− شي جينپيڭنىڭ مەملەكەتتىڭ ءتوراعالىعىنا، ورتالىق اسكەري ىستەر كوميتەتىنىڭ ءتوراعالىعىنا سايلانعاندىعى ءارى نەگىزگى زاڭ الدىندا سەرت بەرگەندىگى جونىندە
شينحۋا اگەنتتىگىنىڭ تىلشىلەرى
تولىق داۋىسپەن سايلانۋ حالىق تىلەگىن ايگىلەدى!
ايبىندى سەرت ەكپىندەي ىلگەرىلەۋ اسقاق سەزىمىن تاسقىنداتتى!
جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن قارسى العان تاريحي ساتتە − 2023 - جىلى 3 - ايدىڭ 10 - كۇنى تۇستەن بۇرىن باس شۋجي شي جينپيڭ مەملەكەتتىڭ ءتوراعالىعىنا، ورتالىق اسكەري ىستەر كوميتەتىنىڭ ءتوراعالىعىنا تولىق داۋىسپەن سايلاندى.
ناقتى قاتىناسقان ۋاكىل 2952، تاراتىلعان سايلاۋ بەلەتى 2952، جيناپ الىنعان سايلاۋ بەلەتى 2952، قۇپتاعان بەلەت سانى 2952! سالماقتى سايلاۋ بەلەتى ميلليارد حالىقتىڭ جاڭا ءداۋىردىڭ جاڭا جورىعىنداعى جول باستاۋشىنى شىن جۇرەكتەن قولداۋى مەن شەكسىز سەنىمىن ۇيىستىردى.
حالىق سارايىنداعى تالايعا دەيىن تولاستاماعان شاپالاق ءۇنى جالپى بارىستىق حالىق دەموكراتياسى ۇيىستىرعان قۋاتتى ەرىك - جىگەر مەن گۇلدەندىرۋدىڭ ۇلى كۇشىن ايگىلەدى.
بۇل جۇدىرىقتاي جۇمىلۋدىڭ اۋەلەگەن اۋەنى.
3 - ايدىڭ 10 - كۇنى ەرتەمەن، تيان - انمىن الاڭىنا تاڭ شۇعىلاسى توگىلدى. 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىنە قاتىناسىپ جاتقان ۋاكىلدەر نىق تا پارمەندى قاداممەن حالىق سارايىنا اياق باسىپ، حالىق بەرگەن قاسيەتتى ۇقىقتارىن جۇرگىزۋگە دايىندالدى.
تۇستەن بۇرىن ساعات 9دان 27 مينۋتتا سايلاۋ رەسمي باستالدى. بەلەت باقىلاۋشىلار بۇكىل الاڭداعى 28 قىزىل ءتۇستى ەلەكتروندى بەلەت ساندىعىن جانە ەلەكتروندى سايلاۋ جۇيەسىن مۇقيات تەكسەردى، قىزمەتكەرلەر سايلاۋ بەلەتىن تارتىپپەن تاراتتى، ۋاكىلدەر مۇقيات تەكسەرىپ كوردى، بەلەتتى جازدى... سايلاۋ ورنى رەتتى دە ءتارتىپتى بولدى.
ساعات 9دان 50 مينۋت مولشەرىندە كوڭىلدى دە ويناقى مۋزيكاعا ىلەسە، ۋاكىلدەر رەتىمەن بەلەت ساندىعىنىڭ الدىنا كەلىپ، بەلەتتى بايىپپەن ءبىر - بىرلەپ بەلەت ساندىعىنا سالدى.
جۇڭگو كوممۋنيستىك پارتياسى ورتالىق كوميتەتىنىڭ ۇسىنىسىنا ساي، 14 - كەزەكتى مەملەكەتتىك حالىق قۇرىلتايى 1 - ءماجىلىسى ءتوراعالار القاسىنىڭ كورسەتۋىمەن، ءارقايسى ۋاكىلدەر ۇيىرمەلەرىنىڭ تولىق اقىلداسىپ كەڭەسۋى ارقىلى، ەڭ سوڭىندا ءماجىلىس ءتوراعالار القاسى كانديداتتاردى ۋاكىلدەردىڭ پىكىرى بويىنشا تۇراقتاندىردى.
