مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ايبىندى نىساناسىن بەتكە الىپ، ەكپىندەي ىلگەرىلەيىك!
− مەملەكەت ءتوراعاسى شي جينپيڭنىڭ 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ جابىلۋ جينالىسىندا سويلەگەن سوزىنەن ەستەلىك
□ شينحۋا اگەنتتىگىنىڭ تىلشىلەرى شيۇڭ جىڭيان، ديڭ شياۋشي
”مەن نەگىزگى زاڭدا جۇكتەلگەن قىزمەت مىندەتىمدى ادالدىقپەن وتەپ، مەملەكەتتىڭ قاجەتىن بورىش، حالىقتىڭ مۇددەسىن ولشەم ەتىپ، ءوز قىزمەتىمدى بايىپتى، مۇقيات، جاقسى ىستەپ، شىن پەيىلىممەن ۇلەس قوسىپ، ۋاكىلدەر مەن بۇكىل ەلدەگى ءار ۇلت حالقىنىڭ ماڭىزدى تاپسىرماسىن، ءسوز جوق، ورىندايمىن“!
3 - ايدىڭ 13 - كۇنى تۇستەن بۇرىن بەيجيڭ حالىق سارايىندا 14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى جابىلۋ جينالىسىن وتكىزدى. ساعات 9 دان 30 مينۋت شاماسىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەدى.
شىراقتار جاقۇتتاي جارقىراپ، كوكتەم لەبى ەستى. شي جينپيڭ بايىپتى دا نىق قاداممەن ءتوراعالار مىنبەسىنىڭ ورتالىعىنا بارىپ، بارلىق ۋاكىلدەرگە ءيىلىپ ىزەت ءبىلدىردى، ۇلكەن زالدى شاتىرلاعان شاپالاق ءۇنى كەرنەدى.
مەملەكەتتىك حالىق قۇرىلتايىنىڭ 3000 عا تاياۋ ۋاكىلى الدىندا، بۇكىل ەلدەگى ءار ۇلت حالقى الدىندا، شي جينپيڭ مىنانى سالتاناتپەن جاريالادى −
”جاڭا جورىقتا ءداۋىردىڭ، تاريحتىڭ، حالىقتىڭ ءۇمىتىن اقتايتىن ناتيجە جاراتىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋدى ىلگەرىلەتۋگە ءبىز وسى ۇرپاق ادامداردىڭ تيەسىلى ۇلەسىن قوسۋىمىز كەرەك“!
شي جينپيڭ سوزىندە جۇڭحۋا ۇلتىنىڭ 5000 جىلدان استام وركەنيەت تاريحىنا قايىرىلا قاراپ، بىلاي دەپ اتاپ كورسەتتى: جۇڭگو كوممۋنيستىك پارتياسى قۇرىلعاننان كەيىن، بۇكىل ەلدەگى ءار ۇلت حالقىن تىعىز ىنتىماقتاستىرىپ جانە باستاپ، 100 جىلدىق كۇرەس ارقىلى ۇلتتى قورلىقتان ارىلتتى، جۇڭگو حالقى ءوز تاعدىرىنىڭ قوجايىنىنا اينالدى.
”جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى، جۇڭحۋا ۇلتىنىڭ ۇلى گۇلدەنۋى كەرى قايتارۋعا كەلمەيتىن تاريحي ۇردىسكە قادام تاستادى“. شي جينپيڭنىڭ ءاربىر ءسوزى سالماقتى بولدى.
ەرەكشە 10 جىلدا ەرەكشە شارا اتقاردى، ەرەكشە ەڭبەك ءسىڭىردى.
كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە جەتۋدەن ىندەتتەن ساقتانۋ - تىزگىندەۋدىڭ كەلەلى شەشۋشى سيپاتتى جەڭىسىنە قول جەتكىزۋگە دەيىن، جاپپاي دوڭگەلەك داۋلەتتىلىكتى جۇزەگە اسىرۋدان ورتاق بايۋعا قادام تاستاۋعا دەيىن... شي جينپيڭ جولداستى ۇيتقى ەتكەن پارتيا ورتالىق كوميتەتى ۇلى تاريحي ىرىقتىلىق رۋحى ارقىلى حالىقتى باستاپ تالايلاعان سۇراپىل شايقاستا جەڭىسكە جەتتى، تاريحقا جازىلعان تالايلاعان جەڭىسكە قول جەتكىزدى.
شىندىق مىنانى تالاسسىز دالەلدەدى: جاڭا ءداۋىردىڭ 10 جىلىنداعى ۇلى وزگەرىس، تۇپتەپ كەلگەندە، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى بولىپ رول ۇستاپ، جول باستاۋىنىڭ ارقاسى، تۇپتەپ كەلگەندە، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسى.
