شينجياڭ ۋاكىلدەر ۇيىرمەسى جالپى جيىن وتكىزىپ، ۇكىمەت قىزمەتىنەن باياندامانى قارادى

ما شيڭرۇي باسقاردى، لي شياۋپىڭ جيىنعا بارىپ پىكىرلەردى تىڭدادى، ەركىن تۇنياز، ءزۇمىرات وبۇل، شوكىرات زاكىر، لي يفي، شاۋكەت يمىن باياندامانى قاراۋعا قاتىناستى، نايىم ياسىن سىرتتاي قاتىناستى

　　انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 3 - ايدىڭ 5 - كۇنى بەيجيڭنەن حابارلايدى. 3 - ايدىڭ 5 - كۇنى تۇستەن كەيىن 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىنە قاتىناسقان شينجياڭ ۋاكىلدەر ۇيىرمەسى جالپى جيىن وتكىزىپ، ۇكىمەت قىزمەتىنەن باياندامانى قارادى. مەملەكەتتىك حالىق قۇرىلتايىنىڭ ۋاكىلى، شينجياڭ ۋاكىلدەر ۇيىرمەسىنىڭ باستىعى، اۆتونوميالى رايوندىق پارتكومنىڭ شۋجيى ما شيڭرۇي جيىندى باسقاردى.

　　قاتىناس - تاسىمال مينيسترلىگىنىڭ مينيسترى لي شياۋپىڭ، قازىنا مينيسترلىگىنىڭ ورىنباسار مينيسترى شيا شياندى قاتارلى مەملەكەتتىڭ مينيسترلىك - كوميتەتتەرىندەگى جانە مەملەكەتتىك كەڭەس كەڭسەسىندەگى، مەملەكەتتىك حالىق قۇرىلتايى تۇراقتى كوميتەتىنىڭ شياڭگاڭ، اۋمىن ءتۇبىرلى زاڭ كوميتەتىندەگى قاتىستى جولداستار جيىنعا بارىپ، پىكىرلەردى تىڭدادى. مەملەكەتتىك حالىق قۇرىلتايىنىڭ ۋاكىلدەرى ەركىن تۇنياز، ءزۇمىرات وبۇل، شوكىرات زاكىر، لي يفي، شاۋكەت يمىن قاتارلىلار باياندامانى قاراۋعا قاتىناستى. نايىم ياسىن جيىنعا سىرتتاي قاتىناستى.

　　ۋاكىل ما شيڭرۇي بىلاي دەدى: ۇكىمەت قىزمەتىنەن باياندامانىڭ ناتيجەلەردى قورىتىندىلاۋى جۇيەلى دە جان - جاقتىلى، العا قويىلعان ۇسىنىستار عىلمي دا ناقتى، پارتيا 20 - قۇرىلتايىنىڭ رۋحىن دايەكتىلەندىرگەن، تياناقتاندىرعان جاقسى بايانداما بولدى، مەن بۇكىلدەي قۇپتايمىن. وتكەن 5 جىل اسا وزگەشە، ايرىقشا ەرەكشە بولدى، باس شۋجي شي جينپيڭ، پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ەرلىكپەن العا تارتىپ، قاجىرلىلىقپەن كۇرەس جاساپ، ۇزاق ۋاقىت شەشىلمەگەن كوپتەگەن قيىن ماسەلەلەردى شەشىپ، ۇزاق بولاشاققا ساياتىن كوپتەگەن ءىرى ىستەردى، ماڭىزدى ىستەردى ءبىتىرىپ، پارتيا مەن مەملەكەت ىستەرىندە كۇللى دۇنيەنىڭ نازارىن اۋدارعان شۇعىلالى تابىستارعا قول جەتكىزۋدى ىلگەرىلەتىپ، ەلىمىز جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستادى. اماليات ”ەكىنى تۇراقتاندىرۋدىڭ“ بارلىق ماشاقات، قيىندىق، قاتەر، بوگەت اتاۋلىنى جەڭىپ شىعۋداعى، بارلىق ايقىنسىزدىققا توتەپ بەرۋدەگى ەڭ ۇلكەن ايقىندىق، ەڭ ۇلكەن سەنىم، ەڭ ۇلكەن كەپىل ەكەندىگىن تولىق دالەلدەدى. ءبىز شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەت ەكىنشى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، ”ەكىنى تۇراقتاندىرۋدى“ باتىل قولداپ، ”ەكىنى قورعاۋدى“ باتىل ورىنداپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتى يگەرىپ، شينجياڭدى زاڭمەن باسقارۋدى، شينجياڭدى ىنتىماقتاسا ورنىقتىرۋدى، شينجياڭدى مادەنيەتپەن نارلەندىرۋدى، حالىقتى بايىتىپ، شينجياڭدى گۇلدەندىرۋدى، شينجياڭدى باياندى كوركەيتۋدى ءبىر تۇتاس جوسپارلاپ ىلگەرىلەتىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋداعى شينجياڭنىڭ ستراتەگيالىق ورنىن ءدال تاۋىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن قايراتتانا ىلگەرىلەتىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرەتىن، ەكولوگياسى تاماشا كورىكتى شينجياڭدى قۇلشىنا قۇرۋىمىز كەرەك.

