تيانشان تورى
تيانشان تورى   ›   جاڭالىقتار   ›   ەل ءىشى حابارى

تەلەگەي كۇش توپتاپ، جاڭا داستان جازامىز

  تەلەگەي كۇش توپتاپ، جاڭا داستان جازامىز

  − شي جينپيڭنىڭ مەملەكەت ءتوراعالىعىنا، ورتالىق اسكەري ىستەر كوميتەتىنىڭ ءتوراعالىعىنا تولىق داۋىسپەن سايلانۋى بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن جاڭا جورىقتا اسقاق جىگەرمەن قايراتتانا ۇمتىلۋعا ايرىقشا شابىتتاندىردى جانە جىگەرلەندىردى

  □ شينحۋا اگەنتتىگىنىڭ تىلشىلەرى

  بىرنەشە كۇننەن بەرى، شي جينپيڭ جولداستىڭ مەملەكەت ءتوراعالىعىنا، ورتالىق اسكەري ىستەر كوميتەتىنىڭ ءتوراعالىعىنا تولىق داۋىسپەن سايلانعاندىعى جونىندەگى قۋانىشتى حابار بۇكىل پارتيا، بۇكىل ارميا، بۇكىل ەلدەگى ءار ۇلت حالقى اراسىندا ۇزدىكسىز قىزۋ اڭىس قوزعادى. كوپشىلىك مىنالاردى ءبىلدىردى: جاڭا جورىق باستالعان ماڭىزدى ساتتە، باس شۋجي شي جينپيڭنىڭ مەملەكەت ءتوراعالىعىنا، ورتالىق اسكەري ىستەر كوميتەتىنىڭ ءتوراعالىعىنا تولىق داۋىسپەن سايلانۋى حالىقتىڭ باس شۋجي شي جينپيڭدى شىن جۇرەكتەن قولدايتىندىعىن جانە قادىرلەيتىندىگىن تولىق بەينەلەدى، پارتيامىز بەن مەملەكەتىمىزدىڭ قۇدىرەتتى ۇيىستىرۋ قۋاتىن، باۋراۋ قۋاتىن تولىق ايگىلەدى، بارشا جۇرت ءبىر نيەت، ءبىر تىلەكتە بولا وتىرىپ، ىنتىماقتاسا كۇرەس جۇرگىزۋ ارىندى جىگەرىن تولىق تاسقىنداتتى. جۇرت شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە، جاپپاي سوتسياليستىك وسىزاماندانعان مەملەكەت قۇرۋدىڭ شىت جاڭا تاراۋىن، ءسوزسىز، جازىپ، ۇلتتى گۇلدەندىرۋ جورىعىندا تاعى دا تىڭ شۇعىلالى ناتيجە جاراتۋعا بولاتىنىنا كامىل سەنەدى!

  حالىقتىڭ تىلەگى، سان ميلليونداعان جۇڭحۋا ۇلاندارى شىن جۇرەكتەن قولدادى

  شاتىرلاعان شاپالاق ءۇنى تاريحقا كۋا بولدى.

  ”وسى تاريحي ءساتتى ءوز باسىمنان وتكەرىپ، سالتاناتتى ءبىر بەلەت تاستاعانىمدى داڭق جانە ماقتانىش سەزىندىم“. چۇڭچيڭ قالالىق كىرە اۆتوكولىگى شەكتى جاۋاپكەرشىلىك سەرىكتەستىگى 2 - بولىمشە سەرىكتەستىگىنىڭ شوفەرى، ۋاكىل يىن چيلۇڭ وسى بىرنەشە كۇندە وزگەشە قۋانىشتى كۇيدە بولدى، ول بىلاي دەدى: ”وسى سايلاۋ ناتيجەسى حالىقتىڭ باس شۋجي شي جينپيڭدى شىن جۇرەكتەن قولدايتىندىعىن تولىق بەينەلەدى، سونداي - اق بۇل جاڭا ءداۋىردىڭ 10 جىلىندا ءبىز بىرگە جاراتقان شۇعىلالى تابىستاردى تولىق تۇراقتاندىرۋ بولىپ تابىلادى“.

