تيانشان تورى
تيانشان تورى   ›   جاڭالىقتار   ›   شينجياڭ حابارلارى

مەملەكەتتىك ساياسي كەڭەستىڭ شينجياڭدا تۇراتىن مۇشەلەرى تولعاقتى ماسەلەلەر توڭىرەگىندە كەڭەس بەرىپ، ۇسىنىس قويدى

  انار بۇلت \ شينجياڭ گازەتىنىڭ ءتىلشىسى جاڭ يۇنمەيدىڭ 3 - ايدىڭ 10 - كۇنى بەيجيڭنەن جالعاپ بەرگەن حابارى. 3 - ايدىڭ 10 - كۇنى مەملەكەتتىك ساياسي كەڭەس 14 - كەزەكتى كوميتەتىنىڭ 1 - ماجىلىسىنە قاتىناسقان مەملەكەتتىك ساياسي كەڭەستىڭ شينجياڭدا تۇراتىن مۇشەلەرى سالالىق كەڭەس ماجىلىسىنە نەمەسە گرۋپپالار ماجىلىسىنە قاتىناسىپ، نازار اۋدارىپ كەلە جاتقان تولعاقتى ماسەلەلەر توڭىرەگىندە كەڭەس بەرىپ، ۇسىنىس قويدى. مەملەكەتتىك ساياسي كەڭەستىڭ مۇشەسى، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن گرۋپپا تالقىسىنا قاتىناستى.

  ماجىلىستە ”سالاماتتى جۇڭگو“ تاعى دا مەملەكەتتىك ساياسي كەڭەستىڭ شينجياڭدا تۇراتىن مۇشەلەرى نازار اۋدارعان قولامتالى تۇيىنگە اينالدى.

  ”شينجياڭ سوڭعى جىلداردا اۋدان وڭىرىندىك ەمدەۋ جاعىندا قىزمەت وتەۋ تىعىز ورتاق تۇلعاسى قۇرىلىسىن جاپپاي ىلگەرىلەتتى، قازىر ساپالى ەمدەۋ دارىندىلارى بايلىعى تاپشى بولۋ ءارى تارالۋى بىركەلكى بولماۋ ماسەلەسى ءالى دە ورىن تەبۋدە“. مۇشە مىڭ چيڭساي مىناداي ۇسىنىس ايتتى: دارىندىلاردى ەنگىزۋ ءادىسىن كەمەلدەندىرىپ، دارىندىلاردى باۋلۋ شاراسىن اشالاپ، ءبىر تۇتاس ەمدەۋ بىرىككەن تۇلعاسىن ينفورماتسيالاندىرۋ تۇعىرىن ورناتىپ، ءار دارەجەلى ەمدەۋ قۇرىلىمدارىنىڭ ۇلاسۋىن، تۇتاسۋىن جۇزەگە اسىرىپ، ساپالى ەمدەۋ بايلىعىنىڭ تەرەڭ بويلاي اينالىسقا ءتۇسۋىن ىلگەرىلەتىپ، ەمدەۋ، ەمدەۋ قامسىزداندىرۋى جانە الەۋمەتتىك دەنساۋلىق ساقتاۋ سياقتى جۇيەلەر اراسىنداعى ءتۇيىلىسۋ يقۋاتىن جۇزەگە اسىرىپ، دارەجەگە ءبولىپ دياگنوز قويۋ - ەمدەۋدىڭ قولايلى دا جىلدام بولۋىنا كەپىلدىك ەتۋ كەرەك.

