تيانشان تورى
تيانشان تورى   ›   جاڭالىقتار   ›   شينجياڭ حابارلارى

ۇلى گۇلدەنۋدىڭ جول باستاۋشىسىنا ءجىتى ىلەسىپ، كورىكتى شينجياڭدى قۇلشىنا قۇرامىز

− شي جينپيڭنىڭ مەملەكەت ءتوراعالىعىنا، ورتالىق اسكەري ىستەر كوميتەتىنىڭ ءتوراعالىعىنا سايلانۋى شينجياڭداعى ءار ۇلت حالقىن جاڭا جورىقتا ەكپىندەي ىلگەرىلەۋگە جىگەرلەندىردى جانە ىنتالاندىردى

□ انار بۇلت \ شينجياڭ گازەتىنىڭ تىلشىلەرى

  شالقار تەڭىز تولقىسا، مىزعىماس تىرەكتىڭ قۇدىرەتىن سەزەسىڭ، وركەش - وركەش تاۋلاردىڭ ەڭسەسىن شوقتىقتى شىڭىنان كورەسىڭ. 3 - ايدىڭ 10 - كۇنى تۇستەن بۇرىن 14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى جالپى جيىن وتكىزىپ، جاڭا كەزەكتى مەملەكەت قۇرىلىمدارى باسشىلارىن سايلاپ شىقتى، شي جينپيڭ جولداس جۇڭحۋا حالىق رەسپۋبليكاسىنىڭ ءتوراعالىعىنا، جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعالىعىنا تولىق داۋىسپەن سايلاندى. بەيجيڭدە مەملەكەتتىك ەكى ماجىلىسكە قاتىناسىپ جاتقان مەملەكەتتىك حالىق قۇرىلتايىنىڭ رايونىمىزداعى ۋاكىلدەرى، مەملەكەتتىك ساياسي كەڭەستىڭ شينجياڭدا تۇراتىن مۇشەلەرى، سونداي - اق شينجياڭداعى ءار ۇلت كادرلارى مەن بۇقاراسى شاتتانا جىگەرلەنىپ، جۇرت كوڭىلى جەلپىندى. قالىڭ كادر مەن بۇقارا ءبىر اۋىزدان مىنالاردى ءبىلدىردى: باس شۋجي شي جينپيڭنىڭ جۇڭحۋا حالىق رەسپۋبليكاسىنىڭ ءتوراعالىعىنا، جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعالىعىنا سايلانۋى بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق تىلەگىن تولىق بەينەلەدى، پارتيا ەركىنىڭ، حالىق ەركىنىڭ، مەملەكەت ەركىنىڭ وسكەلەڭ بىرلىگىن تولىق ايگىلەدى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، شىندىققا جۇگىنىپ، ناقتى ىستەر ىستەپ، شىنايى يگەرىپ، ناقتى ىستەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتىپ، جاڭا داۋىردەگى جاڭا جورىقتا كورىكتى شينجياڭدى قۇلشىنا ويداعىداي قۇرۋىمىز كەرەك.

حالىق تىلەگى، جۇرت قالاۋى

  3 - ايدىڭ 10 - كۇنى تۇستەن بۇرىن حالىق سارايىندا شاتىرلاعان شاپالاق ءۇنى وسى تاريحي ءساتتى تاڭبالاپ، جۇرت ساناسىنا تەرەڭ ۇيالاتتى.

