تيانشان تورى
تيانشان تورى   ›   جاڭالىقتار   ›   شينجياڭ حابارلارى

14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىنە قاتىناساتىن شينجياڭ ۋاكىلدەر ۇيىرمەسى جالپى جيىن وتكىزدى

  14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىنە قاتىناساتىن شينجياڭ ۋاكىلدەر ۇيىرمەسى جالپى جيىن وتكىزدى

  ما شيڭرۇيدى ۋاكىلدەر ۇيىرمەسىنىڭ باستىعىنا، ەركىن تۇنيازدى، ءزۇمىرات وبۇلدى ورىنباسار باستىعىنا سايلادى

  انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 3 - ايدىڭ 3 - كۇنى بەيجيڭنەن حابارلايدى. ءماجىلىستىڭ ءبىر تۇتاس ورنالاستىرۋى بويىنشا، 3 - ايدىڭ 3 - كۇنى تۇستەن كەيىن 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىنە قاتىناساتىن شينجياڭ ۋاكىلدەر ۇيىرمەسى وزدەرى تۇرعان ورىندا جالپى جيىن وتكىزدى.

  داۋىسقا سالۋ ارقىلى جيىن ما شيڭرۇيدى شينجياڭ ۋاكىلدەر ۇيىرمەسىنىڭ باستىعىنا، ەركىن تۇنيازدى، ءزۇمىرات وبۇلدى ورىنباسار باستىعىنا سايلادى.

  جيىن 14 - كەزەكتى مەملەكەتتىك حالىق قۇرىلتايى 1 - ءماجىلىسى ءتوراعالار القاسىنىڭ جانە باس حاتشىسىنىڭ ەسىمدىگى جوباسىن، ءماجىلىستىڭ كەڭەستىك ءتارتىپ جوباسىن قارادى.

  جيىن مىنالاردى باسا دارىپتەدى: 14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى پارتيا 20 - قۇرىلتايى اشىلعاننان كەيىنگى تۇڭعىش رەتكى مەملەكەتتىك حالىق قۇرىلتايى، بۇكىل پارتيانىڭ، بۇكىل ەلدەگى حالىقتىڭ اقىل - پاراساتى مەن كۇش - قۋاتىن ۇيىستىرىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، جاڭا داۋىردەگى جاڭا جورىقتا جاپپاي سوتسياليستىك وسىزاماندانعان قۇدىرەتتى مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ جونىنەن كەلەلى مانگە يە. ساياسي دەڭگەيدى جوعارىلاتىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەتى ەكىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، يدەيا مەن ارەكەتتى باس شۋجي شي جينپيڭنىڭ ماڭىزدى سوزدەرىنىڭ رۋحىمەن جانە پارتيا ورتالىق كوميتەتىنىڭ ورنالاستىرۋلارىمەن، تالاپتارىمەن شىنايى بىرلىككە كەلتىرىپ، سانالىلىقپەن يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك. مىندەتىن مۇقيات ورىنداپ، جاۋاپكەرشىلىگىن ادا ەتىپ، تاسقىنداعان ساياسي ىنتامەن، اسقاق رۋحاني كۇيمەن، كۇشتى جاۋاپكەرشىلىك تانىممەن، قاتاڭ مىندەت وتەۋ رۋحىمەن، نەگىزگى زاڭ مەن زاڭ جۇكتەگەن مىندەت جاۋاپكەرشىلىگىن زاڭ بويىنشا اتقارىپ، دەموكراتيالىق ۇقىقتى دۇرىس جۇرگىزىپ، سايلاۋ قىزمەتىن مۇقيات ويداعىداي ىستەپ، باس شۋجيدىڭ، پارتيا ورتالىق كوميتەتىنىڭ تاپسىرعان كەلەلى ساياسي مىندەتتەرىن جاپپاي ورىنداۋ كەرەك. تارتىپكە قاتاڭ بويسۇنىپ، شىندىققا جۇگىنىپ، ناقتى ءىس ىستەيتىن، شىنايى يگەرىپ، ناقتى ىستەيتىن ارەكەتىمىزبەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا تياناقتاندىرىپ، ءماجىلىستىڭ تابىستى بولۋىنا بەلسەندى ۇلەس قوسۋ كەرەك.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.