14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى بەيجيڭدە جابىلدى
شي جينپيڭ ماڭىزدى ءسوز سويلەدى
ءماجىلىس ۇكىمەت قىزمەتىنەن بايانداما جونىندەگى قارار سياقتىلاردى داۋىسقا سالىپ ماقۇلدادى
زاڭ شىعارۋ زاڭىنا وزگەرىس ەنگىزۋ جونىندەگى قاۋلىنى ماقۇلدادى، شي جينپيڭ ءتوراعا بۇيرىعىنا قول قويىپ، جاريالادى
جاۋ لىجي باسقاردى ءارى ءسوز سويلەدى، لي چياڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار ماجىلىسكە قاتىناستى، لي كىچياڭ، لي جانشۋ، ۋاڭ ياڭ، ۋاڭ چيشان قاتارلىلار ءتوراعالار مىنبەسىنەن ورىن الدى
3 - ايدىڭ 13 - كۇنى 14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى بەيجيڭ حالىق سارايىندا جابىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن
3 - ايدىڭ 13 - كۇنى 14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى بەيجيڭ حالىق سارايىندا جابىلدى. شي جينپيڭ قاتارلى پارتيا مەن مەملەكەت باسشىلارى ءتوراعالار مىنبەسىنەن ورىن الدى.
□ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
شينحۋا اگەنتتىگىنىڭ 3 - ايدىڭ 13 - كۇنى بەيجيڭنەن بەرگەن حابارى. جۇڭحۋا حالىق رەسپۋبليكاسى 14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى ءتۇرلى كەڭەستىك تارتىپتەرىن تابىسپەن ورىنداپ، جاڭا كەزەكتى مەملەكەت قۇرىلىمدارىنىڭ قۇرامىنداعىلاردى سايلاعاننان كەيىن، 3 - ايدىڭ 13 - كۇنى تۇستەن بۇرىن بەيجيڭ حالىق سارايىندا جابىلدى.
ءماجىلىس بۇكىل ەلدەگى ءار ۇلت حالقىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، وزىنە سەنىپ، ءوزىن الۋەتتەندىرىپ، تۋراشىلدىقتان اينىماي، جاڭالىق اشىپ، زەيىن - زەردەنى، كۇش - قۋاتتى شوعىرلاندىرىپ، شوگەلدىكپەن ىستەپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋگە ۇندەدى.
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىستە ماڭىزدى ءسوز سويلەدى. ول مىنالاردى ءبىلدىردى: وسى جولعى ءماجىلىس مەنى جۇڭحۋا حالىق رەسپۋبليكاسىنىڭ ءتوراعالىعىنا تاعى دا سايلادى، مەن ۋاكىلدەر مەن بۇكىل ەلدەگى ءار ۇلت حالقىنىڭ ماعان سەنىم ارتقاندىعىنا شىن جۇرەكتەن العىس ايتامىن. حالىقتىڭ سەنىمى مەنىڭ العا باسۋىمداعى ەڭ ۇلكەن قوزعاۋشى كۇش، سونداي - اق مەنىڭ اۋىر جاۋاپكەرشىلىگىم. مەن نەگىزگى زاڭدا جۇكتەلگەن قىزمەت مىندەتىمدى ادالدىقپەن وتەپ، مەملەكەتتىڭ قاجەتىن بورىش، حالىقتىڭ مۇددەسىن ولشەم ەتىپ، ءوز قىزمەتىمدى بايىپتى، مۇقيات، جاقسى ىستەپ، شىن پەيىلىممەن ۇلەس قوسىپ، ۋاكىلدەر مەن بۇكىل ەلدەگى ءار ۇلت حالقىنىڭ ماڭىزدى تاپسىرماسىن، ءسوز جوق، ورىندايمىن.
14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ باستىعى، ورىنباسار كوميتەت باستىقتارى، باس حاتشىسى ءماجىلىستىڭ اتقارۋشى ءتوراعاسى مىندەتىن وتەدى ءارى ءتوراعالار مىنبەسىنىڭ الدىڭعى قاتارىنان ورىن الدى. ولار: جاۋ لىجي، لي حۇڭجۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋي، ۋ ۋيحۋا، تيە نيڭ، پىڭ چيڭحۋا، جاڭ چيڭۋي، لوساڭجياڭسۇن، شوكىرات زاكىر، ليۋ چي.
لي چياڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلى پارتيا مەن مەملەكەت باسشىلارى ماجىلىسكە قاتىناستى.
لي كىچياڭ، لي جانشۋ، ۋاڭ ياڭ، ۋاڭ چيشان قاتارلىلار ءتوراعالار مىنبەسىنەن ورىن الدى.