  جۇرت قالاۋى، حالىق تىلەگى. 2900دەن استام ۋاكىلدىڭ سالتاناتتى داۋىس بەرۋى بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق جۇرەك ۇنىنە ۋاكىلدىك ەتەدى.

  جۇڭگو كوممۋنيستىك پارتياسى ورتالىق كوميتەتى پارتيا مەكتەبىندەگى (مەملەكەتتىك اكىمشىلىك شۋەيۋانى)، سىرتقى ىستەر مينيسترلىگىندەگى، ونەركاسىپ جانە ينفورماتسيالاندىرۋ مينيسترلىگىندەگى، مەملەكەتتىك ۇلت ىستەرى كوميتەتىندەگى، سونداي - اق ادام كۇشى بايلىعى جانە قوعامدىق قامتاماسىزداندىرۋ مينيسترلىگىندەگى كادرلار، جۇمىسشى - قىزمەتكەرلەر مىنالاردى ءبىلدىردى: پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، پارتيا مەن مەملەكەت ىستەرىندە تاريحتا ساقتالاتىن كەرەمەت تابىستارعا قول جەتكىزۋدى ىلگەرىلەتتى. اماليات مىنانى تولىق دالەلدەدى: ”ەكىنى تۇراقتاندىرۋ“ جاپا - ماشاقات، قيىنشىلىق، حاۋىپ - قاتەر، كەدەرگى اتاۋلىنى جەڭۋدەگى، ايقىنسىزدىق اتاۋلىعا توتەپ بەرۋدەگى ەڭ زور ايقىندىلىق، ەڭ زور سەنىم، ەڭ زور كەپىلدىك، ءبىزدىڭ سەنىمىمىزدىڭ قاينارى، جەڭىسىمىزدىڭ نەگىزى.

  3 - ايدا كۇن جىلىنىپ، شىعىس سولتۇستىكتەگى قارا توپىراقتى وڭىردە كوكتەمگى تىرشىلىك تىنىسى جالىن اتتى. شي جينپيڭ جولداستىڭ مەملەكەت ءتوراعالىعىنا، ورتالىق اسكەري ىستەر كوميتەتىنىڭ ءتوراعالىعىنا تولىق داۋىسپەن سايلانعاندىعى جونىندەگى حابار حيلۇڭجياڭ باۋچيڭ اۋدانى 1 - اۋىل اتباس بۇرشاق ەگەتىن شارۋالار كاسىپتىك سەلبەستىك كووپەراتيۆىنىڭ القا باستىعى لين حايفيدى ايرىقشا جەلپىندىردى. ”باس شۋجي شي جينپيڭ − حالىق بۇقاراسىنىڭ جان اشىرى، مەملەكەت دامۋىنىڭ جول باستاۋشىسى، بۇل قالىڭ شارۋالار قاتارىنداعى ءبىزدىڭ ورتاق جۇرەك ءۇنىمىز“. لين حايفي بىلاي دەدى: باس شۋجي شي جينپيڭنىڭ ىقىلاستى تاپسىرماسى مەن شىنايى قامقورلىعى بولعاندىقتان دا، قارا توپىراقتى ءوڭىر بارعان سايىن ويداعىداي قورعالۋدا، جاقسى ەگىستىك جەر بولسا، ساپالى استىق وندىرە الماۋدان الاڭدامايمىز، ءبىز اس كەسەمىزدى، ءسوزسىز، ءوز قولىمىزدا مىقتاپ ۇستاي الامىز.

