جاڭا ءداۋىردىڭ جاڭا جورىعىنداعى نىسانا - مىندەتتەردى جۇزەگە اسىرۋعا اقىل - پاراسات جانە كۇش - قۋات ۇيىستىرايىق
− مەملەكەتتىك ساياسي كەڭەس 14 - كەزەكتى كوميتەتى 1 - ءماجىلىسىنىڭ اشىلعاندىعىن قىزۋ قۇتتىقتايمىز
حالىق گازەتىنىڭ باسماقالاسى
كوكتەمگى تولقىندا قايراتتانا جەلكەن جايدى. 3 - ايدىڭ 4 - كۇنى مەملەكەتتىك ساياسي كەڭەس 14 - كەزەكتى كوميتەتىنىڭ 1 - ءماجىلىسى بەيجيڭدە سالتاناتپەن اشىلدى. جاڭا كەزەكتى مەملەكەتتىك ساياسي كەڭەستىڭ 34 سالادان كەلگەن، 2100دەن استام مۇشەسى جاڭا ءداۋىردىڭ ايبىندى شىعىس جەلىمەن ميلليارد حالىقتىڭ ىقىلاستى تىلەگىن ارقالاپ، استانادا بىرگە باس قوسىپ، مەملەكەت ءىسىن بىرگە اقىلداستى. ءبىز ءماجىلىستىڭ اشىلعاندىعىن قىزۋ قۇتتىقتايمىز!
جاڭا داۋىردەگى 10 جىل اسا وزگەشە، وتە ەرەكشە بولدى. شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ ەكونوميكانى ورنىقتىرىپ، دامۋدى جەبەپ، كەدەيلىكتى جەڭىپ، دوڭگەلەك داۋلەتتىلىك ورناتىپ، ىندەتتى تىزگىندەپ، اۋىر اپاتقا قارسى اتتانىپ، وزگەرىسكە توتەپ بەرىپ، داعدارىستى جويىپ، دۇنيەنى جالت قاراتقان ۇلى تابىستارعا قول جەتكىزدى، ەلىمىزدىڭ جاپپاي سوتسياليستىك وسىزاماندانعان مەملەكەت قۇرۋ جاڭا جورىعىنا قادام تاستاۋىن ىلگەرىلەتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ بوگەۋ بەرمەس تاريحي ۇردىسكە قادام تاستادى. اسىرەسە، وتكەن 5 جىلدا ءبىز دۇنيە ءجۇزى وزگەرىس جاعدايىنىڭ ۋشىعۋى، جاڭا تيپتى ايدارشا ۆيرۋس ىندەتىنىڭ سوققىسى جانە ەل ءىشى ەكونوميكاسىنىڭ تومەندەۋى سياقتى قات - قابات سىناقتاردان سۇرىنبەي ءوتىپ، مۇلدەم كەدەيلىك ماسەلەسىن تاريحي سيپاتتى شەشتىك، جاپپاي دوڭگەلەك داۋلەتتى قوعامدى دەر كەزىندە ورناتىپ، ءبىرىنشى 100 جىلدىق كۇرەس نىساناسىن جۇزەگە اسىرىپ، ىندەتتەن ساقتانۋ - تىزگىندەۋدىڭ كەلەلى شەشۋشى جەڭىسىنە قول جەتكىزىپ، ادامزات وركەنيەتى تاريحىندا جان سانى كوپ ەلدىڭ ىندەتتىڭ جاپپاي تارالۋىنان ءساتتى وتۋىندەي كەرەمەتتى جاراتىپ، قايراتتانا ءىس تىندىرۋ رۋحىمەن جاڭا داۋىردەگى جۇڭگوشا سوتسياليزمدى ۇزدىكسىز العا قاراي ىلگەرىلەتتىك. پارتيا مەن مەملەكەت ىستەرىندە قول جەتكەن تاريحي سيپاتتى تابىستار، تۋىلعان تاريحي سيپاتتى وزگەرىستەر شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ جەمىسى، بۇكىل ەلدەگى ءار ۇلت حالقىنىڭ قاجىرلىلىقپەن كۇرەس جاساۋىنىڭ جەمىسى، سونداي - اق ءارقايسى دەموكراتيالىق پارتيا - توپتاردى، ساۋدا - ونەركاسىپشىلەر بىرلەستىگىن جانە پارتيادا، توپتا جوق قايراتكەرلەردى قامتىعان بىرلىكساپ شەبىندەگى قالىڭ مۇشەلەردىڭ بىردەي قۇلشىنىس جاساۋىنىڭ جەمىسى.