ماجىلىسكە قاتىناسۋعا ءتيىستى ۋاكىل 2977 ادام، قاتىناسقانى 2947 ادام، 30 ادام قاتىناسا المادى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
جابىلۋ جينالىسىن ءماجىلىستىڭ اتقارۋشى ءتوراعاسى، 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي باسقاردى.
تۇستەن بۇرىن ساعات 9دا جاۋ لىجي جينالىستىڭ باستالعاندىعىن جاريالادى.
جينالىس داۋىسقا سالۋ ارقىلى 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ ۇكىمەت قىزمەتىنەن بايانداما جونىندەگى قارارىن ماقۇلدادى. قاراردا مىنالار اتاپ كورسەتىلدى: ءماجىلىس جاڭا ءداۋىردىڭ 10 جىلىنداعى ەلىمىزدىڭ ەكونوميكالىق، قوعامدىق دامۋدا قول جەتكىزگەن تاريحي جەتىستىكتەرىن، تۋىلعان تاريحي وزگەرىستەردى جوعارى باعالاپ، مەملەكەتتىك كەڭەستىڭ وتكەن ءبىر جىلداعى جانە 5 جىلداعى قىزمەتتەرىن تولىق تۇراقتاندىرىپ، باياندامادا العا قويىلعان 2023 - جىلعى ەكونوميكالىق، قوعامدىق دامۋدىڭ جالپى تالابىنا، باستى نىساناسىنا، ساياسات بەتالىسىنا جانە ءتۇيىندى قىزمەتتەرىنە قوسىلىپ، وسى باياندامانى بەكىتۋدى ۇيعاردى.
ءماجىلىس داۋىسقا سالۋ ارقىلى زاڭ شىعارۋ زاڭىنا وزگەرىس ەنگىزۋ جونىندەگى قاۋلىنى ماقۇلدادى. 2023 - جىلى 3 - ايدىڭ 15 - كۇنىنەن باستاپ اتقارۋدى ۇيعاردى. مەملەكەت ءتوراعاسى شي جينپيڭ 3 - ءنومىرلى ءتوراعا بۇيرىعىنا قول قويىپ، جاريالادى.
ءماجىلىس 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ 2022 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە 2023 - جىلعى حالىق شارۋاشىلىعى مەن قوعامدىق دامۋ جوسپارى جونىندەگى قاراردى داۋىسقا سالىپ ماقۇلدادى، 2022 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە 2023 - جىلعى حالىق شارۋاشىلىعى مەن قوعامدىق دامۋ جوسپارى جوباسى جونىندەگى باياندامانى بەكىتۋدى ۇيعاردى، 2023 - جىلعى حالىق شارۋاشىلىعى مەن قوعامدىق دامۋ جوسپارىن بەكىتتى؛ 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ 2022 - جىلعى ورتالىق پەن جەرگىلىكتى ورىن مەجە ەسەبىنىڭ اتقارىلۋ احۋالى جانە 2023 - جىلعى ورتالىق پەن جەرگىلىكتى ورىن مەجە ەسەبى جونىندەگى قاراردى داۋىسقا سالىپ ماقۇلدادى، 2022 - جىلعى ورتالىق پەن جەرگىلىكتى ورىن مەجە ەسەبىنىڭ اتقارىلۋ احۋالى جانە 2023 - جىلعى ورتالىق پەن جەرگىلىكتى ورىن مەجە ەسەپ جوباسى جونىندەگى باياندامانى بەكىتۋدى ۇيعاردى، 2023 - جىلعى ورتالىقتىڭ مەجە ەسەبىن بەكىتتى.
ءماجىلىس مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى جونىندەگى قاراردى، ەڭ جوعارى حالىق سوتى مەكەمەسىنىڭ قىزمەت بايانداماسى جونىندەگى قاراردى، ەڭ جوعارى حالىق پروكۋراتۋراسىنىڭ قىزمەت بايانداماسى جونىندەگى قاراردى داۋىسقا سالىپ ماقۇلداپ، وسى 3 باياندامانى بەكىتۋدى ۇيعاردى.
جوعارىداعى كەڭەستىك تارتىپتەر ورىندالىپ بولعان سوڭ، شي جينپيڭ ماڭىزدى ءسوز سويلەدى.