  باس شۋجي شي جينپيڭ قىزمەت تەكسەرگەن جەڭىس مۇناي الابىندا جەڭىس مۇناي باسقارۋ مەكەمەسى شەكتى سەرىكتەستىگىنىڭ اتقارۋشى القاسى، پارتكوم شۋجيى نيۋ شۋانۋىن شي جينپيڭ جولداستىڭ تولىق داۋىسپەن سايلانعانى جونىندەگى حاباردى سول كەزدىڭ وزىندە قول تەلەفوننان كوردى. ”بۇل سان ميلليونداعان حالىقتىڭ بايىپتى تاڭداۋى، بۇل حالىق بۇقاراسىنىڭ باس شۋجي شي جينپيڭدى شىن جۇرەكتەن قولدايتىندىعىن ايگىلەدى“. نيۋ شۋانۋىن بىلاي دەدى: جۇرت كوڭىلىن جەلپىندىرەتىن بۇل حابار كۇش - قايراتىمىزدى كۇشەيتە ءتۇستى، باس شۋجي شي جينپيڭ جول باستاۋشى جانە ارقا تىرەك بولعاندىقتان، مۇنايشىلار ناقتى ەكونوميكانى دامىتۋعا، ەنەرگيا حاۋىپسىزدىگىن قامتاماسىز ەتۋگە اناعۇرلىم سەنىمدى، اناعۇرلىم قۋاتتى، اناعۇرلىم ارىندى بولۋدا.

  لياۋحىنىڭ باتىسىنداعى بەلگىلى جاتتىعۋ الاڭىندا قارۋلى ساقشى 1 - جيدۇڭ باس اترەتى بەلگىلى تارماق اترەتىنىڭ وفيتسەرلەرى مەن اسكەرلەرى دالالىق سوعىس جاساندى سەرىك تەلەۆيزورى ارقىلى تىكە تاراتىلىمدى كوردى. شي جينپيڭ جولداستىڭ تولىق داۋىسپەن سايلانۋ ناتيجەسى جاريالانعاندا، قوسىننان قىزۋ قول شاپالاق ءۇنى كوتەرىلدى.

  ”ارميانى قۇدىرەتتەندىرۋ ىستەرىندە قول جەتكىزگەن بارلىق ناتيجە، تۇپتەپ كەلگەندە، ءتوراعا شي جينپيڭنىڭ پارمەندى باسشىلىعىنان، شي جينپيڭنىڭ ارميانى قۇدىرەتتەندىرۋ يدەياسىنىڭ عىلمي جەتەكشىلىگىنەن بولدى“. وفيتسەرلەر مەن اسكەرلەر مىنانى ءبىلدىردى: ءتوراعا شي جينپيڭ ەل قۇرمەتىنە بولەنگەن رول ۇستاۋشى، جول باستاۋشى، ءبىز باتىل قولدايمىز، ادالدىقپەن قادىرلەيمىز، اينىماس ماقساتپەن ىلەسەمىز.

  جۇڭگو گومينداڭ توڭكەرىستىك كوميتەتىنىڭ ورتالىق كوميتەتى، تايۋان دەموكراتيالىق اۆتونوميا وداعىنىڭ ورتالىق كوميتەتى مىنانى ءبىلدىردى: شي جينپيڭ جولداستىڭ مەملەكەت ءتوراعالىعىنا، ورتالىق اسكەري ىستەر كوميتەتىنىڭ ءتوراعالىعىنا تولىق داۋىسپەن سايلانۋى دەموكراتيالىق پارتيا - توپتاردى قامتىعان بۇكىل ەلدەگى ءار ۇلت حالقىنىڭ باس شۋجي شي جينپيڭنىڭ ەل باسقارۋداعى ەرەن قابىلەتىن ايرىقشا مويىنداۋىن، جاڭا داۋىردەگى جۇڭگوشا سوتسياليزم ىستەرى دامۋىنىڭ تىڭ تاراۋىن جازۋعا بەرىك سەنىمىن تولىق اڭعارتتى.

