شي جينپيڭ جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى
جوعارى ساپالى دامۋ سىندى وسى ماڭداي الدى مىندەتتى مىقتى يگەرۋ كەرەك
3 - ايدىڭ 5 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ءوزى قۇرامىندا بولعان 14 - كەزەكتى مەملەكەتتىك حالىق قۇرىلتايى 1 - ماجىلىسىندەگى جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناستى.
□ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
شينحۋا اگەنتتىگىنىڭ 3 - ايدىڭ 5 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 5 - كۇنى تۇستەن كەيىن ءوزى قۇرامىندا بولعان 14 - كەزەكتى مەملەكەتتىك حالىق قۇرىلتايى 1 - ماجىلىسىندەگى جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى: جوعارى ساپالى دامۋ − جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتى. ءسوز جوق، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، قاي - قاشان دا جاڭالىق اشۋدىڭ، سايكەسۋدىڭ، جاسىل بولۋدىڭ، اشىق بولۋدىڭ، بىرگە يگىلىككە كەنەلۋدىڭ ىشكى بىرلىگى ارقىلى دامۋدى يگەرىپ، دامۋدى تارازىلاپ، دامۋدى ىلگەرىلەتۋ؛ ءسوز جوق، ساپانىڭ ءونىمدى جوعارىلاۋى مەن ساننىڭ ۇيلەسىمدى ارتۋىن اناعۇرلىم ويداعىداي ءبىر تۇتاس جوسپارلاپ، قاي - قاشان دا ساپانى ءبىرىنشى ورىنعا قويۋعا، ونىمدىلىكتى الدىڭعى ورىنعا قويۋعا تاباندى بولىپ، ساپا تانىمىن بارىنشا كۇشەيتىپ، ساپانى تىرشىلىككە بالاۋ، جوعارى ساپانى تالپىنىس ەتۋ؛ ءسوز جوق، رەفورما جاساۋدى، ەسىك اشۋدى بۇلجىماي تەرەڭدەتىپ، دامۋ تاسىلىنە ىشكەرىلەي بۇرىلىس جاساپ، ونىمدىلىك وزگەرىسى، قوزعاۋشى كۇش وزگەرىسى ارقىلى ساپا وزگەرىسىن جەبەپ، باياندى، جوعارى ساپالى دامۋ ءتۇزىلىس مەحانيزمىن جەدەل قالىپتاستىرۋ؛ ءسوز جوق، حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋدى شىعار ءتۇيىن جانە تابان تىرەر تياناق ەتىپ، دامۋ جەتىستىكتەرىن تۇرمىس ساپاسىنا ۇزدىكسىز اينالدىرىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك.
شي جينپيڭ جياڭسۋ ۋاكىلدەر ۇيىرمەسىنە كەلگەندە، زالدان دۋ قول شاپالاق ءۇنى كوتەرىلدى.
جياڭسۋ ۋاكىلدەر ۇيىرمەسى باياندامانى مۇقيات قاراپ شىقتى، ورتا ەرەكشە دۋماندى بولدى. شۇي كۇنلين، ليۋ چيڭ، شان زىڭحاي، ۋي چياۋ، جاڭ دادۇڭ، ۋ چيڭۋىن قاتارلى 6 ۋاكىل جەكە - جەكە بۇكىل ەلدىڭ جاڭا دامۋ ارناسىن قالىپتاستىرۋىنا قىزمەت وتەۋ، وڭىرلەردىڭ سەلبەسىپ جاڭالىق اشۋىن بار كۇشپەن ىلگەرىلەتۋ، جاساۋ كاسىبىنىڭ اسقار شىڭىنا شىعۋعا بۇلجىماي تاباندى بولۋ، جاڭا داۋىردەگى ويداعىداي ”جاڭا شارۋا“ بولۋ، پارتيا ءۇشىن دارىندى تاربيەلەۋ، جۇڭگو ۇلگىسىندەگى وسىزامانداندىرۋ قۇرىلىسىنىڭ ويداعىداي باستاماشىسى بولۋ سياقتى ماسەلەلەر جونىندە ءسوز سويلەدى. شي جينپيڭ ءالسىن - ءالى ءسوز قىستىرىپ، كوپشىلىكپەن پىكىر اۋىستىردى.