  مۇشە ەلزات احمەتجان عىلمي، ۇيلەسىمدى، جوعارى ءونىمدى شۇعىل ەمدەۋ، شۇعىل قۇتقارۋ مەديتسينالىق قۇتقارۋ - ەمدەۋ جۇيەسىن ورناتىپ، شينجياڭنىڭ شۇعىل ەمدەۋ، شۇعىل قۇتقارۋ ىستەرىنىڭ دامۋىن ىلگەرىلەتۋگە ۇندەدى. ول مىناداي ۇسىنىس ايتتى: ”ءبىر ەندىك، ءبىر بويلىق، ءبىر قابىلەت“ سىندى شۇعىل ەمدەۋ، شۇعىل قۇتقارۋ جۇيەسى قۇرىلىسىن جەدەلدەتۋ كەرەك. مۇندا ”ءبىر ەندىك“ دەگەنىمىز ەندىك باعىتتا جوبالاپ، قاتتى بولشەك قۇرىلعىلارىنىڭ فيزيكالىق توعىسۋىن ورىنداۋ؛ ”ءبىر بويلىق“ دەگەنىمىز بويلىق باعىتتا جوبالاپ، ءتۇرلى شۇعىل، حاۋىپتى، سالماقتى اۋرۋلاردى قۇتقارۋ - ەمدەۋ بارىسىنداعى جۇيەلىلەنۋدىڭ، ۇقساستانۋدىڭ حيميالىق توعىسۋىن ورىنداۋ؛ ”ءبىر قابىلەت“ دەگەنىمىز شۇعىل ەمدەۋ ارناۋلى شيپاگەرلەرى ازىرلەۋگە ءتيىستى قابىلەت، ”قۇتقارۋعا شاقىرعان كەزدە - اق شۇعىل قۇتقارۋدى، كولىككە شىققان كەزدە - اق اۋرۋحاناعا كىرۋدى“ جۇزەگە اسىرۋ كەرەك.

  مەملەكەتتىك ساياسي كەڭەستىڭ شينجياڭدا تۇراتىن مۇشەلەرى جۇڭحۋانىڭ تاڭداۋلى ءداستۇرلى مادەنيەتىن اسقاقتاتۋ توڭىرەگىندە دە جابال اقىل - كەڭەس بەردى.

  ”تەكەس بايىرعى قالاسىنىڭ ەجەلگى ەسكى جۇرتىن ىشكەرىلەي قازۋ تاريحتاعى ورتالىق ۇكىمەتتىڭ باتىس ءوڭىردى تىكەلەي باسقارعانىن دالەلدەۋ جونىنەن تالاسسىز تاريحي مانگە يە“. مۇشە باۋ انميڭ مىناداي ۇسىنىس ەتتى: تەكەس اۋدانىنداعى ەكى جەردەگى ماڭىزدى ەجەلگى ەسكى جۇرتتى ىرىقتىلىقپەن قازۋ جۇمىسىن تەزىرەك جۇرگىزىپ، وڭىرلىك مادەنيەت قۇرىلىسىنا جانە شينجياڭدى مادەنيەتپەن نارلەندىرۋگە تياناقتى تاريحي شىندىق ماتەريالىن ازىرلەپ، شينجياڭدى مادەنيەتپەن نارلەندىرۋ قىزمەتىن تياناقتاندىرۋعا، جۇڭحۋا ۇلتى ورتاق تۇلعا تانىمىن بەرىك ورناتۋعا اناعۇرلىم كوپ عىلمي قولداۋ جانە نازاريالىق دايەك ازىرلەۋ كەرەك.

  مۇشە ساڭجيە جياسو بىلاي دەپ قارادى: ءداستۇرلى قىستاقتار مەن تاريحي مادەنيەت ايگىلى قالاشىقتارى، ايگىلى قىستاقتارى جۇڭحۋا ۇلتى ءداستۇرلى مادەنيەتىنىڭ ماڭىزدى دانەكەرى جانە رۋحاني مەكەنى ەسەپتەلەدى. ءداستۇرلى قىستاقتار مەن تاريحي مادەنيەت ايگىلى قالاشىقتارىن، ايگىلى قىستاقتارىن قورعاۋ سەرپىنىن ارتتىرىپ، قالا - قالاشىقتاندىرۋ مەن بايىرعى قىستاقتاردى قورعاۋ اراسىنداعى قايشىلىقتى ويداعىداي ءبىر جايلى ەتىپ، تاريحي مادەنيەت ايگىلى قالاشىقتارىن، ايگىلى قىستاقتارىن قالا - قالاشىقتاندىرۋدىڭ جالپى جوباسىنا ەنگىزىپ، ءبىر تۇتاس جوسپارلاپ، ءتارتىپتى اشقان ءجون.

