تيانشان تورى
تيانشان تورى   ›   ۇيرەنۋ   ›   شولۋ

پارتيانىڭ يدەيالىق - نازاريالىق قۇرىلىسىنىڭ ويداعىداي جالىندى قوسىنى بولۋعا قۇلشىنايىق

− باس شۋجي شي جينپيڭنىڭ ورتالىق كوميتەت پارتيا مەكتەبى قۇرىلعاندىعىنىڭ 90 جىلدىعىن قۇتتىقتاۋ ماجىلىسىندە جانە 2023 - جىلعى كوكتەمگى وقۋ ماۋسىمىنداعى وقۋ باستاۋ سالتىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

□ حالىق گازەتىنىڭ شولۋشىسى

  ”پارتيا مەكتەبى پارتيانىڭ يدەيا، نازاريا شەبىنىڭ ماڭىزدى باعىتتىق ارمياسى رەتىندە، پارتيا ءۇشىن اقىل - كەڭەس بەرۋ ماڭىزدى قىزمەت جاۋاپكەرشىلىگىن ارقالاپ وتىر“. ورتالىق كوميتەت پارتيا مەكتەبى قۇرىلعاندىعىنىڭ 90 جىلدىعىن قۇتتىقتاۋ ماجىلىسىندە جانە 2023 - جىلعى كوكتەمگى وقۋ ماۋسىمىنداعى وقۋ باستاۋ سالتىندا باس شۋجي شي جينپيڭ پارتيا مەكتەبىنىڭ قاي - قاشان دا وزگەرمەيتىن اۋەلگى ماقساتى پارتيا ءۇشىن دارىندى تاربيەلەۋ، پارتيا ءۇشىن اقىل - كەڭەس بەرۋ ەكەندىگىن باسا دارىپتەپ، ءار دارەجەلى پارتيا مەكتەپتەرىنە وسى اۋەلگى ماقساتتان جازباي، پارتيانىڭ يدەيالىق - نازاريالىق قۇرىلىسىنىڭ ويداعىداي جالىندى قوسىنى بولۋعا قۇلشىنۋ جونىندە ايقىن تالاپ قويدى.

  پارتيا مەكتەبى پارتيانىكى، بۇل پارتيا مەكتەبىنىڭ عىلمي زەرتتەۋدى پارتيانىڭ وزەكتى قىزمەتىن تىعىز ارقاۋ ەتە وتىرىپ ورىستەتۋىن، پارتيانىڭ يدەيالىق - نازاريالىق زەرتتەۋ جاعىندا ىسكەرلىك كورسەتۋىن، پارتيانىڭ يدەولوگيا قىزمەتىنە باسشىلىعىنا تاباندى بولۋعا جانە ونى بەكەمدەۋگە، ماركسيزمنىڭ يدەولوگيا سالاسىنداعى جەتەكشى ورنىن بەكەمدەۋگە بەلسەندى ۇلەس قوسۋىن بەلگىلەدى. باس شۋجي شي جينپيڭ بىلاي دەپ باسا دارىپتەدى: ”نازاريانى زەرتتەۋ، ءادىس - شارانى زەرتتەۋ سىندى وسى ءبىر زاڭدىلىققا ىزدەنىس جاسايتىن، مەملەكەت ىستەرىنە پايدالى ۇلكەن ءبىلىمدى جاقسى يگەرىپ، پارتيانىڭ جاسامپاز نازاريالارىن زەرتتەۋ، ءتۇسىندىرۋ، پارتيانىڭ نازاريالىق جاڭالىق اشۋىن ىلگەرىلەتۋ، پارتيا مەن ۇكىمەت ءۇشىن ۇسىنىس قويىپ، اقىل - كەڭەس بەرۋ سياقتى جاقتاردا جوعارى ساپالى ناتيجەلەردى جاراتۋى كەرەك. بۇل دا پارتيا مەكتەبىنىڭ وزگەشە قۇندىلىعى“. باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنۋدە، دايەكتىلەندىرۋدە ءداۋىردىڭ وزگەرىسىنە جانە امالياتتىڭ دامۋىنا قاراي، نازاريالىق قورىتىندىلاۋدى جانە نازاريالىق جاڭالىق اشۋدى كۇشەيتىپ، نازاردى پارتيا مەن مەملەكەتتىڭ وزەكتى قىزمەتىنە، پارتكوم مەن ۇكىمەتتىڭ كەلەلى شەشىمدەرىنە، ورنالاستىرۋلارىنا، قوعامداعى قولامتالى، قيىن ماسەلەلەرگە شوعىرلاندىرا وتىرىپ ىشكەرىلەي زەرتتەۋ جۇرگىزىپ، ماڭىزدى يدەيالىق - نازاريالىق اۋقىمدى دەر كەزىندە اڭىس ەتىپ، قۇندى شارالار مەن ۇسىنىستاردى العا قويۋ كەرەك.