كوپشىلىكتىڭ ءسوزىن مۇقيات تىڭداعاننان كەيىن، شي جينپيڭ ءسوز سويلەدى. ول الدىمەن ۇكىمەت قىزمەتىنەن باياندامانى قۇپتايتىندىعىن ءبىلدىردى، جياڭسۋدىڭ 5 جىلدان بەرگى ەكونوميكالىق، قوعامدىق دامۋ مەن پارتيا قۇرىلىسى جاقتارىندا قول جەتكىزگەن تابىستارىن تولىق تۇراقتاندىردى، جياڭسۋدىڭ ۇزدىكسىز شىنايى يگەرىپ، ناقتى ىستەپ، قايراتتانا العا ۇمتىلىپ، جوعارى ساپالى دامۋدا ۇزدىكسىز الدىڭعى لەكتە ءجۇرىپ، ”قۋاتتى، باي، كورىكتى، دەڭگەيى جوعارى“ جاڭا جياڭسۋ وسىزامانداندىرۋ قۇرىلىسىنىڭ جاڭا تاراۋىن جازۋعا تاماشا باستاما اشىپ، بۇكىل ەلدىڭ كەلەلى جاعدايىنا تىڭ دا اناعۇرلىم زور ۇلەس قوسۋىن ءۇمىت ەتتى.
شي جينپيڭ بىلاي دەپ اتاپ كورسەتتى: جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جەدەل جۇزەگە اسىرۋ − جوعارى ساپالى دامۋدى ىلگەرىلەتۋدە، ءسوز جوق، باسىپ وتەتىن جول. قيان - كەسكى حالىقارالىق باسەكەدە، ءبىز دامۋدىڭ جاڭا سالاسىن، جاڭا جارىس جولىن اشىپ، دامۋدىڭ جاڭا قوزعاۋشى قۋاتىن، جاڭا باسىمدىعىن سومداۋدا، تۇپتەپ كەلگەندە، عىلىم - تەحنيكادا جاڭالىق اشۋعا سۇيەنەمىز. ءبىزدىڭ ۋاعىندا جاپپاي سوتسياليستىك وسىزاماندانعان قۇدىرەتتى ەل قۇرىپ شىعا الۋ - الماۋىمىزدىڭ تەتىگى − عىلىم - تەحنيكادا ءوز كۇشىمىزگە سۇيەنىپ، ءوزىمىزدى الۋەتتەندىرۋىمىزدە. ”ءتورتتى بەتكە الۋعا“ تاباندى بولىپ، جاڭالىق اشۋ ارقىلى دامۋعا دەم بەرۋ ستراتەگياسىن جەدەل اتقارىپ، ءوندىرۋ، وقىتۋ، زەرتتەۋ جاعىنداعى تەرەڭ سەلبەستىكتى ىلگەرىلەتىپ، كەلەلى عىلىم - تەحنيكادا جاڭالىق اشۋ تۇعىرى قۇرىلىسىن كۇش سالا كۇشەيتىپ، شوقتىعى بيىك عالىمداردىڭ باستاماشى بولىپ، ءتول جاسامپازدىق سيپاتتى، جەتەكشىلىك سيپاتتى عىلىم - تەحنيكادان قامال الۋىنا قولداۋ كورسەتىپ، شەشۋشى، وزەكتى تەحنيكالىق قيىن ماسەلەلەردەن قۇلشىنا قامال الىپ، ءتۇيىندى سالالاردا، شەشۋشى بۋىنداردا دەربەس مەڭگەرۋدى جۇزەگە اسىرۋ كەرەك. كاسىپورىنداردىڭ تۇلعالىق ورنىن كۇشەيتىپ، جاڭالىق اشۋ تىزبەگىنىڭ، كاسىپ سالاسى تىزبەگىنىڭ، قارجى تىزبەگىنىڭ، دارىندىلار تىزبەگىنىڭ تەرەڭدەي توعىسۋىن ىلگەرىلەتىپ، عىلىم - تەحنيكالىق تىرەكتى كاسىپورىنداردىڭ جەتەكشىلىك، تىرەكتىك رولىن ساۋلەلەندىرىپ، عىلىم - تەحنيكالىق ورتا، شاعىن، ۇساق كاسىپورىنداردىڭ اقاۋسىز جەتىلۋىن جەبەپ، عىلىم - تەحنيكا جەتىستىكتەرىن كادەگە جاراتۋ جانە كاسىپ سالالاندىرۋ دەڭگەيىن ۇزدىكسىز جوعارىلاتىپ، الەمدىك ىقپالعا يە كاسىپ سالاسى عىلىم - تەحنيكاسىندا جاڭالىق اشۋ ورتالىعىن كۇش سالا قۇرۋ كەرەك. عىلىم - تەحنيكا ءتۇزىلىسى رەفورماسىن تەرەڭدەتىپ، جاسامپاز مادەنيەتتى كۇش سالا جەتىلدىرىپ، عىلىم - تەحنيكالىق باعالاۋ جۇيەسى مەن ىنتالاندىرۋ مەحانيزمىن اقاۋسىزداندىرىپ، جاڭالىق اشۋشى دارىندىلاردىڭ توپ جارىپ العا شىعۋىنا، دارىنىن بارىنشا ايگىلەۋىنە تاماشا ورتا ازىرلەۋ كەرەك.
