مۇشە سۇڭ ياجۇن:
تىڭعىلىقتى تەكسەرۋ - زەرتتەۋ جۇرگىزىپ، جوعارى ساپالى ۇسىنىس جوبالاردى العا قويامىن
□ انار بۇلت \ شينجياڭ گازەتىنىڭ ءتىلشىسى چىن چياڭۋي
2 - ايدىڭ 21 - كۇنى ءۇرىمجى كەدەن مەكەمەسىنىڭ جيىن زالىندا مەملەكەتتىك ساياسي كەڭەستىڭ شينجياڭداعى مۇشەسى سۇڭ ياجۇن ءۇرىمجى كەدەنىنىڭ كەدەن قىزمەتكەرلەرىمەن بيىلعى ۇسىنىس جوبالاردى تەكسەرۋ - زەرتتەۋ جونىندە پىكىر اۋىستىرىپ جاتتى.
”بۇل مەنىڭ تۇڭعىش رەت مەملەكەتتىك ساياسي كەڭەستىڭ شينجياڭداعىمۇشەسى سالاۋاتىممەن مەملەكەتتىك ەكى ماجىلىسكە قاتىناسۋىم، قۋانىشپەن بىرگە ءبىراز قوبالجۋ دا بار، شاتتانۋ دا، قىسىم دا بار“. سۇڭ ياجۇن بىلاي دەدى: بۇل كۇندەرى ۋاقىتتى قولدان جىبەرمەي تەكسەرۋ - زەرتتەۋ جۇرگىزىپ، ۇسىنىس جوبالاردى ونان ارى كەمەلدەندىردىم، ۇيرەنۋ، تەكسەرۋ - زەرتتەۋ جۇرگىزۋ ارقىلى مەملەكەت جوسپارى مەن حالىق تۇرمىسىنا، اۆتونوميالى رايوننىڭ دامۋىنا ساياتىن، سونداي - اق بۇقارا ءزارۋ بولىپ وتىرعان ماسەلەلەردى مەملەكەتتىك ەكى ماجىلىسكە ويداعىداي دايىنداپ الا بارماقشىمىن.
وسىنداي سەنىمدى ارقالاعان سۇڭ ياجۇن قاربالاس قىزمەتتەن ۋاقىت شىعارىپ قاتىستى ورىندارعا بارىپ تەكسەرۋ - زەرتتەۋ جۇرگىزدى، نەگىزگى ساتىنىڭ ءبىرىنشى شەبىنە بارىپ جاعداي ۇعىستى، كاسىپتەگى قيىن تۇيىندەردى، تالماۋ تۇيىندەردى ۇعىسىپ، ۇسىنىس جوبالاردى ۇقىپتىلىقپەن وڭدەدى. ول شينجياڭنىڭ ەنەرگيا ارناسى رولىن ساۋلەلەندىرىپ، كەن ونىمدەرى بايلىعىن يمپورت ەتۋ، سونداي - اق جەر سىلكىنىسىنىڭ الدىن الۋ، اپات شىعىنىن ازايتۋ، توتەپ بەرۋ جاقتارىنداعى ۇسىنىس جوبالاردى دايىنداۋدا.
جۇڭگونىڭ شينجياڭى ازيا − ەۆروپا قۇرلىعىنىڭ ىشكى وڭىرىنە ورنالاسقان، 8 مەملەكەتپەن شەكارالاسادى، ەلىمىزدىڭ باتىسقا ەسىك اشۋىنىڭ الدىڭعى شەبى جانە جىبەك جولى ەكونوميكالىق بەلدەۋىنىڭ وزەكتى رايونى، سونداي - اق مەملەكەتتىڭ ماڭىزدى كەشەندى ەنەرگيا بازاسى. سونىمەن قاتار توڭىرەگىندەگى ەلدەردىڭ كەن بايلىعى مول، ەكى جاقتىڭ ەنەرگيا، بايلىق سالاسىنداعى سەلبەستىگىنىڭ بولاشاعى كەڭ. ەلىمىزدىڭ مۇناي - تابيعي گاز بايلىعى سالىستىرمالى تاپشى، سوندىقتان دا كوپ تۇلعالى، كوپ ارنالى ەنەرگيامەن قامداۋ ارناسىن قالىپتاستىرىپ، ەنەرگيامەن قامداۋدىڭ ورنىقتىلىعىن قامتاماسىز ەتىپ، ەنەرگيا بايلىعىن ورنالاستىرۋدى ساپالىلاندىرۋدىڭ ماڭىزى زور.
