تيانشان تورى
تيانشان تورى   ›   ۇيرەنۋ   ›   شولۋ

مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋ ۇلى ىسىنە ۇزدىكسىز كۇش قوسىپ، داڭق اپەرەيىك

  مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋ ۇلى ىسىنە ۇزدىكسىز كۇش قوسىپ، داڭق اپەرەيىك

  − ءتوراعا شي جينپيڭنىڭ 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندەگى ماڭىزدى ءسوزىن ۇيرەنۋ، دايەكتىلەندىرۋ جونىندە

  □ حالىق گازەتىنىڭ شولۋشىسى

  ”مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ۇتىلامالى تاياقشاسى تاريحي تۇردە ءبىز وسى ۇرپاق ادامدارىنىڭ موينىنا جۇكتەلدى“. 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندە ءتوراعا شي جينپيڭ پارتيا مەن مەملەكەت ىستەرىنىڭ دامۋ جالپى جاعدايى بيىگىنەن، بۇكىل پارتيانىڭ، بۇكىل ەل حالقىنىڭ وزەكتى مىندەتىن كوزدە ۇستاي وتىرىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋدى ىلگەرىلەتۋ جونىندە ايقىن تالاپ قويىپ، كەلەلى ورنالاستىرۋ جاسادى، ”ءبىز تەز قارمانىپ، تاريح سەنىمىن بەكەمدەپ، تاريحي ىرىقتىلىقتى كۇشەيتىپ، تۋراشىلدىقتان اينىماي، جاڭالىق اشۋعا تاباندى بولىپ، ستراتەگيالىق تاباندىلىقتى ساقتاپ، كۇرەسكەرلىك رۋحتى اسقاقتاتىپ، جۇرەكتىلىكپەن قامال الىپ، قيىندىقتى جەڭىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ءىسى ءۇشىن ۇزدىكسىز كۇش قوسۋىمىز، داڭق اپەرۋىمىز كەرەك“ دەپ باسا دارىپتەدى. ءتوراعا شي جينپيڭنىڭ ماڭىزدى ءسوزى حالىقتىق تۇرعىنى باتىل ساقتاپ، تاريح سەنىمىن بەكەمدەپ، بورىش ارقالاۋدى ايگىلەپ، العا باسۋ بەتالىسىن كورسەتىپ، كۇشتى اڭىس قوزعادى، بۇل بۇكىل ەلدەگى ءار ۇلت حالقىن مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ جاڭا جورىعىندا جىگەرلەنە ۇمتىلۋعا، ەرلىكپەن العا باسۋعا ىنتالاندىراتىندىعى ءشۇباسىز.

  تاياۋ زاماننان كەيىن، جۇڭحۋا ۇلتى بۇرىن بولىپ كورمەگەن اۋىر الاپاتتى باسىنان كەشىرىپ، مەملەكەت قورلىققا ۇشىراپ، حالىق سەرگەلدەڭگە ءتۇسىپ، وركەنيەت زوبالاڭعا كىرىپتار بولدى. جۇڭگودا كوممۋنيستىك پارتيا دۇنيەگە كەلدى، بۇل تىڭعا تۇرەن سالعان ۇلكەن وقيعا. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن، جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ جانە باستاپ، ”قۇربان بەرۋ بولعانى ءۇشىن ءوستى جىگەر ۇلعايىپ، اي - كۇنگە ءامىر شاشا الامىز، جاڭارتۋعا كوك ءجۇزىن“ دەيتىن تايسالماس جىگەرمەن جۇڭحۋا ۇلتىنىڭ نەشە مىڭ جىلدىق تاريحىنداعى ەڭ ايبىندى تاريحي داستاندى جازدى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ، ۇلى تاريحي ىرىقتىلىق رۋحىمەن، وراسان زور ساياسي باتىلدىقپەن، كۇشتى جاۋاپكەرشىلىك بورىشپەن حالىقتى ىنتىماقتاستىرۋ جانە باستاۋ ارقىلى قيىندىقتان تايسالماي ورگە ۇمتىلىپ، ۇدەرە العا تارتىپ، پارتيا مەن مەملەكەت ىستەرىندە تاريحي تابىستارعا قول جەتكىزىپ، تاريحي وزگەرىستەردى جارىققا شىعارىپ، ەلىمىزدىڭ جاپپاي سوتسياليستىك وسىزاماندانعان مەملەكەت قۇرۋ جاڭا جورىعىنا قادام تاستاۋىن ىلگەرىلەتىپ، جۇڭگو ۇلگىسىندەگى وسىزامانداندىرۋدى ءساتتى ىلگەرىلەتىپ جانە كەڭەيتىپ، ادامزات وركەنيەتىنىڭ جاڭا فورماتسياسىن جاراتتى، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ كەرى قايتارۋعا كەلمەيتىن تاريحي ۇردىسكە قادام تاستادى.