شي جينپيڭ بىلاي دەپ اتاپ كورسەتتى: جاڭا دامۋ ارناسىن جەدەل قالىپتاستىرۋ − جوعارى ساپالى دامۋدى ىلگەرىلەتۋدىڭ ستراتەگيالىق نەگىزگى ءتۇيىنى. ىشكى سۇرانىستى كەڭەيتۋ ستراتەگياسىن اتقارۋدى قامداۋ جاعىنداعى قۇرىلىمدىق رەفورمانى تەرەڭدەتۋمەن ورگانيكالى ۇشتاستىرىپ، وسىزاماندانعان كاسىپ سالاسى جۇيەسىن جەدەل ورناتۋ كەرەك. ەكونوميكانى دامىتۋدىڭ كۇش سالۋ ءتۇيىنىن ناقتى ەكونوميكاعا اۋدارۋعا تاباندى بولىپ، جاڭاشا ونەركاسىپتەندىرۋدى ىشكەرىلەي ىلگەرىلەتىپ، كاسىپ سالاسى نەگىزىن قايتا تۇلعالاۋ مەن كەلەلى تەحنيكالىق جابدىقتاردان قامال الۋدى كۇشەيتىپ، جاساۋ كاسىبىنىڭ جوعارى دەڭگەيلى، زەردەلى، جاسىل دامۋىن ىلگەرىلەتىپ، جاساۋ كاسىبىندە قۋاتتى ولكە قۇرۋدى جەدەلدەتىپ، ستراتەگيالىق جاڭادان گۇلدەنگەن كاسىپ سالالارىن زور كۇشپەن دامىتىپ، سيفرلى ەكونوميكانى جەدەل دامىتۋ كەرەك. جوعارى دەڭگەيلى سوتسياليستىك بازار شارۋاشىلىعى ءتۇزىلىسىن ورناتۋ، جوعارى دەڭگەيدە سىرتقا ەسىك اشۋدى ىلگەرىلەتۋ تالابى بويىنشا، ءتۇيىندى سالالارداعى رەفورمانى ىشكەرىلەي ىلگەرىلەتىپ، وسىزاماندانعان نەگىزدىك قۇرىلعى جۇيەسى مەن جوعارى ولشەمدى بازار جۇيەسى قۇرىلىسىن ءبىر تۇتاس جوسپارلاپ ىلگەرىلەتىپ، تۇزىمدىك ەسىك اشۋدى ورنىقتى كەڭەيتۋ كەرەك.
