(ساياسي كەڭەس 14 - كەزەكتى مەملەكەتتىك كوميتەتىنىڭ 1 - ماجىلىسىندە 2023 - جىلى 3 - ايدىڭ 11 - كۇنى ماقۇلداندى)
جۇڭگو حالىق ساياسي ءماسليحات كەڭەسى 14 - كەزەكتى مەملەكەتتىك كوميتەتىنىڭ 1 - ءماجىلىسى ساياسي كەڭەس 13 - كەزەكتى مەملەكەتتىك كوميتەتى تۇراقتى كوميتەتىنىڭ ورتاعا قويعان «جۇڭگو حالىق ساياسي ءماسليحات كەڭەسىنىڭ ۋستاۆىن (وزگەرىس ەنگىزۋ جوباسى)» قاراپ ءارى ماقۇلداپ، وسى وزگەرىس ەنگىزۋ جوباسىنىڭ جاريالانعان كۇننەن باستاپ كۇشكە يە بولاتىندىعىن ۇيعاردى.
ءماجىلىس بىلاي دەپ قارادى: ساياسي كەڭەس ۋستاۆىنا لايىقتى وزگەرىس ەنگىزۋ − جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدىڭ ءىس جۇزىندىك ارەكەتى جانە ماڭىزدى شاراسى. ساياسي كەڭەس ۋستاۆىنا وزگەرىس ەنگىزۋ شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جۇڭگو كوممۋنيستىك پارتياسى ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ، جۇڭگو كوممۋنيستىك پارتياسى 20 - قۇرىلتايىندا العا قويىلعان ماڭىزدى يدەيالاردى، ماڭىزدى كوزقاراستاردى، كەلەلى ستراتەگيالاردى، كەلەلى شارالاردى تولىق ايگىلەپ، 2018 - جىلى ساياسي كەڭەس ۋستاۆىنا وزگەرىس ەنگىزگەننەن، اسىرەسە، ورتالىقتىڭ ساياسي كەڭەس قىزمەتى ماجىلىسىنەن بەرى حالىق ساياسي كەڭەسى ىستەرىنىڭ جاڭالىق اشا دامۋىنىڭ ماڭىزدى جەتىستىگىن بەينەلەدى، جۇڭگو كوممۋنيستىك پارتياسىنىڭ جاپپاي باسشىلىعىنا تاباندى بولىپ، جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس تۇزىمىنە تاباندى بولىپ جانە ونى كەمەلدەندىرىپ، حالىق ساياسي كەڭەسى تۇزىمىنە ويداعىداي تاباندى بولۋ، حالىق ساياسي كەڭەسى ىستەرىن ويداعىداي دامىتۋ جونىنەن ماڭىزدى مانگە يە.
ءماجىلىس بىلاي دەپ قارادى: حالىق ساياسي كەڭەسى جۇڭگو كوممۋنيستىك پارتياسىنىڭ باسشىلىعىنداعى ساياسي ۇيىم جانە دەموكراتيا فورماسى رەتىندە، ءسوز جوق، تۋى ايقىن تۇردە ساياسيدى دارىپتەۋ كەرەك. ءماجىلىس جۇڭگو كوممۋنيستىك پارتياسىنىڭ 19 - قۇرىلتايىنان بەرگى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ تىڭ دامۋىن ۋستاۆقا جازىپ، جۇڭگو كوممۋنيستىك پارتياسىنىڭ جاپپاي باسشىلىعىنا تاباندى بولىپ، ”ءتورت تانىمدى“ كۇشەيتۋ، ”ءتورت سەنىمدى“ بەكەمدەۋ، ”ەكىنى قورعاۋدى“ ورىنداۋ سياقتى مازمۇنداردى قوسۋدى قۇپتادى. وسى مازمۇنداردىڭ تولىقتانۋى حالىق ساياسي كەڭەسىنە قاتىناسقان ءارقايسى پارتيا - توپتاردىڭ، ۇيىمداردىڭ، ءار ۇلت، ءار سالا قايراتكەرلەرىنىڭ ورتاق ەركىن بەينەلەدى، ىنتىماقتاسا كۇرەس جۇرگىزۋدىڭ ورتاق يدەيالىق - ساياسي نەگىزىن بەكەمدەپ، جۇڭگوشا سوتسياليستىك ساياسي دامۋ جولىنا تاباندى بولىپ، حالىق ساياسي كەڭەسى ىستەرىن ۇزدىكسىز العا قاراي ىلگەرىلەتۋ جونىنەن كەلەلى مانگە يە. ءماجىلىس حالىق ساياسي كەڭەسىندەگى ءار دارەجەلى ۇيىمداردان جانە حالىق ساياسي كەڭەسىنە قاتىناسقان ءارقايسى پارتيا - توپتاردان، ۇيىمداردان ءار ۇلت، ءار سالا قايراتكەرلەرىنەن ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە ونى جاقسارتۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ حالىق ساياسي كەڭەسىنە باسشىلىعىن جانە حالىق ساياسي كەڭەسى قىزمەتىنە قويعان ءتۇرلى تالاپتارىن بىرگە تياناقتاندىرۋدى تالاپ ەتتى.
