(ساياسي كەڭەس 14 - كەزەكتى مەملەكەتتىك كوميتەتىنىڭ 1 - ماجىلىسىندە 2023 - جىلى 3 - ايدىڭ 11 - كۇنى ماقۇلداندى)
مەملەكەتتىك ساياسي كەڭەس 14 - كەزەكتى كوميتەتىنىڭ 1 - ءماجىلىسى كەزىندە ساياسي كەڭەس مۇشەلەرى، ساياسي كەڭەسكە قاتىناسۋشى ورىندار شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جۇڭگو كوممۋنيستىك پارتياسى 20 - قۇرىلتايىنىڭ رۋحىن جاپپاي دايەكتىلەندىرىپ، جۇڭگو ۇلگىسىندەگى وسىزامانداندىرۋدى تىڭعىلىقتى ىلگەرىلەتۋدى ارقاۋ ەتىپ، جاپپاي سوتسياليستىك وسىزاماندانعان مەملەكەت قۇرۋ ءۇشىن جاقسى باستاما اشىپ، جاقسى قادام تاستاپ، بەلسەندى تۇردە ۇسىنىس جوبا ارقىلى سىندارلى اقىل - كەڭەس بەرىپ، رولدارىن ساۋلەلەندىردى.
3 - ايدىڭ 5 - كۇنى ساعات 20 عا دەيىن جيىنى 5399 ۇسىنىس جوبا تاپسىرىپ الىندى. «جۇڭگو حالىق ساياسي ءماسليحات كەڭەسى مەملەكەتتىك كوميتەتىنىڭ ۇسىنىس جوبا قىزمەت ەرەجەسىنە» جانە ۇسىنىس جوبالاردى تەكسەرۋ قىزمەتىنىڭ ەگجەي - تەگجەيلى ەرەجەسىنە نەگىزدەلىپ، تەكسەرۋ ارقىلى 4689ى ەستەلىككە الىندى، 82سى بىرىكتىرىلدى، 628ى پىكىرگە جانە ۇسىنىسقا اينالدى.
تىزىمگە الىنعان ۇسىنىس جوبالاردىڭ ىشىندە مۇشەلەر قويعان ۇسىنىس جوبا 4234 نۇسقا بولىپ، ％3. 90ىن يەلەدى؛ ءارقايسى دەموكراتيالىق پارتيا - توپتار، حالىقتىق ۇيىمدار جانە سالالار، مۇشەلەر گرۋپپاسى قاتارلىلار قويعان ۇسىنىس جوبا 455 نۇسقا بولىپ، ％7. 9ىن ۇستادى. مۇنىڭ ىشىندە ەكونوميكالىق قۇرىلىس جاعىنداعى ۇسىنىس جوبا 1989 نۇسقا بولىپ، ％4. 42 ىن ۇستادى؛ ساياسي قۇرىلىس جاعىنداعى ۇسىنىس جوبا 412 نۇسقا بولىپ، ％8. 8ىن ۇستادى؛ مادەنيەت قۇرىلىسى جاعىنداعى ۇسىنىس جوبا 341 نۇسقا بولىپ، ％7.3ىن ۇستادى؛ قوعامدىق قۇرىلىس جاعىنداعى ۇسىنىس جوبا 1339 نۇسقا بولىپ، ％5. 28ىن ۇستادى؛ ەكولوگيالىق وركەنيەت قۇرىلىسى جاعىنداعى ۇسىنىس جوبا 608 نۇسقا بولىپ، ％13ىن ۇستادى.
وسى رەتكى ماجىلىستەگى ۇسىنىس جوبالار تومەندەگىدەي ەرەكشەلىككە يە: ءبىرىنشى، ۇسىنىس جوبالار ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتۋدى، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋدى ارقاۋ ەتىپ، نازاردى جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرۋگە، جاڭا دامۋ ارناسىن جەدەل قالىپتاستىرۋعا، جوعارى ساپالى دامۋدى كۇش سالا ىلگەرىلەتۋگە شوعىرلاندىرىپ، حالىق تۇرمىسىن قامتاماسىز ەتۋدى جانە جاقسارتۋدى كوزدەپ، سەنىمدى بەكەمدەۋگە، مەجەنى ورنىقتىرۋعا، بىرىككەن كۇشتى ۇيىستىرۋعا، جاڭا جاعداي اشۋعا بەلسەنە اقىل - كەڭەس بەردى. ەكىنشى، مۇشەلەر مەملەكەت ءۇشىن مىندەت وتەۋ، حالىق ءۇشىن جاۋاپكەرشىلىگىن ادا ەتۋ سىندى جاۋاپكەرشىلىك ارقالاۋدى كۇشەيتىپ، ماماندىق ارتىقشىلىعى، باسىمدىعى، دامۋ قاجەتى جاقتارىنان دالمە - ءدال تاقىرىپ تاڭداۋعا باسا ءمان بەرىپ، ىشكەرىلەي تەكسەرۋ - زەرتتەۋ جۇرگىزىپ، ۇسىنىس قويدى، جيىنى 1973 مۇشە ۇسىنىس جوبا تاپسىرىپ، ۇسىنىس جوبالاردىڭ جالپى تۇلعالىق ساپاسى كورنەكتى جوعارى بولدى. ءۇشىنشى، ۇسىنىس جوبا قىزمەتىنىڭ ينفورماتسيالانۋ دەڭگەيى اناعۇرلىم جوعارىلاپ، تۇڭعىش رەت ۇسىنىس جوبانى ％100 ينتەرنەت جەلىسىندە تاپسىرۋ جۇزەگە اسىرىلدى.
ءماجىلىس جابىلعاننان كەيىن، ۇسىنىس جوبالار اتقارۋعا جاۋاپتى ورىنداردىڭ ءبىر جايلى ەتۋىنە تاپسىرىلادى. بۇل رەتكى ءماجىلىستىڭ ۇسىنىس جوبالاردى قابىلداۋ ۋاقىتى اياقتاعاننان كەيىن تاپسىرىپ الىنعان ۇسىنىس جوبالار تەكسەرىلىپ ەستەلىككە الىنعاننان كەيىن، ادەتتەگى ۇسىنىس جوبا رەتىندە، ۇسىنىس جوبانى اتقارۋعا جاۋاپتى ورىنداردىڭ ءبىر جايلى ەتۋىنە تاپسىرىلادى.
جوعارىداعى باياندامانى قاراپ شىعۋلارىڭىزدى سۇرايمىز.
(شينحۋا اگەنتتىگىنىڭ 3 - ايدىڭ 11 - كۇنى بەيجيڭنەن بەرگەن حابارى)