شي جينپيڭ بىلاي دەپ اتاپ كورسەتتى: 5000 جىلدان استام وركەنيەت تاريحىنا يە جۇڭحۋا ۇلتى تاريحتا سانسىز شۇعىلالى تابىستار جاراتتى، سونداي - اق تالاي تاۋقىمەتتى باستان كەشىردى. تاياۋ زاماننان كەيىن جۇڭگو بىرتە - بىرتە جارتىلاي وتار، جارتىلاي فەودالدىق قوعامعا اينالىپ، ازۋلى ەلدەردىڭ قورلاۋىنا ۇشىراپ، توز - توزى شىقتى، سوعىس لاڭى ءجيى - ءجيى تۋىلىپ، ەل كۇيزەلىسكە ۇشىرادى. جۇڭگو كوممۋنيستىك پارتياسى قۇرىلعاننان كەيىن، بۇكىل ەلدەگى ءار ۇلت حالقىن تىعىز ىنتىماقتاستىرىپ جانە باستاپ، 100 جىلدىق كۇرەس ارقىلى ۇلتتى قورلىقتان ارىلتتى، جۇڭگو حالقى ءوز تاعدىرىنىڭ قوجايىنىنا اينالىپ، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى، جۇڭحۋا ۇلتىنىڭ ۇلى گۇلدەنۋى كەرى قايتارۋعا كەلمەيتىن تاريحي ۇردىسكە قادام تاستادى.
شي جينپيڭ بىلاي دەپ باسا دارىپتەدى: قازىردەن باستاپ وسى عاسىردىڭ ورتا شەنىنە دەيىن، جاپپاي سوتسياليستىك وسىزاماندانعان قۇدىرەتتى مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ − بۇكىل پارتيانىڭ، بۇكىل ەل حالقىنىڭ وزەكتى مىندەتى. مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ۇتىلامالى تاياقشاسى تاريحي تۇردە ءبىز وسى ۇرپاق ادامدارىنىڭ موينىنا جۇكتەلدى. ءبىز پارتيا 20 - قۇرىلتايىنىڭ ستراتەگيالىق ورنالاستىرۋىنا ساي، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس ىلگەرىلەتۋگە، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋگە تاباندى بولىپ، جۇڭگو ۇلگىسىندەگى وسىزامانداندىرۋ قۇرىلىسىن جەدەل ىلگەرىلەتىپ، ىنتىماقتاسا كۇرەس جۇرگىزىپ، ءورىس اشا جاڭالىق اشىپ، جاڭا جورىقتا ءداۋىردىڭ، تاريحتىڭ، حالىقتىڭ ءۇمىتىن اقتايتىن ناتيجە جاراتىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋدى ىلگەرىلەتۋگە ءبىز وسى ۇرپاق ادامداردىڭ تيەسىلى ۇلەسىن قوسۋىمىز كەرەك.
شي جينپيڭ بىلاي دەپ اتاپ كورسەتتى: مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا ءبىز جوعارى ساپالى دامۋدى بۇلجىماي ىلگەرىلەتۋىمىز كەرەك. جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، مەملەكەتتى عىلىم - تەحنيكامەن، وقۋ - اعارتۋمەن گۇلدەندىرۋ ستراتەگياسىن، دارىندىلاردا قۋاتتى ەل ستراتەگياسىن، دامۋعا جاڭالىق اشۋ ارقىلى دەم بەرۋ ستراتەگياسىن ىشكەرىلەي اتقارىپ، عىلىم - تەحنيكادا ءوز كۇشىنە سۇيەنۋ، ءوزىن الۋەتتەندىرۋ قابىلەتىن كۇش سالا جوعارىلاتىپ، كاسىپ سالاسىنىڭ تيبىن وزگەرتىپ، دارەجەسىن جوعارىلاتۋدى ىلگەرىلەتىپ، قالا مەن اۋىلدىڭ وڭىرلىك سايكەستى دامۋىن ىلگەرىلەتىپ، ەكونوميكالىق، قوعامدىق دامۋدىڭ جاسىل، تومەن كومىر قىشقىل گازدى بولۋىن ىلگەرىلەتىپ، ەكونوميكانىڭ ساپا جاعىندا ۇتىمدى ءوسۋىن جانە سان جاعىندا ۇيلەسىمدى ارتۋىن جۇزەگە اسىرۋدى ىلگەرىلەتىپ، ەلىمىزدىڭ ەكونوميكالىق ناقتى قۋاتىن، عىلىم - تەحنيكالىق ناقتى قۋاتىن، مەملەكەتتىڭ جالپىلىق قۋاتىن ۇزدىكسىز نىعايتۋىمىز كەرەك.