ءماجىلىس بىلاي دەپ قارادى: جۇڭگو كوممۋنيستىك پارتياسى 20 - قۇرىلتايى جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدى العا قويدى ءارى وسىنى جاڭا داۋىردەگى جاڭا جورىقتا جۇڭگو كوممۋنيستىك پارتياسىنىڭ وزەكتى مىندەتى ەتىپ تۇراقتاندىردى. ءماجىلىس ساياسي كەڭەس ۋستاۆىنا وسى نەگىزدە سايكەستى وزگەرىس ەنگىزىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ، ەكىنشى 100 جىلدىق كۇرەس نىساناسىن جۇزەگە اسىرۋ جولىندا ىنتىماقتاسا كۇرەس جۇرگىزۋ سياقتى مازمۇنداردى قوسۋدى قۇپتادى. وسى مازمۇنداردىڭ تولىقتانۋى حالىق ساياسي كەڭەسىنىڭ ”بەستى ءبىرتۇلعالاندىرۋ“ جالپى تۇلعالىق ورنالاستىرۋىمەن جانە ”ءتورتتى جاپپاي ورىنداۋ“ ستراتەگيالىق ورنالاستىرۋىمەن تىعىز بايلانىستىرا وتىرىپ مىندەتىن وتەپ، جاۋاپكەرشىلىگىن ادا ەتىپ، پارتيا مەن مەملەكەت ىستەرىنىڭ دامۋىنا كەڭ كولەمدە زەيىن - زەردە مەن كۇش - قۋات ۇيىستىرۋىنا پايدالى.
ءماجىلىس بىلاي دەپ قارادى: حالىق ساياسي كەڭەسى قىزمەتىن ويداعىداي ىستەۋدە، ءسوز جوق، حالىق ساياسي كەڭەسىنىڭ سيپاتىن، ورنىن دالمە - ءدال يگەرىپ، حالىق ساياسي كەڭەسىنىڭ ءتۇزىم ابزالدىلىعىن مەملەكەتتى باسقارۋدىڭ ونىمدىلىگىنە اينالدىرۋ كەرەك. جۇڭگو كوممۋنيستىك پارتياسىنىڭ 19 - قۇرىلتايىنان بەرى، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتى حالىق ساياسي كەڭەسى قىزمەتىنە جاپپاي باسشىلىعىن اناعۇرلىم كۇشەيتىپ، حالىق ساياسي كەڭەسى قىزمەتىن كۇشەيتۋ جانە ونى جاقسارتۋ جونىندە ءبىر قىدىرۋ جاڭا تالاپ قويىپ، ءبىر قىدىرۋ جاڭا ورنالاستىرۋ جاساپ، جاڭا داۋىردەگى حالىق ساياسي كەڭەسى ىستەرىنىڭ دامۋىنا ءتۇبىرلى بويسۇنۋ ولشەمىن ازىرلەدى. ءماجىلىس ساياسي كەڭەس ۋستاۆىنا حالىق ساياسي كەڭەسى − ەلىمىزدىڭ ساياسي ومىرىندەگى سوتسياليستىك دەموكراتيانى ساۋلەلەندىرۋدىڭ، جالپى بارىستىق حالىق دەموكراتياسىن امالياتتا ايگىلەۋدىڭ ماڭىزدى فورماسى، جۇڭگو كوممۋنيستىك پارتياسى باسشىلىعىنىڭ، بىرلىكساپتىڭ، كەڭەستىك دەموكراتيانىڭ ورگانيكالى بىرلىگىنە تاباندى بولۋ، وزەكتى ارقاۋ ەتۋگە، كەلەلى جاعدايعا قىزمەت وتەۋگە تاباندى بولۋ، دەموكراتيانى ساۋلەلەندىرۋ مەن ىنتىماقتى نىعايتۋدىڭ ءوزارا تۇتاسۋىنا، سىندارلى اقىل - كەڭەس بەرۋ مەن ورتاق تانىم ۇيىستىرۋدىڭ قوس باعىتتا كۇش سالۋىنا تاباندى بولۋ، ارناۋلى كەڭەس قۇرىلىمىندىق رولىن ساۋلەلەندىرۋ، يدەيالىق - ساياسي جەتەكشىلىكتى كۇشەيتۋدى، كەڭ كولەمدە ورتاق تانىم ۇيىستىرۋدى مىندەت وتەۋ قىزمەتى بارىسىنا ءسىڭىرۋ سياقتى مازمۇنداردى تولىقتىرۋعا قوسىلدى. وسى مازمۇنداردىڭ تولىقتانۋى تاريحي داستۇرگە مۇراگەرلىك ەتىپ، ءداۋىر ەرەكشەلىگىن بەينەلەدى، حالىق ساياسي كەڭەسىنىڭ نەگىزگى زاڭ، زاڭ جانە ساياسي كەڭەس ۋستاۆى بويىنشا دۇرىس ورىن تۇراقتاندىرۋ نەگىزىندە ساياسي كەڭەسۋ، دەموكراتيالىق باقىلاۋ، ۇكىمەت ىسىنە قاتىسۋ، كەڭەس بەرۋ دەڭگەيىن جوعارىلاتىپ، ورتاق تانىمدى اناعۇرلىم ويداعىداي ۇيىستىرىپ، جالپى بارىستىق حالىق دەموكراتياسىن امالياتتا ايگىلەۋ، ۇلى ىنتىماقتى، ۇلى بىرلىكتى نىعايتۋ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ بارىسىندا بەلسەندى رول اتقارۋىنا پايدالى.