  زامانىمىزداعى جۇڭگو ادامزات تاريحىنداعى ەڭ ايبىندى دا وزگەشە امالياتتىق جاسامپازدىقتى باستان كەشىرۋدە، جۇڭگوشا سوتسياليزمگە تاباندى بولۋ جانە ونى دامىتۋ نازارياسى مەن امالياتى شەشۋدى شۇعىل قاجەت ەتىپ وتىرعان قىرۋار جاڭا ماسەلەلەردى ورتاعا قويدى. تەك ماركسيزم ”جەبەسى“ ارقىلى جاڭا داۋىردەگى جۇڭگو سىندى ”نىسانانى“ كوزدەۋگە تاباندى بولىپ، ماركسيزمنىڭ نەگىزگى قاعيدالارىن جۇڭگونىڭ ناقتى ءىس جۇزىندىگىمەن ۇشتاستىرۋدى، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋدى ۇزدىكسىز ىلگەرىلەتكەندە عانا، جۇڭگونىڭ سۇراعىنا، دۇنيە ءجۇزىنىڭ سۇراعىنا، حالىقتىڭ سۇراعىنا، ءداۋىردىڭ سۇراعىنا عىلمي جاۋاپ بەرە الامىز. شي جينپيڭ جاڭا ءداۋىر جۇڭگوشا سوتسياليزم يدەياسى − زامانىمىزداعى جۇڭگو ماركسيزمى، 21 - عاسىر ماركسيزمى، جۇڭحۋا مادەنيەتى مەن جۇڭگو رۋحىنىڭ داۋىرلىك جاۋھارى، ول ماركسيزمنىڭ جۇڭگوشالانۋىنىڭ، زامانالانۋىنىڭ تىڭ سەكىرۋىن جۇزەگە اسىردى. ءار دارەجەلى پارتيا مەكتەپتەرى شي جينپيڭ جاڭا ءداۋىر جۇڭگوشا سوتسياليزم يدەياسىن زەرتتەۋ، ءتۇسىندىرۋ قىزمەتىن كۇشەيتىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ دۇنيە كوزقاراسىن، ادىستەمەسىن جانە وعان سىڭىرىلگەن تۇرعىنى، كوزقاراستى، ادىستەردى تاباندىلىقپەن قولدانىپ، كەلەلى نازاريالىق ماسەلەلەردى زەرتتەۋدى تەرەڭدەتۋى كەرەك.

  باس شۋجي شي جينپيڭ بىلاي دەپ باسا دارىپتەدى: ”پارتيا مەكتەبى پارتيانىڭ يدەولوگيا قىزمەتىنىڭ ماڭىزدى الدىڭعى شەبى، ءسوز جوق، پارتياعا ادال، ماركسيزمگە ادال ادامداردىڭ قولىندا بولۋى كەرەك“. پارتيا مەكتەبى پارتيانىكى دەگەنگە تاباندى بولىپ، پارتيالىلىق پرينسيبىنە تاباندى بولىپ، پارتيانىڭ تۋىن تۋ ەتۋگە، پارتيانىڭ ەرىك - جىگەرىن ەرىك - جىگەر ەتۋگە، پارتيانىڭ بورىشىن بورىش ەتۋگە باستان - اياق تاباندى بولىپ، پارتيانىڭ ساياسي ءتارتىبى مەن ساياسي قاعيداسىنا قاتاڭ بويسۇنۋ كەرەك. پارتيانىڭ قۋاتتاماسىن ۇگىتتەپ، قيسىنسىز ءسوز، تەرىس پىكىرلەردى باعىتتامالى تۇردە تويتارىپ، پارتيانىڭ جاسامپاز نازارياسىنىڭ ويداعىداي بەلسەندى ۇگىتشىسى، ماركسيزمنىڭ يدەولوگيا سالاسىنداعى جەتەكشىلىك ورنىنىڭ ويداعىداي باتىل قورعاۋشىسى، پارتيانىڭ يدەولوگياسى ارقىلى قوعامدىق وي اعىمىن باستاۋدىڭ ويداعىداي سەنىمدى باستاماشىسى بولۋ كەرەك.

