شينجياڭ ۋاكىلدەر ۇيىرمەسى باس شۋجي شي جينپيڭنىڭ جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقانداعى ماڭىزدى ءسوزىنىڭ رۋحىن مۇقيات جەتكىزدى، ۇيرەندى
جوعارى ساپالى دامۋدى وسىزامانداندىرۋ قۇرىلىسىنىڭ ماڭداي الدى مىندەتى ەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ ءۇشىن اناعۇرلىم كوپ شينجياڭ ۇلەسىن قوسۋ كەرەك
ما شيڭرۇي قاتىناستى ءارى ءسوز سويلەدى
ەركىن تۇنياز، ءزۇمىرات وبۇل، شوكىرات زاكىر، نايىم ياسىن، شاۋكەت يمىن، لي يفي قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 3 - ايدىڭ 6 - كۇنى بەيجيڭنەن حابارلايدى. 3 - ايدىڭ 6 - كۇنى تۇستەن كەيىن 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىنە قاتىناسقان شينجياڭ ۋاكىلدەر ۇيىرمەسى باس شۋجي شي جينپيڭنىڭ جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقانداعى ماڭىزدى ءسوزىنىڭ رۋحىن مۇقيات جەتكىزدى، ۇيرەندى.
مەملەكەتتىك حالىق قۇرىلتايىنىڭ ۋاكىلى، شينجياڭ ۋاكىلدەر ۇيىرمەسىنىڭ باستىعى، اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى. ەركىن تۇنياز، ءزۇمىرات وبۇل، شوكىرات زاكىر، نايىم ياسىن، شاۋكەت يمىن، لي يفي قاتىناستى.
ما شيڭرۇي بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى ءسوزى جاپپاي سوتسياليستىك وسىزاماندانعان مەملەكەت قۇرۋدىڭ ساياسي بيىگىندە تۇرىپ، جوعارى ساپالى دامۋدىڭ ماڭىزدى ءمانىن، كەلەلى پرينسيبىن جانە ماڭىزدى شارالارىن تەرەڭدەي بايىمداپ، ”قانداي جوعارى ساپالى دامۋدى جۇزەگە اسىرۋ، جوعارى ساپالى دامۋدى قالاي جۇزەگە اسىرۋ“ سىندى كەلەلى ماسەلەلەرگە ىلگەرىلەي جاۋاپ قايتارىپ، ءبىزدىڭ جۇڭگو ۇلگىسىندەگى وسىزامانداندىرۋدى جوعارى ساپالى دامۋ ارقىلى ىلگەرىلەتۋىمىزگە ارەكەت باعدارناماسىن ازىرلەدى. باس شۋجيدىڭ ماڭىزدى ءسوزىنىڭ باي مازمۇنى مەن رۋحاني ءمانىن ىشكەرىلەي ۇيرەنىپ، تەرەڭدەي ءتۇسىنىپ، يدەيا مەن ارەكەتتى باس شۋجيدىڭ ماڭىزدى ءسوزىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىنايى بىرلىككە كەلتىرىپ، شينجياڭنىڭ ءىس جۇزىندىك جاعدايىمەن تىعىز ۇشتاستىرىپ، جوعارى ساپالى دامۋدى اناعۇرلىم باتىلدىقپەن، سانالىلىقپەن ىلگەرىلەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ ءۇشىن اناعۇرلىم كوپ شينجياڭ ۇلەسىن قوسۋ كەرەك.
ما شيڭرۇي بىلاي دەپ باسا دارىپتەدى: جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، شينجياڭنىڭ بايلىق، وڭىرلىك ورىن، ساياسات سياقتى باسىمدىقتارىن ونان ارى ساۋلەلەندىرىپ، عىلىم - تەحنيكادا جاڭالىق اشۋدا باتىلدىقپەن ويلاپ، باتىلدىقپەن اتويلاپ، باتىلدىقپەن جۇمىس تىندىرىپ، قيىندىقتاردى ەڭسەرىپ، جەدەل قۋىپ جەتىپ، عىلىم - تەحنيكا ءتۇزىلىسى رەفورماسىنىڭ 3 جىلدىق قامال الۋ جوباسىن ويداعىداي تياناقتاندىرىپ، شەشۋشى، وزەكتى تەحنيكالاردان قامال الۋدى كۇشەيتىپ، عىلىم - تەحنيكا ۇسىنىلىمى تەبىنىن ارتتىرىپ، جوعارى ساپالى دامۋدىڭ جاڭا قوزعاۋشى قۋاتىن ۇزدىكسىز توپتاۋ كەرەك. ەرەكشەلىككە، باسىمدىققا يە كاسىپ سالالارىن جەتىلدىرىپ، نىعايتىپ، مۇناي - تابيعي گاز، كومىر، كەن