ءماجىلىس بىلاي دەپ قارادى: بىرلىكساپ − جۇرت تىلەگىن ۇيىستىراتىن، كۇش - قۋات توپتايتىن قۋاتتى اسىل. ءماجىلىس ساياسي كەڭەس ۋستاۆىنا ەل ءىشى - سىرتىنداعى جۇڭحۋا پەرزەنتتەرىنىڭ ۇلى ىنتىماعىن كۇشەيتۋ، ۇلت ماسەلەسىن شەشۋدىڭ جۇڭگوشا دۇرىس جولىمەن بۇلجىماي ءجۇرۋ، ”وتانشىلدار شياڭگاڭدى باسقارۋ“، ”وتانشىلدار اۋمىندى باسقارۋ“ پرينسيبىن تياناقتاندىرۋ سياقتى مازمۇنداردى قوسۋدى قۇپتادى. بۇل حالىق ساياسي كەڭەسىنىڭ بىرلىكساپ ۇيىمى يقۋاتىن ساۋلەلەندىرىپ، ىنتىماقتاسا كۇرەس جۇرگىزۋدىڭ ءداۋىر تالابىن يگەرىپ، ساياسي پارتيالار قاتىناسىنىڭ، ۇلتتار قاتىناسىنىڭ، دىندەر قاتىناسىنىڭ، جىكتەر قاتىناسىنىڭ، ەل ءىشى - سىرتىنداعى باۋىرلاستار قاتىناسىنىڭ جاراسىمدىلىعىن بەلسەنە جەبەپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى ونان ارى ارقاۋ ەتە وتىرىپ بىرگە ويلاۋعا، بىرگە ىستەۋگە پايدالى.
ءماجىلىس بىلاي دەپ قارادى: ساياسي كەڭەس مۇشەلەرى − حالىق ساياسي كەڭەسى قىزمەتىنىڭ نەگىزگى تۇلعاسى. ءماجىلىس ساياسي كەڭەس ۋستاۆىندا مۇشەلەردىڭ ۇيرەنۋ مازمۇنىن بايىتىپ، مەملەكەت ءۇشىن مىندەت وتەۋگە، حالىق ءۇشىن جاۋاپكەرشىلىكتى ادا ەتۋگە تاباندى بولۋ سياقتى مازمۇنداردى قوسۋدى قۇپتادى. بۇل مىندەت وتەۋ قابىلەتى قۇرىلىسىن كۇشەيتىپ، ”ساياسي كەڭەستى ءتۇسىنۋ، كەڭەسە ءبىلۋ، ۇكىمەت ءىسىن كەڭەسۋگە شەبەر بولۋ، تارتىپكە بويسۇنۋ، قاعيدانى دارىپتەۋ، احىلاق جانە مىنەز - قۇلىققا ءمان بەرۋ“ تالابىن ويداعىداي تياناقتاندىرىپ، مۇشەلەردىڭ جاۋاپكەرشىلىك ارقالاۋىن ونان ارى كۇشەيتۋگە پايدالى.
ءماجىلىس حالىق ساياسي كەڭەسىندەگى ءار دارەجەلى ۇيىمداردان، ءارقايسى قاتىناسۋشى ورىنداردان جانە قالىڭ ساياسي كەڭەس مۇشەلەرىنەن شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جۇڭگو كوممۋنيستىك پارتياسى 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، سانالى تۇردە ۋستاۆتى ۇيرەنىپ، ۋستاۆقا بويسۇنىپ، ۋستاۆتى دايەكتىلەندىرىپ، ۋستاۆتى قورعاپ، قىزمەت جاۋاپكەرشىلىگىن ءونىمدى اتقارىپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە اقىل - پاراسات پەن كۇش - قۋات قوسۋدى تالاپ ەتتى!
(شينحۋا اگەنتتىگىنىڭ 3 - ايدىڭ 11 - كۇنى بەيجيڭنەن بەرگەن حابارى)