شي جينپيڭ بىلاي دەپ باسا دارىپتەدى: ءبىز حالىقتى بارىنەن جوعارى قويۋعا باستان - اياق تاباندى بولۋىمىز كەرەك. جاپپاي سوتسياليستىك وسىزاماندانعان قۇدىرەتتى مەملەكەت قۇرۋدا حالىق − شەشۋشى كۇش. جالپى بارىستىق حالىق دەموكراتياسىن بەلسەنە دامىتىپ، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، حالىقتىڭ قوجايىن بولۋ ءتۇزىمى جۇيەسىن اقاۋسىزداندىرىپ، حالىقتىڭ ەركىن جۇزەگە اسىرىپ، حالىقتىڭ ۇقىق - مۇددەسىن قامتاماسىز ەتىپ، جالپى حالىقتىڭ بەلسەندىلىگىن، ىرىقتىلىعىن، جاسامپازدىعىن تولىق قاۋلاتۋىمىز كەرەك. حالىقتى وزەك ەتكەن دامۋ يدەياسىن دايەكتىلەندىرىپ، ءبولىس ءتۇزىمىن كەمەلدەندىرىپ، قوعامدىق قامتاماسىزداندىرۋ جۇيەسىن اقاۋسىزداندىرىپ، نەگىزگى الەۋمەتتىك قىزمەت وتەۋدى كۇشەيتىپ، حالىق تۇرمىسىنىڭ تومەنگى شەگىن بەرىك ساقتاپ، حالىق بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن ويداعىداي شەشىپ، وسىزامانداندىرۋ قۇرىلىسىنىڭ جەتىستىكتەرىنەن جالپى حالىقتى اناعۇرلىم كوپ، اناعۇرلىم ءادىل يگىلىكتەندىرىپ، جالپى حالىقتىڭ بىرگە بايۋىن ىلگەرىلەتۋ جاعىندا اناعۇرلىم كورنەكتى ماندىك ىلگەرىلەۋشىلىككە ۇزدىكسىز قول جەتكىزۋىمىز كەرەك. بۇكىل ەلدەگى ءار ۇلت حالقىنىڭ ۇلى ىنتىماعىن، ەل ءىشى - سىرتىنداعى جۇڭحۋا پەرزەنتتەرىنىڭ ۇلى ىنتىماعىن ۇزدىكسىز بەكەمدەپ، دامىتىپ، بارلىق بەلسەندى فاكتورلاردى تولىق جۇمىلدىرىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ تەلەگەي كۇشىن ۇيىستىرۋىمىز كەرەك.
شي جينپيڭ بىلاي دەپ اتاپ كورسەتتى: حاۋىپسىزدىك − دامۋدىڭ نەگىزى، ورنىقتىلىق − قۇدىرەتتەنۋدىڭ، گۇلدەنۋدىڭ العى شارتى. جالپى تۇلعالىق مەملەكەت حاۋىپسىزدىگى كوزقاراسىن دايەكتىلەندىرىپ، مەملەكەت حاۋىپسىزدىگى جۇيەسىن اقاۋسىزداندىرىپ، مەملەكەت حاۋىپسىزدىگىن قورعاۋ قابىلەتىن كۇشەيتىپ، الەۋمەتتىك حاۋىپسىزدىكتى باسقارۋ دەڭگەيىن جوعارىلاتىپ، قوعامدىق باسقارۋ جۇيەسىن كەمەلدەندىرىپ، جاڭا حاۋىپسىزدىك ارناسى ارقىلى جاڭا دامۋ ارناسىن قامتاماسىز ەتۋ كەرەك. مەملەكەت قورعانىسى مەن ارميانى وسىزامانداندىرۋ قۇرىلىسىن جاپپاي ىلگەرىلەتىپ، حالىق ارمياسىن مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن ءونىمدى قورعايتىن قۇرىش قورعان ەتىپ قۇرىپ شىعۋ كەرەك.