　　ۋاكىل ەركىن تۇنياز بىلاي دەدى: ۇكىمەت قىزمەتىنەن بايانداما پارتيا 20 - قۇرىلتايىنىڭ كەلەلى شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، جۇڭگو ۇلگىسىندەگى وسىزامانداندىرۋدى تىڭعىلىقتى ىلگەرىلەتىپ، حالىقتى بارىنەن جوعارى قويۋدى امالياتتا ايگىلەپ، تۋدى بيىك ۇستاعان، حالىقتىڭ تىلەگىنە ۇيلەسكەن، سەنىمدى سەرپىلتكەن جاقسى بايانداما بولدى، بۇكىلدەي قولدايمىن جانە قۇپتايمىن. وتكەن 5 جىلدا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەلىمىز بۇرىن بولىپ كورىلمەگەن حاۋىپ - قاتەرلەر مەن سىن - سايىستار بارىسىندا وڭايعا تۇسپەيتىن كەلەلى تابىستارعا قول جەتكىزىپ، ”ەكىنى تۇراقتاندىرۋدىڭ“ بارلىق حاۋىپ - قاتەر مەن سىن - سايىستاردى جەڭۋىمىزدىڭ، كەلەلى جەڭىستەرگە ۇزدىكسىز قول جەتكىزۋىمىزدىڭ كۇش - قۋاتى، ءتۇبىرلى تياناعى ەكەندىگىن پارمەندى دالەلدەدى. ”ءتورت تانىمدى“ شىن مانىندە كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ دۇنيەگە كوزقاراسى مەن ادىستەمەسىن جاندى ۇيرەنىپ، جاندى پايدالانىپ، كەلەلى جاعدايدى كوكەيدە ساقتاپ، اۋقىمدى يگەرىپ، ءىرى ىستەرگە كوز جىبەرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جانە ۇكىمەت قىزمەتىنەن بايانداماداعى ءتۇرلى نىسانا - مىندەتتەردى قاز - قالپىندا ويداعىداي تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، شينجياڭنىڭ ستراتەگيالىق ورنىن كوزدەپ، يدەيانى، كوزقاراستى ازات ەتىپ، ماسەلەنى باعدار ەتۋگە تاباندى بولىپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتىپ، رەفورما، دامۋ، ورنىقتىلىق قىزمەتتەرىن ءبىر تۇتاس جوسپارلاپ ىلگەرىلەتىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋ ءۇشىن اناعۇرلىم زور ۇلەس قوسۋىمىز كەرەك.

　　ۋاكىل شوكىرات زاكىر بىلاي دەدى: ۇكىمەت قىزمەتىنەن باياندامادا ناتيجەلەر شىندىقتى ءىس جۇزىنەن ىزدەۋ نەگىزىندە قورىتىندىلانعان، قىزمەتتەر ايقىن دا انىق ورنالاستىرىلعان، جاپپاي سوتسياليستىك وسىزاماندانعان مەملەكەت قۇرۋدىڭ باستاماسىن جاقسى اشۋ، قادامىن جاقسى باسۋ جونىنەن وتە كۇشتى جەتەكشىلىك ماڭىزعا يە، بۇكىلدەي قولدايمىن جانە قۇپتايمىن. 5 جىلدان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى اۋقىمدى باعامداپ، بەتالىستى يگەرىپ، وزگەرىسكە توتەپ بەرىپ، جاڭا جاعداي اشىپ، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قاجىماس قايسارلىقپەن كۇرەس جاساۋ ارقىلى پارتيا مەن مەملەكەت ىستەرى دامۋىنىڭ تىڭ ءورىسىن اشتى. تەك باس شۋجي شي جينپيڭنىڭ رول ۇستاپ، جول باستاۋى مەن پارتيا ورتالىق كوميتەتىنىڭ پارمەندى باسشىلىعى بولعاندا عانا، ءبىز، ءسوزسىز، بارلىق ماشاقات، قيىندىق، قاتەر، بوگەت اتاۋلىنى جەڭىپ شىعا الامىز. ”ەكىنى تۇراقتاندىرۋدى“ باتىل قولداۋدى، ”ەكىنى قورعاۋدى“ باتىل ورىنداۋدى ەڭ جوعارى ساياسي پرينسيپ جانە ءتۇبىرلى ساياسي جاۋاپكەرشىلىك ەتىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەت ەكىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”ءاردايىم قام جەپ تۇراتىن“ جاۋاپكەرشىلىك سەزىممەن جانە بەلسەندىلىكپەن جاۋاپكەرشىلىك ارقالاپ، ىسكەرلىك كورسەتەتىن رۋحپەن، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن جانە ۇكىمەت قىزمەتىنەن باياندامادا بەلگىلەنگەن نىسانا - مىندەتتەردى ويداعىداي تياناقتاندىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە كۇش - قۋات قوسۋىمىز كەرەك.

