انار بۇلت \ شينجياڭ گازەتىنىڭ حابارى (ءتىلشى لي لين حابارلايدى). 3 - ايدىڭ 10 - كۇنى تۇستەن كەيىن قارامايلى قالاسىنىڭ 2023 - جىلعى ”كاسىپ ءسىزدى كۇتۋدە“ كولەمدى جالپىلىق جۇمىسقا قابىلداۋ جينالىسى جانە وتباسىلىق قىزمەت، قىزمەت وتەۋ كاسىبى جانە ايەلدەر ارناۋلى قىزمەتكەر قابىلداۋ جينالىسى قارامايلى رايونى يىڭبين ٴمالىسى ليڭشيان توبىنىڭ زات ساتىپ الۋ بازارىندا وتكىزىلدى. سول كۇنى شينجياڭ داشۋەسىنەن، شىحىزى داشۋەسىنەن، شينجياڭ قازىنا - ەكونوميكا داشۋەسىنەن، شينجياڭ ينجەنەريا شۋەيۋانىنان، سانجى شۋەيۋانىنان بيىل وقۋ تاۋىساتىن 288 وقۋشى ارناۋلى اۆتوكولىكپەن ناق مايدانعا جۇمىس قاراستىرا كەلدى، قاتىناسۋشىلاردىڭ قاراسى مول بولدى.
3 - ايدىڭ 10 - كۇنى تۇستەن كەيىن قارامايلى قالاسىنىڭ 2023 - جىلعى ”كاسىپ ءسىزدى كۇتۋدە“ كولەمدى جالپىلىق جۇمىسقا قابىلداۋ جينالىسى جانە جانە وتباسىلىق قىزمەت، قىزمەت وتەۋ كاسىبى جانە ايەلدەر ارناۋلى قىزمەتكەر قابىلداۋ جينالىسىنىڭ ناق مايدانى. سۋرەتتى قارامايلى قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى بەرگەن
شينجياڭ داشۋەسى ماتەريال جانە حيميا ونەركاسىبى ماماندىعىنان بيىل وقۋ تاۋىساتىن ليۋ لينتاۋ مۇناي، مۇناي - حيميا كاسىپورنىنا ٴوزىنىڭ قىسقاشا تانىستىرۋىن بەردى. ول بىلاي دەدى: ”قارامايلى قالاسى ٴبىز ٴۇشىن ارناۋلى اۆتوكولىك شىعارىپ، اپارىپ - اكەلۋ قىزمەت وتەۋىمەن قامداپ، مەيىرگە بولەدى، الدا بەتپە - بەت ەمتيحان ۇقتىرۋىن تاپسىرىپ الىپ، قارامايلى قالاسىندا جۇمىسقا ورنالاسۋىمنىڭ جۇزەگە اسۋىن ٴۇمىت ەتەمىن“.
وسى رەتكى جۇمىسقا قابىلداۋ جينالىسى ارقىلى شىحىزى داشۋەسى قارامايلى قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىمەن ”جۇمىستاندىرۋ سەلبەستىك كەلىسىمىنە“ قول قويىپ، شىحىزى داشۋەسىنىڭ دارىندىلار باسىمدىعى مەن قارامايلى قالاسىنىڭ كاسىپ سالاسى باسىمدىعىن تولىق ساۋلەلەندىرىپ، قارامايلى قالاسىنا قىرۋار دارىندى ەنگىزىپ، شۇعىل قاجەتتى، تاپشى دارىندىلار قوسىنى قۇرىلىسىن جەبەدى.
وسى رەتكى جۇمىسقا قابىلداۋ جينالىسىن قارامايلى قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى، ايەلدەر بىرلەستىگى ۇيىمداستىرىپ، جەلىدە، جەلىدەن تىس ٴبىر ۋاقىتتا وتكىزدى. جۇمىسقا قابىلداۋ جينالىسى جەرگىلىكتى ورىنداعى جانە توڭىرەكتەگى ايماق، وبلىس، قالالارداعى 288 كاسىپورىندى شوعىرلاندىرىپ، 1000 نان استام قىزمەتكەر قابىلداۋ ورنىن ازىرلەپ، 6000 عا جۋىق قىزمەتكەر قابىلدادى. سول كۇنى 71 مىڭ 630 ادام ـ رەت جەلىدەگى تىكە تاراتۋدى كورىپ، 8 مىڭعا جۋىق جۇمىس قاراستىرۋشى جينالىسقا قاتىناسىپ، قىسقاشا تانىستىرۋدان 3620 پارشا تاپسىرىپ الىندى.
