تيانشان تورى
تيانشان تورى   ›   جاڭالىقتار   ›   ماڭىزدى حابارلار

مەملەكەتتىك ساياسي كەڭەس 14 - كەزەكتى كوميتەتىنىڭ 1 - ءماجىلىسى بەيجيڭدە اشىلدى

  مەملەكەتتىك ساياسي كەڭەس 14 - كەزەكتى كوميتەتىنىڭ 1 - ءماجىلىسى بەيجيڭدە اشىلدى

  شي جينپيڭ، لي كىچياڭ، لي جانشۋ، لي چياڭ، جاۋ لىجي، حان جىڭ، ساي چي، ديڭ شۋەشياڭ، لي شي، ۋاڭ چيشان ماجىلىسكە قاتىناسىپ، قۇتتىقتادى

  ۋاڭ ياڭ ساياسي كەڭەس 13 - كەزەكتى كوميتەتى تۇراقتى كوميتەتىنىڭ قىزمەتىنەن بايانداما جاسادى، ۋاڭ حۋنيڭ ءماجىلىستى باسقاردى، شاۋ حۇڭ ۇسىنىس جوبا قىزمەتى جاعدايىنان بايانداما جاسادى

  3 - ايدىڭ 4 - كۇنى جۇڭگو حالىق ساياسي ءماسليحات كەڭەسى 14 - كەزەكتى مەملەكەتتىك كوميتەتىنىڭ 1 - ءماجىلىسى بەيجيڭ حالىق سارايىندا اشىلدى. سۋرەتتە: شي جينپيڭ، لي كىچياڭ، لي جانشۋ، ۋاڭ ياڭ، لي چياڭ، جاۋ لىجي، حان جىڭ، ساي چي، ديڭ شۋەشياڭ، لي شي، ۋاڭ چيشان ءتوراعالار مىنبەسىنەن ورىن الدى.

   □ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

  3 - ايدىڭ 4 - كۇنى جۇڭگو حالىق ساياسي ءماسليحات كەڭەسى 14 - كەزەكتى مەملەكەتتىك كوميتەتىنىڭ 1 - ءماجىلىسى بەيجيڭ حالىق سارايىندا اشىلدى. 13 - كەزەكتى مەملەكەتتىك ساياسي كەڭەستىڭ ءتوراعاسى ۋاڭ ياڭ ساياسي كەڭەس 13 - كەزەكتى مەملەكەتتىك كوميتەتى تۇراقتى كوميتەتى اتىنان ماجىلىسكە قىزمەتتەن بايانداما جاسادى.

  □ سۋرەتتى شينحۋا اگەنتتىگىنىڭ ءتىلشىسى ديڭ حايتاۋ تۇسىرگەن

  3 - ايدىڭ 4 - كۇنى جۇڭگو حالىق ساياسي ءماسليحات كەڭەسى 14 - كەزەكتى مەملەكەتتىك كوميتەتىنىڭ 1 - ءماجىلىسى بەيجيڭ حالىق سارايىندا اشىلدى. ۋاڭ حۋنيڭ اشىلۋ ءماجىلىسىن باسقاردى.

   □ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

  شينحۋا اگەنتتىگىنىڭ 3 - ايدىڭ 4 - كۇنى بەيجيڭنەن بەرگەن حابارى. اسقاق جىگەرمەن قايراتتانا ۇمتىلىپ، گۇلدەنۋ ۇلى ىسىنە بىرگە ات سالىسىپ، جىگەرلەنە العا باسىپ، ءداۋىر تاماشا تاراۋىن قايتا جازدى. شۇعىلالى جىلداردى باستان وتكىزگەن، ىنتىماق جانە دەموكراتيا سىندى ەكى ۇلكەن تاقىرىپقا تاباندى بولعان حالىق ساياسي كەڭەسى تاعى ءبىر ماڭىزدى تاريحي ءساتتى قارسى الدى: جۇڭگو حالىق ساياسي ءماسليحات كەڭەسى 14 - كەزەكتى مەملەكەتتىك كوميتەتىنىڭ 1 - ءماجىلىسى 3 - ايدىڭ 4 - كۇنى تۇستەن كەيىن حالىق سارايىندا اشىلدى.

