پارتيا 20 - قۇرىلتايىنىڭ رۋحىن شىن مانىندە تىڭعىلىقتى تياناقتاندىرايىق
− پارتيا 20 - كەزەكتى ورتالىق كوميتەتى ەكىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
پارتيا 20 - قۇرىلتايى ساياسيدا، نازاريادا، امالياتتا ءبىر قىدىرۋ كەلەلى جەتىستىكتەرگە قول جەتكىزدى. پارتيا 20 - قۇرىلتايىنىڭ رۋحىن ىشكەرىلەي ۇيرەنۋ، ۇگىتتەۋ، دايەكتىلەندىرۋ − قازىرگى ۋاقىتتاعى جانە بۇدان بىلايعى ءبىر مەزگىلدەگى بۇكىل پارتيانىڭ ماڭداي الدى ساياسي مىندەتى. پارتيا 20 - كەزەكتى ورتالىق كوميتەتىنىڭ ەكىنشى جالپى ماجىلىسىندە پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى ۇزدىكسىز تەرەڭدەتە بەرۋ جونىندە ايقىن تالاپ قويىلىپ، ”ۇيرەنۋدىڭ، ۇگىتتەۋدىڭ، دايەكتىلەندىرۋدىڭ تەرەڭدەۋىن، ناقتىلانۋىن ىلگەرىلەتۋ“ باسا دارىپتەلدى، ”پارتيا 20 - قۇرىلتايىنىڭ رۋحىن شىن مانىندە تىڭعىلىقتى تياناقتاندىرۋ“ تالاپ ەتىلدى.
پارتيا 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن ىلگەرىلەتۋ ۇلى جوباسىن كەسكىندەدى، جاڭا ءداۋىردىڭ جاڭا جورىعىنداعى پارتيا مەن مەملەكەت ىستەرى دامۋىنىڭ نىسانا - مىندەتتەرىن ايقىندادى. پارتيا 20 - قۇرىلتايىنىڭ رۋحىن ىشكەرىلەي ۇيرەنۋ، ۇگىتتەۋ، دايەكتىلەندىرۋ پارتيا مەن مەملەكەت ىستەرىندە الدىڭعىلاردىڭ ءىزىن باسىپ، بولاشاققا جول اشۋعا سايادى، جۇڭگوشا سوتسياليزمنىڭ بولاشاعى مەن تاعدىرىنا سايادى، جۇڭحۋا ۇلتىنىڭ ۇلى گۇلدەنۋىنە سايادى، بۇكىل پارتيانى، بۇكىل ەلدەگى ءار ۇلت حالقىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىندە اناعۇرلىم تىعىز ىنتىماقتاسۋعا اتتانىسقا كەلتىرۋ، جۇڭگوشا سوتسياليزم ۇلى تۋىن بيىك ۇستاۋ، جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەۋ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ءۇشىن ىنتىماقتاسا كۇرەس جۇرگىزۋ جونىنەن كەلەلى رەال مانگە جانە اسا تەرەڭ تاريحي مانگە يە. پارتيا 20 - قۇرىلتايىنىڭ رۋحىن ىشكەرىلەي ۇيرەنۋ، ۇگىتتەۋ، دايەكتىلەندىرۋ ۇزدىكسىز ىلگەرىلەتىلەتىن، ۇزدىكسىز تەرەڭدەتىلەتىن بارىس، قازىرگى قىزمەت نەگىزىندە قولايلى ساتتەن پايدالانىپ ىلگەرىلەتىپ، شىنايى دا ءونىمدى شارالاردى ۇزدىكسىز قولدانىپ، ۇيرەنۋدىڭ، ۇگىتتەۋدىڭ، دايەكتىلەندىرۋدىڭ تەرەڭدەۋىن، ناقتىلانۋىن ىلگەرىلەتىپ، بۇكىل پارتيانىڭ، بۇكىل ەلدەگى ءار ۇلت حالقىنىڭ يدەياسىن پارتيا 20 - قۇرىلتايىنىڭ رۋحىمەن بىرلىككە كەلتىرىپ، كۇش - قۋاتتى پارتيا 20 - قۇرىلتايىندا بەلگىلەنگەن ءتۇرلى مىندەتتەرگە شوعىرلاندىرىپ، جۇڭگو ارمانىن ءبىر نيەتپەن جۇزەگە اسىراتىن تەلەگەي كۇش ۇيىستىرۋ كەرەك. دانەكەردى بايىتىپ، تاسىلدە جاڭالىق اشىپ، حالىق بۇقاراسى قۋانا قابىلدايتىن فورمالار ارقىلى پارتيا 20 - قۇرىلتايى رۋحىنىڭ ورگاندارعا ەنۋىن، كاسىپورىن - ءىسورىندارعا ەنۋىن، قالا، اۋىل الەۋمەتتىك اۋماقتارعا جەتۋىن، مەكتەپتەرگە ەنۋىن، اسكەري كازارمالارعا ەنۋىن، ءتۇرلى جاڭا ەكونوميكالىق ۇيىمدار مەن جاڭا قوعامدىق ۇيىمدارعا ەنۋىن، سايتتارعا ەنۋىن ىلگەرىلەتىپ، پارتيا 20 - قۇرىلتايىنىڭ رۋحىن شىن مانىندە جۇرت جۇرەگىنە تەرەڭ ۇيالاتۋ كەرەك.