  مەملەكەتتىك حالىق قۇرىلتايىنىڭ ۋاكىلى قۇربان نياز بىلاي دەدى: ءىستى باستان كەشپەسەڭ، قيىندىعىن بىلمەيسىڭ، قاراماققا قاراپايىم بولعانىمەن، ءىس جۇزىندە، وتە جاپالى. جاڭا داۋىردەن بەرى كۇرمەۋى كوپ كونە ماسەلەلەردى شەشىپ، جاڭا دامۋ جولىنداعى بوگەتتەردى ارىلتىپ، سىن - سايىستاردان سۇرىنبەي وتتىك. تاريح سىنىندا، اماليات سىناعىندا، كۇرەس تاجىريبەسىندە باس شۋجي شي جينپيڭ ماركسيزمدىك ساياساتكەرگە، ويشىلعا، ستراتەككە ءتان ايبىندى جىگەر، كورەگەندىك، كەمەڭگەرلىك ارقىلى جالپى جاعدايدى مەڭگەرىپ، ۇلى جوسپار جاساپ، ەرەن باسشىلىق قابىلەتىن، وسكەلەڭ كىسىلىك قاسيەتىن، شىنايى حالىقشىلدىق ىنتا - ىقىلاسىن ايگىلەپ، ايتسا ايتقانداي پارتيانىڭ ۇيتقىسى، حالىقتىڭ كوسەمى، ارميانىڭ قولباسشىسى، پارتيانىڭ حالىققا باسشىلىق ەتىپ، ۇلى ىستەردى جۇزەگە اسىرۋداعى تىرەگى، جۇڭحۋا ۇلتىنىڭ ۇلى گۇلدەنۋى سىندى الىپ كەمەنىڭ تىزگىنشىسى، جول باستاۋشىسى بولدى.

  قۇربان نياز مىنالاردى ءبىلدىردى: باس شۋجي شي جينپيڭ جۇڭحۋا حالىق رەسپۋبليكاسىنىڭ ءتوراعالىعىنا، ورتالىق اسكەري ىستەر كوميتەتىنىڭ ءتوراعالىعىنا تولىق داۋىسپەن سايلاندى، بۇل ءداۋىردىڭ ۇندەۋى، حالىقتىڭ تىلەگى، بۇل ءبىزدىڭ ءبىر ميلليارد 400 ميلليوننان استام جۇڭگولىق اتىنان جاساعان بايىپتى تاڭداۋىمىز، قالىڭ بۇقارانىڭ كوسەمدى شىن جۇرەكتەن قولداپ - قۋاتتايتىندىعىن بىلدىرەدى. ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا جاڭا بەينەمىزدى ايگىلەپ، تىڭ ىسكەرلىك كورسەتۋىمىز كەرەك.

  ”تولىق داۋىس! كوپشىلىك دەرەۋ ورىندارىنان تۇردى“! حالىق سارايىندا جان تەبىرەنتەرلىك وسى ءساتتى ءوز باسىنان كەشكەن مەملەكەتتىك حالىق قۇرىلتايىنىڭ ۋاكىلى زويا باقىت: ”بارلىق ادام قىزۋ قول شاپالاق سوعىپ جاتتى، شاپالاق سوققاندا الاقانىم قىزارىپ كەتتى“، - دەدى. ول مىنانى ءبىلدىردى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ باسشىلىعىندا، مەملەكەتىمىز بارعان سايىن قۇدىرەتتەنىپ، بۇقارانىڭ تۇرمىسى بارعان سايىن جاقسارۋدا، مۇنداي كوسەمدى ءبىز شىن جۇرەكتەن قولدايمىز.

  ”باسقارۋشى سايلاۋ ناتيجەسىن جاريالاعاندا جۇرەگىم دۇرسىلدەي سوعىپ، كوزىمە ەرىكسىز جاس ءۇيىرىلدى“. مەملەكەتتىك حالىق قۇرىلتايىنىڭ ۋاكىلى كۇڭ فيفي بىلاي دەدى: باس شۋجي شي جينپيڭنىڭ تۋ ۇستاپ، باعىت بەلگىلەپ، رول ۇستاپ، جول باستاۋىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، تولقىن جارا ىلگەرىلەپ، ەرلىكپەن العا تارتىپ، العا باسۋ جولىمىزداعى قيىندىق پەن حاۋىپ - قاتەر، كەدەرگى اتاۋلىنى جەڭە الاتىنىمىز داۋسىز.

