تيانشان تورى
تيانشان تورى   ›   جاڭالىقتار   ›   وقۋ-اعارتۋ

مەكتەپتەگى كەزدە ماسكى تاعۋ كەرەك پە؟ ماسكى تاعۋ تۋرالى ەڭ جاڭا حابارلاندىرۋ

  3 - ايدىڭ 13 - كۇنى وقۋ - اعارتۋ مينيسترلىگى، مەملەكەتتىك دەنساۋلىق ساقتاۋ-سالاماتتىق كوميتەتى، مەملەكەتتىك اۋرۋدان ساقتانۋ - تىزگىندەۋ مەكەمەسى بىرلەسىپ جاريالاعان «جوعارى مەكتەپ، ورتا، باستاۋىش مەكتەپ جانە بالاباقشا قۇرىلىمدارىنىڭ جاڭا تيپتى ايدارشا ۆيرۋسپەن جۇعىمدالۋدان ساقتانۋ - تىزگىندەۋ تەحنيكالىق جوباسىن (7 - نۇسقا) باسىپ تاراتۋ جونىندەگى قۇلاقتاندىرۋىندا» مىنالار ايقىندالدى: جوعارى مەكتەپ، ورتا، باستاۋىش مەكتەپتەر وقىتۋشى - وقۋشىلاردىڭ ماسكى تاعۋىن ءماجبۇرلى تالاپ ەتپەيدى؛ بالاباقشا قۇرىلىمدارىنداعى بالالار بالاباقشاداعى كەزىندە ماسكى تاقپايدى، وقىتۋشى - قىزمەتكەرلەرگە بالاباقشاداعى كەزدە ماسكى تاعۋى ءماجبۇرلى تالاپ ەتىلمەيدى.

  جوعارى مەكتەپتەر سالاماتتىق بەكەتىن قۇرۋى ءتيىس، جوعارى مەكتەپتەر وقۋ باستاۋدان ىلگەرى وقىتۋشى - وقۋشىلاردىڭ ۆاكسينا ەكتىرۋ، جاڭا تيپتى ايدارشا ۆيرۋسپەن جۇعىمدالۋ جاعدايىن، نەگىزدىك اۋرۋى بار جانە ەرەكشە ەمدەۋ قاجەتى بار وقىتۋ - وقۋشىلاردى، سونداي - اق 60 جاستان اسقان قارت وقىتۋ قىزمەتكەرلەرىنىڭ سانىن اداقتاپ، ارحيۆ تۇرعىزىپ، كارتچكا جاساۋى، ىزىنە ءتۇسىپ قىزمەت وتەۋى ءتيىس. جوعارى مەكتەپتەر تەكسەرۋ جوباسىن رەتتەپ، ساپالىلاندىرادى، جالپى ادامدىق حىسۋان تەكسەرىپ سارالاۋىن ەندى ورىستەتپەيدى. ىندەت تارالماعان كەزدە، جوعارى مەكتەپتەر قاجەتكە قاراي مەكتەپ ىشىندەگى ەمدەۋ ىستەرى، اس - سۋ، جاتاق باسقارۋ، جەدەل جولداما، اماندىق ساقتاۋ، تازالىق ساقتاۋ سياقتىلارعا جاۋاپتى قىزمەتكەرلەرگە انتيگەن نەمەسە حىسۋان تەكسەرۋىن ورىستەتەدى.

