تيانشان تورى
تيانشان تورى   ›   جاڭالىقتار   ›   ماڭىزدى حابارلار

14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى دايىندىق جيىنىن وتكىزدى

  14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى دايىندىق جيىنىن وتكىزدى

  ءماجىلىستىڭ ءتوراعالار القاسىن جانە باس حاتشىسىن سايلاپ شىقتى، ءماجىلىستىڭ كەڭەستىك تارتىپتەرىن داۋىسقا سالىپ ماقۇلدادى

  لي جانشۋ جيىندى باسقاردى

  شينحۋا اگەنتتىگىنىڭ 3 - ايدىڭ 4 - كۇنى بەيجيڭنەن بەرگەن حابارى. 14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى 3 - ايدىڭ 4 - كۇنى تۇستەن بۇرىن بەيجيڭ حالىق سارايىندا دايىندىق جيىنىن وتكىزدى. 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ جيىندى باسقاردى. جيىن 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ ءتوراعالار القاسىن جانە باس حاتشىسىن سايلاپ شىقتى، 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ كەڭەستىك تارتىپتەرىن داۋىسقا سالىپ ماقۇلدادى.

  14 - كەزەكتى مەملەكەتتىك حالىق قۇرىلتايىنىڭ قازىر 2977 ۋاكىلى بار. 3 - ايدىڭ 3 - كۇنىنە دەيىن ءماجىلىستىڭ حاتشىلار باسقارماسىنا كەلىپ تىزىمدەلگەن ۋاكىل 2962 ادام. 3 - ايدىڭ 4 - كۇنگى دايىندىق جيىنىنا 2951 ادام قاتىناستى، 26 ادام قاتىناسپادى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

  لي جانشۋ: 14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى 2023 - جىلى 3 - ايدىڭ 5 - كۇنى اشىلادى، ءماجىلىستىڭ ءتۇرلى دايىندىق قىزمەتى تولىق اياقتالدى، - دەپ جاريالادى.

  لي جانشۋ بىلاي دەپ اتاپ كورسەتتى: 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ جەتەكشى يدەياسى − شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەتىنىڭ ءبىرىنشى، ەكىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، حالىق قۇرىلتايى تۇزىمىنە تاباندى بولىپ جانە ونى كەمەلدەندىرىپ، جالپى بارىستىق حالىق دەموكراتياسىن دامىتىپ، پارتيا مەن مەملەكەت قىزمەتىنىڭ كەلەلى جاعدايىن مىقتاپ ارقاۋ ەتىپ، نەگىزگى زاڭدا جانە زاڭداردا جۇكتەلگەن قىزمەت جاۋاپكەرشىلىگىن مۇقيات اتقارىپ، ءماجىلىستىڭ ءتۇرلى مىندەتتەرىن تولىق ورىنداپ، ءماجىلىستى دەموكراتيالى، ىنتىماقتى، شىندىققا ۇمتىلعان، ەكپىندەي العا ىلگەرىلەگەن ءماجىلىس ەتىپ اشىپ، بۇكىل ەلدەگى ءار ۇلت حالقىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسۋعا جۇمىلدىرىپ، سەنىمدى بەكەمدەپ، ءبىر نيەت، ءبىر تىلەكتە بولىپ، بارىن سالا جاپالىلىقپەن ىستەپ، ەرلىكپەن العا ىلگەرىلەپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋ.

  مەملەكەتتىك حالىق قۇرىلتايىنىڭ ۇيىمدىق زاڭى مەن مەملەكەتتىك حالىق قۇرىلتايىنىڭ ءىس قاراۋ ەرەجەسىندە ءتوراعالار القاسىنىڭ مەملەكەتتىك حالىق قۇرىلتايىنىڭ ءماجىلىسىن باسقاراتىندىعى بەلگىلەنگەن.

  دايىندىق جيىندا سايلانىپ شىققان ءماجىلىس ءتوراعالار القاسى ءار جاقتاعى ۋاكىل قايراتكەرلەردەن 192 ادامدى قامتىدى، ولاردىڭ ىشىندە پارتيا مەن مەملەكەت باسشىلارى، ورتالىق اسكەري ىستەر كوميتەتىنىڭ مۇشەلەرى، دەموكراتيالىق پارتيا، توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق ۋاكىل قايراتكەرلەر، ورتالىق پەن مەملەكەت ورگاندارىنىڭ قاتىستى ورىندارىنداعى باسشى كادرلار قاتارلىلار، حالىقتىق ۇيىمداردىڭ جاۋاپتىلارى، ولكەلەردىڭ، اۆتونوميالى رايونداردىڭ، توتە قاراستى قالالاردىڭ، شياڭگاڭ ەرەكشە اكىمشىلىك رايونىنىڭ، اۋمىن ەرەكشە اكىمشىلىك رايونىنىڭ، ازاتتىق ارميا مەن قارۋلى ساقشى بولىمدەرى ۋاكىلدەر ۇيىرمەلەرىنىڭ جاۋاپتىلارى قاتارلىلار، شياڭگاڭ ەرەكشە اكىمشىلىك رايونى، اۋمىن ەرەكشە اكىمشىلىك رايونى، كاسىپورىن، عىلىم - تەحنيكا، قوعامدىق عىلىمدار، وقۋ - اعارتۋ، ادەبيەت - كوركەمونەر، دەنساۋلىق ساقتاۋ، دەنە تاربيە، چياۋمين سالاسى، ءدىن سالاسى ۋاكىلدەرى، سونداي - اق جۇمىسشى، شارۋا، ازاتتىق ارميا، قارۋلى ساقشى سياقتى نەگىزگى ساتى ۋاكىلدەرى، جان سانى ءبىر ميلليوننان اساتىن از ۇلتتاردىڭ ۋاكىلدەرى قاتارلىلار بار. لي حۇڭجۇڭ ءماجىلىستىڭ باس حاتشىسى بولدى.

  دايىندىق جيىندا 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ 9 ءتۇرلى كەڭەس ءتارتىبى ماقۇلداندى.

  مەملەكەتتىك حالىق قۇرىلتايىنىڭ ءىس قاراۋ ەرەجەسىنە ساي، ءار كەزەكتى مەملەكەتتىك حالىق قۇرىلتايى 1 - ءماجىلىسىنىڭ دايىندىق جيىنىن الدىڭعى كەزەكتى مەملەكەتتىك حالىق قۇرىلتايى تۇراقتى كوميتەتى باسقارادى. 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايما چىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا، باس حاتشى ياڭ جىن - ۋ جيىنعا قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.