− پارتيا 20 - كەزەكتى ورتالىق كوميتەتى ەكىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
حالىق تۇرمىسىنىڭ قۇت - ىرىسىن ارتتىرۋ − دامۋدىڭ ءتۇبىرلى ماقساتى. پارتيا 20 - قۇرىلتايى حالىق تۇرمىسىنىڭ قۇت - ىرىسىن ارتتىرىپ، حالىقتىڭ تۇرمىس ساپاسىن جوعارىلاتۋ جونىندە كەلەلى ورنالاستىرۋ جاسادى. پارتيا 20 - كەزەكتى ورتالىق كوميتەتىنىڭ ەكىنشى جالپى ءماجىلىسى حالىق تۇرمىسىن قامتاماسىز ەتۋ جانە جاقسارتۋ قىزمەتتەرىن كۇش سالا نىعايتۋ جونىندە ايقىن تالاپتار قويدى.
”بيلىك دەگەنىمىز حالىق، حالىق دەگەنىمىز بيلىك“. باس شۋجي شي جينپيڭ پارتيا 20 - قۇرىلتايىنىڭ بايانداماسىندا بىلاي دەپ باسا دارىپتەدى: ”جۇڭگو كوممۋنيستىك پارتياسى حالىققا باسشىلىق ەتىپ مەملەكەتتى قۇرۋدا، مەملەكەتتى قورعاۋدا حالىقتىڭ تىلەگىنە قۇرمەت ەتتى“. حالىق تۇرمىسى حالىق تىلەگىمەن جالعاسىپ جاتادى، حالىق تۇرمىسى ورنىقتى بولسا، حالىقتىڭ كوڭىلى ورنىقتى بولادى، قوعام ورنىقتى بولادى. قازىر ەلىمىزدىڭ رەفورماسى، دامۋى، ورنىقتىلىعى ءالى دە كوپتەگەن تەرەڭ قاتپارلى قايشىلىقتارعا ءدوپ كەلىپ وتىر، سۇرانىستىڭ تارايۋى، قامداۋدىڭ سوققىسى، مەجەنىڭ السىرەۋى سىندى ءۇش قابات قىسىم ءالى دە ءبىر شاما زور، ەكونوميكانىڭ قالپىنا كەلۋ نەگىزى ءالى دە بەكەم ەمەس، مەجەدەن اسقان ءار ءتۇرلى فاكتورلار كەز كەلگەن ۋاقىتتا تۋىلۋى مۇمكىن. نەعۇرلىم وسىنداي كەزدەردە حالىق تۇرمىسىنىڭ تومەنگى شەگىن سولعۇرلىم بەرىك ساقتاپ، حالىق تۇرمىسىنا تيىمدىلىك جاساپ، حالىق جۇرەگىن جىلىتاتىن، سەنىمدى كۇشەيتەتىن قىزمەتتەردى اناعۇرلىم ويداعىداي جاقسى ىستەپ، حالىق بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن دەن قويا، سۇيىسپەنشىلىكپەن، كۇش سالا ويداعىداي شەشۋ كەرەك. دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولىپ، حالىق تۇرمىسىن قامتاماسىز ەتۋ قىزمەتىن تىڭعىلىقتى ويداعىداي ىستەپ، حالىق تۇرمىسىن ۇزدىكسىز جاقسارتۋدى ىلگەرىلەتىپ، ەكونوميكالىق اينالىمنىڭ جالپى جاقتا جاقسارۋىن ىلگەرىلەتسەك، المايتىن قامالى بولمايتىن تەلەگەي كۇش قالىپتاستىرىپ، جاڭا جورىقتىڭ جاقسى باستاماسىن اشا الامىز.
