شينجياڭ ۋاكىلدەر ۇيىرمەسى ءماجىلىستىڭ ءتۇرلى قارار جوبالارىن قارادى
ما شيڭرۇي، شوكىرات زاكىر، ەركىن تۇنياز، ءزۇمىرات وبۇل، شاۋكەت يمىن، لي يفي قاتىناستى
انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، لي ياڭ 3 - ايدىڭ 12 - كۇنى بەيجيڭنەن حابارلايدى. 3 - ايدىڭ 12 - كۇنى تۇستەن كەيىن 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندەگى شينجياڭ ۋاكىلدەر ۇيىرمەسى گرۋپپا جيىنىن وتكىزىپ، ماجىلىستەگى قارار جوبالاردى قارادى.
مەملەكەتتىك حالىق قۇرىلتايىنىڭ ۋاكىلى، شينجياڭ ۋاكىلدەر ۇيىرمەسىنىڭ باستىعى، اۆتونوميالى رايوندىق پارتكومنىڭ شۋجيى ما شيڭرۇي، مەملەكەتتىك حالىق قۇرىلتايىنىڭ ۋاكىلى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى شوكىرات زاكىر، مەملەكەتتىك حالىق قۇرىلتايىنىڭ ۋاكىلدەرى ەركىن تۇنياز، ءزۇمىرات وبۇل، شاۋكەت يمىن، لي يفي قاتارلىلار قاتىناستى.
ۋاكىلدەر ءبىر اۋىزدان مىنالاردى ءبىلدىردى: ۇكىمەت قىزمەتىنەن بايانداما، جىلدىق جوسپار، جىلدىق مەجە ەسەپ، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى، ەڭ جوعارى حالىق سوتى مەكەمەسىنىڭ قىزمەت بايانداماسى، ەڭ جوعارى حالىق پروكۋراتۋراسىنىڭ قىزمەت بايانداماسى جونىندەگى 6 قارار جوبانى بۇكىلدەي قۇپتايمىز.
مەملەكەتتىك حالىق قۇرىلتايىنىڭ ۋاكىلدەرى لي شيانفا، تيان شياڭلي، چىن ۋيجۇن، ۋاڭ ميڭشان، ءمامتىمىن قادىر، سارقىت اقان، شۋە بين، جين جىجىن، ءدىلشات سايىم، گاۋ جيميڭ قاتارلىلار قاراۋعا قاتىناستى. جياڭ شينجۇن، دۋ حۇڭيان قاتارلىلار جيىنعا سىرتتاي قاتىناستى.
