك، تۇتاس تۇلعالىق قايتا قۇرۋدى ىسكە اسىرىپ، جۇڭگوشا سوتسياليستىك ءتۇزىمنىڭ اناعۇرلىم كەمەلدەنۋىن، اناعۇرلىم تۇلعالانۋىن ىلگەرىلەتىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋ دەڭگەيى كورنەكتى جوعارىلاپ، پارتيا مەن مەملەكەت ىستەرىندە تاريحي تابىستارعا قول جەتۋىن، تاريحي سيپاتتى وزگەرىستەر تۋىلۋىن پارمەندى قامتاماسىز ەتۋمەن بىرگە، پارتيا مەن مەملەكەت قۇرىلىمدارىنىڭ رەفورماسىن ۇزدىكسىز تەرەڭدەتۋگە قىمباتتى تاجىريبە توپتادى.
پارتيا مەن مەملەكەت قۇرىلىمدارىنىڭ رەفورماسى − كۇردەلى جۇيەلى ينجەنەريا، ونى وپ - وڭاي ورىنداي سالۋعا، ءبىر - اق جولدا بىتىرۋگە كەلمەيدى. پارتيا 20 - قۇرىلتايى پارتيا مەن مەملەكەت قۇرىلىمدارىنىڭ رەفورماسىن تەرەڭدەتۋ جونىندە ماڭىزدى ورنالاستىرۋ جاساپ، فينانس ءتۇزىلىسى رەفورماسىن تەرەڭدەتۋ، پارتيا ورتالىق كوميتەتىنىڭ عىلىم - تەحنيكا قىزمەتىنە ءبىر تۇتاس باسشىلىق ەتۋ ءتۇزىلىسىن كەمەلدەندىرۋ، ۇكىمەتتىڭ قىزمەت جاۋاپكەرشىلىگى جۇيەسى مەن ۇيىمدىق قۇرىلىمىن ساپالىلاندىرۋ، پارتيا ورتالىق كوميتەتىنىڭ شەشىم جاساۋ، كەڭەسۋ، سايكەستىرۋ قۇرىلىمىن كەمەلدەندىرۋ، قۇرىلىم - شتات بايلىعىن جايعاستىرۋدى ساپالىلاندىرۋ، پارتيا قۇرىلىسى ارقىلى نەگىزگى ساتىنى باسقارۋعا جەتەكشىلىك ەتۋدى ىلگەرىلەتۋ، ارالاس مەنشىكتەگى كاسىپورىنداردىڭ، جالپىلىق مەنشىككە جاتپايتىن كاسىپورىنداردىڭ پارتيا قۇرىلىسى قىزمەتىن كۇشەيتۋ، كاسىپتىك قوعامداردىڭ، عىلمي قوعامداردىڭ، ساۋدا قوعامدارىنىڭ پارتيا قۇرىلىسى قىزمەتىن باسقارۋ ءتۇزىلىسىن رەتكە سالۋ سياقتى جاقتاردا ايقىن تالاپ قويدى. جاڭا جورىقتا شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن كۇشەيتۋدى ءبىر تۇتاس جەتەكشىلىك، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدى باعدار ەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، ”بەستى ءبىر تۇلعالاندىرۋ“ جالپى ورنالاستىرۋىن ءبىر تۇتاس جوسپارلاپ ىلگەرىلەتۋ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋ تالابىنا ۇيلەسىپ، جاڭا دامۋ ارناسىن قۇرۋدىڭ، جوعارى ساپالى دامۋدى ىلگەرىلەتۋدىڭ قاجەتىنە ۇيلەسىپ، ماسەلەنى باعدار ەتۋگە تاباندى بولىپ، پارتيا ورتالىق كوميتەتى قۇرىلىمىن، مەملەكەتتىك حالىق قۇرىلتايى قۇرىلىمىن، مەملەكەتتىك كەڭەس قۇرىلىمىن، مەملەكەتتىك ساياسي كەڭەس قۇرىلىمىن ءبىر تۇتاس جوسپارلاپ، ورتالىق پەن جەرگىلىكتى ورىندى ءبىر تۇتاس جوسپارلاپ، ءتۇيىندى سالالاردىڭ قۇرىلىم رەفورماسىن تەرەڭدەتكەندە، پارتيا مەن مەملەكەت قۇرىلىمدارىنىڭ فۋنكتسيالىق جۇيەسىن پارتيا مەن مەملەكەت ىستەرىنىڭ دامۋ تالابىنا، ءسوز جوق، اناعۇرلىم ويداعىداي ۇيلەستىرۋگە بولادى.