شي جينپيڭ بىلاي دەپ باسا دارىپتەدى: اۋىل شارۋاشىلىعىندا قۋاتتى ەل قۇرۋ − سوتسياليستىك وسىزاماندانعان قۇدىرەتتى ەل قۇرۋدىڭ نەگىزى، اۋىل شارۋاشىلىعىن وسىزامانداندىرۋدى ىلگەرىلەتۋ − جوعارى ساپالى دامۋدى جۇزەگە اسىرۋدىڭ قاجەتتى تالابى. ەگىستىك جەر قىزىل سىزىعىن قاتاڭ ساقتاپ، استىق ەگىلەتىن جەر اۋدانىن ورنىقتىرىپ، جوعارى ولشەمدى ەگىنجاي قۇرىلىسىن كۇشەيتىپ، استىقپەن جانە ماڭىزدى اۋىل شارۋاشىلىعى ونىمدەرىمەن ورنىقتى، حاۋىپسىز قامداۋدى شىنايى قامتاماسىز ەتۋ كەرەك. كاسىپ سالاسىن گۇلدەندىرۋدى اۋىل - قىستاقتى گۇلدەندىرۋدىڭ ەڭ ماڭىزدى ءتۇيىنى ەتىپ، اۋىل شارۋاشىلىعى كاسىپ سالاسى تىزبەگىن بەلسەنە ۇزارتىپ جانە كەڭەيتىپ، اۋىل - قىستاقتىڭ جاڭا كاسىپ سالاسىن، جاڭا كاسىپ كۇيىن جەتىلدىرىپ، دامىتىپ، شارۋالاردىڭ كىرىسىن ارتتىرىپ، بايۋ ارناسىن ۇزدىكسىز كەڭەيتۋ كەرەك. قالاشىق، قىستاقتاردىڭ ورنالاسىم جوباسىن ساپالىلاندىرىپ، اۋىل - قىستاق نەگىزدىك قۇرىلعىلارى مەن الەۋمەتتىك قىزمەت وتەۋ جۇيەسى قۇرىلىسىن ءبىر تۇتاس جوسپارلاپ، اۋىل - قىستاقتىڭ قونىس ورتاسىن رەتتەۋ - وڭاۋ، دەڭگەيىن جوعارىلاتۋ ارەكەتىن ىشكەرىلەي اتقارىپ، قونىسقا جايلى، كاسىپكە ىڭعايلى، جاراسىمدى دا كورىكتى اۋىل - قىستاق قۇرۋدى جەدەلدەتۋ كەرەك. عىلىم - تەحنيكا مەن رەفورما سىندى قوس جەتەكتى كۇشەيتىپ، اۋىل - قىستاق جەر ءتۇزىمى رەفورماسىن تەرەڭدەتىپ، اۋىل - قىستاقتىڭ نەگىزگى تيجارات ءتۇزىمىن بەكەمدەپ جانە كەمەلدەندىرىپ، جاڭاشا اۋىل - قىستاق كوللەكتيۆ شارۋاشىلىعىن دامىتىپ، جاڭاشا اۋىل شارۋاشىلىق تيجارات تۇلعالارى مەن قوعامدانعان قىزمەت وتەۋدى دامىتىپ، اۋىل - قىستاقتاردىڭ ۇيلەسىمدى كولەمدەگى تيجاراتىن دامىتىپ، اۋىل شارۋاشىلىعىنىڭ، اۋىل - قىستاقتىڭ دامۋىنا قوزعاۋشى كۇش ۇستەپ، ومىرشەڭدىك كۇش قوسۋ كەرەك.