جوعارى مەكتەپتەر سالاماتتىق بەكەتىن قۇرۋى كەرەك

  مەكتەپتەگى بار وقىتۋشى - وقۋشىلاردىڭ سانى جانە ىندەتتەن ساقتانۋ تالابى بويىنشا توسەك ورىن سانىن عىلمي سايكەستىرىپ، جەتكىلىكتى ەمدەۋ - كۇتىمدەۋ جانە قىزمەت وتەۋمەن قامتاماسىز ەتۋ قىزمەتكەرلەرىن، ساقتانۋ - قورعانۋ زاتتىق ماتەريالدارىن، ەمدەۋ ءدارى - دارمەك جانە جابدىقتارىن ورنالاستىرىپ، قاجەتكە ساي مەكتەپ ىشىندەگى جەڭىل تيپتەگى اۋرۋلارعا قارايلاسۋ، سالاماتتىعىن ۋاقىتتىق قاداعالاۋعا الۋ نەمەسە اۋرۋ بەلگىسىنە قاراي لايىقتى ەمدەۋ ءتيىس. پۋنكتتەگى وقۋشىلاردىڭ سالاماتتىعىن قاداعالاۋ، كۇندەلىكتى شارلاۋ، قىزعاندارعا دياگنوز قويۋ، ءبولىپ تەكسەرۋگە ەسكەرتۋ بەرۋدىڭ ەلەكتروندىق تىزىمدىگى سياقتىلاردى ويداعىداي ورناتىپ، ويداعىداي باسقارىپ، ويداعىداي پايدالانىپ، وقۋشىلاردىڭ پۋنكتكە كىرىپ-شىقققان كەزدەگى اۋرۋ جاعدايىن پارىقتاۋ جانە دەر كەزىندە ەمدەۋگە وتكەرمەلى تاسۋ سياقتى ماڭىزدى بۋىنداردى اشالاپ، پۋنكتتە قىزمەت وتەۋ باسقارۋىن كۇشەيتىپ، سالاماتتىق بەكەتىنىڭ قۇرىلىس ساپاسىن جوعارىلاتىپ، سالاماتتىق پۋنكتىنىڭ حاۋىپسىز، ءتارتىپتى، ارنالى اينالمىنا كەپىلدىك ەتۋ كەرەك.

  ورنىنا، ادامدار توبىنا جانە ىندەت احۋالىنا قاراي عىلمي تۇردە ماسكى تاعۋ. وقۋ باستالعان سوڭ وقىتۋشى - وقۋشىلارعا مەكتەپتەگى كەزىندە ءماجبۇرلى ماسكى تاعۋ تالاپ ەتىلمەيدى، جەكەلىك سالاماتتىق احۋالى جانە تىلەگىنە قاراي ماسكى تاعۋ - تاقپاۋدى تاڭداسا بولادى. مەكتەپ ىشىندەگى ەمدەۋ ىستەرى، اس - سۋ، جاتاق باسقارۋ، جەدەل جولداما، اماندىق ساقتاۋ، تازالىق ساقتاۋ سياقتىلارعا جاۋاپتى قىزمەتكەرلەر جۇمىسقا شىققاندا مەديتسينادا قولدانىلاتىن حيرۋرگيالىق ماسكى تاعۋى ءتيىس. وقىتۋشى - وقۋشىلاردا قىزۋ، قۇرعاق جوتەلۋ، جۇتقىنشاق اۋىرۋ سياقتى جاڭا تيپتى ايدارشا ۆيرۋسپەن جۇعىمدالۋدىڭ قاتىستى اۋرۋ بەلگىلەرى بايقالسا دەر كەزىندە انتيگەن نەمەسە حىسۋان تەكسەرۋىن ورىستەتىپ، شيپاگەرگە كورىنىپ ءبىر - بىرلەي انىقتاۋ ءتيىس، ەگەر بولىمدى بولىپ شىقسا، ۋاقىتشا ۇيدە بولۋ نەمەسە جوعارى مەكتەپ سالاماتتىق بەكەتىندە اۋرۋ بەلگىسىنە قاراي ەمدەلۋ ءتيىس، سالاماتتىعى قالپىنا كەلگەنشە جۇمىسقا نەمەسە وقۋعا بارۋىنىڭ قاجەتى جوق؛ بولىمسىز بولىپ شىقسا مەكتەپتەگى كەزىندە مەديتسينادا قولدانىلاتىن حيرۋرگيالىق ماسكىنى اۋرۋ بەلگىسى جوعالعانشا تاعۋ ءتيىس. وقىتۋشى - وقۋشىلار مەكتەپتەن قايتقان سوڭ جەرگىلىكتى ورىننىڭ قوعامدىق جاقتاعى ىندەتتەن ساقتانۋ - تىزگىندەۋ قاتىستى تالاپتارى بويىنشا ماسكىنى عىلمي تاعۋ ءتيىس. جەرگىلىكتى ورىندا ىندەت تارالىپ جاتقان بولسا وقىتۋشى - وقۋشىلار، قىزمەتكەرلەر مەكتەپ ىشىندە ماسكى تاعۋ سىندى ساقتانۋ - تىزگىندەۋ شاراسى قالپىنا كەلتىرىلەدى.