  اۋەلگى ماقساتتان اينىمادى، ايبىندى سەرت كوسەمدىك كەلبەتتى ايگىلەدى

  مەملەكەت گەربى بيىك ءىلىنىپ، جالپى جۇرتتىڭ نازارىن اۋداردى −

  ءتوراعا شي جينپيڭنىڭ نەگىزگى زاڭ الدىندا سەرت بەرگەن كورىنىسى ايبىندى دا قاسيەتتى بولىپ، جۇرت كوڭىلىن كولدەي تولقىتتى.

  ”ءتوراعا شي جينپيڭ زاڭ بويىنشا نەگىزگى زاڭ الدىندا سەرت بەرىپ، نەگىزگى زاڭنىڭ قۇزىرەتتىلىگىن قورعاۋعا، نەگىزگى زاڭنىڭ بەدەلىن قورعاۋعا، نەگىزگى زاڭنىڭ اتقارىلۋىنا كەپىلدىك ەتۋگە ۇلگى بولدى، بۇل قالىڭ مەملەكەت قىزمەتكەرلەرىنىڭ قىزمەت مىندەتىن زاڭ بويىنشا اتقارۋداعى بورىشتىلىق سەزىمى مەن جاۋاپكەرشىلىك سەزىمىن اناعۇرلىم كۇشەيتىپ، بۇكىل قوعامدى ىلگەرىلەي نەگىزگى زاڭ سەنىمىن بەكەمدەۋگە، نەگىزگى زاڭ رۋحىن اسقاقتاتۋعا، نەگىزگى زاڭ نانىمىن جەتىلدىرۋگە ايرىقشا شابىتتاندىراتىندىعى داۋسىز“. سول جەردە كۋا بولعان حىبەي چيشين ادۆوكاتتىق ءىسورنىنىڭ مەڭگەرۋشىسى، ۋاكىل چي شيۋمين ارقالاعان مىندەتى اۋىر ەكەنىن تەرەڭ سەزىندى، ”زاڭ قىزمەتكەرى رەتىندە، ءبىز شي جينپيڭنىڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، زاڭمەن باسقارىلاتىن جۇڭگو قۇرىلىسىنا ءبىر كىسىلىك ۇلەسىمىزدى قوسۋىمىز كەرەك“.

  ءۇش قىساڭ ۇلكەن توسپاسىنىڭ جانىندا حۋبەي يچاڭ قالاسى يليڭ رايونى تايپيڭشي قالاشىعى شۇيجياچۇڭ قىستاعىنىڭ تۇرعىندارى قىستاق تۇرعىندار كوميتەتى الاڭىنداعى ۇلكەن ەلەكتروندى ەكراننان شي جينپيڭ جولداستىڭ مەملەكەت ءتوراعالىعىنا، ورتالىق اسكەري ىستەر كوميتەتىنىڭ ءتوراعالىعىنا تولىق داۋىسپەن سايلانۋىنىڭ ءارى نەگىزگى زاڭعا سەرت بەرۋىنىڭ ناقتى جاعدايىن كورىپ، تەبىرەنە شاپالاق سوقتى.

  ”باس شۋجي سەرت بەرگەندە ’حالىققا ادال بولامىن‘ دەدى، باس شۋجي وسىلاي دەدى ءارى وسىلاي ىستەدى“. باس شۋجي شي جينپيڭنىڭ 2018 - جىلى 4 - ايدا قىستاققا قىزمەت تەكسەرە كەلگەن كەزىن ەسكە العاندا، قىستاق تۇرعىنى ليۋ جىڭچيڭ بىلاي دەدى: ”اۋىل - قىستاقتى گۇلدەندىرۋ جولىندا باس شۋجي شي جينپيڭگە ىلەسىپ، بىلەك تۇرە قايراتتانا ىستەسەك، تۇرمىسىمىز، ءسوز جوق، بارعان سايىن شالقي تۇسەدى“.

  ايبىندى سەرت مىندەت ارقالاۋدى ءتۇسىندىردى.