شي جينپيڭ بىلاي دەپ باسا دارىپتەدى: مەملەكەتتى قۇدىرەتتەندىرۋ قۇرىلىسىن ىلگەرىلەتۋ شياڭگاڭنىڭ، اۋمىننىڭ ۇزاق ۋاقىت گۇلدەنۋىنەن، ورنىقتىلىعىنان قول ۇزە المايدى. ”ءبىر ەل، ەكى ءتۇزىم“، ”شياڭگاڭدى شياڭگاڭدىقتار باسقارۋ“، ”اۋمىندى اۋمىندىقتار باسقارۋ“، وسكەلەڭ اۆتونوميا باعىتىن جاپپاي، دالمە - ءدال، بۇلجىماي دايەكتىلەندىرىپ، شياڭگاڭدى، اۋمىندى زاڭ بويىنشا باسقارۋعا تاباندى بولىپ، شياڭگاڭ، اۋمىن ەرەكشە اكىمشىلىك رايوندارىنىڭ ەكونوميكانى دامىتۋىن، حالىق تۇرمىسىن جاقسارتۋىن، مەملەكەتتىڭ دامۋ كەلەلى جاعدايىنا اناعۇرلىم ويداعىداي توعىسۋىن قولداۋ كەرەك. وتاننىڭ بۇكىلدەي بىرلىككە كەلۋىن جۇزەگە اسىرۋ − بارلىق جۇڭحۋا پەرزەنتتەرىنىڭ ورتاق تىلەگى، ۇلتتى گۇلدەندىرۋ تاقىرىبىنىڭ ماڭىزدى مازمۇنى. جاڭا داۋىردەگى پارتيانىڭ تايۋان ماسەلەسىن شەشۋ جالپى تۇلعالىق جالپى جوباسىن دايەكتىلەندىرىپ، ءبىر جۇڭگو پرينسيبىنە جانە ”92 - جىلعى ورتاق تانىمعا“ تاباندى بولىپ، ەكى جاعالاۋ قاتىناسىنىڭ بەيبىت دامۋىن بەلسەنە جەبەپ، سىرتقى كۇشتەردىڭ كيلىگۋ جانە ”تايۋاندى دەربەستەندىرۋ“ بولشەكتەۋشىلىك ارەكەتىنە باتىل قارسى تۇرىپ، وتاننىڭ بىرلىككە كەلۋ اياق الىسىن بۇلجىتپاي ىلگەرىلەتۋ كەرەك.
شي جينپيڭ بىلاي دەپ باسا دارىپتەدى: جۇڭگونىڭ دامۋى دۇنيە جۇزىنە تيىمدىلىك جەتكىزەدى، جۇڭگونىڭ دامۋى دۇنيە جۇزىنەن قول ۇزە المايدى. ءبىز جوعارى دەڭگەيدە سىرتقا ەسىك اشۋدى تىڭعىلىقتى ىلگەرىلەتىپ، ءارى الەمدىك بازار مەن بايلىقتان ويداعىداي پايدالانىپ ءوزىمىزدى دامىتۋىمىز، ءارى دۇنيە ءجۇزىنىڭ ورتاق دامۋىن ىلگەرىلەتۋىمىز كەرەك. ءبىز بەيبىتشىلىك، دامۋ، سەلبەستىك، بىرگە يگىلىككە كەنەلۋ تۋىن بيىك ۇستاپ، قاي - قاشان دا تاريحتىڭ دۇرىس جاعىندا تۇرىپ، ناعىز كوپ جاقتىلىقتى امالياتتا ايگىلەپ، بۇكىل ادامزاتتىڭ ورتاق قۇنىن امالياتتا ايگىلەپ، الەمدىك باسقارۋ جۇيەسى رەفورماسى مەن قۇرىلىسىنا بەلسەنە ات سالىسىپ، اشىق دۇنيە ءجۇزى ەكونوميكاسىن قۇرۋدى ىلگەرىلەتىپ، الەمدىك دامۋ باستاماسىن، الەمدىك حاۋىپسىزدىك باستاماسىن تياناقتاندىرۋدى ىلگەرىلەتىپ، دۇنيە ءجۇزىنىڭ بەيبىتشىلىگى مەن دامۋىنا اناعۇرلىم كوپ ورنىقتىلىق جانە وڭ ەنەرگيا ۇستەپ، ەلىمىزدىڭ دامۋىنا تاماشا حالىقارالىق ورتا جاراتۋىمىز كەرەك.
شي جينپيڭ بىلاي دەپ اتاپ كورسەتتى: مەملەكەتتى باسقارۋدا، ءسوز جوق، الدىمەن پارتيانى باسقارۋ كەرەك، پارتيا گۇلدەنگەندە عانا، مەملەكەت قۇدىرەتتەنەدى. مەملەكەتتى قۇدىرەتتەندىرۋ قۇرىلىسىن ىلگەرىلەتۋدە، ءسوز جوق، جۇڭگو كوممۋنيستىك پارتياسىنىڭ باسشىلىعى مەن پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ، پارتيا قۇرىلىسىن شىنايى كۇشەيتۋ كەرەك. قاي - قاشان دا ءىرى پارتياعا عانا ءتان قيىن ماسەلەلەردى شەشەتىن سەرگەكتىك پەن تاباندىلىقتى ساقتاپ، جۇرەكتىلىكپەن وزىنە - ءوزى توڭكەرىس جاساپ، پارتيانى جاپپاي قاتاڭ باسقارۋدى ءبىر ءسات تە توقتاتپاي، شىرىكتەسۋگە بۇلجىماي قارسى تۇرىپ، پارتيانىڭ ىنتىماعىن، بىرلىگىن باستان - اياق ساقتاپ، پارتيانىڭ قاسيەتىن ماڭگى ساقتاۋعا، ءتۇسىن ماڭگى وزگەرتپەۋگە، سيپاتىن ماڭگى ساقتاۋعا شىنايى كەپىلدىك ەتىپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋگە پارمەندى كەپىلدىك ازىرلەۋ كەرەك.