جۇمىستاندىرۋ − ەڭ نەگىزگى حالىق تۇرمىسى، ەڭ ۇلكەن حالىق تۇرمىسى ينجەنەرياسى، حالىق تىلەگى ينجەنەرياسى، نەگىز ينجەنەرياسى. جۇمىستاندىرۋدى الدىمەن ويلاسۋ ساياساتىن ناقتى، ەگجەي - تەگجەيلى تياناقتاندىرىپ، جۇمىستاندىرۋدى جەبەۋ مەحانيزمىن اقاۋسىزداندىرىپ، جوعارى ساپالى، تولىق جۇمىستانۋدى جەبەۋ كەرەك. ەكونوميكالىق ارتۋدىڭ جۇمىستاندىرۋعا جەتەكشىلىك قۋاتىن جوعارىلاتىپ، جۇمىستاندىرۋ قۋاتى كۇشتى كاسىپ سالالارى مەن كاسىپورىنداردىڭ دامۋىن قولداپ، جۇمىستاندىرۋ مولشەرىنىڭ ۇلعايۋى مەن ساپاسىنىڭ جوعارىلاۋىن ۇزدىكسىز جەبەۋ كەرەك. جۇمىستاندىرۋعا الەۋمەتتىك قىزمەت وتەۋ جۇيەسىن اقاۋسىزداندىرىپ، ءتۇيىندى قاۋىمنىڭ جۇمىستانۋىنا قولداۋ كورسەتۋ جۇيەسىن كەمەلدەندىرىپ، قيىنشىلىعى بار قاۋىمدى جۇمىستاندىرۋ جاعىندا ەڭ تومەنگى شەكتەن تۇسىرمەي كومەكتەسۋ - سۇيەمەلدەۋدى كۇشەيتىپ، جاستاردىڭ، وتە - موتە، جوعارى مەكتەپ بىتىرگەن وقۋشىلاردىڭ جۇمىستانۋىن جەبەۋ قىزمەتىن اناعۇرلىم كورنەكتى ورىنعا قويۋ كەرەك. قيىنشىلىعى بار بۇقاراعا ايرىقشا نازار اۋدارىپ، ايرىقشا قامقورلىق جاساپ، ايرىقشا كوڭىل ءبولىپ، ولاردىڭ ۋايىم - قايعىدان ارىلىپ، قيىنشىلىقتارىن شەشۋىنە كومەكتەسۋ كەرەك. قۇرىلىمدىق سيپات العان زات باعاسىنىڭ ورلەۋىنىڭ ءىشىنارا قيىنشىلىعى بار بۇقاراعا اكەلەتىن ىقپالىن دەر كەزىندە ءونىمدى باسەڭدەتىپ، قيىنشىلىعى بار بۇقارانىڭ نەگىزگى تۇرمىسىن ويداعىداي قامتاماسىز ەتۋ كەرەك.
قوعامدىق قامتاماسىزداندىرۋ جۇيەسى − حالىق تۇرمىسىنىڭ حاۋىپسىزدىك تورى جانە قوعامدىق اينالىمنىڭ ورنىقتىرعىشى. قوعامدىق قامتاماسىزداندىرۋ تورىن بەرىك توقىپ، جاڭا جۇمىستاندىرۋ فورماتسياسىنداعى ەڭبەكشىلەردىڭ ۇقىق - مۇددەسىن قامتاماسىز ەتۋدى كۇشەيتۋ، زەينەتكەرلىك قامسىزداندىرۋىن بۇكىل مەملەكەت بويىنشا ءبىر تۇتاس جوسپارلاۋدى ورنىقتى ىلگەرىلەتۋ كەرەك. نەگىزگى الەۋمەتتىك قىزمەت وتەۋ جۇيەسىن اقاۋسىزداندىرىپ، الەۋمەتتىك قىزمەت وتەۋ دەڭگەيىن جوعارىلاتىپ، بىركەلكىلىگى مەن قولجەتىمدىلىگىن ارتتىرۋ، نەگىزگى ساتىنىڭ ىندەتتەن ساقتانۋ قابىلەتى قۇرىلىسىن كۇشەيتىپ، ەمدەۋ - دەنساۋلىق ساقتاۋ، وتە - موتە، قالا، اۋىل نەگىزگى ساتى ەمدەۋ - دەنساۋلىق ساقتاۋ الەۋمەتتىك قىزمەت وتەۋىندەگى ولقىلىقتاردى تولىقتاۋ كەرەك. تۋىتتى قولداۋ ساياسات جۇيەسىن كەمەلدەندىرىپ، حالىقتىڭ قارتتانۋىنا بەلسەنە توتەپ بەرۋدىڭ مەملەكەتتىك ستراتەگياسىن اتقارىپ، زەينەتكەرلىك ىستەرى مەن زەينەتكەرلىك كاسىپ سالاسىن دامىتىپ، پەرزەنت ءسۇيۋ، باعىپ - قاعۋ، تاربيەلەۋ وزىندىك قۇنىن تومەندەتىپ، حالىق سانىنىڭ قارتتانۋىنا، پەرزەنت ءسۇيۋدىڭ ازايۋىنا بەلسەندى توتەپ بەرۋ كەرەك. قوعامدىق قامتاماسىزداندىرۋ ىستەرىنىڭ جوعارى ساپالى دامۋىن ىلگەرىلەتۋگە ءۇرتىس كۇش سالىپ، قوعامدىق قامتاماسىزداندىرۋدىڭ حاۋىپسىزدىك تورىن تىعىز توقىعاندا عانا، حالىق تۇرمىسىنىڭ تىنىش - الاڭسىز بولۋىن قامتاماسىز ەتۋگە بولادى.