  3 - ايداعى بەيجيڭدە كوكتەم لەبى ەسەدى. حالىق سارايىنىڭ 10 مىڭ ادامدىق ۇلكەن زالىندا شىراقتار جاقۇتتاي جارقىراپ، زال سالتاناتتى، دۋماندى مەرەيگە شومدى. جۇڭگو حالىق ساياسي ءماسليحات كەڭەسىنىڭ گەربى ءتوراعالار مىنبەسىنىڭ تورىنە ءىلىنىپ، ەكى جاعىنا بەستەن نارت قىزىل تۋ قويىلعان.

  مەملەكەتتىك ساياسي كەڭەس 14 - كەزەكتى كوميتەتىنىڭ 1 - ماجىلىسىنە قاتىناسۋعا ءتيىستى مۇشە 2169 ادام، ناقتى قاتىناسقانى 2132 ادام، بۇل بەلگىلەمەدەگى ادام سانىنا ۇيلەسەدى.

  مەملەكەتتىك ساياسي كەڭەس 14 - كەزەكتى كوميتەتى 1 - ءماجىلىسى ءتوراعالار القاسىنىڭ تۇراقتى ءتوراعالارى ۋاڭ حۋنيڭ، شى تايفىڭ، حۋ چۇنحۋا، شىن يۋەيۋە، ۋاڭ يۇڭ، جوۋ چياڭ، پابالا گىلەلاڭجيە، حى حوۋحۋا، لياڭ جىنيىڭ، باتىر، سۋ حۇي، شاۋ حۇڭ، گاۋ يۇنلۇڭ ءتوراعالار مىنبەسىنىڭ الدىڭعى قاتارىنان ورىن الدى.

  پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، لي چياڭ، جاۋ لىجي، حان جىڭ، ساي چي، ديڭ شۋەشياڭ، لي شي، ۋاڭ چيشان قاتارلىلار ءتوراعالار مىنبەسىنەن ورىن الىپ، ءماجىلىستىڭ اشىلعاندىعىن قۇتتىقتادى.

  تۇستەن كەيىن ساعات 3تە ۋاڭ حۋنيڭ ءماجىلىستىڭ اشىلعاندىعىن جاريالادى، زالداعىلار تۇگەل ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى.

  13 - كەزەكتى مەملەكەتتىك ساياسي كەڭەستىڭ ءتوراعاسى ۋاڭ ياڭ ساياسي كەڭەس 13 - كەزەكتى مەملەكەتتىك كوميتەتى تۇراقتى كوميتەتى اتىنان ماجىلىسكە قىزمەتتەن بايانداما جاسادى. ۋاڭ ياڭ بىلاي دەپ باسا دارىپتەدى: جۇڭگو كوممۋنيستىك پارتياسىنىڭ 20 - قۇرىلتايى جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدىڭ ۇلى جوباسىن كەسكىندەپ، پارتيا مەن مەملەكەت ىستەرىنىڭ دامۋىنا العا باسۋ بەتالىسىن اناعۇرلىم ايقىن كورسەتتى. حالىق ساياسي كەڭەسى شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ورتالىقتىڭ ساياسي كەڭەس قىزمەتى ءماجىلىسىنىڭ رۋحىن ۇزدىكسىز ىشكەرىلەي دايەكتىلەندىرىپ، ءتۇرلى فۋنكتسيالاردى مۇقيات اتقارىپ، جالپى بارىستىق حالىق دەموكراتياسىن امالياتتا ايگىلەپ، جۇڭحۋا پەرزەنتتەرىنىڭ ۇلى ىنتىماعىن جەبەپ، جۇڭگو كوممۋنيستىك پارتياسىنىڭ 20 - قۇرىلتايىندا بەلگىلەنگەن نىسانا - مىندەتتەردى جۇزەگە اسىرۋعا جاڭا ۇلەس قوسۋ كەرەك.