ۋاكىلدەر شي جينپيڭ جولداستى مەملەكەت ءتوراعالىعىنا، ورتالىق اسكەري ىستەر كوميتەتىنىڭ ءتوراعالىعىنا كورسەتۋدى ءبىر اۋىزدان قۇپتادى. كوپشىلىك ءبىر اۋىزدان بىلاي دەپ قارادى: باس شۋجي شي جينپيڭ بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن باستاپ، تار جول، تايعاق كەشۋلەردەن تايسالماي ءوتىپ، ەرەن ەڭبەك ءسىڭىردى. ”ەكىنى تۇراقتاندىرۋدىڭ“ شەشۋشى ءمانى ميلليارد حالىقتىڭ بەرىك ورتاق تانىمىنا اينالدى. باس شۋجي شي جينپيڭنىڭ جاڭا ءداۋىردىڭ جاڭا جورىعىندا رول ۇستاپ، جول باستاۋى − تاريحتىڭ تاڭداۋى، حالىقتىڭ تاڭداۋى، ءداۋىردىڭ تاڭداۋى، جۇڭحۋا ۇلتى ۇلى گۇلدەنۋىنە سايادى، جالپى حالىقتىڭ قالاۋى.
ساعات 10نان 55 مينۋت وتكەندە قىزمەتكەر ءور داۋىسپەن: ”جۇڭحۋا حالىق رەسپۋبليكاسى ءتوراعاسىنىڭ كانديداتى شي جينپيڭ، قۇپتاعان داۋىس 2952“، - دەپ جاريالادى. بەلەت ساناۋ ناتيجەسى سول جەردەگى ۇلكەن ەكراننان قادامداس كورسەتىلدى.
بۇكىل زالداعىلار ورىندارىنان تۇرىپ، دۋ قول شاپالاق سوقتى.
باسقارۋشى بىلاي دەپ جاريالادى: ”شي جينپيڭ جولداس جۇڭحۋا حالىق رەسپۋبليكاسىنىڭ ءتوراعالىعىنا سايلاندى“.
شاتىرلاي سوعىلعان شاپالاق داۋىسى حالىق سارايىن جاڭعىرتتى.
شي جينپيڭ بارلىق ۋاكىلگە ءيىلىپ ىزەت ءبىلدىردى.
باسقارۋشى شي جينپيڭ جولداستىڭ جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعالىعىنا سايلانعاندىعىن جاريالاعان كەزدە، زالدى تاعى ءبىر مارتە شاتىرلاعان شاپالاق ءۇنى كەرنەدى.
پارتيا 20 - قۇرىلتايىنىڭ ۋاكىلدىگىنە، 20 - كەزەكتى ورتالىق كوميتەتتىڭ مۇشەلىگىنە، ورتالىق كوميتەتتىڭ باس شۋجيلىگىنە تولىق داۋىسپەن سايلانعاننان ءارى 14 - كەزەكتى مەملەكەتتىك حالىق قۇرىلتايىنىڭ ۋاكىلدىگىنە تولىق داۋىسپەن سايلانعاننان كەيىن، باس شۋجي شي جينپيڭ مەملەكەت ءتوراعالىعىنا، ورتالىق اسكەري ىستەر كوميتەتىنىڭ ءتوراعالىعىنا تولىق داۋىسپەن سايلاندى.
دەسە دەگەندەي پارتيانىڭ ۇيتقىسى، حالىقتىڭ كوسەمى، ارميانىڭ باس قولباسشىسى بولدى.