ۇيتقىعا ادال بولىپ، ۇيتقىنى قولداپ، ۇيتقىنى ايالاپ، ۇيتقىنى قورعاعان سان ميلليونداعان حالىق ۇلى گۇلدەنۋگە جول باستاۋشىعا ءجىتى ىلەسە ءجۇرىپ، جاڭا داۋىردە ەڭبەك ءسىڭىردى، جاڭا جورىقتا ەكپىندەي ىلگەرىلەدى.
4 ايدان استام ۋاقىتتىڭ الدىندا شي جينپيڭ تولىق داۋىسپەن جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ باس شۋجيلىگىنە جالعاستى سايلاندى.
بىرنەشە كۇننىڭ الدىندا شي جينپيڭ تولىق داۋىسپەن جۇڭحۋا حالىق رەسپۋبليكاسىنىڭ ءتوراعالىعىنا، جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعالىعىنا جالعاستى سايلاندى.
”بۇل مەنىڭ مەملەكەت ءتوراعاسى بولۋ سىندى وسى ءبىر ارداقتى مىندەتتى ءۇشىنشى رەت وتەۋىم. حالىقتىڭ سەنىمى − مەنىڭ العا باسۋىمداعى ەڭ ۇلكەن قوزعاۋشى كۇش، سونداي - اق مەنىڭ اۋىر جاۋاپكەرشىلىگىم“. شي جينپيڭنىڭ سالماقتى دا پارمەندى ءسوزى جۇرت جۇرەگىنە تىكە جەتتى.
حالىق سارايى حالىق كوسەمىنىڭ حالىققا دەگەن شىن ىقىلاسىنا كۋا بولدى.
10 جىلدىڭ الدىندا 2013 - جىلى 3 - ايدىڭ 17 - كۇنى مەملەكەت ءتوراعالىعىنا جاڭادان سايلانعان شي جينپيڭ وسىندا بىلاي دەپ باسا دارىپتەدى: ”جۇڭگو ارمانى، سايىپ كەلگەندە، حالىقتىڭ ارمانى“.
5 جىلدىڭ الدىندا 2018 - جىلى 3 - ايدىڭ 20 - كۇنى مەملەكەت ءتوراعالىعىنا تاعى سايلانعان شي جينپيڭ وسىندا بىلاي دەپ جاريالادى: ”جالپى جۇڭگو حالقى مەن جۇڭحۋا پەرزەنتتەرىن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ تاريحي ۇردىسىندە باقىت پەن داڭقتان تەڭ يگىلىكتەندىرۋىمىز كەرەك“.
باسىپ وتكەن جولىندا اۋەلگى ماقساتتان اينىماي، بورىشتى الاۋلاتىپ، ادال جۇرەگىن گۇلدەنۋ ارمانىنا قانات قاعۋدىڭ ايبىندى جوباسىنا جازىپ، ايبىندى ۋادەسىن ءوزىن پارتياعا ارنايتىن، وتانعا ارنايتىن بورىشىمەن جانە جاۋاپكەرشىلىگىمەن توعىستىردى.
پارتيانىڭ 20 - قۇرىلتايى جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋدىڭ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدىڭ ايبىندى جوباسىن جاساپ، جاڭا جورىقتا ەكپىندەي ىلگەرىلەۋدىڭ ءداۋىر دابىلىن قاقتى.
مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا ەكپىندەي ىلگەرىلەۋ جونىندە شي جينپيڭ سوزىندە 5 جاقتان تالاپ قويدى −
”ءبىز جوعارى ساپالى دامۋدى بۇلجىماي ىلگەرىلەتۋىمىز كەرەك“؛
”ءبىز حالىقتى بارىنەن جوعارى قويۋعا باستان - اياق تاباندى بولۋىمىز كەرەك“؛
”ءبىز دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاۋىمىز كەرەك“؛
”ءبىز ’ءبىر ەل، ەكى ءتۇزىم‘ امالياتى مەن وتاننىڭ بىرلىككە كەلۋ ۇلى ءىسىن تىڭعىلىقتى ىلگەرىلەتۋىمىز كەرەك“؛
”ءبىز ادامزاتتىڭ تاعدىرلاس ورتاق تۇلعاسىن قۇرۋدى قۇلشىنا ىلگەرىلەتۋىمىز كەرەك“...