  مەملەكەتتىك ساياسي كەڭەستىڭ مۇشەسى، جۇڭگو دەموكراتيالىق مەملەكەت قۇرۋ قوعامى شينجياڭ رايوندىق كوميتەتىنىڭ مەڭگەرۋشى مۇشەسى ما حۋادۇڭ بىلاي دەدى: باس شۋجي شي جينپيڭنىڭ مەملەكەت ءتوراعالىعىنا، ورتالىق اسكەري ىستەر كوميتەتىنىڭ ءتوراعالىعىنا سايلانۋى دەموكراتيالىق پارتيا - توپتاردى قامتىعان بۇكىل ەلدەگى ءار ۇلت حالقىنىڭ شىن جۇرەكتەن قولدايتىندىعىن، ول كىسىنىڭ ەل باسقارۋداعى ەرەن قابىلەتىن ايرىقشا مويىندايتىندىعىن، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە دەگەن ىقىلاستى تىلەگىن تولىق بەينەلەدى.

  ”باس شۋجي شي جينپيڭنىڭ مەملەكەت ءتوراعالىعىنا، ورتالىق اسكەري ىستەر كوميتەتىنىڭ ءتوراعالىعىنا سايلانۋى جۇڭگو كوممۋنيستىك پارتياسى، جۇڭحۋا حالىق رەسپۋبليكاسى، جۇڭگو حالىق ازاتتىق ارمياسى باسشىلارىنىڭ ’ءۇشتى ءبىر تۇلعالاندىرۋ‘ سىندى باسشىلىق ءتۇزىلىسىنىڭ تۇزىمدىك ورنالاستىرۋىن تولىق ايگىلەدى، جۇڭگو كوممۋنيستىك پارتياسى باسشىلىعىنىڭ ساياسي ابزالدىلىعى مەن جۇڭگوشا سوتسياليزمنىڭ تۇزىمدىك ابزالدىلىعىن ايگىلەدى. ءبىز باتىل قولدايمىز“. جۇڭگو گومينداڭ توڭكەرىستىك كوميتەتى شينجياڭ رايوندىق كوميتەتىنىڭ مەڭگەرۋشى مۇشەسى، اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسىنىڭ باستىعى سۇڭ ياجۇن: ۇلى گۇلدەنۋدىڭ جول باستاۋشىسىنا ءجىتى ىلەسسەك، جاڭا ۇلى كۇرەس ارقىلى جاڭا تاريحي ۇلى ىستەردى جاراتا الاتىنىمىز داۋسىز، - دەدى.

حالىقتىڭ كوسەمىن شىن جۇرەكتەن قادىرلەيمىز

  باس شۋجي شي جينپيڭ شينجياڭ سىندى وسى ءوڭىردى قاشاندا ەسىنەن شىعارعان ەمەس، شينجياڭداعى ءار ۇلت حالقىن ەسىنەن شىعارعان ەمەس. كوڭىل جەلپىندىرەتىن حابار 25 ميلليوننان استام شينجياڭ حالقىنىڭ تىلەگىنە ىقپال ەتۋدە. ”حالىقتىڭ كوسەمى حالىقتىڭ ءۇمىتىن اقتايدى، ميلليارد حالىق كوسەمدى قادىرلەيدى“! بۇل تيانشان پەرزەنتتەرىنىڭ ورتاق جۇرەك ءۇنى.

  ءۇرىمجى قالاسى تيانشان رايونى گۋيۋانشياڭ الەۋمەتتىك اۋماعىندا تۇرعىندار الەۋمەتتىك اۋماقتىڭ پارتيا مۇشەلەرى مەن بۇقاراعا قىزمەت وتەۋ ورتالىعىندا ءماجىلىستىڭ تەلەۆيزورداعى تىكە تاراتىلىمىن مۇقيات كورىپ تىڭدادى. باس شۋجي شي جينپيڭنىڭ تولىق داۋىسپەن مەملەكەت ءتوراعالىعىنا، ورتالىق اسكەري ىستەر كوميتەتىنىڭ ءتوراعالىعىنا سايلانعاندىعىن كورگەندە، كوپشىلىك ايرىقشا تەبىرەنىپ، شاپالاق سوعىپ الاقايلاستى.

  ”باس شۋجي شي جينپيڭ ءبىزدى باستاپ باقىتتى، تاماشا تۇرمىسقا جەتكىزدى، ول كىسى − حالىقتىڭ جول باستاۋشىسى. ءبىز باس شۋجيگە شىن جۇرەكتەن العىس ايتامىز، پارتيا ورتالىق كوميتەتىنە العىس ايتامىز“. الەۋمەتتىك اۋماق تۇرعىنى ابىلەت تۇرسۇن كوپشىلىكتىڭ جۇرەك ءۇنىن وسىلاي ءبىلدىردى.