  ”كەدەيلىكتەن ارىلىپ، كەدەيلىك قالپاعىن الىپ تاستاۋ، قامال الىپ، قيىندىقتاردى جەڭۋ ءۇشىن باس شۋجي جارعاق قۇلاعى جاستىققا تيمەي، حالىق ءۇشىن ءيىلىپ ەڭبەك ەتىپ، حالىق بۇقاراسىن باستاپ، قايراتتانا ەكپىندەي ىلگەرىلەپ، تالاي - تالاي ۋادەسىن ورىندادى“! گۇيجوۋ ليۋپانشۇي قالاسى جۇڭشان رايونى داۋان قالاشىعى پارتكومىنىڭ شۋجيى، مۇشە ياڭ سۇڭ بىلاي دەدى: ”نەگىزگى ساتى كادرى رەتىندە، مەن ءوز قىزمەتىمدى ۇزدىكسىز بايىپتى، مۇقيات، جاقسى ىستەپ، نازاردى حالىق ءجىتى قاداعالاپ وتىرعان ىستەرگە شوعىرلاندىرىپ، حالىق بۇقاراسىنىڭ شۇعىل، قيىن، ۋايىمداعان، ءزارۋ ىستەرىن ءوزىمنىڭ قىزمەت ءتۇيىنىم ەتىپ، اينىماس ماقسات، بەرىك مۇراتپەن حالىقتى باقىتقا كەنەلتەمىن“.

  ايبىندى سەرت العا ىلگەرىلەۋ بەتالىسىنا جەتەكشىلىك ەتتى.

  "باس شۋجي سەرت بەرگەندە باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى مەملەكەت قۇرۋ جولىندا قۇلشىنا كۇرەسەمىن دەدى“. نيڭشيا حۇيزۋ اۆتونوميالى رايونى شىزۇيشان قالاسى پيڭلو اۋداندىق ەلەكتروندى ساۋدا قوعامى پارتيا ياچەيكاسىنىڭ شۋجيى ما حۋالۇڭ بىلاي دەدى: ءبىز باس شۋجيگە ءجىتى ىلەسىپ، ءوز قىزمەتىمىزدى ويداعىداي ىستەپ، اۋىلداستاردى ەكولوگيانىڭ يگىلىگىن كورۋگە، ساياحاتتىڭ يگىلىگىن كورۋگە باستاۋمەن بىرگە، ەرەكشە اۋىل شارۋاشىلىعى ونىمدەرىنىڭ ’قىستاقتان شىعىپ قالاعا كىرۋىنە‘، ’قالاعا كىرىپ، تەڭىزگە شىعۋىنا‘ مۇمكىندىك جاساپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە ءوز ۇلەسىمىزدى قوسۋىمىز كەرەك.

  شالقار تەڭىز تولقىسا، مىزعىماس تىرەكتىڭ قۇدىرەتىن سەزەسىڭ، وركەش - وركەش تاۋلاردىڭ ەڭسەسىن شوقتىقتى شىڭىنان كورەسىڭ.

  مەملەكەتتىك ايەلدەر بىرلەستىگىندەگى، مادەنيەت جانە ساياحات مينيسترلىگىندەگى، مەملەكەتتىك دەنساۋلىق ساقتاۋ، سالاماتتىق كوميتەتىندەگى، قوسىننان بوساعان اسكەريلەر ىستەرى مينيسترلىگىندەگى، شۇعىل جاعدايعا توتەپ بەرۋدى باسقارۋ مينيسترلىگىندەگى كادرلار، جۇمىسشى - قىزمەتكەرلەر مىنانى ءبىلدىردى: پارتيا 18 - قۇرىلتايىنان بەرى، باس شۋجي شي جينپيڭ جاڭا داۋىرگە جەتەكشىلىك ەتىپ، مەملەكەتتى قۇدىرەتتەندىرۋ قۇرىلىسىن جوبالاپ، ساپار جولىندا اۋەلگى ماقساتتان اينىماي، اينىماس ماقسات، بەرىك مۇراتتان جازباي، حالىققا بەرگەن ۋادەسىندە باستان - اياق تاباندى بولىپ، باس شۋجيدىڭ ءوزىن پارتياعا، وتانعا ارنايتىن وسكەلەڭ قاسيەتىن ايگىلەپ، بۇكىل پارتيا مەن بۇكىل ەل حالقىنا شۇعىلالى ۇلگى ورناتتى.

