تيانشان تورى
تيانشان تورى   ›   جاڭالىقتار   ›   ماڭىزدى حابارلار

«ىنتىماقتاسا ەكپىندەي ىلگەرىلەپ، جاڭا ۇلى ىستەر جاراتايىق − باس شۋجي شي جينپيڭنىڭ 2023 - جىلعى مەملەكەتتىك ەكى ماجىلىسكە قاتىناسقان حالىق قۇرىلتايىنىڭ ۋاكىلدەرىمەن، ساياسي كەڭەس مۇشەلەرىمەن بىرگە مەملەكەت ءىسىن اقىلداسقاندىعى جونىندە ەستەلىك»

  شينحۋا اگەنتتىگى كولەمدى ادەبي حابار تاراتتى

  «ىنتىماقتاسا ەكپىندەي ىلگەرىلەپ، جاڭا ۇلى ىستەر جاراتايىق − باس شۋجي شي جينپيڭنىڭ 2023 - جىلعى مەملەكەتتىك ەكى ماجىلىسكە قاتىناسقان حالىق قۇرىلتايىنىڭ ۋاكىلدەرىمەن، ساياسي كەڭەس مۇشەلەرىمەن بىرگە مەملەكەت ءىسىن اقىلداسقاندىعى جونىندە ەستەلىك»

  شينحۋا اگەنتتىگىنىڭ 3 - ايدىڭ 12 - كۇنى بەيجيڭنەن بەرگەن حابارى. شينحۋا اگەنتتىگى 3 - ايدىڭ 12 - كۇنى «ىنتىماقتاسا ەكپىندەي ىلگەرىلەپ، جاڭا ۇلى ىستەر جاراتايىق − باس شۋجي شي جينپيڭنىڭ 2023 - جىلعى مەملەكەتتىك ەكى ماجىلىسكە قاتىناسقان حالىق قۇرىلتايىنىڭ ۋاكىلدەرىمەن، ساياسي كەڭەس مۇشەلەرىمەن بىرگە مەملەكەت ءىسىن اقىلداسقاندىعى جونىندە ەستەلىك» اتتى كولەمدى ادەبي حابار تاراتتى.

  ماقالادا بىلاي دەلىندى: ايبىندى شىعىس جەلىندە جاڭا جورىققا اتتانايىق.

  پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلىندا، سان ميلليونداعان جۇڭگو حالقى ەكىنشى 100 جىلدىق كۇرەس نىساناسىن بەتكە الىپ ەكپىندەي ىلگەرىلەگەن ساتتە 2023 - جىلعى مەملەكەتتىك ەكى ماجىلىسكە قاتىناسقان ۋاكىلدەر، مۇشەلەر حالىقتىڭ ماڭىزدى تاپسىرماسىن ارقالاپ، استانا بەيجيڭدە باس قوسىپ، مەملەكەتتىڭ ءىرى جوسپارىن بىرگە كەڭەستى.

  جاقىنعى كۇندەردەن بەرى، باس شۋجي شي جينپيڭ جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسىپ، جۇڭگو دەموكراتيالىق مەملەكەت قۇرۋ قوعامى، ساۋدا - ونەركاسىپشىلەر بىرلەستىگى سالاسىنداعى مۇشەلەرگە امانداسا باردى ءارى بىرىككەن گرۋپپا جيىنىنا قاتىناستى، ازاتتىق ارميا جانە قارۋلى ساقشى بولىمدەرى ۋاكىلدەر ۇيىرمەسىنىڭ جالپى جيىنىنا قاتىناسىپ، كوپشىلىكپەن ىقىلاسپەن اڭگىمەلەسىپ، ىشكەرىلەي تالقى ورىستەتىپ، بولاشاقتى بىرگە جوسپارلاپ، جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ تەلەگەي كۇشىن ۇيىستىردى.