شي جينپيڭ بىلاي دەپ اتاپ كورسەتتى: حالىقتىڭ باقىتتى، امان - ەسەن بولۋى − جوعارى ساپالى دامۋدى ىلگەرىلەتۋدەگى ەڭ سوڭعى ماقسات. نەگىزگى ساتىنى باسقارۋ مەن حالىق تۇرمىسىن قامتاماسىز ەتۋ حالىق بۇقاراسىنىڭ ءتول مۇددەسىنە سايادى، بىرگە بايۋدى جەبەۋدىڭ، جوعارى ساپالى تۇرمىس قالىپتاستىرۋدىڭ نەگىزدىك ينجەنەرياسى، ءار دارەجەلى پارتكومدار مەن ۇكىمەتتەر، ءسوز جوق، ەستە بەرىك ساقتاپ، قاي - قاشان دا مىقتى يگەرىپ، تىڭعىلىقتى ونىمدىلىككە قول جەتكىزۋگە شىنايى كەپىلدىك ەتۋ كەرەك. نەگىزگى ساتى پارتيا ۇيىمى باسشىلىعىنداعى نەگىزگى ساتى بۇقاراسىنىڭ ءوزىن - ءوزى باسقارۋ مەحانيزمىن اقاۋسىزداندىرىپ، نەگىزگى ساتىنىڭ ۇيىمدىق قۇرىلىسىن كۇشەيتىپ، توركوزدەندىرىپ باسقاراتىن، ەگجەي - تەگجەيلى قىزمەت وتەيتىن، ينفورماتسيالاندىرۋ تىرەك بولاتىن نەگىزگى ساتىنى باسقارۋ تۇعىرىن كەمەلدەندىرىپ، قالا، اۋىل الەۋمەتتىك اۋماقتارىن باسقارۋ جۇيەسىن اقاۋسىزداندىرىپ، حالىق بۇقاراسىن ەسىك الدىنداعى ساپالى قىزمەت وتەۋمەن جانە ەگجەي - تەگجەيلى باسقارۋمەن قامداۋ كەرەك. جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، جاڭا جاعدايداعى حالىق ىشىندەگى قايشىلىقتاردى دۇرىس شەشۋ مەحانيزمىن كەمەلدەندىرىپ، قايشىلىقتار مەن داۋ - شارلاردى دەر كەزىندە نەگىزگى ساتىدا شەشۋ، باستاپقى كەزىندە ارىلتۋ كەرەك. حالىق بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن مىقتاپ يگەرىپ، حالىق تۇرمىسىنا تيىمدىلىك جاسايتىن، جۇرت جۇرەگىن جىلىتاتىن اناعۇرلىم كوپ شارالاردى قولدانىپ، نەگىزگى الەۋمەتتىك قىزمەت وتەۋ جۇيەسىن اقاۋسىزداندىرىپ، ءتۇيىندى قاۋىمنىڭ جۇمىستانۋىنا كومەكتەسۋ - سۇيەمەلدەۋ، كىرىس ءبولىسىن رەتتەۋ، قوعامدىق قامتاماسىزداندىرۋ جۇيەسىن اقاۋسىزداندىرۋ، ”قارتتار مەن بالالارعا“ قىزمەت وتەۋدى كۇشەيتۋ سياقتى قىزمەتتەردى كۇش سالا ويداعىداي ىستەۋ كەرەك. جاڭا كەزەڭدەگى ىندەتتەن ساقتانۋ - تىزگىندەۋ قىزمەتىن ناقتى، ەگجەي - تەگجەيلى يگەرىپ، ”B تۇردەگى B باسقارۋ“ شارالارىن مۇقيات تياناقتاندىرىپ، الەۋمەتتىك دەنساۋلىق ساقتاۋ، اۋرۋدان ساقتانۋ جانە ونى تىزگىندەۋ، ەمدەۋ قىزمەت وتەۋ جۇيەسى قۇرىلىسىن ۇزدىكسىز كۇشەيتۋ كەرەك.
شي جينپيڭ ەڭ سوڭىندا بىلاي دەپ باسا دارىپتەدى: جوعارى ساپالى دامۋدى ىلگەرىلەتۋدە، ءسوز جوق، پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋ، پارتيانى بۇلجىماي، جاپپاي قاتاڭ باسقارۋ كەرەك. ءار دارەجەلى پارتكومدار پارتيانى جاپپاي قاتاڭ باسقارۋدىڭ نەگىزگى تۇلعالىق جاۋاپكەرشىلىگىن مىقتاپ ارقالاپ، پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ قىزمەتىن شىنايى كۇشەيتىپ، كەزەك اۋىستىرعاننان كەيىنگى ءار دارەجەلى باسشىلىق القالارى مەن كادرلار قوسىنى قۇرىلىسىن كۇشەيتىپ، ءار سالاداعى پارتيا قۇرىلىسى قىزمەتىن كۇشەيتىپ، جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ تاقىرىپتىق تاربيەسىن ىشكەرىلەي ورىستەتىپ، جاڭا جورىقتا ەكپىندەي ىلگەرىلەۋگە، جاڭا داۋىردە ەسەلى ۇلەس قوسۋعا مىعىم دا پارمەندى ساياسي جەتەكشىلىك جانە ساياسي كەپىلدىك ازىرلەۋ كەرەك.
ساي چي، ديڭ شۋەشياڭ، حى ليفىڭ قاتارلىلار قاتىناستى.
