تيانشان تورى
تيانشان تورى   ›   جاڭالىقتار   ›   ەل ءىشى حابارى

«ءداۋىردىڭ اۋىر مىندەتىن ارقالاپ، جاڭا ۇلى ىستەر جاراتايىق − جاڭا كەزەكتى مەملەكەت قۇرىلىمدارى جانە مەملەكەتتىك ساياسي كەڭەس باسشىلارىنىڭ جارىققا شىعۋى جونىندە ەستەلىك»

  شينحۋا اگەنتتىگى كولەمدى ادەبي حابار تاراتتى

  «ءداۋىردىڭ اۋىر مىندەتىن ارقالاپ، جاڭا ۇلى ىستەر جاراتايىق − جاڭا كەزەكتى مەملەكەت قۇرىلىمدارى جانە مەملەكەتتىك ساياسي كەڭەس باسشىلارىنىڭ جارىققا شىعۋى جونىندە ەستەلىك»

  شينحۋا اگەنتتىگىنىڭ 3 - ايدىڭ 13 - كۇنى بەيجيڭنەن بەرگەن حابارى. شينحۋا اگەنتتىگى 3 - ايدىڭ 13 - كۇنى «ءداۋىردىڭ اۋىر مىندەتىن ارقالاپ، جاڭا ۇلى ىستەر جاراتايىق − جاڭا كەزەكتى مەملەكەت قۇرىلىمدارى جانە مەملەكەتتىك ساياسي كەڭەس باسشىلارىنىڭ جارىققا شىعۋى جونىندە ەستەلىك» اتتى كولەمدى ادەبي حابار تاراتتى.

  ماقالادا بىلاي دەلىندى: وسى ساتتە پارتيانىڭ قۋاتتاماسى، مەملەكەتتىڭ ەركى، حالىقتىڭ جۇرەك ءۇنى وسى ارادا تىعىز توعىستى −

  2023 - جىلى 3 - ايدىڭ 10 - كۇنى تۇستەن بۇرىن، بەيجيڭ، حالىق سارايى.

  تولىق داۋىسپەن سايلاندى! ساعات 11 مولشەرىندە 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ ءۇشىنشى جالپى جيىنىنا قاتىناسقان مەملەكەتتىك حالىق قۇرىلتايىنىڭ 2900دەن استام ۋاكىلى جاسىرىن داۋىس بەرۋ تاسىلىمەن باس شۋجي شي جينپيڭدى جۇڭحۋا حالىق رەسپۋبليكاسىنىڭ ءتوراعاسى، جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعاسى مىندەتىن جالعاستى وتەۋگە سايلادى.

  بارلىق ۋاكىل ورىندارىنان تۇردى، 10 مىڭ ادامدىق زالدى دۋ قول شاپالاق ءۇنى كەرنەدى.

  ماقالادا بىلاي دەلىندى: بۇل پارتيا تىلەگى، حالىق تىلەگى، جۇرت قالاۋى!

  بۇل ءجۇز ميلليونداعان حالىقتىڭ جاڭا داۋىردەگى جول باستاۋشىنى باتىل قولداۋى جانە شىن جۇرەكتەن قۇرمەتتەۋى!

  بۇل جاڭا جەڭىس پەن داڭققا قول جەتكىزۋدەگى ورتاق ەرىك جانە شىنايى ءۇمىت!

  مەملەكەتتىك ەكى ماجىلىسكە قاتىناسقان ۋاكىلدەر، مۇشەلەر ءبىر اۋىزدان مىنالاردى ءبىلدىردى: باس شۋجي شي جينپيڭنىڭ جۇڭحۋا حالىق رەسپۋبليكاسىنىڭ ءتوراعاسى، جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعاسى بولىپ ۇزدىكسىز مىندەت وتەپ، الماعايىپ وزگەرىستەر بارىسىندا تۋ ۇستاپ، باعدار بەلگىلەپ، ۇلكەن شايقاس، ۇلكەن سىناقتا جوسپار جاساۋى تۇرعاندا، ءبىز، ءسوز جوق، كوكىرەك كەرە ارشىندى قادام تاستاپ، اسقاق جىگەرمەن ەكىنشى 100 جىلدىق كۇرەس نىساناسىن جۇزەگە اسىرۋعا جورىق جاساپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە ۇزدىكسىز قول جەتكىزىپ، جاڭا داۋىردەگى جۇڭگوشا سوتسياليزمنىڭ اناعۇرلىم شۇعىلالى تاراۋىن جازا الامىز.