پارتيا 20 - قۇرىلتايىنىڭ رۋحىن جاپپاي ۇيرەنۋ، جالپى بەتتىك يگەرۋ، جان - جاقتى تياناقتاندىرۋ جاعىندا ءار دارەجەلى باسشى كادرلار ۇزدىكسىز جاقسى باستاماشى، ۇلگى بولۋ كەرەك. اناعۇرلىم كەڭ كوزايامەن، باي مازمۇندى، جاندى امالياتپەن بايلانىستىرىپ، جاڭا ءداۋىردىڭ 10 جىلىنداعى ۇلى وزگەرىستەردىڭ كەلەلى ءمانىن تەرەڭ تانىپ، پارتيا 20 - قۇرىلتايىنداعى پارتيا مەن مەملەكەت ىستەرىنىڭ دامۋى جونىندەگى كەلەلى باعىت - ساياساتتار مەن ستراتەگيالىق ورنالاستىرۋلاردىڭ تاريحي لوگيكاسىن، نازاريالىق لوگيكاسىن، امالياتتىق لوگيكاسىن ىشكەرىلەي ءتۇسىنۋ، بۇل نە، نە ىستەۋ كەرەك، قالاي ىستەۋ كەرەك دەگەندەردى انىق ءتۇسىنىپ، دايەكتىلەندىرۋگە، تياناقتاندىرۋعا بەرىك نەگىز قالاۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىنىڭ دۇنيەگە كوزقاراسىن، ادىستەمەسىن جانە وعان سىڭىرىلگەن تۇرعىنى، كوزقاراستى، ءادىستى جەتىك يگەرىپ، جاعدايعا تۇجىرىم جاساۋعا، ماسەلەلەردى زەرتتەۋگە جانە شەشۋگە پايدالانۋ كەرەك. جاڭا داۋىردەگى جاڭا جورىقتا، ءسوزسىز، جاڭا داۋىردەگى پارتيانىڭ جاسامپاز نازارياسىنا جانە ستراتەگيالىق ورنالاستىرۋىنا، ستراتەگيالىق شارالارىنا بۇلجىماستان تاباندى بولۋ، ستراتەگيالىق سەنىمدى بەكەمدەۋ كەرەكتىگىن جەتە ءتۇسىنۋ كەرەك. جۇڭگو ۇلگىسىندەگى وسىزامانداندىرۋ نازارياسى مەن جاپپاي سوتسياليستىك وسىزاماندانعان مەملەكەت قۇرۋ ستراتەگيالىق ورنالاستىرۋىنىڭ قاتىناسىن تەرەڭ يگەرىپ، جاپپاي سوتسياليستىك وسىزاماندانعان مەملەكەت قۇرۋ ستراتەگيالىق ورنالاستىرۋىنىڭ عىلميلىعىن جانە قاجەتتىلىگىن تەرەڭ ءتۇسىنۋ كەرەك. جاپپاي سوتسياليستىك وسىزاماندانعان مەملەكەت قۇرۋدىڭ ءتۇرلى نىسانا - مىندەتتەرىن جۇزەگە اسىرۋدىڭ ماشاقاتتىلىعى مەن كۇردەلىلىگىن جەتە تانىپ، دايەكتىلەندىرۋ، تياناقتاندىرۋ سانالىلىعى مەن تاباندىلىعىن كۇشەيتۋ كەرەك. جاڭا ءداۋىردىڭ جاڭا جورىعىنداعى پارتيا مەن مەملەكەت ىستەرى دامۋىنىڭ نىسانا - مىندەتتەرىن، ستراتەگيالىق ورنالاستىرۋلارىن، كەلەلى شارالارىن جالپى تۇلعالىق جاقتان يگەرىپ، دايەكتىلەندىرۋدىڭ، تياناقتاندىرۋدىڭ ناقتى جوباسىن، ناقتى شاراسىن ءوز ءوڭىرىنىڭ، ءوز تاراۋىنىڭ ناقتى ءىس جۇزىندىگىمەن تىعىز ۇشتاستىرا وتىرىپ ويداعىداي جاساپ، ويداعىداي اتقارىپ، پارتيا 20 - قۇرىلتايىنىڭ رۋحىن ءبىر - بىرلەپ، ءبىر - ءبىر قاداممەن شىن مانىندە تىڭعىلىقتى تياناقتاندىرۋ كەرەك.