  تۇرعىن ءۇي جانە قالا، اۋىل قۇرىلىسى مينيسترلىگىندەگى، ساۋدا ىستەرى مينيسترلىگىندەگى، جۇڭگو حالىق بانكەسىندەگى، قازىنالىق باقىلاۋ مەكەمەسىندەگى كادرلار، جۇمىسشى - قىزمەتكەرلەر مىنالاردى ءبىلدىردى: باس شۋجي شي جينپيڭ ەرەك ساياسي اقىل - پاراساتىمەن، مويىماس جىگەرلى قاسيەتىمەن، كۇشتى جاۋاپكەرشىلىك ارقالاۋىمەن بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ جوعارى باعاسىنا جانە شىنايى قۇرمەتىنە يە بولدى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، ۇيرەنۋدى، وي جۇگىرتۋدى، قولدانۋدى ساباقتاستىرىپ، تانىمدى، سەنىمدى، ارەكەتتى بىرلىككە كەلتىرىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ەسە قوسامىز.

  سەنىم ەسەلەپ ارتتى، ىنتىماقتاسا كۇرەس جۇرگىزىپ، جاڭا جورىقتىڭ جاڭا داستانىن جازامىز

  شي جينپيڭ جولداستىڭ تولىق داۋىسپەن سايلانعان قۋانىشتى حابارى تارالعاندا چيڭحاي ولكەسى حاينان زاڭزۋ اۆتونوميالى وبلىسى گۇيدى اۋدانى شاتتانا جىگەرلەندى. اۋدان قالاشىعىنداعى شاعىن الاڭعا جينالعان ءار ۇلت بۇقاراسى ”گوجۋاڭ“ بيىنە باستى.

  "باس شۋجي شي جينپيڭ ’ىنتىماق − كۇش، تىعىز ىنتىماقتاسقان سايىن كۇش زور بولادى‘ دەپ باسا دارىپتەدى“. گۇيدى اۋداندىق پارتكومنىڭ ورىنباسار شۋجيى، اۋدان اكىمى سارنا مىنانى ءبىلدىردى: ۇلتتىق وڭىردەگى نەگىزگى ساتى كادرى رەتىندە، ءبىز مەملەكەتتىك ەكى ءماجىلىستىڭ رۋحىن مۇقيات دايەكتىلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى ”تۇعىرناما“ ەتىپ، ۇلتتار ىنتىماعى، العاباسارلىعى قىزمەتىن ويداعىداي ىستەۋدى وتەۋگە ءتيىستى قىزمەت جاۋاپكەرشىلىگىمىز رەتىندە قاراپ، تىنباي كۇش سالىپ، ۇزاق ۋاقىت ەڭبەك ەتىپ، جاڭا جورىقتا ”ۇلتتار ىنتىماعى كۇيىن“ بىرگە شىعارىپ، ”جاراسىمدىلىق، باقىت جىرىن“ شارىقتاتۋىمىز كەرەك.