جاپپاي سوتسياليستىك وسىزاماندانعان مەملەكەت قۇرۋدىڭ ەڭ جاپالى، ەڭ اۋىر مىندەتى ءالى دە اۋىل - قىستاقتا. پارتيا 20 - كەزەكتى ورتالىق كوميتەتىنىڭ ەكىنشى جالپى ءماجىلىسى ”اۋىل - قىستاقتى گۇلدەندىرۋدى جاپپاي ىلگەرىلەتىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋ، كەڭەيتۋ، كولەمدى قايتا كەدەيلەسۋدىڭ تۋىلۋىنان ساقتانۋ كەرەك“ دەپ اتاپ كورسەتتى. اۋىل - قىستاقتاردىڭ كاسىپ سالاسىن بەلسەندى دامىتىپ، بۇقارانىڭ ءۇيىنىڭ ماڭىندا جۇمىستانۋىنا قولايلىلىق تۋدىرىپ، جۇرتشىلىقتىڭ كىرىسى بولۋمەن قاتار وتباسىنا دا قارايلاسا الۋىنا مۇمكىندىك جاساۋ كەرەك. سونىمەن بىرگە قايتا كەدەيلەسۋدەن ساقتانۋدى يكەمدى قاداعالاۋ جانە كومەكتەسۋ، سۇيەمەلدەۋ مەحانيزمىن اقاۋسىزداندىرىپ، كەدەيلىكتەن ارىلۋى ورنىقسىز وتباسىلارعا، كەدەيلەسۋگە تاياپ تۇرعان، وڭاي كەدەيلەسەتىن وتباسىلارعا جانە ناۋقاس، اپات، توسىن شىرعالاڭ سياقتى سەبەپتەرمەن تۇراقتى شىعىسى ءبىرشاما كوپ نەمەسە كىرىسى زور مولشەردە ازايۋ سەبەبىنەن نەگىزگى تۇرمىسىندا اۋىر قيىنشىلىق تۋىلعان وتباسىلارعا مەرزىم سايىن تەكسەرۋ، يكەمدى باسقارۋ جۇرگىزىپ، وڭاي قايتا كەدەيلەسەتىن، كەدەيلەسەتىن حالىقتى تەز بايقاۋ جانە وعان اڭىس قايتارۋ، ساتىعا، تۇرگە ءبولىپ كومەكتەسۋ، سۇيەمەلدەۋ ساياساتى كولەمىنە دەر كەزىندە ەنگىزۋ كەرەك. كولەمدى قايتا كەدەيلەسۋ تۋىلماۋدىڭ تومەنگى شەگىن باتىل ساقتاپ، كومەكتەسۋ - سۇيەمەلدەۋ ساياساتىن ورنىقتىرىپ، كەمەلدەندىرىپ، كەدەيلىكتەن ارىلعان وڭىرلەر مەن كەدەيلىكتەن ارىلعان بۇقارانىڭ ىشكى دامۋ قوزعاۋشى كۇشىن كۇشەيتكەندە عانا، كەدەيلىكتەن ارىلعان بۇقارانىڭ تۇرمىسىنىڭ اناعۇرلىم تىڭ ساتىعا كوتەرىلۋىنە مۇمكىندىك جاساۋعا بولادى.
باس شۋجي شي جينپيڭ بىلاي دەپ باسا دارىپتەدى: ”العا باسۋ جولىندا مەيلى بوران - شاشىن بولسىن، الدە اساۋ تولقىندار بولسىن، حالىق ماڭگى ءبىزدىڭ ەڭ بەرىك سۇيەنىشىمىز، ەڭ قۇدىرەتتى تىرەگىمىز“. بيىل پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ باستاما جىلى، ءۇمىت پەن سايىس قاتار ءومىر سۇرەدى، جۇڭگو ۇلگىسىندەگى وسىزامانداندىرۋدى ىلگەرىلەتۋدە، ءسوز جوق، باستاما جىلىنداعى قىزمەتتەردى مىقتى يگەرۋ كەرەك. حالىقتى وزەك ەتكەن دامۋ يدەياسىنا تاباندى بولىپ، قايراتتانا العا ۇمتىلىپ، ناقتى ىستەپ، قاجىرلىلىقپەن ىستەپ، قيىندىقتاردان قامال الىپ، ورگە ۇمتىلىپ، حالىقتىڭ ويلاعانىن ويلاپ، حالىقتىڭ تاپسىرماسىن ورىنداپ، بۇقارانىڭ ءتول مۇددەسىنە قاتىستى ىستەردى ناقتى، ويداعىداي يگەرىپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز رەالدىققا اينالدىرساق، ءسوز جوق، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە وراسان زور قۋاتتى كۇش توپتاي الامىز.
(شينحۋا اگەنتتىگىنىڭ 3 - ايدىڭ 4 - كۇنى بەيجيڭنەن بەرگەن حابارى)