  شارتقا ساي كەلەتىن 18 جاستان جوعارى وقىتۋشى - وقۋشى، قىزمەتكەرلەردىڭ 1 دوزا ۇقساس قاينارلى نەمەسە ءبىر ءىزدى كۇشەيتپەلى ۆاكسينا ەكىترۋىنە شابىت بەرۋ ءتيىس، ۇقساس قاينارلى نەمەسە ءبىر ءىزدى كۇشەيتپەلى ۆاكسينانى ءبىر ۋاقىتتا قاتار ەكتىرۋگە بولمايدى. جۇعىمدالۋ قاتەرى زور، سالماقتى نەگىزدىك اۋرۋى بار جانە قارسىلىق قۋاتى تومەن وقىتۋشى - وقۋشىلار، سونداي - اق 60 جاستان جوعارى قارت وقىتۋ قىزمەتكەرلەرىنىڭ 1 - دوزا كۇشەيتپەلى ۆاكسينانى ەكتىرىپ 6 ايدان كەيىن 2 - دوزا كۇشەيتپەلى ۆاكسينانى سالدىرۋىنا شابىت بەرۋ ءتيىس.

ورتا، باستاۋىش مەكتەپ وقىتۋشى - وقۋشىلارى لايىقتى تۇردە قاۋىرت كەزگە سوقپاي تاماقتانۋى ءتيىس

  ورتا، باستاۋىش مەكتەپتەر وقۋ باستاۋدان بۇرىن مەكتەپ اۋلاسىن تۇبەگەيلى تازالاپ، وقىتۋ بولمەسى، تاجىريبەحانا، اسحانا، جاتاق، دەنە تاربيە سپورت ورىندارى، كىتاپحانا، شيپاحانا (ەمحانا)، تازالىق بولمەسى سياقتى ءتۇيىندى ورىنداردى تۇبەگەيلى تازالاۋدى جانە اۋا الماستىرۋدى الدىن الا ويداعىداي ورىنداپ، اۋا رەتتەۋ جۇيەسى مەن الەۋمەتتىك اۋماقتاعى زاتتاردىڭ بەتىن تازالاۋ جانە ساقتىق سيپاتتى زارارسىزداندىرۋ ءتيىس. تازالىق بولمەسىنە جەتكىلىكتى تازالاۋ، زارارسىزداندىرۋ بۇيىمدارىن قويىپ، سۋ شۇمەگى سياقتى سۋمەن قامداۋ قۇرىلعىلارىنىڭ قالىپتى قىزمەتىنە كەپىلدىك ەتۋ ءتيىس.

  مەكتەپتىڭ ازىق - تۇلىك حاۋىپسىزدىگى باسقارۋىن كۇشەيتىپ، ازىقتانۋ ورتاسىنىڭ كەڭىستىك ورنالاستىرۋىن لايىقتى بەلگىلەپ، وقىتۋشى - وقۋشىلار لايىقتى تۇردە قاۋىرت كەزگە سوقپاي تاماقتانۋى ءتيىس. ازىق - تۇلىكتىڭ زات كىرگىزۋ ەستەلىگى ءتۇزىمىن قاتاڭ اتقارىپ، شيكزاتتى جۇيەلى ارنادان ساتىپ الىپ، كەلۋ قاينارىن اداقتاۋعا مۇمكىندىك قالدىرۋ ءتيىس. تاماقتانۋ اۋماعىنىڭ ورىندىق - ۇستەل، جەر بەتى، تاماقتانۋ (ءىشۋ) جابدىقتارى مەن تاعام دايىنداۋ جابدىقتارىن زارارسىزداندىرۋدى ويداعىداي ىستەپ، اس - سۋ قالدىقتارىن دەر كەزىندە جيناپ، ءبىر جاقتى ەتۋ قاجەت. وقۋ باستاۋدان ىلگەرى مەكتەپ اسحاناسى ازىق - تۇلىكتەرىنىڭ شيكزات ماتەريالىنىڭ حاۋىپسىزدىگى، اۋىز سۋ جابدىقتارىنىڭ تازالىعى سياقتىلاردى ءتۇيىندى تۇردە تەكسەرۋ، اسحانا قىزمەتكەرلەرىنىڭ سالاماتتىق تەكسەرۋ انىقتاماسىنىڭ كۇشكە يە ۋاقىتىن، تالاپقا لايىق كەلۋىن سارالاي تەكسەرۋ ءتيىس.