ونىمدەرى، استىق، ماقتا، جەمىس - جيدەك، كوكونىس سياقتى بايلىقتاردىڭ جانە كاسىپ سالالارىنىڭ بۇكىل ەلدىڭ ەكونوميكالىق كەلەلى جاعدايىنداعى ماڭىزدى رولىن تولىق ساۋلەلەندىرىپ، جاڭا قوزعاۋشى قۋاتتى، جاڭا كاسىپ سالاسىن، جاڭا كاسىپ كۇيىن بەلسەنە جەتىلدىرىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن كۇش سالا تۇلعالاپ، ”8 ءىرى كاسىپ سالاسى شوعىرىن“ تىرەك ەتكەن وسىزاماندانعان كاسىپ سالاسى جۇيەسىن جەدەل قۇرۋ كەرەك. جوعارى دەڭگەيدە سىرتقا ەسىك اشۋدى ىلگەرىلەتىپ، اناعۇرلىم ىرىقتى ەسىك اشۋ ستراتەگياسىن اتقارىپ، جىبەك جولى ەكونوميكالىق بەلدەۋى وزەكتى رايونىنىڭ جوعارى ساپالى دامۋىن ىلگەرىلەتىپ، ”ءبىر پورت، ەكى رايون، بەس ۇلكەن ورتالىق، شەكارا وتكەلى ەكونوميكالىق بەلدەۋى“ قۇرىلىسىن جەدەلدەتىپ، توڭىرەكتەگى ەلدەرمەن جان - جاقتى، كوپ سالالى اۋىس - كۇيىستى، سەلبەستىكتى ۇزدىكسىز تەرەڭدەتىپ، جاڭا دامۋ ارناسىنا بەلسەنە قىزمەت وتەپ جانە ونىمەن توعىسىپ، ازيا − ەۆروپا التىن ارناسىن جانە باتىسقا ەسىك اشۋدىڭ الدىڭعى شەبىن قۇلشىنا قالىپتاستىرۋ كەرەك. اۋىل شارۋاشىلىعىندا قۋاتتى رايون قۇرۋدى جەدەلدەتىپ، استىق حاۋىپسىزدىگى ساياسي جاۋاپكەرشىلىگىن باتىل ارقالاپ، استىق ءوندىرىسى ورنالاسىمىن جانە ءوندىرىس قۇرىلىمىن ساپالىلاندىرىپ، استىق ءوندىرۋ قۋاتىن ورنىقتى جوعارىلاتىپ، ماقتا كاسىپ سالاسىنىڭ باسىم ورنىن ۇزدىكسىز بەكەمدەپ، جەمىس - جيدەك، كوكونىستىڭ ساپاسىن جوعارىلاتىپ، ونىمدىلىگىن ارتتىرۋدى زور كۇشپەن ىلگەرىلەتىپ، مال شارۋاشىلىعىن گۇلدەندىرۋ ارەكەتىن ىشكەرىلەي اتقارىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، اۋىل - قىستاقتى گۇلدەندىرۋدى جاپپاي ىلگەرىلەتۋ كەرەك. ەنەرگيا، كەن بايلىعىن بارلاۋ، اشۋ تەبىنىن ارتتىرىپ، بۇكىل ەلدىڭ ەكونوميكالىق دامۋىنىڭ ۇزاق بولاشاقتىق كەلەلى جاعدايىنا كوز جىبەرىپ، بۇكىل ەلدىڭ ەنەرگيا بايلىعى ستراتەگياسىن قامتاماسىز ەتۋ بازاسىن قۇرىپ، مۇناي - تابيعي گاز ءوندىرۋ، وڭدەۋ، كومىر، كومىر ەلەكتر، كومىر حيميا ونەركاسىبى، جاڭا ەنەرگيا، جاڭا ماتەريال سياقتى كاسىپ سالالارى شوعىرىن بەلسەنە تۇلعالاپ، مەملەكەتتىڭ ەنەرگيا بايلىعى حاۋىپسىزدىگى ءۇشىن اناعۇرلىم پارمەندى قامتاماسىزدىق ازىرلەۋ كەرەك. پارتيانى جاپپاي قاتاڭ باسقارۋدى ىشكەرىلەي ىلگەرىلەتىپ، كەزەك اۋىستىرعاننان كەيىنگى باسشىلىق القاسى مەن كادرلار قوسىنى قۇرىلىسىن كۇشەيتىپ، ءار دارەجەلى باسشى كادرلاردىڭ جوعارى ساپالى دامۋدى ىلگەرىلەتۋ قابىلەتى مەن دەڭگەيىن ۇزدىكسىز جوعارىلاتىپ، ادال، كىرشىكسىز، جاۋاپكەرشىلىك ارقالايتىن ءار ۇلت كادرلار قوسىنىن قۇرىپ، تەكسەرۋ - زەرتتەۋ ستيلىن بارىنشا ساۋلەلەندىرىپ، شىندىققا جۇگىنىپ، ناقتى ءىس ىستەۋ، شىنايى يگەرىپ، ناقتى ىستەۋ ستيلىن زور كۇشپەن اسقاقتاتىپ، جوعارى ساپالى دامۋ ءۇشىن مىعىم دا پارمەندى قامتاماسىزدىق ازىرلەۋ كەرەك.
تيان شياڭلي، چىن ۋيجۇن، ۋاڭ ميڭشان، عانيبات سابىكەي، ءمامتىمىن قادىر، سارقىت اقان، شۋە بين، جين جىجىن، جياڭ شينجۇن، ءدىلشات سايىم، گاۋ جيميڭ، دۋ حۇڭيان قاتارلىلار ماجىلىسكە قاتىناستى.