پارتيا 20 - قۇرىلتايى كەسكىندەگەن ۇلى جوبانى تاماشا رەالدىققا اينالدىرۋ ءار دارەجەلى باسشى كادرلاردىڭ جاۋاپكەرشىلىك ارقالاۋىن، ىسكەرلىك كورسەتۋىن قاجەت ەتەدى. ءار دارەجەلى باسشى كادرلار ءوزىن پارتياعا ارناپ، كۇنى - ءتۇنى كوپتىڭ قامىن ويلاپ، ءاردايىم قام جەپ تۇراتىن جاۋاپكەرشىلىك سەزىممەن، بەلسەنە جاۋاپكەرشىلىك ارقالاپ، ىسكەرلىك كورسەتەتىن رۋحاني قايرات - جىگەرمەن پارتيا مەن حالىق ءۇشىن ويداعىداي مىندەت وتەۋى، جاۋاپكەرشىلىكتى ويداعىداي ادا ەتۋى كەرەك. ءىس تىندىرىپ، ناتيجە شىعارۋعا ءتيىمدى تاماشا ورتانى بەلسەنە قالىپتاستىرىپ، باتىلدىقپەن مىندەت ارقالايتىندار ءۇشىن مىندەت ارقالاپ، جاۋاپكەرشىلىك ارقالايتىندار ءۇشىن جاۋاپكەرشىلىك ارقالاپ، جۇمىس تىندىراتىندارعا سۇيەنىش بولىپ، جاۋاپكەرشىلىك ارقالاي الاتىن، ىسكەرلىك كورسەتۋگە شەبەر كادرلاردى بايقاۋعا، باۋلۋعا، ىستەتۋگە شەبەر بولىپ، كادرلاردىڭ جاۋاپكەرشىلىك ارقالاۋىنا، ىسكەرلىك كورسەتۋىنە كەدەرگى بولاتىن ءتۇرلى فاكتورلاردى كۇش سالا جويىپ، جاۋاپكەرشىلىك ارقالاۋدى قالاۋدى، جاۋاپكەرشىلىك ارقالاۋعا باتىلدىق ەتۋدى، جاۋاپكەرشىلىك ارقالاۋعا شەبەر بولۋدى سالتقا اينالدىرۋ كەرەك. كۇرەسكەرلىك رۋحىن، ءسوزسىز، اسقاقتاتىپ، ءتۇرلى حاۋىپ - قاتەر، سىن - سايىستارعا بەلسەنە توتەپ بەرىپ، قايسارلىقپەن كۇرەس جۇرگىزۋ ارقىلى ىستەردى دامىتۋدىڭ جاڭا ءورىسىن اشۋ كەرەك.
بيىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ باستاما جىلى، باستاما جالپى جاعدايعا سايادى، العاشقى قادام سوڭعى بارىستى بەلگىلەيدى. ۋاقىت ادامدى كۇتىپ تۇرمايدى، وراي ادامدى كۇتىپ تۇرمايدى، دامۋ ادامدى كۇتىپ تۇرمايدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، پارتيا قۇرۋ ۇلى رۋحىن اسقاقتاتىپ، ”ءۇش ءسوز جوقتى“ ەستە بەرىك ساقتاپ، وزىنە سەنىپ، ءوزىن الۋەتتەندىرىپ، تۋراشىلدىقتان اينىماي، جاڭالىق اشىپ، قايراتتانا العا ۇمتىلىپ، قايسارلىقپەن سايىسىپ، جۇڭگو ۇلگىسىندەگى وسىزامانداندىرۋ قۇرىلىسىن تىڭعىلىقتى ىلگەرىلەتىپ، پارتيا 20 - قۇرىلتايىندا بەلگىلەنگەن نىسانا - مىندەتتەردى جۇزەگە اسىرۋ جولىندا بىرگە كۇرەس جۇرگىزەيىك.
(شينحۋا اگەنتتىگىنىڭ 3 - ايدىڭ 2 - كۇنى بەيجيڭنەن بەرگەن حابارى)