شي جينپيڭ بىلاي دەپ باسا دارىپتەدى: مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ايبىندى نىساناسى ادامدى ىنتالاندىرادى، ەكپىندەي ىلگەرىلەۋگە جىگەرلەندىرەدى. ءبىز تەز قارمانىپ، تاريح سەنىمىن بەكەمدەپ، تاريحي ىرىقتىلىقتى كۇشەيتىپ، تۋراشىلدىقتان اينىماي، جاڭالىق اشۋعا تاباندى بولىپ، ستراتەگيالىق تاباندىلىقتى ساقتاپ، كۇرەسكەرلىك رۋحتى اسقاقتاتىپ، جۇرەكتىلىكپەن قامال الىپ، قيىندىقتى جەڭىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ءىسى ءۇشىن ۇزدىكسىز كۇش قوسۋىمىز، داڭق اپەرۋىمىز كەرەك.
شي جينپيڭنىڭ سوزىنە بۇكىل زالداعىلار ءالسىن - ءالى قىزۋ شاپالاق سوقتى.
جاۋ لىجي دا وسىدان كەيىن ءسوز سويلەدى. ول بىلاي دەدى: ءتوراعا شي جينپيڭنىڭ ماڭىزدى ءسوزىن بۇكىلدەي قۇپتايمىن جانە قولدايمىن. ءسوز حالىقتىق تۇرعىنى باتىل ساقتادى، تاريحي سەنىمدى بەكەمدەدى، بورىش ارقالاۋدى ايگىلەدى، العا باسۋ بەتالىسىن كورسەتتى، بۇكىل ەلدەگى ءار ۇلت حالقىن مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ جاڭا جورىعىندا جىگەرلەنە ۇمتىلۋعا، ەرلىكپەن العا باسۋعا ىنتالاندىراتىندىعى ءشۇباسىز. مۇقيات ۇيرەنىپ، ءتۇسىنىپ، جاپپاي دايەكتىلەندىرۋ، تياناقتاندىرۋ كەرەك. ول بىلاي دەدى: شي جينپيڭ جولداستىڭ جۇڭحۋا حالىق رەسپۋبليكاسىنىڭ ءتوراعالىعىنا، جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعالىعىنا تاعى دا تولىق داۋىسپەن سايلانۋى بارلىق مەملەكەتتىك حالىق قۇرىلتايى ۋاكىلدەرىنىڭ ورتاق ەركىن جانە بۇكىل ەلدەگى ءار ۇلت حالقىنىڭ ورتاق تىلەگىن بەينەلەدى. پارتيانىڭ شي جينپيڭ جولداستىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن تۇراقتاندىرۋى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشى ورنىن تۇراقتاندىرۋى جاڭا داۋىردەگى پارتيا مەن مەملەكەت ىستەرىنىڭ دامۋى، جۇڭحۋا ۇلتىنىڭ ۇلى گۇلدەنۋ تاريحي ءۇردىسىن ىلگەرىلەتۋ جونىنەن شەشۋشى سيپاتتى مانگە يە. ”ەكىنى تۇراقتاندىرۋدى“ باتىل قولداپ، سانالى تۇردە ”ءتورت تانىمدى“ كۇشەيتۋ، ”ءتورت سەنىمدى“ بەكەمدەۋ، ”ەكىنى قورعاۋدى“ ورىنداۋ كەرەك.
جاۋ لىجي بىلاي دەدى: جينالىس پارتيا 20 - قۇرىلتايىنىڭ جانە 20 - كەزەكتى ورتالىق كوميتەتىنىڭ ءبىرىنشى، ەكىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ءتۇرلى كەڭەستىك تارتىپتەردى تولىق ورىندادى، بۇل دەموكراتيالى، ىنتىماقتى، شىندىققا ۇمتىلعان، ەكپىندەي ىلگەرىلەگەن جينالىس بولدى. ول 14 - كەزەكتى مەملەكەتتىك حالىق قۇرىلتايى جانە ونىڭ تۇراقتى كوميتەتى اتىنان 13 - كەزەكتى مەملەكەتتىك حالىق قۇرىلتايى ۋاكىلدەرىنە، 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ قۇرامىنداعىلارعا، لي جانشۋ جولداسقا وسكەلەڭ قۇرمەت ءبىلدىردى.