  جۇڭگو دەموكراتيانى ىلگەرىلەتۋ قوعامى ورتالىق كوميتەتى، جۇڭگو شارۋا - جۇمىسشى دەموكراتيالىق پارتياسى ورتالىق كوميتەتى، ”3 - قىركۇيەك“ ءىلمي قوعامى ورتالىق كوميتەتى مىنانى ءبىلدىردى: شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە تاباندىلىقپەن ىنتىماقتاسىپ، ”كوممۋنيستىك پارتيا باسشىلىق ەتىپ، كوپ پارتيا - توپ سەلبەسۋ، كوممۋنيستىك پارتيا بيلىك جۇرگىزىپ، كوپ پارتيا - توپ ۇكىمەت ىسىنە ات سالىسۋ“ سىندى ساياسي جاعدايدى باتىل قورعاپ، ۇكىمەت ىسىنە ارالاسۋ، ۇكىمەت ىسىنە كەڭەس بەرۋ بارىسىندا كوپتىڭ اقىل - پاراساتىن شوعىرلاندىرىپ، دەموكراتيالىق باقىلاۋ بارىسىندا اقىل - كەڭەس بەرىپ، ساياسي پارتيا كەڭەسىندە جاقسى ءادىس - شارا كورسەتىپ، جۇڭگو كوممۋنيستىك پارتياسىنىڭ جاقسى اقىلشىسى، جاقسى قولعاناتى، جاقسى قىزمەتتەسى بولامىز.

  قول تەلەفون سەكىرمەسىنەن شي جينپيڭ جولداستىڭ تولىق داۋىسپەن سايلانعان حابارىن كورگەندە، اتىزدا قاربالاس جۇرگەن حاينان ولكەسى يانجوۋۋان تۇقىم تاجىريبەحاناسىنىڭ جاس زەرتتەرمەنى ياڭ فاننىڭ كوڭىلى كولدەي تولقىدى.

  2022 - جىلى 4 - ايدا باس شۋجي شي جينپيڭ حايناندا قىزمەت تەكسەرگەندە، ەڭ الدىمەن ياڭ فان تۇرعان تۇقىم تاجىريبەحاناسىنا بارىپ، عىلمي زەرتتەۋ قىزمەتكەرلەرىنە ”تۇقىمدى، ءسوز جوق، ءوز قولىمىزدا مىقتاپ ۇستاۋىمىز كەرەك“ دەپ تاپسىردى.

  ”تۇقىم كىشكەنە بولعانىمەن، ستراتەگيالىق مانگە يە ’مەملەكەتتىڭ زور ءىسى‘“. ياڭ فان مىنانى ءبىلدىردى: باس شۋجي شي جينپيڭنىڭ تاپسىرماسىن ەستە بەرىك ساقتاپ، دەن قويا زەرتتەپ، قاجىرلىلىقپەن قامال الىپ، ”جۇڭگو استىعىن“ ”جۇڭگو چيپىنە“ ورناتۋ جولىندا قاجىماي - تالماي كۇرەس جۇرگىزەمىز.

  ”باس شۋجي شي جينپيڭ ەل قۇرمەتىنە بولەنگەن حالىق كوسەمى، ءسوز جوق، ’جۇڭگو كەمەسىن‘ باستاپ تولقىن جارا العا تارتىپ، جەلكەن جايا الىسقا ساپار شەگەدى“. مەملەكەتتىك وركەندەتۋ بانكەسى كاسىپتىك ىستەردى دامىتۋ ءبولىمى كاسىپتىك ىستەردى ءبىر تۇتاس جوسپارلاپ سايكەستىرۋ باسقارماسىنىڭ ورىنباسار باستىعى فاڭ جىڭلياڭ مىنانى ءبىلدىردى: باس شۋجي شي جينپيڭنىڭ فينانستى دامىتۋ جونىندەگى ماڭىزدى بايىمداۋلارىن ءوز قىزمەتىمىزدەگى ءتۇبىرلى بويسۇنۋ ولشەمى ەتىپ، قىزمەتتەستەرىممەن بىرگە نازاردى وركەندەتۋ سيپاتتى فينانستاعى نەگىزگى جاۋاپكەرشىلىككە، نەگىزگى جۇمىسقا شوعىرلاندىرىپ، ەلىمىزدىڭ فينانس ىستەرىنىڭ جوعارى ساپالى دامۋىن ىلگەرىلەتۋگە ءوز ۇلەسىمدى قوسامىن.