جاڭا ءداۋىردىڭ 10 جىلىندا، شي جينپيڭ جولداستى ۇيتقى ەتكەن پارتيا ورتالىق كوميتەتى حالىقتى ىنتىماقتاستىرىپ جانە باستاپ، ءبىر قىدىرۋ ستراتەگيالىق شارا قولدانىپ، ءبىر قىدىرۋ وزگەرىس سيپاتتى امالياتتى ىلگەرىلەتىپ، ءبىر قىدىرۋ كەلەلى ىلگەرىلەۋشىلىكتى جۇزەگە اسىرىپ، ءبىر قىدىرۋ بەلگى سيپاتتى جەتىستىككە قول جەتكىزىپ، پارتيا مەن مەملەكەت ىستەرىندە تاريحي تابىستارعا قول جەتكىزىپ، تاريحي وزگەرىستەر جاسادى.
پارتيانىڭ 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جونىندە ستراتەگيالىق جوسپار جاسادى. جاڭا تاريحي باستامادا ميلليارد حالىق كوكىرەك تولى سەنىممەن جانە تىلەكپەن، جۇڭگو ۇلگىسىندەگى وسىزامانداندىرۋ قۇرىلىسىنىڭ تەلەگەي كۇشىن ۇيىستىرىپ، ۇلتتى گۇلدەندىرۋدىڭ نۇرلى بولاشاعىنا قاراي ارشىندى قاداممەن اتتاندى.
ۇلى داۋىردە، ءسوز جوق، جول باستاۋشى بەتالىستى كورسەتەدى؛
ۇلى ىستەردە، ءسوز جوق، رول ۇستاۋشى ۇستامدىلىقپەن جول باستايدى.
جۇرت مىناعان كامىل سەنەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭحۋا ۇلتى ۇلى گۇلدەنۋىنىڭ الىپ كەمەسى، ءسوز جوق، تولقىن جارا ىلگەرىلەپ، ورنىقتى تۇردە الىسقا جەتەدى.
قىزىل جۇلدىز جارقىراپ، ادامدى ەكپىندەي ىلگەرىلەۋگە جەبەدى؛ ايبىندى سەرتتىڭ سالماعى توتەنشە اۋىر.
ساعات 11دەن 7 مينۋتتا ازاتتىق ارميانىڭ اسكەري وركەسترى سەرت بەرۋ كەرنايىن شالدى. 12 قۇرمەت قاراۋىلى زالدىڭ ارتقى جاعىنان مارش قادامىمەن كىرىپ، ءتوراعالار مىنبەسىنىڭ الدىنا كەلىپ تۇردى.
ءتوراعالار مىنبەسىندە 3 قۇرمەت قاراۋىلى «جۇڭحۋا حالىق رەسپۋبليكاسىنىڭ نەگىزگى زاڭىن» قورعاپ الىپ كەلىپ، نەگىزگى زاڭدى سەرت بەرۋ مىنبەسىنىڭ ۇستىنە تۇزەپ قويدى.
مەملەكەت ءانىنىڭ اۋەنى اسقاقتاپ، بۇكىل زالداعىلار اۋەلەتە شىرقادى.
”قوزعال، قۇل بولعىسى كەلمەگەن جان، جان - تانىمىزبەن سوعايىق جاڭا قورعان“... ايبىندى ءىرى ەل ءانى جۇڭحۋا پەرزەنتتەرىن ەرلىكپەن العا تارتىپ، جاڭا جورىقتا قاسقايا ەكپىندەي ىلگەرىلەۋگە جىگەرلەندىردى.
ءتوراعانىڭ الاڭعا شىعۋ كەرنايىنىڭ اسقاق داۋىسىنا ىلەسە، شي جينپيڭ نىق قاداممەن سەرت بەرۋ مىنبەسىنىڭ الدىنا كەلدى.
مەملەكەت گەربى جارقىراپ، قاسيەتتى ساتكە كۋا بولدى −
شي جينپيڭ سول قولىن نەگىزگى زاڭنىڭ ۇستىنە قويىپ، وڭ قولىن كوتەرىپ جۇدىرىعىن ءتۇيىپ، مەملەكەتتىك حالىق قۇرىلتايىنىڭ 3000داي ۋاكىلى الدىندا ايبىندى سەرت بەردى.