  ءتوراعا شي جينپيڭ بىلاي دەپ باسا دارىپتەدى: ”قازىردەن باستاپ وسى عاسىردىڭ ورتا شەنىنە دەيىن جاپپاي سوتسياليستىك وسىزاماندانعان قۇدىرەتتى مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ − بۇكىل پارتيانىڭ، بۇكىل ەل حالقىنىڭ وزەكتى مىندەتى“. داڭق پەن ارمانعا تولى جاڭا جورىقتا ەكپىندەي ىلگەرىلەگەن ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ءارقانداي كەزدەگىدەن دە اناعۇرلىم جاقىنداي تۇستىك، مۇنى جۇزەگە اسىرۋعا سەنىمىمىز ءتىپتى دە كامىل جانە قۋاتىمىز دا قاپتال جەتەدى، سونىمەن بىرگە، ءسوز جوق، اناعۇرلىم اۋىر، اناعۇرلىم جاپالى قۇلشىنىس كورسەتۋگە، داۋىلدى تولقىننىڭ، ءتىپتى، سۇراپىل تولقىنداردىڭ اۋىر سىنىنا توتەپ بەرۋگە دايىندالۋىمىز كەرەك. پارتيانىڭ 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدىڭ ايبىندى جوباسىن كەسكىندەپ، جاڭا جورىقتا ەكپىندەي ىلگەرىلەۋدىڭ ءداۋىر دابىلىن قاقتى. بورىش نەعۇرلىم داڭقتى، مىندەت نەعۇرلىم جاپالى بولعان سايىن، سولعۇرلىم تاريحي سەنىمدى بەكەمدەپ، تاريحي ىرىقتىلىقتى كۇشەيتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيا 20 - قۇرىلتايىنىڭ ستراتەگيالىق ورنالاستىرۋى بويىنشا، وزەكتى مىندەتتى مىقتاپ ارقاۋ ەتىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتۋگە، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋگە تاباندى بولىپ، جۇڭگو ۇلگىسىندەگى وسىزامانداندىرۋ قۇرىلىسىن جەدەل ىلگەرىلەتىپ، ىنتىماقتاسا كۇرەس جاساپ، ءورىس اشا جاڭالىق اشىپ، بۇرىنعىلار ىستەپ كورمەگەن نەگىز قالاۋ سيپاتتى ىستەردى نىق قاداممەن العا ىلگەرىلەتۋ كەرەك.

  مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ايبىندى نىساناسى ادامدى ىنتالاندىرادى، ەكپىندەي ىلگەرىلەۋگە جىگەرلەندىرەدى. ءتوراعا شي جينپيڭ مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا ”جوعارى ساپالى دامۋدى بۇلجىماي ىلگەرىلەتۋ“، ”حالىقتى بارىنەن جوعارى قويۋعا باستان - اياق تاباندى بولۋ“، ”دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاۋ“، ”’ءبىر ەل، ەكى ءتۇزىم‘ امالياتى مەن وتاننىڭ بىرلىككە كەلۋ ۇلى ءىسىن تىڭعىلىقتى ىلگەرىلەتۋ“، ”ادامزاتتىڭ تاعدىرلاس ورتاق تۇلعاسىن قۇرۋدى قۇلشىنا ىلگەرىلەتۋ“ كەرەكتىگىن باسا دارىپتەدى. جاڭا جورىقتا ەلىمىزدىڭ دامۋ، العا باسۋ تاعدىرىن ءوز قولىمىزدا مىقتاپ يگەرىپ، پارتيا 20 - قۇرىلتايىندا كەسكىندەلگەن ايبىندى جوبانى رەالدىققا اينالدىرۋدا جوعارى ساپالى دامۋ سىندى ماڭداي الدى مىندەتتى مىقتاپ يگەرىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، ەلىمىزدىڭ ەكونوميكالىق ناقتى قۋاتىن، عىلىم - تەحنيكالىق ناقتى قۋاتىن، مەملەكەتتىڭ جالپىلىق قۋاتىن ۇزدىكسىز نىعايتۋىمىز كەرەك؛ جالپى بارىستىق حالىق دەموكراتياسىن بەلسەنە دامىتىپ، حالىقتى وزەك ەتكەن دامۋ يدەياسىن دايەكتىلەندىرىپ، وسىزامانداندىرۋ قۇرىلىسىنىڭ جەتىستىكتەرىنەن جالپى حالىقتى اناعۇرلىم كوپ، اناعۇرلىم ءادىل يگىلىكتەندىرىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ تەلەگەي كۇشىن ۇيىستىرۋىمىز كەرەك؛ جالپى تۇلعالىق مەملەكەت حاۋىپسىزدىگى كوزقاراسىن دايەكتىلەندىرىپ، جاڭا حاۋىپسىزدىك ارناسى ارقىلى جاڭا دامۋ ارناسىن قامتاماسىز ەتىپ، حالىق ارمياسىن مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن ءونىمدى قورعايتىن قۇرىش قورعان ەتىپ قۇرىپ شىعۋىمىز كەرەك؛ ”ءبىر ەل، ەكى ءتۇزىم“، ”شياڭگاڭدى شياڭگاڭدىقتار باسقارۋ“، ”اۋمىندى اۋمىندىقتار باسقارۋ“، وسكەلەڭ اۆتونوميا باعىتىن جاپپاي، دالمە - ءدال، بۇلجىماي دايەكتىلەندىرىپ، جاڭا داۋىردەگى پارتيانىڭ تايۋان ماسەلەسىن شەشۋ جالپى تۇلعالىق جالپى جوباسىن دايەكتىلەندىرۋ كەرەك؛ جوعارى دەڭگەيدە سىرتقا ەسىك اشۋدى تىڭعىلىقتى ىلگەرىلەتىپ، بەيبىتشىلىك، دامۋ، سەلبەستىك، بىرگە يگىلىككە كەنەلۋ تۋىن بيىك ۇستاپ، دۇنيە ءجۇزىنىڭ بەيبىتشىلىگى مەن دامۋىنا اناعۇرلىم كوپ ورنىقتىلىق سيپات جانە وڭ ەنەرگيا ۇستەپ، ەلىمىزدىڭ دامۋىنا تاماشا حالىقارالىق ورتا جاراتۋىمىز كەرەك.