  شي جينپيڭ جولداس تولىق داۋىسپەن سايلانعان، نەگىزگى زاڭ الدىندا سەرت بەرگەن ايبىندى ساتكە كۋا بولعان قۇرلىق ارمياسى 71 - ارميا توبى بەلگىلى بىرىككەن لۇيىنىڭ لۇيجاڭى، ۋاكىل ۋاڭ ۋىنحۋا حالىق سارايىنان شىققان كەزدە نىق قادام تاستادى.

  ”الدىڭعى شەپتەگى كوماندير - جاۋىنگەر رەتىندە، ءبىز ءتوراعا شي جينپيڭگە دەگەن ادالدىعىمىزدى، قولداۋىمىزدى اسكەر جاتتىقتىرىپ، سوعىسقا دايىندالۋدا تياناقتاندىرىپ، قابىلەتىمىزدى سومداپ، ونەرىمىزدى ۇشتاپ، ستيلىمىزدى ناقتىلاندىرىپ، جەڭىسكە جەتۋ قابىلەتىمىزدى ۇزدىكسىز جوعارىلاتىپ، پارتيا مەن حالىق جۇكتەگەن بورىش پەن مىندەتتى بۇلجىتپاي ورىنداپ، بۇيرىق بەرىلىسىمەن جەتىپ كەلۋگە، كەلە سالا شايقاسا الۋعا، شايقاسسا، ءسوزسىز، جەڭىپ شىعۋعا شىنايى كەپىلدىك ەتەمىز“، - دەدى ۋاڭ ۋىنحۋا.

  شي جينپيڭ جولداستىڭ تولىق داۋىسپەن سايلانعانىن، سەرت بەرگەنىن تىكە تاراتىلىمنان كورگەندە، يۇننان جيڭدۇڭ يزۋ اۆتونوميالى اۋدانى كاسىپتىك تولىق ورتا مەكتەبىندە وقۋ - اعارتۋعا كومەكتەسىپ جاتقان جىجياڭ داشۋەسى اسپيرانتتار وقۋ - اعارتۋعا كومەكتەسۋ ۇيىرمەسىنىڭ باستىعى لي جينلۇڭ بىلاي دەدى: ”جاڭا داۋىردە دۇنيەگە كەلۋ − وسى بۋىن جاستارى قاتارىنداعى ءبىزدىڭ باعىمىز. بىرگە بايۋدى زەرتتەۋ جانە اماليات باعىتى ەتكەن جاس وقۋشى رەتىندە، مەن جەكە مۇرات - تالپىنىسىمدى پارتيا مەن مەملەكەت ىستەرىنىڭ دامۋ كەلەلى جاعدايىمەن توعىستىرىپ، وقۋ - اعارتۋعا كومەكتەسۋ قىزمەتىن ويداعىداي ىستەۋمەن بىرگە، مۇقيات ۇيرەنىپ، ىشكەرىلەي تەكسەرۋ - زەرتتەۋ جۇرگىزىپ، جاڭا جورىقتا بىرگە بايۋدى تىڭعىلىقتى ىلگەرىلەتۋدە جاستاردىڭ جاۋاپكەرشىلىك ارقالاۋىن ايگىلەيمىن“.

  ءداۋىر دابىلى ادامدى ەكپىندەي ىلگەرىلەۋگە جىگەرلەندىرەدى؛ ايبىندى جورىقتا ۇيتقى جول باستايدى.

  قالىڭ پارتيالى كادرلار مەن بۇقارا مىنانى ءبىلدىردى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اسقاق جىگەرمەن قايراتتانا ۇمتىلىپ، ەرلىكپەن العا تارتساق، جاڭا داۋىردەگى جاڭا جورىقتا اناعۇرلىم ۇلى جەڭىسكە جانە داڭققا، ءسوز جوق، قول جەتكىزە الامىز!

  (شينحۋا اگەنتتىگىنىڭ 3 - ايدىڭ 12 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.