”مەن مىنانى سەرت ەتەمىن: جۇڭحۋا حالىق رەسپۋبليكاسىنىڭ نەگىزگى زاڭىنا ادال بولامىن، نەگىزگى زاڭنىڭ بەدەلىن قورعايمىن، زاڭدا بەلگىلەنگەن قىزمەت مىندەتىمدى اتقارامىن، وتانعا ادال بولامىن، حالىققا ادال بولامىن، ءوز قىزمەتىمدى بايىپتى، مۇقيات، جاقسى ىستەپ، پاك ءارى كوپشىل بولىپ، حالىقتىڭ باقىلاۋىن قابىلدايمىن، باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى مەملەكەت قۇرۋ ءۇشىن قۇلشىنا كۇرەسەمىن“!
حالىق سارايىن تاعى دا ۇزاققا سوزىلعان دۋ قول شاپالاق ءۇنى كەرنەدى.
ايبىندى سالت مەملەكەتتىڭ ءتۇبىرلى زاڭىن قۇرمەتتەۋ مەن قورعاۋدى ءتۇسىندىردى −
5 جىلدىڭ الدىندا، حالىق رەسپۋبليكاسى تاريحىنداعى تۇڭعىش رەتكى مەملەكەت باسشىسىنىڭ نەگىزگى زاڭ الدىندا سەرت بەرۋى تاريحقا جازىلدى. باس شۋجي شي جينپيڭ ءوزى امالياتتا ايگىلەپ، ءوزى ونەگە كورسەتىپ، نەگىزگى زاڭنىڭ اتقارىلۋىن ىلگەرىلەتىپ، جاڭا داۋىردەگى مەملەكەتتى نەگىزگى زاڭمەن باسقارۋدىڭ، نەگىزگى زاڭ ارقىلى بيلىك جۇرگىزۋدىڭ نەگىزىن بەكەمدەدى.
سەرت ەكپىندى بولدى، ايبىندى جورىققا اسقاق سەزىممەن باستادى −
2035 - جىلعا بارعاندا سوتسياليستىك وسىزامانداندىرۋدى نەگىزىنەن جۇزەگە اسىرۋ، وسى عاسىردىڭ ورتاسىنا بارعاندا ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرۋ شىعۋ... جۇڭگو ۇلگىسىندەگى وسىزامانداندىرۋدىڭ كوركەم بولاشاعى ادامدى تالپىندىرادى، حالىق كوسەمى ءار ۇلت حالقىن باستاپ جاڭا ارمانعا ۇمتىلۋ جورىعىنا قادام تاستادى.
شاپالاق ءۇنى جاڭعىردى، كوكىرەك تولى سەنىممەن تىڭ تاراۋ جازدى −
”بۇل باس شۋجي شي جينپيڭنىڭ پارتياعا ءوزىن ارناۋ، وتانعا ءوزىن ارناۋ، حالىق ءۇشىن بيلىك جۇرگىزۋ سىندى ايبىندى ۋادەسى“!
”باس شۋجي شي جينپيڭ ءبىزدىڭ ’سۇيەنىشىمىز‘ بولعاندا، جاپا - ماشاقات، قيىنشىلىق، حاۋىپ - قاتەر، كەدەرگى اتاۋلىنى، ءسوزسىز، جەڭىپ شىعامىز“!
”ءبىز باس شۋجي شي جينپيڭنىڭ باستاۋىندا اسقاق جىگەرمەن قايراتتانا ۇمتىلىپ، تاعى دا تىڭ ۇلەس قوسامىز“!
...
تاسقىنداعان جۇرەك ءۇنى، قىزۋ، شىنايى سۇيىسپەنشىلىك.
حالىق سارايىنىڭ سىرتىندا نارت قىزىل تۋلار جەلبىرەدى.
جۇڭحۋانىڭ بايتاق دالاسىندا تىرشىلىك تىنىسى قاۋلادى.
(شينحۋا اگەنتتىگىنىڭ 3 - ايدىڭ 10 - كۇنى بەيجيڭنەن بەرگەن حابارى)