  ”مەملەكەتتى قۇدىرەتتەندىرۋ قۇرىلىسىن ىلگەرىلەتۋدە، ءسوز جوق، جۇڭگو كوممۋنيستىك پارتياسىنىڭ باسشىلىعى مەن پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ، پارتيا قۇرىلىسىن شىنايى كۇشەيتۋ كەرەك“. جۇڭگو كوممۋنيستىك پارتياسى − ءبىزدىڭ ىسىمىزگە باسشىلىق ەتەتىن ۇيتقى كۇش، پارتيانىڭ باسشىلىعى − جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ءتۇبىرلى كەپىلى، پارتيا مەن مەملەكەت ىستەرىنىڭ ۇزدىكسىز دامۋىنىڭ ”ورنىقتىرعىشى“ ەكەندىگىن جەتە تانۋ كەرەك. پارتيانىڭ جاپپاي باسشىلىعىنا بۇلجىماي تاباندى بولىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاعاندا عانا، ەلىمىزدىڭ سوتسياليستىك وسىزامانداندىرۋ قۇرىلىسىنىڭ دۇرىس بەتالىسىنا شىنايى كەپىلدىك ەتۋگە، ىنتىماقتاسا كۇرەس جۇرگىزەتىن قۋاتتى ساياسي ۇيىسۋ كۇشىنە، دامۋ سەنىمىنە يە بولۋعا شىنايى كەپىلدىك ەتۋگە، جالپى جۇرت ءبىر نيەتتە بولىپ، تىزە قوسا ۋاقىتتىق قيىنشىلىقتى جەڭۋدىڭ تەلەگەي كۇشىن ۇيىستىرۋعا بولادى. پارتيامىز دۇنيە جۇزىندەگى ەڭ ءىرى ماركسيزمدىك بيلىك باسىنداعى پارتيا رەتىندە، باستان - اياق حالىقتىڭ قولداۋىنا يە بولۋ، ۇزاق ۋاقىت بيلىك جۇرگىزۋ ورنىن بەكەمدەۋ ءۇشىن، ءسوز جوق، قاي - قاشان دا ءىرى پارتياعا عانا ءتان قيىن ماسەلەلەردى شەشەتىن سەرگەكتىك پەن تاباندىلىقتى ساقتاۋ كەرەك. تەك جۇرەكتىلىكپەن وزىنە - ءوزى توڭكەرىس جاساپ، پارتيانى جاپپاي قاتاڭ باسقارۋدى ءبىر ءسات تە توقتاتپاي، شىرىكتەسۋگە بۇلجىماي قارسى تۇرىپ، پارتيانىڭ ىنتىماعىن، بىرلىگىن باستان - اياق ساقتاعاندا عانا، پارتيانىڭ قاسيەتىن ماڭگى ساقتاۋعا، ءتۇسىن ماڭگى وزگەرتپەۋگە، سيپاتىن ماڭگى ساقتاۋعا شىنايى كەپىلدىك ەتىپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋگە پارمەندى كەپىلدىك ازىرلەۋگە بولادى.

  تاريحتىڭ قۇلاشىن كەڭ جايعان سالقار كوشىندە ءبىرىنىڭ ءىزىن ءبىرى جالعاعان سان ۇرپاقتىڭ تولاسسىز جۇرگىزگەن كۇرەسى بۇگىنگى جۇڭگونى جاراتتى. جاڭا نىسانانى بەتكە الىپ، قايراتتانا تاعى اتتانىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ”مەملەكەتتىڭ زور ءىسىن“ ەستە بەرىك ساقتاپ، جاڭا جورىقتا ءداۋىردىڭ، تاريحتىڭ، حالىقتىڭ ءۇمىتىن اقتايتىن ناتيجە جاراتىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋدى ىلگەرىلەتۋگە ءبىز وسى ۇرپاق ادامداردىڭ تيەسىلى ۇلەسىن قوسۋىمىز كەرەك!

  (شينحۋا اگەنتتىگىنىڭ 3 - ايدىڭ 14 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.