ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭ، ۆيەتنامنىڭ مەملەكەت ءتوراعاسى ۋ ۋىنشاڭ
تەلەگرامما جولداپ شي جينپيڭنىڭ جۇڭحۋا حالىق رەسپۋبليكاسىنىڭ ءتوراعالىعىنا، ورتالىق اسكەري ىستەر كوميتەتىنىڭ ءتوراعالىعىنا سايلانعاندىعىن قۇتتىقتادى
شينحۋا اگەنتتىگىنىڭ 3 - ايدىڭ 11 - كۇنى بەيجيڭنەن بەرگەن حابارى. ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭ، ۆيەتنامنىڭ مەملەكەت ءتوراعاسى ۋ ۋىنشاڭ 3 - ايدىڭ 10 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭگە قۇتتىقتاۋ تەلەگرامماسىن جولداپ، شي جينپيڭنىڭ جۇڭحۋا حالىق رەسپۋبليكاسىنىڭ ءتوراعالىعىنا، ورتالىق اسكەري ىستەر كوميتەتىنىڭ ءتوراعالىعىنا سايلانعاندىعىن قىزۋ قۇتتىقتادى.
رۋان فۋجۇڭ، ۋ ۋىنشاڭ مىنالاردى ءبىلدىردى: ءسىزدىڭ جۇڭحۋا حالىق رەسپۋبليكاسىنىڭ ءتوراعالىعىنا، جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعالىعىنا تاعى دا سايلانعاندىعىڭىزدى ەرەكشە قىزۋ قۇتتىقتايمىز! جۇڭگو كوممۋنيستىك پارتياسى ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى بولعان ءسىزدىڭ جۇڭگونىڭ بۇكىل پارتياسىنا، بۇكىل ارمياسىنا جانە بۇكىل ەل حالقىنا ۇزدىكسىز باسشىلىق ەتىپ، جۇڭگونى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى مەملەكەت ەتىپ قۇرىپ شىعۋدىڭ جاڭا جورىعىنا قادام تاستاۋدا اناعۇرلىم زور ناتيجەگە ۇزدىكسىز قول جەتكىزەتىنىڭىزگە كامىل سەنەمىز. ۆيەتنام پارتياسى، مەملەكەتى جانە حالقى جۇڭگومەن تاتۋ كورشىلىك، دوستىق جانە جان - جاقتى سەلبەستىك قارىم - قاتىناستى بەكەمدەۋگە جانە دامىتۋعا باستان - اياق ءمان بەرەدى، بۇل ۆيەتنامنىڭ سىرتقى ساياساتىنىڭ ستراتەگيالىق تالعامى جانە الدىمەن ويلاساتىن ماڭداي الدى ءىسى. ءبىز ۆيەتنام مەن جۇڭگونىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىن ۇزدىكسىز ىلگەرىلەتىپ جانە تەرەڭدەتىپ، ەكى ەلدىڭ ساياسي ءوزارا سەنىمدىلىگىنىڭ اناعۇرلىم جوعارى، ءوزارا تيىمدىلىك جەتكىزۋ سەلبەستىگىنىڭ اناعۇرلىم ناقتى، حالىق تىلەگى نەگىزىنىڭ اناعۇرلىم مىعىم بولۋىنا مۇمكىندىك جاساۋدى قالايمىز. ءسىزدىڭ وسى مارتەبەلى ورىندا تىڭ دا اناعۇرلىم زور تابىستارعا ۇزدىكسىز قول جەتكىزۋىڭىزدى تىلەيمىز.