مەملەكەت ءۇشىن مىندەت وتەپ، جاۋاپكەرشىلىك ارقالاۋدى ايگىلەدى، حالىق ءۇشىن جاۋاپكەرشىلىكتى ادا ەتىپ، اۋەلگى ماقساتتى امالياتتا ايگىلەدى. 5 جىلدان بەرى، حالىق ساياسي كەڭەسى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ورتالىقتىڭ ساياسي كەڭەس قىزمەتى ءماجىلىسىنىڭ رۋحىن ىشكەرىلەي دايەكتىلەندىرىپ، وزەكتى تىعىز ارقاۋ ەتىپ، كەلەلى جاعدايعا قىزمەت وتەپ، ارناۋلى كەڭەس قۇرىلىمى قۇرىلىسىن ناقتى، ءونىمدى تەرەڭدەتىپ، زەيىن - زەردە مەن كۇش - قۋاتتى ۇيىستىرا وتىرىپ ۇلتتى گۇلدەندىرۋ تاريحي ۇلى ىسىنە بىرگە ات سالىسىپ، داۋىرمەن بىرگە ىلگەرىلەي وتىرىپ حالىق ساياسي كەڭەسىنىڭ امالياتتا جاڭالىق اشۋىن، نازاريادا جاڭالىق اشۋىن، تۇزىمدە جاڭالىق اشۋىن ىلگەرىلەتىپ، حالىق ساياسي كەڭەس ىستەرىندە جاڭا رايدى، جاڭا بەينەنى ايگىلەپ، پارتيا مەن مەملەكەت ىستەرىنىڭ دامۋىنا تىڭ ۇلەس قوستى.
پارتيا 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋدىڭ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ ايبىندى جوباسىن كەسكىندەدى، جاڭا ءداۋىردىڭ جاڭا جورىعىنداعى پارتيا مەن مەملەكەت ىستەرى دامۋىنىڭ نىسانا - مىندەتتەرىن ايقىندادى، جاڭا جورىقتا ەكپىندەي ىلگەرىلەۋدىڭ ءداۋىر دابىلىن قاقتى. قازىر دۇنيە ءجۇزىنىڭ وزگەرىسى، ءداۋىردىڭ وزگەرىسى، تاريحتىڭ وزگەرىسى بۇرىن بولىپ كورمەگەن تاسىلمەن ورىستەۋدە، ەلىمىزدىڭ دامۋى ستراتەگيالىق وراي مەن حاۋىپ - قاتەر، سايىستار قاتار ءومىر سۇرگەن، تۇراقسىز، مەجەلەۋ قيىن فاكتورلار كوبەيگەن داۋىرگە قادام تاستادى، ءسوز جوق، اساۋ تولقىنداردىڭ، ءتىپتى، داۋىلدى تولقىنداردىڭ اۋىر سىناعىنان سۇرىنبەي وتۋگە ساقاداي ساي تۇرۋىمىز كەرەك. جاعداي قانشاما كۇردەلى بولعان سايىن، مىندەت قانشاما جاپالى بولعان سايىن جۇڭگو كوممۋنيستىك پارتياسى باسشىلىعىنىڭ ساياسي ابزالدىلىعىن جانە جۇڭگوشا سوتسياليزمنىڭ ءتۇزىم ابزالدىلىعىن سولعۇرلىم ساۋلەلەندىرۋ، يدەيا مەن ارەكەتتى پارتيا 20 - قۇرىلتايىندا ورتاعا قويىلعان كەلەلى شەشىمدەرمەن، ورنالاستىرۋلارمەن شىنايى بىرلىككە كەلتىرىپ، جاڭا ءداۋىردىڭ جاڭا جورىعىنداعى نىسانا - مىندەتتەردى جۇزەگە اسىرۋعا اقىل - پاراسات پەن كۇش - قۋاتتى كەڭ كولەمدە ۇيىستىرۋ كەرەك.
كۇش ىنتىماقتان كەلەدى، باقىتتىڭ قاينارى كۇرەستە. ايبىندى جوبانى جۇزەگە اسىرۋ بۇكىل ەل بويىنشا جوعارىدان تومەنگە دەيىن ىنتىماقتاسا كۇرەس جاساۋدى قاجەت ەتەدى. حالىق ساياسي كەڭەسى ىنتىماقتىڭ ارقاسىندا دۇنيەگە كەلىپ، ىنتىماقپەن ءومىر ءسۇرىپ، ىنتىماققا سۇيەنىپ كوركەيىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا زەيىن - زەردە مەن كۇش - قۋاتتى ۇيىستىراتىن ماڭىزدى بورىش ارقالاپ وتىر. جاڭا ءداۋىردىڭ جاڭا جورىعىنداعى جاڭا مىندەت، جاڭا تالاپ الدىندا حالىق ساياسي كەڭەسى ەڭ كەڭ وتانشىلدىق بىرلىكساپ ۇيىمى رەتىندەگى يقۋاتىن ساۋلەلەندىرىپ، ۇلى ىنتىماققا، ۇلى بىرلىككە تاباندى بولىپ، بارلىق جۇڭحۋا پەرزەنتتەرىن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى توڭىرەكتەي وتىرىپ بىرگە وي جۇگىرتۋگە، بىرگە ىستەۋگە جۇمىلدىرىپ، ءارقايسى جىكتىڭ، ءارقايسى جاقتىڭ اقىل - پاراساتى مەن كۇش - قۋاتىن ەڭ جوعارى شەكتە ۇيىستىرىپ، تۇتاس قوعامنىڭ، بارلىق ۇلتتىڭ بەلسەندىلىگىن، ىرىقتىلىعىن، جاسامپازدىعىن ەڭ جوعارى شەكتە ساۋلەلەندىرگەندە، ءسوز جوق، جۇڭگو ارمانىن ءبىر نيەتپەن جۇزەگە اسىراتىن تەلەگەي بىرىككەن كۇش قالىپتاستىرا الادى.