  وتكەن 5 جىلداعى قىزمەتتەردى قورىتىندىلاعاندا، ۋاڭ ياڭ بىلاي دەپ اتاپ كورسەتتى: جۇڭگو كوممۋنيستىك پارتياسىنىڭ 19 - قۇرىلتايىنان بەرگى 5 جىل ايرىقشا ەرەكشە 5 جىل بولدى. شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتى جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، قاتاڭ دا كۇردەلى حالىقارالىق جاعداي مەن ءتۇرلى حاۋىپ - قاتەر، سايىستارعا ءونىمدى توتەپ بەرىپ، جاپپاي دوڭگەلەك داۋلەتتى قوعامدى ۋاعىندا ورناتىپ، ءبىرىنشى 100 جىلدىق كۇرەس نىساناسىن جەڭىسپەن جۇزەگە اسىردى، پارتيا مەن مەملەكەت ىستەرى كۇللى الەمدى جالت قاراتقان كەلەلى تابىسقا قول جەتكىزىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ بوگەۋ بەرمەس تاريحي ۇردىسكە كىردى. 5 جىلدان بەرى شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتى حالىق ساياسي كەڭەسى قىزمەتىنە باسشىلىعىن جاپپاي كۇشەيتىپ، تۇڭعىش رەت ورتالىقتىڭ ساياسي كەڭەس قىزمەتى ءماجىلىسىن اشىپ، «جۇڭگو كوممۋنيستىك پارتياسى ورتالىق كوميتەتىنىڭ جاڭا داۋىردە حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى پىكىرىن» جاساپ، حالىق ساياسي كەڭەسى ىستەرىنىڭ دامۋىنا ءتۇبىرلى ساياسي كەپىلدىك ازىرلەدى. ساياسي كەڭەس مەملەكەتتىك كوميتەتى جانە ونىڭ تۇراقتى كوميتەتى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جۇڭگو كوممۋنيستىك پارتياسى 19 - قۇرىلتايىنىڭ جانە 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، ساياسي كەڭەستىڭ سيپاتىن، ورنىن دۇرىس يگەرىپ، وزەكتى تىعىز ارقاۋ ەتە وتىرىپ كەلەلى جاعدايعا قىزمەت ەتىپ، ارناۋلى كەڭەستىك قۇرىلىم قۇرىلىسىن ناقتى، ءونىمدى تەرەڭدەتىپ، زەيىن - زەردەنى ۇيىستىرىپ، كۇش - قۋاتتى توپتاپ، ۇلتتىڭ گۇلدەنۋى تاريحي ۇلى ىسىنە بىرگە ات سالىسىپ، حالىق ساياسي كەڭەسىنىڭ امالياتتا جاڭالىق اشۋىن، نازاريادا جاڭالىق اشۋىن، تۇزىمدە جاڭالىق اشۋىن داۋىرمەن جارىسا ىلگەرىلەتىپ، حالىق ساياسي كەڭەسى ىستەرىندە جاڭا راي، جاڭا بەينە ايگىلەنىپ، پارتيا مەن مەملەكەت ىستەرىنىڭ دامۋىنا تىڭ ۇلەس قوستى.

  ۋاڭ ياڭ باياندامادا شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋ، دايەكتىلەندىرۋ، نازاردى پارتيا مەن مەملەكەتتىڭ وزەكتى مىندەتىنە شوعىرلاندىرىپ مىندەت وتەپ، جاۋاپكەرشىلىكتى ادا ەتۋ، ساياسي كەڭەستىڭ كەڭەس ساپاسىن جوعارىلاتۋ، ورتاق تانىم ۇيىستىرۋ قىزمەتتەرىن كەڭ كولەمدى ورىستەتۋ، ەڭ كەڭ كولەمدى وتانشىلدىق بىرلىكساپ ۇيىمىندىق رولىن تولىق ساۋلەلەندىرۋ، قىزمەتتە جاڭالىق اشۋدى ىلگەرىلەتۋ، ءوز قۇرىلىسىن كۇشەيتۋ سياقتى 7 جاقتان 13 - كەزەكتى مەملەكەتتىك ساياسي كەڭەستىڭ قىزمەتىن ەسكە الىپ، ءسوز جوق، جۇڭگو كوممۋنيستىك پارتياسىنىڭ جاپپاي باسشىلىعىنا تيتتەي دە بۇلجىماستان تاباندى بولۋ، ءسوز جوق، حالىق ساياسي كەڭەسىنىڭ سيپاتىن، ورنىن دۇرىس يگەرۋ، ءسوز جوق، نازاردى وزەكتى قىزمەتكە شوعىرلاندىرىپ كەڭەسۋ ونىمدىلىگىن ۇزدىكسىز جوعارىلاتۋ، ءسوز جوق، ىنتىماق جانە دەموكراتيا سىندى 2 ۇلكەن تاقىرىپقا تاباندى بولۋ، ءسوز جوق، ساياسي كەڭەس مۇشەلەرىنىڭ جاۋاپكەرشىلىگىن، مىندەت ارقالاۋىن ۇزدىكسىز كۇشەيتۋ سياقتى باستى تۇسىنىكتەرىن قورىتىندىلادى ءارى الداعى قىزمەتتەرگە ۇسىنىس بەردى.