　　ۋاكىل لي يفي بىلاي دەدى: ۇكىمەت قىزمەتىنەن باياندامانىڭ ناتيجەلەردى قورىتىندىلاۋى وبيەكتيۆ، جان - جاقتى، اۋقىمدى يگەرۋى تەرەڭ دە جەتىك، قىزمەتتەردى ورنالاستىرۋى ناقتى دا انىق، تۋدى بيىك ۇستاعان، نەگىزگى تاقىرىبى ايقىن، جاندى جىگەرلەندىرەدى، بۇكىلدەي قۇپتايمىن، باتىل قولدايمىن. وتكەن 5 جىلدا، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ۇدەرە العا تارتىپ، قيىندىققا قارسى اتتانىپ، پارتيا مەن مەملەكەت ىستەرىندە تاريحي تابىسقا قول جەتكىزۋدى، تاريحي وزگەرىس تۋىلۋدى ىلگەرىلەتتى. ۇلى تابىستارعا، ۇلى وزگەرىستەرگە قايىرىلا قاراپ، ”ەكىنى تۇراقتاندىرۋدى“ ادالدىقپەن قولداۋداعى، ”ەكىنى قورعاۋدى“ باتىل ورىنداۋداعى ساياسي سانالىلىعىمدى، يدەيا سانالىلىعىمدى جانە ارەكەت سانالىلىعىمدى ونان ارى بەكەمدەدىم. پارتيا 20 - قۇرىلتايىنىڭ جانە 20 - كەزەكتى ورتالىق كوميتەت ەكىنشى جالپى ءماجىلىسىنىڭ رۋحىن جاپپاي دايەكتىلەندىرىپ، يدەيا مەن ارەكەتتى پارتيا ورتالىق كوميتەتىنىڭ كەزەكتەگى جاعداي جونىندەگى عىلمي تۇجىرىمىمەن جانە بيىلعى قىزمەتكە بولعان شەشىمدەرىمەن، ورنالاستىرۋلارىمەن بىرلىككە كەلتىرىپ، باس شۋجيدىڭ شينجياڭ جانە بيڭتۋان قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن ىشكەرىلەي دايەكتىلەندىرىپ، ورنىقتىلىقتى قورعاۋ، شەكارانى كۇزەتۋ مىندەت جاۋاپكەرشىلىگىن، بورىشىن ادالدىقپەن اتقارىپ، وسىزامانداندىرۋ قۇرىلىسىن جوعارى ساپامەن ىلگەرىلەتىپ، كورىكتى شينجياڭ قۇرۋ بارىسىندا اناعۇرلىم زور رول اتقارىپ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ بارىسىندا بيڭتۋاننىڭ جاڭا تاراۋىن جازۋ كەرەك.

　　مەملەكەتتىك حالىق قۇرىلتايىنىڭ ۋاكىلدەرى ۋاڭ كۇيران، شى گاڭ، ءانۋار تۇرسۇن، باتۋ، جاڭ شين، اكىرام ءمامتىمىن، جۋ گۋاڭلان، گۇلميرا داۋلەت قاتارلىلار ىلگەرىندى - كەيىندى ءسوز سويلەدى. كوپشىلىك ءبىر اۋىزدان مىنالاردى ءبىلدىردى: ۇكىمەت قىزمەتىنەن باياندامانى بۇكىلدەي قۇپتايمىز، باس شۋجي شي جينپيڭنىڭ، پارتيا ورتالىق كوميتەتىنىڭ پارمەندى باسشىلىعىندا، ەلىمىزدىڭ ەكونوميكالىق، قوعامدىق دامۋى كۇللى دۇنيەنىڭ نازارىن اۋدارعان كەلەلى تابىستارعا قول جەتكىزدى. يدەيا مەن ارەكەتتى پارتيا 20 - قۇرىلتايىنىڭ جانە 20 - كەزەكتى ورتالىق كوميتەت ەكىنشى جالپى ءماجىلىسىنىڭ رۋحىمەن ونان ارى بىرلىككە كەلتىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جانە ۇكىمەت قىزمەتىنەن باياندامادا ورنالاستىرىلعان ءتۇيىندى مىندەتتەردى مۇقيات دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋدى ارقاۋ ەتىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، اسقاق جىگەرمەن قايراتتانا ۇمتىلىپ، ەرلىكپەن العا ىلگەرىلەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋ ءۇشىن ۇلەس قوسۋىمىز كەرەك.

　　مەملەكەتتىك حالىق قۇرىلتايىنىڭ ۋاكىلدەرى لي شيانفا، ۋاڭ چاۋ، تيان شياڭلي، چىن ۋيجۇن، ۋاڭ ميڭشان، ءمامتىمىن قادىر، سارقىت اقان، شۋە بين، جين جىجىن، ءدىلشات سايىم، گاۋ جيميڭ قاتارلىلار جيىنعا قاتىناستى. عانيبات سابىكەي، جياڭ شينجۇن، دۋ حۇڭيان قاتارلىلار جيىنعا سىرتتاي قاتىناستى.