كەزەكتە ەلىمىزدىڭ رەفورماسى، دامۋى جاڭا جاعدايعا، جاڭا مىندەتكە، جاڭا تالاپقا ءدوپ كەلىپ وتىر، توتەپ بەرۋگە ءتيىستى حاۋىپ - قاتەرلەر مەن سىن - سايىستار، شەشۋگە ءتيىستى قايشىلىقتار مەن ماسەلەلەر بۇرىنعىدان دا قىم - قۋىت، كۇردەلى، ءسوزسىز، اناعۇرلىم زور باتىلدىقپەن، اناعۇرلىم كوپ شارالار ارقىلى تەرەڭ قاتپارلى ءتۇزىلىس - مەحانيزمدىك كەدەرگىلەردى الاستاپ، مەملەكەتتى باسقارۋ جۇيەسى مەن باسقارۋ قابىلەتىنىڭ وسىزاماندانۋىن ىلگەرىلەتۋ كەرەك. جالپى جاقتان الىپ قاراعاندا، بۇل رەتكى پارتيا مەن مەملەكەت قۇرىلىمدارىنىڭ رەفورماسى ءتۇيىندى كاسىپتەر مەن سالالاردى كورنەكتىلەندىرگەن، باعىتتامالىلىق سيپاتى ءبىرشاما كۇشتى، تەبىنى ءبىرشاما زور، قامتۋ كولەمى ءبىرشاما كەڭ، شارپيتىن مۇددەلەرى ءبىرشاما تەرەڭ، ماڭىزدى ىستەرگە ساياتىن، قوعام نازار اۋدارىپ وتىرعان ءىشىنارا قيىن ماسەلەلەردى كۇش سالا شەشىپ، ەكونوميكالىق، قوعامدىق دامۋعا ماڭىزدى ىقپال كورسەتەدى. وڭىرلەر، تاراۋلار پارتيا مەن مەملەكەت ىستەرى دامۋى جالپى جاعدايىنىڭ بيىگىندە تۇرىپ، پارتيا مەن مەملەكەت قۇرىلىمدارىنىڭ رەفورماسىنىڭ ماڭىزدىلىعى مەن كوكەي تەستىلىگىن تولىق تانىپ، سانالى تۇردە كەلەلى جاعداي تۇرعىسىنان وي جۇگىرتىپ، كەلەلى جاعداي تۇرعىسىندا ارەكەتتەنىپ، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن سانالى تۇردە بىرلىككە كەلتىرىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ قۇزىرلىلىعى مەن قاتاڭدىعىن باتىل قورعاۋ كەرەك. رەفورما سەنىمى مەن بەكىمىن بەكەمدەپ، ۇيىمدىق باسشىلىقتى كۇشەيتىپ، ءبىر تۇتاس بولۋ سەرپىنىن ارتتىرىپ، ورنىقتىلىق نەگىزگى ارناسىنا تاباندى بولىپ، ادام قىزمەتىن جاقسى ىستەپ، ءتارتىپتى قاتاڭ اتقارىپ، زاڭدىق نەگىزى بولۋدى ىسكە اسىرىپ، قۇرىلىم رەفورماسىن ۇيىمداستىرىپ اتقارۋ قىزمەتىن ۇيىمدى، ساتىلى، ءتارتىپتى تۇردە ىلگەرىلەتىپ، قۇرىلىم رەفورماسى مىندەتىن قاز - قالپىندا ناقتاپ تياناقتاندىرۋ كەرەك.
ءبىر ۇلەسى ورنالاستىرۋدا، توعىز ۇلەسى تياناقتاندىرۋدا. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا 20 - قۇرىلتايىنىڭ رۋحىن مۇقيات دايەكتىلەندىرىپ، تياناقتاندىرىپ، ارتىقشىلىقتاردى اسىرىپ، ولقىلىقتاردى تولىقتاپ، ءالسىز تۇستاردى كۇشەيتۋگە كۇش سالىپ، قۇرىلىم رەفورماسى جوباسىنىڭ قاز - قالپىندا، فورماسىن وزگەرتپەي، قالپىن بۇزباي دايەكتىلەنۋىنە، تياناقتانۋىنا شىنايى كەپىلدىك ەتىپ، جاپپاي سوتسياليستىك وسىزاماندانعان مەملەكەت قۇرۋعا، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە پارمەندى قامتاماسىزدىق ازىرلەيىك!
(شينحۋا اگەنتتىگىنىڭ 3 - ايدىڭ 1 - كۇنى بەيجيڭنەن بەرگەن حابارى)
