شينحۋا اگەنتتىگىنىڭ 3 - ايدىڭ 9 - كۇنى بەيجيڭنەن بەرگەن حابارى. 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىنە قاتىناسىپ جاتقان ءارقايسى ۋاكىلدەر ۇيىرمەلەرى 3 - ايدىڭ 9 - كۇنى جاڭا كەزەكتى مەملەكەت قۇرىلىمى قۇرامىنداعىلاردىڭ كانديداتتارىن اقىلداسۋدى، كەڭەسۋدى باستادى.
جاڭا كەزەكتى مەملەكەت قۇرىلىمى قۇرامىنداعى كانديداتتاردىڭ ۇسىنىستىق ەسىمدىگىن جۇڭگو كوممۋنيستىك پارتياسى ورتالىق كوميتەتى 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ ءتوراعالار القاسىنا كورسەتكەن. 3 - ايدىڭ 9 - كۇنى تۇستەن بۇرىن وتكىزىلگەن 14 - كەزەكتى مەملەكەتتىك حالىق قۇرىلتايى 1 - ءماجىلىسى ءتوراعالار القاسىنىڭ 3 - جيىنىندا جۇڭگو كوممۋنيستىك پارتياسى ورتالىق كوميتەتىنىڭ تاپسىرۋىمەن، ورتالىق كوميتەت ۇيىمداستىرۋ ءبولىمىنىڭ باستىعى چىن شي جۇڭگو كوممۋنيستىك پارتياسى ورتالىق كوميتەتىنىڭ 14 - كەزەكتى مەملەكەتتىك حالىق قۇرىلتايى 1 - ءماجىلىسى ءتوراعالار القاسىنا كورسەتكەن جاڭا كەزەكتى مەملەكەت قۇرىلىمدارى قۇرامىنداعىلاردىڭ كانديداتتارىنىڭ ۇسىنىستىق ەسىمدىگى جونىندە تۇسىنىك جاسادى.
نەگىزگى زاڭ مەن قاتىستى زاڭدارداعى بەلگىلەمەلەرگە ساي، 14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى جۇڭحۋا حالىق رەسپۋبليكاسىنىڭ ءتوراعاسىن، ورىنباسار ءتوراعاسىن، جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعاسىن، 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ كوميتەت باستىعىن، ورىنباسار كوميتەت باستىقتارىن، باس حاتشىسىن، مۇشەلەرىن، جۇڭحۋا حالىق رەسپۋبليكاسى مەملەكەتتىك باقىلاۋ - تەكسەرۋ كوميتەتىنىڭ مەڭگەرۋشىسىن، ەڭ جوعارى حالىق سوتى مەكەمەسىنىڭ باستىعىن، ەڭ جوعارى حالىق پروكۋراتۋراسىنىڭ باس پروكۋرورىن سايلايدى.
14 - كەزەكتى مەملەكەتتىك حالىق قۇرىلتايى 1 - ءماجىلىسى ءتوراعالار القاسىنىڭ 3 - جيىنى داۋىسقا سالۋ ارقىلى جۇڭحۋا حالىق رەسپۋبليكاسىنىڭ ءتوراعاسى كانديداتىن، جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعاسى كانديداتىن، 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ كوميتەت باستىعىن، ورىنباسار كوميتەت باستىقتارىن، باس حاتشىسى كاندايداتىن، جۇڭحۋا حالىق رەسپۋبليكاسىنىڭ ورىنباسار ءتوراعاسى كانديداتىن ءتوراعالار القاسى كورسەتكەن ەسىم رەتىندە، ءارقايسى ۋاكىلدەر ۇيىرمەلەرىنىڭ اقىلداسۋىنا، كەڭەسۋىنە ۇسىنۋدى ۇيعاردى.
3 - ايدىڭ 9 - كۇنى تۇستەن كەيىن ءارقايسى ۋاكىلدەر ۇيىرمەلەرى جوعارىداعى كانديداتتاردى اقىلداستى، كەڭەستى.
زاڭداعى بەلگىلەمەلەرگە ساي، مەملەكەتتىك كەڭەستىڭ زۇڭلي كانديداتىن جۇڭحۋا حالىق رەسپۋبليكاسىنىڭ ءتوراعاسى كورسەتىپ، ءماجىلىستىڭ تاعايىنداۋدى ۇيعارۋىنا ۇسىنادى؛ مەملەكەتتىك كەڭەستىڭ ورىنباسار زۇڭليلىگىنە، مەملەكەتتىك كەڭەستىڭ مۇشەلىگىنە، مينيسترلىكتەردىڭ مينيسترلىگىنە، كوميتەتتەردىڭ مەڭگەرۋشىلىگىنە، جۇڭگو حالىق بانكەسىنىڭ باستىقتىعىنا، قازىنالىق باقىلاۋ مەكەمەسىنىڭ باستىقتىعىنا، باس حاتشىلىققا كورسەتىلەتىن كانديداتتاردى مەملەكەتتىك كەڭەستىڭ زۇڭليى كورسەتىپ، ءماجىلىستىڭ تاعايىنداۋدى ۇيعارۋىنا ۇسىنادى؛ جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ورىنباسار ءتوراعالىعىنا، مۇشەلىگىنە كورسەتىلەتىن كانديداتتاردى جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعاسى كورسەتىپ، ءماجىلىستىڭ تاعايىنداۋدى ۇيعارۋىنا ۇسىنادى.
ءماجىلىستىڭ كۇن تارتىبىنە ساي، 3 - ايدىڭ 10 - كۇنى تۇستەن كەيىن ءارقايسى ۋاكىلدەر ۇيىرمەلەرى مەملەكەتتىك كەڭەستىڭ زۇڭليلىگىنە كورسەتىلەتىن كانديداتتى، جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ورىنباسار ءتوراعالىعىنا، مۇشەلىگىنە كورسەتىلەتىن كانديداتتاردى اقىلداسادى؛ جۇڭحۋا حالىق رەسپۋبليكاسى مەملەكەتتىك باقىلاۋ - تەكسەرۋ كوميتەتىنىڭ مەڭگەرۋشىلىگىنە، ەڭ جوعارى حالىق سوتى مەكەمەسىنىڭ باستىقتىعىنا، ەڭ جوعارى حالىق پروكۋراتۋراسىنىڭ باس پروكۋرورلىعىنا كورسەتىلەتىن كانديداتتى، 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ مۇشەلىگىنە كورسەتىلەتىن كانديداتتاردى اقىلداسادى، كەڭەسەدى. 3 - ايدىڭ 11 - كۇنى تۇستەن كەيىن ءارقايسى ۋاكىلدەر ۇيىرمەلەرى مەملەكەتتىك كەڭەستىڭ ورىنباسار زۇڭليلىگىنە، مەملەكەتتىك كەڭەستىڭ مۇشەلىگىنە، مينيسترلىكتەردىڭ مينيسترلىگىنە، كوميتەتتەردىڭ مەڭگەرۋشىلىگىنە، جۇڭگو حالىق بانكەسىنىڭ باستىقتىعىنا، قازىنالىق باقىلاۋ مەكەمەسىنىڭ باستىقتىعىنا، باس حاتشىلىعىنا كورسەتىلگەن كانديداتتاردى اقىلداسادى.
14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى 3 - ايدىڭ 10 - كۇنىنەن 12 - كۇنىنە دەيىن جاڭا كەزەكتى مەملەكەت قۇرىلىمدارىنىڭ قۇرامىنداعىلاردى سايلايدى جانە تاعايىنداۋدى ۇيعارادى.