جاۋ لىجي بىلاي دەدى: ءماجىلىس 14 - كەزەكتى مەملەكەتتىك حالىق قۇرىلتايى تۇراقتى كوميتەتىن سايلاپ شىقتى ءارى مەنى كوميتەت باستىقتىعىنا سايلادى. ءبىز ۋاكىلدەردىڭ سەنىم ارتقاندىعىنا شىن جۇرەكتەن العىس ايتامىز، بورىشىمىزدىڭ وسكەلەڭ، جاۋاپكەرشىلىگىمىزدىڭ اۋىر ەكەندىگىن تەرەڭ سەزىندىك. ءبىز الداعى جەردە پارتيانىڭ جالپى بەتتىك باسشىلىعىنا باستان - اياق تاباندى بولىپ، حالىق قۇرىلتايى ۋاكىلدەرىنە جانە حالىق بۇقاراسىنا تىعىز ارقا سۇيەپ، نەگىزگى زاڭدى قاستەرلەپ، ءوز قىزمەتىمىزدى بايىپتى، مۇقيات، جاقسى ىستەپ، پاك ءارى كوپشىل بولىپ، حالىقتىڭ باقىلاۋىن قابىلداپ، پارتيا مەن مەملەكەت ىستەرى ءۇشىن شىن پەيىلىمىزبەن ۇلەس قوسىپ، ۋاكىلدەر مەن بۇكىل ەلدەگى ءار ۇلت حالقىنىڭ ماڭىزدى تاپسىرماسىن، ءسوز جوق، ورىندايمىز.
جاۋ لىجي بىلاي دەدى: پارتيا 20 - قۇرىلتايى جاپپاي سوتسياليستىك وسىزاماندانعان قۇدىرەتتى مەملەكەت قۇرۋدىڭ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ ايبىندى جوباسىن جاسادى. 14 - كەزەكتى مەملەكەتتىك حالىق قۇرىلتايى جانە ونىڭ تۇراقتى كوميتەتى پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، نەگىزگى زاڭدا، زاڭداردا جۇكتەلگەن قىزمەت مىندەتىن مۇقيات وتەپ، پارتيا باسشىلىعىنىڭ، حالىقتىڭ وزىنە - ءوزى قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، حالىق قۇرىلتايى تۇزىمىنە ويداعىداي تاباندى بولىپ، ونى ويداعىداي كەمەلدەندىرىپ، ويداعىداي جۇرگىزىپ، پارتيا 20 - قۇرىلتايى تۇراقتاندىرعان نىسانا - مىندەتتەردىڭ تياناقتانىپ، ونىمدىلىك كورسەتۋىن ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋعا كۇش قوسۋ كەرەك.
جاۋ لىجي بىلاي دەدى: ءبىز جالپى بارىستىق حالىق دەموكراتياسىن دامىتىپ، حالىقتىڭ دەموكراتيالىق سايلاۋدى، دەموكراتيالىق كەڭەسۋدى، دەموكراتيالىق شەشىم جاساۋدى، دەموكراتيالىق باسقارۋدى، دەموكراتيالىق باقىلاۋدى زاڭ بويىنشا جۇرگىزۋىنە كەپىلدىك ەتۋىمىز كەرەك. نەگىزگى زاڭنىڭ جاپپاي اتقارىلۋىنا كەپىلدىك ەتەتىن ءتۇزىم جۇيەسىن اقاۋسىزداندىرىپ، نەگىزگى زاڭنىڭ اتقارىلۋ جانە باقىلاۋ دەڭگەيىن ۇزدىكسىز جوعارىلاتۋىمىز كەرەك. عىلمي زاڭ شىعارۋدى، دەموكراتيالى زاڭ شىعارۋدى، زاڭ بويىنشا زاڭ شىعارۋدى ىشكەرىلەي ىلگەرىلەتىپ، زاڭ جۇيەسىنىڭ اناعۇرلىم عىلمي، كەمەلدى، ءبىر تۇتاس، بەدەلدى بولۋىنا مۇمكىندىك جاساۋىمىز كەرەك. دۇرىس باقىلاۋ، ءونىمدى باقىلاۋ، زاڭ بويىنشا باقىلاۋ جۇرگىزىپ، نەگىزگى زاڭنىڭ، زاڭداردىڭ جاپپاي، ءونىمدى اتقارىلۋىنا كەپىلدىك ەتۋىمىز كەرەك. ۋاكىلدەردىڭ حالىق اراسىنان كەلۋ، حالىققا تامىر تارتۋ ەرەكشەلىگى مەن ابزالدىلىعىن تولىق ساۋلەلەندىرىپ، پارتيا مەن مەملەكەتتىڭ حالىق بۇقاراسىمەن بايلانىس جاسايتىن كوپىرى بولۋىمىز كەرەك. حالىق قۇرىلتايىنىڭ جانە ونىڭ تۇراقتى كوميتەتىنىڭ ءوز قۇرىلىسىن جاپپاي كۇشەيتىپ، جاڭا داۋىردەگى جاڭا جورىق جۇكتەگەن بورىشتى، جاۋاپكەرشىلىكتى شىنايى ارقالاۋىمىز كەرەك.