  ماسكىنى ورتاعا، ادامدار توبىنا جانە ىندەت جاعدايىنا قاراي عىلمي تاعۋ ءتيىس. وقۋ باستالعان سوڭ وقىتۋشى - وقۋشىلارعا مەكتەپتەگى كەزدە ءماجبۇرلى ماسكى تاعۋ تالاپ ەتىلمەيدى، جەكەلىك سالاماتتىق احۋالى جانە تىلەگىنە قاراي ماسكى تاعۋ - تاقپاۋدى تاڭداۋىنا بولادى. مەكتەپ ىشىندەگى شيپاگەر، اماندىق ساقتاۋشى، تازالىق ساقتاۋشى، مەكتەپ كولىگىن جۇرگىزۋشى شوفەر جانە اسحانا قىزمەتكەرلەرى جۇمىسقا شىققاندا مەديتسينادا قولدانىلاتىن حيرۋرگيالىق ماسكى تاعۋى ءتيىس. وقىتۋشى - وقۋشىلاردا قىزۋ، قۇرعاق جوتەلۋ، جۇتقىنشاق اۋىرۋ سياقتى جاڭا تيپتى ايدارشا ۆيرۋسپەن جۇعىمدالۋدىڭ قاتىستى اۋرۋ بەلگىلەرى بايقالسا، دەر كەزىندە انتيگەن نەمەسە حىسۋان تەكسەرۋىن ورىستەتىپ، شيپاگەرگە كورىنىپ ءبىر - بىرلەي انىقتاۋ ءتيىس، ناۋقاستانىپ ءجۇرىپ قىزمەتكە نەمەسە وقۋعا بارۋعا بولمايدى؛ بولىمسىز بولىپ شىقسا مەكتەپتەگى كەزىندە مەديتسينادا قولدانىلاتىن حيرۋرگيالىق ماسكىنى اۋرۋ بەلگىسى جوعالعانشا تاعۋ ءتيىس. مەكتەپتە جاڭا تيپتى ايدارشا ۆيرۋسپەن جۇعىمدالۋشىلار بايقالسا، وسى جۇعىمدالۋشى تۇرعان كلاستىڭ وقۋشىلارى، وسى جۇعىمدالۋشىمەن ءجيى جۇعىسقان وقىتۋشى - وقۋشى، قىزمەتكەرلەر ءۇرتىس 5 كۇن ماسكى تاعۋى، سالاماتتىق قاداعالاۋىن ويداعىداي ىستەۋى ءتيىس؛ باسقا كلاستاعى وقۋشى، وقىتۋشىلارعا ماسكى تاعۋ دارىپتەلەدى. وقىتۋشى - وقۋشى، قىزمەتكەرلەر مەكتەپتەن قايتقان سوڭ جەرگىلىكتى ورىننىڭ قوعامدىق جاقتاعى ىندەتتەن ساقتانۋ - تىزگىندەۋ قاتىستى تالاپتارى بويىنشا ماسكىنى عىلمي تاعۋ ءتيىس. جەرگىلىكتى ورىندا ىندەت تارالىپ جاتقان بولسا وقىتۋشى - وقۋشىلار، قىزمەتكەرلەر مەكتەپ ىشىندە ماسكى تاعۋ سىندى ساقتانۋ - تىزگىندەۋ شاراسىن قالپىنا كەلتىرەدى.

  مەكتەپ تالاپ بويىنشا ارناۋلى، قوسىمشا مىندەت اتقاراتىن سالاماتتىق تاربيەسى ۇستازدارىن تولىق دايىنداپ، سالاماتتىق تاربيەسى ساباعىن ورنالاستىرىپ، جاڭا تيپتى ايدارشا ۆيرۋسپەن جۇعىمدالۋ جانە مەكتەپ اۋلاسىندا ءجيى ۇشىرايتىن جۇقپالى اۋرۋلاردان ساقتانۋ جانە ونى تىزگىندەۋ بىلىمدەرى مەن قابىلەتىن سالاماتتىق تاربيەسى مازمۇنىنا ەنگىزىپ، وقىتۋشى - وقۋشى، قىزمەتكەرلەردىڭ جۇقپالى اۋرۋدان ساقتانۋ - تىزگىندەۋ نەگىزدىك بىلىمدەرى مەن قابىلەتىن مەڭگەرۋىنە مۇمكىندىك جاراتادى.