  ساياسي كەڭەس 13 - كەزەكتى مەملەكەتتىك كوميتەتى تۇراقتى كوميتەتىنىڭ تاپسىرۋىمەن، شاۋ حۇڭ ماجىلىسكە 13 - كەزەكتى مەملەكەتتىك ساياسي كەڭەستىڭ ۇسىنىس جوبا قىزمەتى جاعدايىنان بايانداما جاسادى. ول بىلاي دەدى: 13 - كەزەكتى مەملەكەتتىك ساياسي كەڭەس كەزىندە، ساياسي كەڭەس مۇشەلەرى، ساياسي كەڭەسكە قاتىناسۋشى ورىندار جانە ارناۋلى كوميتەتتەر ”مەملەكەتتىڭ زور ىسىنە“، حالىق قاداعالاي نازار اۋدارعان ىستەرگە تىعىز بايلانىستىرىپ ۇسىنىس جوبا بەرىپ، شىنايى كەڭەس ۇسىنىپ، ناقتى شارا كورسەتىپ، ورتاق تانىم ۇيىستىردى. 5 جىلدان بەرى جيىنى 29 مىڭ 323 ۇسىنىس جوبا تاپسىرىپ الىندى، تەكسەرۋ ارقىلى 23 مىڭ 818ى ەستەلىككە الىندى. 2023 - جىلى 2 - ايدىڭ سوڭىنا دەيىن ۇسىنىس جوبانىڭ %99.8ى ءبىتىرىلدى جانە وعان جاۋاپ قايتارىلدى. مەملەكەتتىك ساياسي كەڭەس قاتىستى تاراپتارمەن ىشكەرىلەي كەڭەس ورىستەتىپ، ۇسىنىس جوباداعى كوپتەگەن پىكىرلەر مەن ۇسىنىستار قاتىستى جوبا ساياساتتارىندا جانە شارالارىندا ايگىلەندى.

  ما شيڭرۇي، ۋاڭ چىن، ۋاڭ ي، يىن لي، ليۋ حى، ليۋ گوجۇڭ، شۇي چيلياڭ، سۇن چۇنلان، لي گانجيە، لي شۋلەي، لي حۇڭجۇڭ، ياڭ شياۋدۋ، حى ۋيدۇڭ، حى ليفىڭ، جاڭ يوۋشيا، جاڭ گوچيڭ، چىن ۋىنچيڭ، چىن جي - نيڭ، چىن مين - ىر، يۋان جياجۇن، حۋاڭ كۇنميڭ، ليۋ جينگو، ۋاڭ شياۋحۇڭ، ساۋ جيانميڭ، جاڭ چۇنشيان، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايما چىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا، ۋي فىڭحى، شياۋ جيە، جاۋ كىجى، جاڭ جۇن، ليۋ چيباۋ، ۋان گاڭ، لۋ جانگۇڭ، ما بياۋ، چىن شياۋگۋاڭ، شيا باۋلۇڭ، ياڭ چۋانتاڭ، لي بين، ۋاڭ يۇڭچيڭ، جىڭ جيانباڭ، گۋ شىڭزۋ، ليۋ شينچىڭ، حى ۋي قاتارلى باسشى جولداستار دا ءتوراعالار مىنبەسىنەن ورىن الدى.

  جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ قاتىستى تاراۋلارىنداعى جاۋاپتى جولداستار ۇسىنىس بويىنشا اشىلۋ ماجىلىسىنە سىرتتاي قاتىناستى. شەتەلدەردىڭ جۇڭگودا تۇراتىن ەلشىلەرى، شەتەلدەگى چياۋباۋ قاتارلىلار ۇسىنىس بويىنشا اشىلۋ ماجىلىسىنە قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.