  ماقالادا مىنالار اتاپ كورسەتىلدى: 3 - ايدىڭ 10 - كۇنىنەن 12 - كۇنىنە دەيىن ماجىلىستە سايلاۋ جانە مىندەتكە تاعايىنداۋدى ۇيعارۋ ارقىلى جاڭا كەزەكتى مەملەكەت قۇرىلىمدارىنىڭ جانە مەملەكەتتىك ساياسي كەڭەستىڭ باسشىلارى ىركەس - تىركەس جارىققا شىعىپ، پارتيا ورتالىق كوميتەتى بەلگىلەگەن كادرلاردى ورنالاستىرۋ كەلەلى جاعدايىن ءساتتى جۇزەگە اسىردى.

  ماقالا 4 بولىمگە بولىنەدى: جاڭا داۋىردەگى جاڭا جورىقتا جول باستادى − پارتيا 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ ايبىندى جوباسىن جاسادى. وسى ايبىندى جوبانى جۇزەگە اسىرۋدا، ءسوز جوق، ”ەكىنى تۇراقتاندىرۋدى“ باتىل قورعاپ، ”ەكىنى قورعاۋدى“ باتىل ورىنداپ، بەكەم، ىنتىماقتى، پارمەندى باسشىلىق كوللەكتيۆىن سايلاپ شىعۋ كەرەك؛ جالپى جاعدايدى كوزدە ۇستاي وتىرىپ دارىندىلاردى توپتادى − ۇلتتىڭ گۇلدەنۋى سىندى ۇلى ارماندى كوكەيدە ساقتاپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋ نىسانا - مىندەتىن كوزدەپ، پارتيا ورتالىق كوميتەتى الىستى بولجاپ، تەرەڭنەن تولعانىپ، جاڭا كەزەكتى مەملەكەت قۇرىلىمدارى مەن مەملەكەتتىك ساياسي كەڭەس باسشىلارى كانديداتتارىن سايلاۋ قىزمەتى جونىندە ەگجەي - تەگجەيلى ورنالاستىرۋ جاسادى؛ عىلمي، دەموكراتيالى ورتاق تانىم ۇيىستىردى − پارتيانىڭ باسشىلىعىن كۇشەيتۋ مەن دەموكراتيانى ساۋلەلەندىرۋدىڭ بىرلىگىنە تاباندى بولىپ، پارتيا 20 - قۇرىلتايى مەن مەملەكەتتىك ەكى ءماجىلىستىڭ كادرلاردى ورنالاستىرۋ ءىسىن ءبىر تۇتاس ويلاستىرىپ، ىشكەرىلەي سويلەسىپ، تەكسەرىپ - زەرتتەپ، تولىق اقىلداسىپ، كەڭەسىپ، كەڭىنەن پىكىر الدى، كانديدات جوباسى بەرىك حالىق رايى نەگىزىنە يە بولدى؛ ىنتىماقتاسا كۇرەس جۇرگىزىپ جاڭا ۇلى ىستەر جاراتتى − جاڭا كەزەكتى مەملەكەت قۇرىلىمدارى مەن مەملەكەتتىك ساياسي كەڭەس باسشىلارىنىڭ ساپاسى جوعارى، قابىلەتى كۇشتى، وبرازى جاقسى بولىپ، پارتيا ورتالىق كوميتەتىنىڭ تالابى مەن حالىق بۇقاراسىنىڭ تىلەگىنە ۇيلەسەدى، قاسيەتتى دە داڭقتى تاريحي بورىش ارقالاي الادى، ءسوز جوق، جاڭا داۋىردەگى جاڭا جورىقتا جاڭا تاراۋ جازادى.

  ماقالادا مىنالار اتاپ كورسەتىلدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە، بۇكىل پارتيا، بۇكىل ارميا، بۇكىل ەلدەگى ءار ۇلت حالقى پارتيا 20 - قۇرىلتايىنىڭ رۋحى مەن مەملەكەتتىك ەكى ءماجىلىستىڭ رۋحىن جاپپاي دايەكتىلەندىرىپ، سەنىمدى بەكەمدەپ، ءوزىن الۋەتتەندىرىپ، تۋراشىلدىقتان اينىماي، جاڭالىق اشىپ، قايراتتانا العا ۇمتىلىپ، قايسارلىقپەن شايقاس جاساپ، جاڭا داۋىرگە ءبىر نيەتپەن ۇلەس قوسىپ، جاڭا جورىقتا ەكپىندەي العا تارتسا، ءسوز جوق، جاڭا ۇلى كۇرەس ارقىلى جاڭا ۇلى ىستەر جاراتاتىن بولادى!

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.