بالاباقشا قۇرىلىمدارى ەمحانا قۇرىلىسىن كۇشەيتەدى

  بالاباقشا قۇرىلىمدارى وقۋ باستاۋدان ىلگەرى ىندەتتەن ساقتانۋ زاتتىق ماتەريالىن تولىقتاپ، ەمحانا قۇرىلسىن كۇشەيتىپ، سالاماتتىقتى باقىلاۋ بولمەسىن لايىقتى تۇردە جوسپارلاپ جانە ورنالاستىرىپ، ورنى سالىستىرمالى تۇردە اۋاشا، قىزۋ سياقتى اۋرۋ بەلگىسى بار وقىتۋشى - قىزمەتكەرلەر مەن سابيلەردى ۋاقىتشا قاداعالاۋى ءتيىس. بالالار مەن ەرەسەكتەر ماسكىسى، انتيگەن تەكسەرۋ سىناق ءدارىسى، قول جۋۋ سۇيىقتىعى، زارارسىزداندىرۋ ءدارىسى، تۇيىسپەسىز تەرمومەتر، تامىر سوعۋىن، قانداعى وتتەگى قۇرامىن تەكسەرۋ اسپابى سياقتى ىندەتتەن ساقتانۋ زاتتىق ماتەريالى زاپاسىن ويداعىداي جيناقتاپ، ارناۋلى ادامعا باسقارتىپ، ارنالى تۇردە قولدانىپ، ۋاقتىلى تەكسەرىپ، زاتتاردىڭ كۇشكە يە ۋاقىتىنا جانە حاۋىپسىز قويىلۋىنا شىنايى كەپىلدىك ەتۋى كەرەك. جەتكىلىكتى مولشەردەگى شايىنۋ قۇرىلعىلارى مەن جۋۋ، زارارسىزداندىرۋ بۇيىمدارىن ازىرلەۋ ءتيىس. حاۋىپسىز، سەنىمدى شۇعىل جاعدايعا توتەپ بەرۋ بويىنشا قامداۋدى قامتاماسىزداندىرۋ ارناسىن ىركىلىسسىزدەندىرىپ، شۇعىل جاعدايداعى زاتتىق ماتەريالداردىڭ جەتكىلىكتى بولۋىنا شىنايى كەپىلدىك ەتۋ ءتيىس. باقشا ىشىندەگى ءتۇيىندى ورىن، الەۋمەتتىك بۇيىم جانە اۋا رەتتەۋ، اۋا الماستىرۋ جۇيەسىنە تۇبەگەيلى زارارسىزداندىرۋ جۇرگىزىپ، قوقسىقتاردى ويداعىداي ءبىر جاقتى ەتۋ كەرەك. ەسىكتىك تۇتقاسى، باسپالداقتىڭ جاقتاۋى سياقتى جوعارى جيلىكتە جاناساتىن زاتتاردىڭ بەتىنە ساقتىق سيپاتتى زارارسىزداندىرۋدى ويداعىداي ىستەپ، قيمىل بولمەسى، جاتىن بولمەسى، شايىنۋ بولمەسى، تازالىق بولمەسى سياقتى تۇرمىستىق، دەنساۋلىق ساقتاۋ ورىندارىنىڭ سونداي - اق الەۋمەتتىك ورىنداردىڭ اۋا الماستىرۋ ءتۇزىمىن دايەكتىلەندىرۋ كەرەك.