  ”باس شۋجي شي جينپيڭ تولىق داۋىسپەن مەملەكەت ءتوراعالىعىنا ، ورتالىق اسكەري ىستەر كوميتەتىنىڭ ءتوراعالىعىنا سايلاندى، بۇل تاريحتىڭ تاڭداۋى، ءداۋىردىڭ تاڭداۋى، ونان دا ماڭىزدىسى، ءبىز بۇقارانىڭ شىن جۇرەكتەن تاڭداۋى“. الەۋمەتتىك اۋماق پارتيا باس ياچەيكاسىنىڭ شۋجيى ارزىگۇل كەرىم بىلاي دەدى: بىلتىر باس شۋجي شي جينپيڭ شينجياڭدى كوزدەن كەشىرگەندە گۋيۋانشياڭ الەۋمەتتىك اۋماعىنا كەلگەن ەدى، سول كەزدەگى كورىنىستەر جۇرتتى ىستىق ىقىلاسقا بولەدى. ءبىز باس شۋجي شي جينپيڭنىڭ كوڭىل ءبولۋىنىڭ، قامقورلىعىنىڭ ارقاسىندا اناعۇرلىم باقىتتى، كوركەم تۇرمىسقا قۇلشىنا ۇمتىلامىز.

  ”باس شۋجي شي جينپيڭنىڭ مەملەكەت ءتوراعالىعىنا، ورتالىق اسكەري ىستەر كوميتەتىنىڭ ءتوراعالىعىنا سايلانۋى، ءبىز ءۇشىن العاندا، جۇرەككە جىلۋ سيلايتىن ەرەكشە قۋانىشتى ءىس“، - دەدى تارىم مۇناي الابى سەرىكتەستىگى لۇننان مۇناي - تابيعي گاز ساقتاۋ - جەتكىزۋ ورتالىعى پارتيا باس ياچەيكاسىنىڭ شۋجيى چاڭ گۇيچۋان تەبىرەنىسىن باسا الماي.

  بيىل 1 - ايدىڭ 18 - كۇنى باس شۋجي شي جينپيڭ تارىم مۇناي الابى سەرىكتەستىگى لۇننان مۇناي - تابيعي گاز ساقتاۋ - جەتكىزۋ ورتالىعى گازدى باتىستان شىعىسقا جەتكىزۋ 1 - پۋنكتى كىلا تابيعي گاز جيناۋ وڭىرىندەگى قىزمەتشىلەردەن بەينە بايلانىس ارقىلى حال سۇراعان ەدى. ارادا 2 ايعا جۋىق ۋاقىت وتسە دە باس شۋجيدىڭ بەينە بايلانىس ارقىلى حابارلاسقان كەزدەگى شىنايى جارقىن بەينەسى جانە ىقىلاستى تاپسىرماسى چاڭ گۇيچۋاننىڭ ەسىندە ابدەن قالىپتى.

  ”ءبىز بىلەك تۇرە قايراتتانا ىستەپ، مۇناي جانە تابيعي گازدى جەتكىزۋدە، ساتۋدا سيفرلاندىرۋ، زەردەلىلەندىرۋ بويىنشا تيپ جاڭالاۋدى جانە جاسىل، تومەن كومىر قىشقىل گازدى بولۋ بويىنشا تيپ جاڭالاۋدى جەدەل ىلگەرىلەتىپ، جاڭا جورىقتا اتويشى بولىپ، ۇلگى - ونەگە كورسەتىپ، دۇنيە جۇزىندەگى بىرەگەي ءىرى مۇناي - تابيعي گاز الابىن جەدەل قۇرىپ شىعىپ، باس شۋجيدىڭ كوڭىل بولۋىنە، قامقورلىعىنا ناقتى ناتيجەمىز ارقىلى جاۋاپ قايتارامىز“، - دەدى چاڭ گۇيچۋان.