  جوعارى ساپالى دامۋ، اۋىل - قىستاقتى گۇلدەندىرۋ، كاسىپتىك وقۋ - اعارتۋ... مەملەكەتتىك ساياسي كەڭەستىڭ شينجياڭدا تۇراتىن مۇشەلەرى ورايدى يگەرىپ، شينجياڭنىڭ ”جاعىمدى ءۇنىن“ شىعانداتتى.

  مۇشە ياڭ جيە مىنانى ۇسىندى: چارقىلىقتى باستالۋ ءتۇيىنى ەتكەن ”شينجياڭنىڭ ەلەكترىن سىرتقا جونەلتۋ“ 4 -، 5 - ارنالارىن تولىقتىرۋدى مەملەكەتتىڭ ەلەكتر قۋاتىن دامىتۋدىڭ ”14 - بەسجىلدىق“ جوباسىنا ەنگىزۋ ءارى جەكە - جەكە قۇرىلىس باستالاتىن نىسان، زەرتتەپ دالەلدەيتىن نىسان ەتىپ تۇراقتاندىرۋ كەرەك.

  مۇشە گۋان فاڭفاڭ مىنانى ۇسىندى: كاسىپتىك مەكتەپتەردى اۋىل - قىستاقتى گۇلدەندىرۋ ستراتەگياسىنىڭ ناقتى قاجەتىن تياناق ەتىپ، دارىندىلاردى باۋلۋدىڭ جاڭا جۇيەسىن، جاڭا نىساناسىن، جاڭا مازمۇنىن قالىپتاستىرۋعا جەتەكتەۋ جانە قۋزاۋ؛ كاسىپتىك وقۋ - اعارتۋدى اۋىل - قىستاقتاعى بۇقاراعا جەتكىزىپ، جەرگىلىكتى ورىنعا قانىق ”جەرگىلىكتى مامانداردى“ باۋلۋ كەرەك.

  مۇشە ۋاڭ ۋي مىنانى ۇسىندى: تۇقىمدىق زات بايلىعىن زەرتتەۋدى كۇشەيتىپ، تۇقىم شارۋاشىلىعىندا جاڭالىق اشۋداعى تۇقىمدىق زات بايلىعىنىڭ ”قىسپاققا الۋ“ ماسەلەسىن شەشۋ؛ ساۋدالانعان تۇقىم جەتىلدىرۋدى جەبەپ، جاڭالىق اشۋ قابىلەتى بار تۇقىم كاسىپورىندارىن زور كۇشپەن قولداۋ؛ تۇقىم جەتىلدىرۋ بازاسى مەن ساپالى تۇقىم جەتىلدىرۋ بازاسى قۇرىلىسىن كۇشەيتۋ؛ ماندىك تۋىندامالى سورتتاردى تۇجىرىمداۋ تەحنيكاسىن زەرتتەۋدى جىلدام ورىستەتىپ، تۇقىم شارۋاشىلىعىن باسقارۋعا تەحنيكالىق قامتاماسىزدىق ازىرلەۋ كەرەك.

  مەملەكەتتىك ساياسي كەڭەستىڭ مۇشەلەرى ليۋ ۋانلۇڭ، ەلزات احمەتجان، قادىلبەك قامزا، جاروللا يسامدين، ابدۇرىقىپ ءتومۇرنياز، ليۋ جيانميڭ، حالمۇرات ابدۇراحمان قاتارلىلار تالقىعا قاتىناستى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.