  ماسكىنى ورتاعا، ادامدار توبىنا جانە ىندەت جاعدايىنا قاراي عىلمي تاعۋ ءتيىس. بالاباقشا اشىلعان سوڭ، سابيلەر بالاباقشاداعى كەزدە ماسكى تاقپايدى. وقىتۋشى - قىزمەتكەرلەرگە مەكتەپتەگى كەزدە ءماجبۇرلى ماسكى تاعۋ تالاپ ەتىلمەيدى، جەكەلىك سالاماتتىق احۋالى جانە تىلەگىنە قاراي ماسكى تاعۋ - تاقپاۋدى تاڭداسا بولادى. بالانى اماناتتاپ باعۋ قۇرىلمدارىنىڭ شيپاگەرى، اماندىق قورعاۋشىسى، تازالىق ساقتاۋشىسى جانە اسحانا قىزمەتكەرلەرى سياقتىلار جۇمىسقا شىققاندا مەديتسينادا قولدانىلاتىن حيرۋرگيالىق ماسكى تاعۋى ءتيىس. وقىتۋشى - قىزمەتكەرلەر جانە سابيلەردە قىزۋ، قۇرعاق جوتەلۋ، جۇتقىنشاق اۋىرۋ سياقتى جاڭا تيپتى ايدارشا ۆيرۋسپەن جۇعىمدالۋدىڭ قاتىستى اۋرۋ بەلگىلەرى بايقالسا دەر كەزىندە انتيگەن نەمەسە حىسۋان تەكسەرۋىن ورىستەتىپ، شيپاگەرگە كورىنىپ ءبىر - بىرلەي انىقتاۋ ءتيىس، ەگەر بولىمدى بولىپ شىقسا، ۋاقىتشا ۇيدە بولىپ اۋرۋ بەلگىسىنە قاراي ەمدەلۋ ءتيىس، سالاماتتىعى قالپىنا كەلگەنشە جۇمىسقا نەمەسە باقشاعا بارۋىنىڭ قاجەتى جوق؛ بولىمسىز بولىپ شىقسا، باقشاداعى كەزىندە مەديتسينادا قولدانىلاتىن حيرۋرگيالىق ماسكىنى اۋرۋ بەلگىسى جوعالعانشا تاعۋ ءتيىس. بالاباقشا قۇرىلىمىندا جاڭا تيپتى ايدارشا ۆيرۋسپەن جۇعىمدالۋشىلار بايقالسا وسى جۇعىمدالۋشى تۇرعان كلاستىڭ سابيلەرى، وسى جۇعىمدالۋشىمەن ءجيى جۇعىسقان وقىتۋشى - وقۋشى، قىزمەتكەرلەر جانە سابيلەر ءۇرتىس 5 كۇن ماسكى تاعۋى، سالاماتتىق قاداعالاۋىن ويداعىداي ىستەۋى ءتيىس؛ باسقا كلاستاعى سابيلەر، وقىتۋشىلارعا ماسكى تاعۋ دارىپتەلەدى. وقىتۋشى - قىزمەتكەرلەر مەن سابيلەر باقشادان قايتقان سوڭ جەرگىلىكتى ورىننىڭ قوعامدىق جاقتاعى ىندەتتەن ساقتانۋ - تىزگىندەۋ قاتىستى تالاپتارى بويىنشا ماسكىنى عىلمي تاعۋى ءتيىس. جەرگىلىكتى ورىندا ىندەت تارالىپ جاتقان بولسا وقىتۋشى - قىزمەتكەرلەر باقشا ىشىندە ماسكى تاعۋ سىندى ساقتانۋ - تىزگىندەۋ شاراسىن قالپىنا كەلتىرەدى.

  جۇعىمدالۋدان قالپىنا كەلۋ مەرزىمىندەگى سالاماتتىق جەتەكشىلىگىن كۇشەيتىپ، قالپىنا كەلۋ كەزىندەگى سالاماتتىق باسقارۋدى ويداعىداي ىستەۋگە جەتەكتەۋ كەرەك. ۇگىت جەتەكشىلىك پەن ساياساتتىق تۇسىندىرمەنى كۇشەيتىپ، كوپ ءتۇرلى فورمادا وقىتۋشى - قىزمەتكەرلەرگە، اتا - انالار مەن سابيلەرگە جاڭا تيپتى ايدارشا ۆيرۋسپەن جۇعىمدالۋ، نورو ۆيرۋسىمەن جۇعىمدالۋدان بولاتىن ءىش ءجۇرۋ، وكپە تۋبەركۋلەزى، تارالمالى تۇماۋ، قىزىلشا، سۋلى بورتكەن، تارالمالى شىقشىت بەزى قابىنۋ، قول - اياق - اۋىز اۋرۋى جانە ميكروپ سيپاتتى ءىش ءوتۋ سياقتى جۇقپالى اۋرۋلاردان ساقتانۋ بىلىمدەرىنىڭ ۇگىت تاربيەسىن ورىستەتۋ ءتيىس. سابيلەرگە قول جۋۋدىڭ دۇرىس ءادىسى مەن جوتەلگەندە، تۇشكىرگەندە قالقالاۋدىڭ ءادىسىن ۇيرەتىپ، سابيلەردى قولدى ۇنەمى جۋاتىن، تازالىقتى دارىپتەيتىن، ادەپتى بولاتىن تاماشا داعدىعا تاربيەلەۋ ءتيىس.

  اۋدارعان: ارداق ءپاتىقان

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.