  ماقالا 4 بولىكتەن قۇرالعان، ماڭداي الدى مىندەتتى يگەردى: ”جوعارى ساپالى دامۋ بولماسا، سوتسياليستىك وسىزامانداندىرۋدان اۋىز اشۋعا بولمايدى“؛ ورنىقتىلىق بارىسىندا ىلگەرىلەۋگە تاباندى بولدى: ”وسىزامانداندىرۋ قۇرىلىسىن تىڭعىلىقتى تۇردە، قاجىرلىلىقپەن ىلگەرىلەتۋ كەرەك“؛ حالىقتىق ىنتا - ىقىلاستان اينىمادى: ”ءسوز جوق، ەستە بەرىك ساقتاپ، قاي - قاشان دا مىقتى يگەرۋ كەرەك“؛ ەكپىندەي ىلگەرىلەۋ كۇشىن ۇيىستىردى: ”جالپى حالىق ويدى ءبىر اراعا شوعىرلاندىرىپ، كۇشتى ءبىر اراعا جۇمساۋى كەرەك“.

  ماقالادا بىلاي دەلىندى: ىنتىماق كۇش ۇيىستىرادى، كۇرەس بولاشاقتى جاراتادى. ۇلى دا داڭقتى ىستەر، ءسوز جوق، سان ميلليونداعان جۇڭحۋا پەرزەنتىنىڭ ىنتىماقتاسا كۇرەس جاساۋى بارىسىندا ىسكە اسادى.

  ساياسي كەڭەستىڭ بىرىككەن گرۋپپا جيىنىندا باس شۋجي شي جينپيڭنىڭ ويى كىسىنى تەرەڭ تولعاندىردى −

  ”تەك جالپى حالىق ويدى ءبىر اراعا شوعىرلاندىرىپ، كۇشتى ءبىر اراعا جۇمساپ، قيىن - قىستاۋدا بىلەك بىرىكتىرىپ، ەل بىرلىگىنەن قامال تۇرعىزىپ، باتىلدىقپەن كۇرەس جۇرگىزگەندە، شەبەرلىكپەن كۇرەس جۇرگىزگەندە عانا، تىڭ دا اناعۇرلىم زور جەڭىستەرگە ۇزدىكسىز قول جەتكىزۋگە بولادى“.

  جياڭسۋ ۋاكىلدەر ۇيىرمەسىندە باس شۋجي شي جينپيڭنىڭ ءسوزى ادامدى جىگەرلەنە ۇمتىلۋعا شابىتتاندىردى −

  ”الىس ساپار ادىم جەردەن باستالادى، جاڭا جورىقتا جياڭسۋ اۋىر جۇكتى باتىلدىقپەن ارقالاپ، الدىڭعى لەكتە ءجۇرۋى، ءسوز جوق، ۋاقىت مەنى كۇتىپ تۇرمايدى دەيتىن رۋحاني كۇيمەن قازىرگىنى ويداعىداي يگەرۋى كەرەك. بيىل پارتيا 20 - قۇرىلتايىنىڭ رۋحىن دايەكتىلەندىرۋدىڭ باستاما جىلى، بۇكىل جياڭسۋ ولكەسىندەگى قالىڭ كادر مەن بۇقارانىڭ جياڭحۋاي جىگەرىن توپتاپ، حۋاڭحاي تەڭىزىندەي قۇلاشىن كەڭ جايىپ، ونەگە بولاتىن، ۇلگى كورسەتەتىن، الدا جۇرەتىن باتىل جاۋاپكەرشىلىكتى ايگىلەپ، جوعارى - تومەن ءبىر نيەتتە بولىپ، شىنايى يگەرىپ، ناقتى ىستەپ، جىگەرلەنە العا ىلگەرىلەپ، ’قۋاتتى، باي، كورىكتى، اسقاق‘ جاڭا جياڭسۋدىڭ وسىزامانداندىرۋ قۇرىلىسىنىڭ جاڭا تاراۋىن جازۋ ءۇشىن تاماشا باستامانى ىسكە اسىرۋىن ءۇمىت ەتەمىن“.

  ماقالانىڭ سوڭىندا بىلاي دەلىندى: تاريحتىڭ سالقار كوشى قۇلاشىن كەڭ جايىپ، گۇلدەنۋ جورىعىندا ايبىندى شىعىس جەلى ەستى.

  بۇگىنگى جۇڭگو تىرشىلىك تىنىسىنا، ومىرشەڭدىككە تولى. ەرتەڭگى جۇڭگودا كۇرەس كەرەمەتتەر جاراتادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.