  پارتيانىڭ اۋەلگى ماقساتىنان جازباۋ ءۇشىن، ءسوز جوق، مەكتەپتى قاتاڭ باسقارۋعا، مەكتەپتى ساپا ارقىلى تۇلعالاۋعا باستان - اياق تاباندى بولىپ، ەڭ قاتاڭ ساياسي ولشەمگە، عىلمي ولشەمگە، وقىتۋ ولشەمىنە، باسقارۋ ولشەمىنە بويسۇنىپ، بۇرىس ستيلدىڭ ”تازارتقىشى“، پارتيالىلىقتى شىڭداۋدىڭ ”دومنا پەشى“، پارتيانى جاپپاي قاتاڭ باسقارۋدىڭ ”باعدارلاۋىشى“ رولىن ساۋلەلەندىرۋ كەرەك. پارتيا مەكتەبى وقىتۋشىلارىن ءبىلىم قۋۋعا دەن قويۋعا، ىجداعاتتىلىقپەن ىزدەنۋگە، ىقىلاسپەن ادام تاربيەلەۋگە باستاپ، كۋرسانتتارعا پارتيا مەكتەبىنە كىرە سالىسىمەن ۇيرەنۋ ستيلىن، قاراپايىمدىلىق ستيلىن، پاكتىك ستيلىن سەزىندىرۋ، مەكتەپتى ساپا ارقىلى تۇلعالاۋدى وقىتۋ جۇرگىزىپ، مەكتەپ باسقارۋدىڭ تىرشىلىك ينجەنەرياسى ەتىپ، جوعارى ولشەممەن وقىتۋ جۇرگىزۋگە تاباندى بولۋ كەرەك. پارتيانىڭ پارتيا مەكتەبى قىزمەتىنە جاپپاي باسشىلىعىنا تاباندى بولۋ، بۇكىل پارتيا پارتيا مەكتەبىن قۇرۋعا تاباندى بولۋ كەرەك.

  جاڭا داۋىردەگى جاڭا جورىق، جاڭا بورىش، جاڭا مىندەت. ءار دارەجەلى پارتيا مەكتەپتەرى يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، ”مەملەكەتتىڭ زور ءىسىن“ ەستە بەرىك ساقتاپ، پارتيا مەكتەبىنىڭ اۋەلگى ماقساتىنان جازباي، پارتيا ءۇشىن دارىندى تاربيەلەۋدە، پارتيا ءۇشىن اقىل - كەڭەس بەرۋدە بەلسەندى ىسكەرلىك كورسەتىپ، پارتيانىڭ جاسامپاز نازارياسىن ۇگىتتەپ تۇسىندىرۋدە، پارتيانىڭ نازاريالىق جاڭالىق اشۋىن ىلگەرىلەتۋدە مىندەت - بورىشىن قۇلشىنا وتەپ، پارتيانىڭ يدەيالىق - نازاريالىق قۇرىلىسىنىڭ ويداعىداي جالىندى قوسىنى بولۋعا قۇلشىنىپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە اقىل - پاراساتى مەن كۇش - قۋاتىن ارناۋى كەرەك.

(شينحۋا اگەنتتىگىنىڭ 3 - ايدىڭ 4 - كۇنى بەيجيڭنەن بەرگەن حابارى)

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.