ساعات 9 دان 57 مينۋتتا جاۋ لىجي جۇڭحۋا حالىق رەسپۋبليكاسى 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ جابىلعاندىعىن جاريالادى. جينالىس ايبىندى مەملەكەت ءانى ىشىندە اياقتادى.
ما شيڭرۇي، ۋاڭ ي، يىن لي، شى تايفىڭ، ليۋ گوجۇڭ، لي گانجيە، لي شۋلەي، حى ۋيدۇڭ، حى ليفىڭ، جاڭ يوۋشيا، جاڭ گوچيڭ، چىن ۋىنچيڭ، چىن جي - نيڭ، چىن مين - ىر، يۋان جياجۇن، حۋاڭ كۇنميڭ، ليۋ جينگو، ۋاڭ شياۋحۇڭ، لي شاڭفۋ، ۋ جىڭلۇڭ، شىن يچين، چين گاڭ، جاڭ جۇن، يىڭ يۇڭ، حۋ چۇنحۋا، شىن يۋەيۋە، ۋاڭ يۇڭ، جوۋ چياڭ، پابالا گىلەلاڭجيە، حى حوۋحۋا، لياڭ جىنيىڭ، باتىر، سۋ حۇي، شاۋ حۇڭ، گاۋ يۇنلۇڭ، چىن ۋ، مۋ حۇڭ، شيان حۇي، ۋاڭ دۇڭفىڭ، جياڭ شينجى، جياڭ زوجۇن، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن جانە شۇي چيلياڭ، سۇن چۇنلان، ۋاڭ چىن، ليۋ حى، ياڭ شياۋدۋ، ساۋ جيانميڭ، جاڭ چۇنشيان، جي بيڭشۋان، ەركىن يمىرباقى، ۋان ىشياڭ، چىن جۋ، بايما چىلين، ۋي فىڭحى، جاۋ كىجى، جاڭ چيڭلي، ليۋ چيباۋ، ۋان گاڭ، لۋ جانگۇڭ، ما بياۋ، شيا باۋلۇڭ، ياڭ چۋانتاڭ، لي بين، ۋاڭ يۇڭچيڭ، گۋ شىڭزۋ، ليۋ شينچىڭ، ورتالىق اسكەري ىستەر كوميتەتىنىڭ مۇشەلەرى ليۋ جىنلي، مياۋ حۋا، جاڭ شىڭمين قاتارلىلار دا ءتوراعالار مىنبەسىنەن ورىن الدى.
شياڭگاڭ ەرەكشە اكىمشىلىك رايونىنىڭ اكىمى لي جياچاۋ، اۋمىن ەرەكشە اكىمشىلىك رايونىنىڭ اكىمى حى يچىڭ ماجىلىسكە سىرتتاي قاتىناستى ءارى ءتوراعالار مىنبەسىنەن ورىن الدى.
ورتالىق پەن مەملەكەت ورگاندارىنىڭ قاتىستى تاراۋلارىنىڭ، ازاتتىق ارميانىڭ قاتىستى ورىندارىنىڭ جانە قارۋلى ساقشى بولىمدەرىنىڭ، حالىقتىق ۇيىمداردىڭ قاتىستى جاۋاپتىلارى ماجىلىسكە سىرتتاي قاتىناستى نەمەسە ءماجىلىستى سىرتتاي تىڭدادى.
شەتەلدەردىڭ جۇڭگودا تۇراتىن ەلشىلەرى ءماجىلىستى سىرتتاي تىڭدادى.
3 - ايدىڭ 13 - كۇنى تۇستەن كەيىن شي جينپيڭ قاتارلى پارتيا مەن مەملەكەت باسشىلارى حالىق سارايىندا 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىنە قاتىناسقان بارلىق ۋاكىلدەرمەن كەزدەستى، ولارمەن توپتىق ەستەلىك سۋرەتكە ءتۇستى.