  ”باس شۋجي شي جينپيڭنىڭ ايبىندى تۇردە سەرت بەرگەن كەزدەگى تاريحي سيپاتتى كورىنىستى كورگەندە، كوڭىلىم كولدەي تولقىپ، باس شۋجي شي جينپيڭنىڭ قۇرلىقتىق پورت اۋماعىن كوزدەن كەشىرگەن كەزدەگى مەيىرىمدى بەينەسىن، ىقىلاستى تاپسىرماسىن ەرىكسىز ەسىمە الدىم“. ءۇرىمجى حالىقارالىق قۇرلىقتىق پورت اۋماعى دامۋعا قىزمەت وتەۋ ورتالىعىنىڭ مەڭگەرۋشىسى جۇڭ حىحۋا بىلاي دەدى: قۇرلىقتىق پورت اۋماعى باس شۋجي شي جينپيڭنىڭ قامقورلىق جاساۋىندا جانە جىگەرلەندىرۋىندە، جۇڭگو − ەۆروپا كەزەكشى پويەزدەرىن، حالىقارالىق تاس جول جۇك تاسىمالىن، ءتۇرلى ۇلاسپالى تاسىمالداۋدى، جونەلتۋدى جەدەل ىلگەرىلەتتى، 2022 - جىلى جۇڭگو − ەۆروپا (ورتا ازيا) كەزەكشى پويەزدەرىنىڭ قاتىناۋ سانى 2021 - جىلداعىدان %5. 16 ارتتى، بيىل جىل باسىنان بەرى ءتۇرلى جاقتاردا جارقىن بەينە بايقالىپ، دامۋ ارىنى كۇشتى بولدى.

  ”ءبىز، ءسوز جوق، ىقىلاستى تاپسىرمانى ەسىمىزدە بەرىك ساقتاپ، ’جۇك جيناۋ، باقشا قۇرۋ، كاسىپ سالاسىن شوعىرلاندىرۋ‘ قابىلەتىمىزدى ۇزدىكسىز جوعارىلاتىپ، جىبەك جولى ەكونوميكالىق بەلدەۋى وزەكتى رايونىنىڭ ارنا ەكونوميكاسىنان توراپ ەكونوميكاسىنا، كاسىپ سالاسى ەكونوميكاسىنا قاراي جوعارى ساپالى دامۋ بويىنشا تيبىن وزگەرتىپ دامۋىنا اناعۇرلىم ويداعىداي قىزمەت وتەپ جانە ونى قامتاماسىز ەتىپ، شينجياڭدا جوعارى دەڭگەيدەگى سىرتقا ەسىك اشۋدى ىلگەرىلەتۋدە، ازيا − ەۆروپانىڭ التىن ارناسىن جانە باتىسقا ەسىك اشۋدىڭ الدىڭعى شەبىن تۇلعالاۋدا اناعۇرلىم زور رول اتقارامىز“، - دەدى جۇڭ حىحۋا بەرىك سەنىممەن.

تاپسىرمانى ەستە بەرىك ساقتاپ، العىس ايتا ەكپىندەي ىلگەرىلەيمىز

  پارتيا 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدىڭ ۇلى جوباسىن جاساپ بەردى.

  جاڭا جورىق − داڭق پەن ارمانعا تولى ۇزاق جورىق. كوپشىلىك مىنانى ءبىلدىردى: باس شۋجي شي جينپيڭ نۇسقاعان دۇرىس بەتالىسپەن، تاپسىرمانى ەستە بەرىك ساقتاپ، العىس ايتا ەكپىندەي ىلگەرىلەپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن بىرگە جازامىز.