كەڭەستىك دەموكراتيا جالپى بارىستىق حالىق دەموكراتياسىن امالياتتا ايگىلەۋدىڭ ماڭىزدى فورماسى، حالىق ساياسي كەڭەسى سوتسياليستىك كەڭەستىك دەموكراتيانىڭ ماڭىزدى ارناسى جانە ارناۋلى كەڭەس قۇرىلىمى، حالىق ساياسي كەڭەس ءتۇزىمى كوپ جاقتى دارالىق ابزالدىلىققا يە. العا باسۋ جولىندا جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس تۇزىمىنە تاباندى بولىپ جانە ونى كەمەلدەندىرىپ، پارتيانىڭ باسشىلىعىنىڭ، بىرلىكساپتىڭ، كەڭەستىك دەموكراتيانىڭ ورگانيكالى ۇشتاسۋىنا تاباندى بولىپ، دەموكراتيانى ساۋلەلەندىرۋ مەن ىنتىماقتى نىعايتۋدىڭ ءوزارا ۇلاسۋىنا، سىندارلى اقىل - كەڭەس بەرۋ مەن ورتاق تانىمدى ۇيىستىرۋدىڭ قوس باعىتتا كۇش سالۋىنا تاباندى بولىپ، حالىق ساياسي كەڭەسىنىڭ ارناۋلى كەڭەس قۇرىلىمىندىق رولىن ساۋلەلەندىرىپ، تۇزىمدەندىرۋ، ولشەمدەندىرۋ، تارتىپتەندىرۋ سياقتى يقۋات قۇرىلىسىن كۇشەيتىپ، كەڭەستىك ىقپالداستىقتى تەرەڭدەتۋ، پىكىردى تولىق جەتكىزۋ، ورتاق تانىمدى كەڭ كولەمدە ۇيىستىرۋ دەڭگەيىن جوعارىلاتىپ، حالىق ساياسي كەڭەسىنىڭ ءتۇزىم ابزالدىلىعىن مەملەكەتتى باسقارۋ ونىمدىلىگىنە اناعۇرلىم ويداعىداي اينالدىرۋ كەرەك.
بيىل پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلى. باستاما جالپى جاعدايعا سايادى، العاشقى قادام سوڭعى بارىستى بەلگىلەيدى. جاڭا نىسانانى بەتكە الىپ، قايراتتانا تاعى دا اتتانعان حالىق ساياسي كەڭەسىنىڭ بورىشى داڭقتى، جاۋاپكەرشىلىگى اۋىر. جاڭا كەزەكتى مەملەكەتتىك ساياسي كەڭەس مۇشەلەرىنىڭ ”مەملەكەتتىڭ ءىرى ءىسىن“ ەستە بەرىك ساقتاپ، تاريحي ىرىقتىلىقتى كۇشەيتىپ، مۇقياتتىلىقپەن مىندەت وتەپ، جاۋاپكەرشىلىكتى ادا ەتىپ، جاڭا جورىقتىڭ تاماشا باستاماسىن جۇزەگە اسىرۋعا شىنايى ۇسىنىس بەرۋگە، تاماشا شارا قاراستىرۋعا، مىعىم شارا شىعارۋعا قۇلشىنۋىن كۇتەمىز. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، سەنىمدى بەكەمدەپ، نيەتتەس، تىلەكتەس بولىپ، باس الماي قاجىرلىلىقپەن ىستەپ، جاپپاي سوتسياليستىك وسىزاماندانعان مەملەكەت قۇرۋدىڭ باستاماسىن جاقسى اشۋعا، قادامىن جاقسى باسۋعا، ەكىنشى 100 جىلدىق كۇرەس نىساناسىن جۇزەگە اسىرۋعا بەرىك نەگىز قالايىق.
ءماجىلىستىڭ تولىق تابىستى بولۋىن تىلەيمىز!
(شينحۋا اگەنتتىگىنىڭ 3 - ايدىڭ 3 - كۇنى بەيجيڭنەن بەرگەن حابارى)
