جاڭ چۇنلين ءۇرىمجى قالاسىندا، سانجى حۇيزۋ اۆتونوميالى وبلىسىندا جانە حوتان ايماعىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
تومەنگى شەك وي جەلىسىن كۇشەيتىپ، ءوندىرىس حاۋىپسىزدىگى قورعانىس شەبىن بەكەمدەۋ كەرەك
انار بۇلت \ شينجياڭ گازەتىنىڭ ءتىلشىسى ليۋ شياڭ 3 - ايدىڭ 12 - كۇنى حوتاننان حابارلايدى. 3 - ايدىڭ 4 - كۇنىنەن 5 - كۇنىنە دەيىن، 8 - كۇنىنەن 9 - كۇنىنە دەيىن اۆتونوميالى رايوندىق پارتكومنىڭ ورىنباسار شۋجيى جاڭ چۇنلين ءۇرىمجى قالاسىن، فۋكاڭ قالاسىن، جۇندۇڭ ەكونوميكالىق - تەحنيكالىق اشۋ رايونىن، حوتان ايماعىن ىشكەرىلەي ارالاپ، زاۆودتار مەن كەندەردىڭ، كاسىپورىنداردىڭ ءوندىرىس حاۋىپسىزدىگى سياقتى قىزمەتتەرىنە تەكسەرۋ - زەرتتەۋ جۇرگىزدى.
جاڭ چۇنلين ىلگەرىندى - كەيىندى ءۇرىمجى گوشىڭ حۇيدۇڭ جاڭا ەنەرگيا شەكتى سەرىكتەستىگىنىڭ ميدۇڭ رايوندىق گاز جيناۋ پۋنكتى، شينجياڭ يحۋا حيميا ونەركاسىبى شەكتى سەرىكتەستىگى، مەملەكەت ەلەكتر تورى ەنەرگياسى شينجياڭ جۇندۇڭ كومىر - ەلەكتر شەكتى سەرىكتەستىگى جۇندۇڭ 2 - كەنى، يۇرۇڭقاش سۋ يگىلىگى تورابى ينجەنەرياسى، لوپ اۋدانى فوتوۆولتتىق ەلەكتر تاراتۋ بازاسى سياقتى جەرلەرگە كەلىپ، كەن اشۋ ورنىنا، ءوندىرىس سەحىنا، قۇرىلىس باسىنا ىشكەرىلەي بارىپ، جۇمىس باسىندا حاۋىپسىزدىك كومەسكى كىناراتتارىن ءبىر - بىرلەپ تەكسەرۋ، رەتتەۋ - وڭاۋ سياقتى جاعدايلاردى تەكسەردى.
جاڭ چۇنلين بىلاي دەپ باسا دارىپتەدى: ءار دارەجەلى پارتكومدار مەن ۇكىمەتتەر جانە تاراۋلار مەن كاسىپورىندار تومەنگى شەك وي جەلىسىن كۇشەيتىپ، تاۋقىمەت تانىمىن نىعايتىپ، نەگىزدىك باسقارۋ قىزمەتىن كۇشەيتىپ، ءوندىرىس حاۋىپسىزدىگى قىزمەتتەرىن مىقتى، ەگجەي - تەگجەيلى، ناقتى يگەرىپ، اۋىر، ەرەكشە اۋىر ءوندىرىس حاۋىپسىزدىگى شىرعالاڭدارىنىڭ تۋىلۋىنان باتىل ساقتانۋ كەرەك. جۇيەلىك ويلاۋعا تاباندى بولىپ، ماسەلەنى باعدار ەتۋدى كورنەكتىلەندىرىپ، ءبىرى ارقىلى وزگەسىن تۇسپالداپ، ءوندىرىس حاۋىپسىزدىگى ەرەجە - تۇزىمدەرىن جانە جۇمىس جۇرگىزۋ ءتارتىبىن قاتاڭ اتقارىپ، كاسىپورىن قىزمەتكەرلەرىنىڭ ءوندىرىس حاۋىپسىزدىگى تاربيەسىن كۇشەيتىپ، ناق مايداندا جۇمىس جۇرگىزۋ حاۋىپسىزدىك باسقارۋىن قاتايتىپ، ءوندىرىس حاۋىپسىزدىگى دەڭگەيىن ۇزدىكسىز جوعارىلاتۋ كەرەك. ءوندىرىس حاۋىپسىزدىگىنە ۇسىنىلىمدى ارتتىرۋ، سلوپ رادار، ۇشقىشسىز اپپارات سياقتى جابدىقتارعا ۇسىنىلىمدى ارتتىرۋ، كەن اشۋ ورنىنداعى قۇلاما جار، نىسان قۇرىلىسى جۇمىس ورنى سياقتى ءتۇيىندى ورىندارعا باقىلاۋ - تەكسەرۋ تەبىنىن كۇشەيتىپ، زەردەلى كەن قۇرىلىسىن جەدەل ىلگەرىلەتىپ، كاسىپورىنداردىڭ ءوندىرىس حاۋىپسىزدىگى دەڭگەيىن ۇزدىكسىز جوعارىلاتۋ كەرەك. جانار گاز، قاتەرلى حيميالىق ونىمدەر، ونەركاسىپ جانە ساۋدا، قاتىناس - تاسىمال، قۇرىلىس سالۋ، ءورت ءوشىرۋ سياقتى ءتۇيىندى كاسىپتەردى جانە سالالاردى ءجىتى قاداعالاپ، ءوندىرىس حاۋىپسىزدىگىنە زيان جەتكىزەتىن كومەسكى كىناراتتاردى كۇش سالا الاستاپ، باقىلاۋ - باسقارۋداعى شالاعايلىقتاردى جويىپ، ءوندىرىس حاۋىپسىزدىگى قورعانىس شەبىن شىن مانىندە بەكەمدەپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن بار كۇشپەن قامتاماسىز ەتىپ، ەكونوميكانىڭ، قوعامنىڭ دامۋىنا حاۋىپسىز، ورنىقتى ورتا ازىرلەۋ كەرەك.