  ”جورىق قانشالىق ايبىندى، نىسانا قانشالىق زور، مىندەت قانشا جاپالى بولسا، پارمەندى باسشىلىق ۇيتقىنىڭ جانە عىلمي نازاريانىڭ جەتەكشىلىگىن، جول باستاۋىن سونشا قاجەت ەتەدى“. اۆتونوميالى رايوندىق قاتىناس - تاسىمال مەڭگەرمەسى پارتكومىنىڭ شۋجيى، مەڭگەرمەنىڭ ورىنباسار باستىعى لي شۋەدۇڭ بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭ قاتىناس قۇرىلىسىندا كورنەكتى تابىستارعا قول جەتكىزدى، جوعارى جىلدامدىقتى (1 - دارەجەلى) تاس جولداردا اۆتوكولىك قاتىناۋ قاشىقتىعىن 11 مىڭ كيلومەترگە جەتكىزىپ، مەملەكەت بويىنشا الدىڭعى قاتاردى يەلەدى. جاڭا جورىققا قادام قويعاندا، ءبىز ”شينجياڭ ىشىندە شەڭبەر قالىپتاستىرۋ، شينجياڭعا كىرىپ - شىعۋدى تەزدەتۋ، وڭتۇستىك شينجياڭ مەن سولتۇستىك شينجياڭدى ىركىلىسسىزدەندىرۋ، شەكارادان كىرىپ - شىعۋدى ۇلاستىرۋ“ نىساناسىن جۇزەگە اسىرۋدى جەدەل ىلگەرىلەتىپ، شينجياڭنىڭ ەكونوميكاسىن، قوعامىن جوعارى ساپالى دامىتۋعا مىعىم تىرەك ازىرلەۋىمىز كەرەك.

  ”باس شۋجي شي جينپيڭنىڭ مەملەكەتتىڭ ءتوراعالىعىنا، ورتالىق اسكەري ىستەر كوميتەتىنىڭ ءتوراعالىعىنا تولىق داۋىسپەن سايلانۋى، حالىقتىق كاسىپورىندار جونىنەن ايتقاندا، اسا زور شابىتتاندىرۋ بولدى“! شينجياڭ حىچۋاڭ مەيشين عىلىم - تەحنيكانى دامىتۋ شەكتى سەرىكتەستىگىنىڭ القا باستىعى زايدوللا تۇرسۇن بىلاي دەدى: پارتيا ورتالىق كوميتەتى ”ەكىدەن تيتتەي دە اۋىتقىماۋعا“، ”ءۇش وزگەرگەن جوققا“ باستان - اياق تاباندى بولىپ، حالىقتىق كاسىپورىنداردىڭ دامۋ ورتاسى ۇزدىكسىز جاقساردى. جۋىقتا سەرىكتەستىگىمىزدىڭ ءۇرىمجى قالاسى يان - ان جولىنا ورنالاسقان مەيلينگوۋ شەكارا اتتاعان باجىسىز زات ساتىپ الىپ كورۋ ورتالىعى سىرتقا قاراتا سىناق رەتىندە تيجارات باستادى، مۇنى پارتيا ورتالىق كوميتەتىنىڭ قاجىماي - تالماي رەفورما جاساۋدى، ەسىك اشۋدى جاپپاي تەرەڭدەتۋ، بازار سەنىمىن زور كۇشپەن سەرپىلتۋ شاراسىنان بولە قاراۋعا كەلمەيدى. ءبىز باستان - اياق پارتيانىڭ سوزىنە قۇلاق اسىپ، پارتياعا العىس ايتىپ، پارتياعا ىلەسىپ، ساپاسى اناعۇرلىم جاقسى، ونىمدىلىگى اناعۇرلىم جوعارى، باسەكەلىك قۋاتى اناعۇرلىم كۇشتى، ىقپال كۇشى اناعۇرلىم زور دامۋدى جۇزەگە اسىرۋىمىز كەرەك.

  ”نەگىزگى ساتىداعى كادرلاردىڭ ءبىرى رەتىندە، مەن سايلاۋ ناتيجەسىن باتىل قولداپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باتىل دايەكتىلەندىرىپ، تياناقتاندىرىپ، ورتالىقتىڭ 1 - ءنومىرلى حۇجاتىنىڭ رۋحىنا ساي، داچۋان اۋىلىنىڭ قالا ماڭى باسىمدىعىن مىقتى يگەرىپ، اۋىل - قىستاقتى گۇلدەندىرۋدى زور كۇشپەن ىلگەرىلەتەمىن، پارتيانىڭ حالىققا تيىمدىلىك جەتكىزۋ ساياساتتارىن ۇگىتتەپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋگە مۇمكىندىك جاسايمىن“، - دەدى ساۋان قالاسى داچۋان اۋىلى اۋىل - قىستاقتى گۇلدەندىرۋ كەڭسەسىنىڭ كادرى قاجەت باقاس.