سۇڭ ياجۇن مىنالاردى ءبىلدىردى: «جۇڭحۋا حالىق رەسپۋبليكاسىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسى جانە 2035 - جىلعا دەيىنگى ۇزاق بولاشاقتىق نىسانا باعدارلاماسىندا» شينجياڭنىڭ ”ءۇش بازا، ءبىر ارنا“ قۇرىلىسىن جەدەلدەتۋ كەرەكتىگى ايقىن ورتاعا قويىلعان، مۇنداعى ارنا دەگەن ەلىمىزدىڭ ەنەرگيا بايلىعىنىڭ قۇرلىقتاعى ۇلكەن ارناسى سانالادى، بۇل مەملەكەتتىڭ شينجياڭنىڭ بولاشاق دامۋىنا قويعان تالابى. بۇل قىزمەتتى ويداعىداي ىستەۋدە، شينجياڭنىڭ وڭىرلىك ورىن باسىمدىعىمەن ۇشتاستىرىپ، ”شىعىسپەن بىرلەسىپ، باتىسقا شىعارۋ“ رولىن تولىق ساۋلەلەندىرۋگە بولادى.
سۇڭ ياجۇن ەكونوميكالىق، قوعامدىق دامۋمەن تىعىز بىرلەستىرىپ، جوعارى ساپالى ۇسىنىس جوبالاردى تاپسىرۋدىڭ ساياسي كەڭەس مۇشەسىنىڭ ماڭىزدى قىزمەت جاۋاپكەرشىلىگى ەكەندىگىن ءبىلدىردى. ونىڭ بۇرىن العا قويعان لاشىقتى اۋماقتاردى وزگەرتىپ سالۋدى ىلگەرىلەتۋ جاقتارىنداعى ۇسىنىس جوباسىنا اۆتونوميالى رايون ايرىقشا ءمان بەرگەن ءارى وسى قىزمەتتىڭ ورىستەتىلۋى شىنايى ىلگەرىلەتىلگەندىكتەن، ءبىر توپ بۇقارانىڭ قونىستانۋ شارت - جاعدايى جاقسارعان، بۇل وعان ايرىقشا تابىس سەزىمىن سيلادى.
”مەن حالىق تۇرمىسى سالاسىنداعى تالماۋ ءتۇيىندى، قيىن ءتۇيىندى ماسەلەلەرگە باسا نازار اۋدارىپ، اناعۇرلىم دالمە - ءدال ويداعىداي تەكسەرۋ - زەرتتەۋ جۇرگىزىپ، شەشىم ەتۋ جوبالارىن اناعۇرلىم ىشكەرىلەي، تىڭعىلىقتى العا قويىپ، سوڭىندا العا قويىلاتىن ۇسىنىس جوبالاردىڭ بارلىعىنىڭ بۇقارانىڭ ءۇنىن شىنايى، ناقتى اڭىس ەتە الۋىنا شىنايى كەپىلدىك ەتىپ، ماسەلەلەردى اناعۇرلىم ويداعىداي شەشەمىن. مەن ۇيرەنۋدى ۇزدىكسىز كۇشەيتىپ، ويداعىداي مىندەت اتقارىپ، جاۋاپكەرشىلىگىمدى ادا ەتەمىن“، - دەدى سۇڭ ياجۇن.