  ”اقپاراتتىق تىكە تاراتىلىمنان باس شۋجي شي جينپيڭنىڭ مەملەكەت ءتوراعالىعىنا، ورتالىق اسكەري ىستەر كوميتەتىنىڭ ءتوراعالىعىنا سايلانعاندىعىن كورگەندە، اسەرلەنگەنىمنەن اۋزىما ءسوز تۇسپەي قالدى“. حوتاننىڭ تۋانچىڭ كورىنىس ءوڭىرى كەپتەر كوشەسىندە تۇراتىن حايىرنيسا وبۇلقاسىم 5 جىلدىڭ الدىندا ءوزىنىڭ كونە ءۇيى تۋانچىڭدى جاڭالاۋ جوسپارىنا ەنگىزىلىپ، ۇكىمەت قوسىمشا قاراجات بەرگەندىگىن، وعان ءوزى جيناعان اقشاسىن قوسۋ ارقىلى جاڭا ۇيگە كوشىپ كىرگەندىگىن، شارۋاشىلىعىن جۇرگىزىپ وتىرعان ءجۇز جىلدىق ساقتامالى سىركە سۋ دۇكەنى دە كورىنىس وڭىرىنە كوشىرىلگەندىگىن ايتتى. بۇگىنگى كۇندە ساياحاتشىلار كوبەيىپ، دۇكەنىنىڭ ساۋداسى دا بارعان سايىن كۇسەت بولۋدا. ”باس شۋجيدىڭ قادامىنا ءجىتى ىلەسسەك، قوس قولىمىزعا سۇيەنىپ ءتىپتى دە تاماشا تۇرمىسقا كەنەلۋگە سەنىمىمىز بار“، - دەيدى حايىرنيسا وبۇلقاسىم.

  شينجياڭ اسكەري رايونىنىڭ بەلگىلى جالپىلىق جاتتىعۋ بازاسىنداعى وفيتسەرلەر مەن اسكەرلەر ءبىر اۋىزدان بىلاي دەپ قارادى: باس شۋجي شي جينپيڭنىڭ مەملەكەت ءتوراعالىعىنا، ورتالىق اسكەري ىستەر كوميتەتىنىڭ ءتوراعالىعىنا سايلانۋى بۇكىل پارتيانى، بۇكىل ارميانى يدەيانى بىرلىككە كەلتىرىپ، ەرىك - جىگەردى بىرلىككە كەلتىرىپ، ارەكەتتى بىرلىككە كەلتىرىپ، جاڭا داۋىردەگى حالىق ارمياسىنىڭ بورىشى مەن مىندەتىن ءونىمدى ادا ەتۋگە شابىتتاندىراتىنى داۋسىز. كوپشىلىك مىنانى ءبىلدىردى: پارتيا ورتالىق كوميتەتى مەن ورتالىق اسكەري ىستەر كوميتەتىنىڭ شەشىمدەرى مەن ورنالاستىرۋلارىن بۇلجىتپاي دايەكتىلەندىرىپ، اسكەر جاتتىقتىرىپ، سوعىسقا دايىندالۋدى جالپى بەتتىك كۇشەيتىپ، جاۋدى جەڭەتىن ءادىس - ءتاسىلىمىزدى جەتىلدىرىپ، ارميا قۇرىلعاندىعىنىڭ 100 جىلدىعى كۇرەس نىساناسىن جۇزەگە اسىرۋ، ارميامىزدى دۇنيە جۇزىندەگى بىرەگەي ارميا ەتىپ قۇرىپ شىعۋدى جەدەلدەتۋ جولىندا قاجىماي - تالماي كۇرەس جۇرگىزۋىمىز كەرەك.

  (ءتىلشى لي ياڭ، قاتىناسقان تىلشىلەر جاڭ يۇنمەي، ۋاڭ شيڭرۇي، ميھىرگۇل عوپۇر، يۇي جياڭيان، جىڭ جو، لۋ فىڭباۋ، ياڭ شۋحان، ءپاريزات ابدۇل، ەرىكتى تىلشىلەر ديڭ لەي، لو شياڭ)

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.