ءداۋىردىڭ ءۇمىتىن اقتايىق، تاريحتىڭ ءۇمىتىن اقتايىق، حالىقتىڭ ءۇمىتىن اقتايىق! شي جينپيڭنىڭ ءسوزى حالىقتىق تۇرعىنى باتىل ساقتاپ، جۇرەكتىلىكپەن جاۋاپكەرشىلىك ارقالاۋدى ايگىلەپ، العا باسۋ بەتالىسىن نۇسقادى.
بۇل بيىكتە تۇرىپ، الىسقا كوز جىبەرگەن ستراتەگيالىق نۇسقاۋ −
ەكى ءماجىلىس كەزىندە باس شۋجي شي جينپيڭ جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى: جوعارى ساپالى دامۋ − جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتى. باس شۋجي شي جينپيڭ جۇڭگو دەموكراتيالىق مەملەكەت قۇرۋ قوعامى، ساۋدا - ونەركاسىپشىلەر بىرلەستىگى سالاسىنداعى مۇشەلەرگە امانداسقاندا ءارى بىرىككەن گرۋپپا جيىنىنا قاتىناسقاندا بىلاي دەپ باسا دارىپتەدى: جوعارى ساپالى دامۋ حالىقتىق شارۋاشىلىقتىڭ دامۋىنا اناعۇرلىم جوعارى تالاپ قويدى.
شي جينپيڭ 3 - ايدىڭ 13 - كۇنگى سوزىندە بىلاي دەپ باسا دارىپتەدى: ”جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، مەملەكەتتى عىلىم - تەحنيكامەن، وقۋ - اعارتۋمەن گۇلدەندىرۋ ستراتەگياسىن، دارىندىلاردا قۋاتتى ەل ستراتەگياسىن، دامۋعا جاڭالىق اشۋ ارقىلى دەم بەرۋ ستراتەگياسىن ىشكەرىلەي اتقارۋىمىز كەرەك“، ”ەكونوميكانىڭ ساپا جاعىندا ۇتىمدى ءوسۋىن جانە سان جاعىندا ۇيلەسىمدى ارتۋىن جۇزەگە اسىرۋدى ىلگەرىلەتىپ، ەلىمىزدىڭ ەكونوميكالىق ناقتى قۋاتىن، عىلىم - تەحنيكالىق ناقتى قۋاتىن، مەملەكەتتىڭ جالپىلىق قۋاتىن ۇزدىكسىز زورايتۋىمىز كەرەك“.
دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاۋدا جالپى تۇلعالىق مەملەكەت حاۋىپسىزدىگى كوزقاراسىن دايەكتىلەندىرىپ، مەملەكەت حاۋىپسىزدىگى جۇيەسىن اقاۋسىزداندىرىپ، مەملەكەت حاۋىپسىزدىگىن قورعاۋ قابىلەتىن كۇشەيتىپ، الەۋمەتتىك حاۋىپسىزدىكتى باسقارۋ دەڭگەيىن جوعارىلاتىپ، قوعامدىق باسقارۋ جۇيەسىن كەمەلدەندىرىپ، جاڭا حاۋىپسىزدىك ارناسى ارقىلى جاڭا دامۋ ارناسىن قامتاماسىز ەتۋىمىز كەرەك.
بۇل مۇراتىنان تايماعان بورىش جانە جاۋاپكەرشىلىك −
شي جينپيڭ بىلاي دەپ باسا دارىپتەدى: ”وسىزامانداندىرۋ قۇرىلىسىنىڭ جەتىستىكتەرىنەن جالپى حالىقتى اناعۇرلىم كوپ، اناعۇرلىم ءادىل يگىلىكتەندىرىپ، جالپى حالىقتىڭ بىرگە بايۋىن ىلگەرىلەتۋ جاعىندا اناعۇرلىم كورنەكتى ماندىك ىلگەرىلەۋشىلىككە ۇزدىكسىز قول جەتكىزۋىمىز كەرەك“.
حالىقتى وزەك ەتكەن دامۋ يدەياسىن دايەكتىلەندىرىپ، ءبولىس ءتۇزىمىن كەمەلدەندىرىپ، قوعامدىق قامتاماسىزداندىرۋ جۇيەسىن اقاۋسىزداندىرىپ، نەگىزگى الەۋمەتتىك قىزمەت وتەۋدى كۇشەيتىپ، حالىق تۇرمىسىنىڭ تومەنگى شەگىن بەرىك ساقتاپ، حالىق بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن ويداعىداي شەشۋىمىز كەرەك.
مەملەكەتتى قۇدىرەتتەندىرۋ قۇرىلىسىن ىلگەرىلەتۋ شياڭگاڭنىڭ، اۋمىننىڭ ۇزاق ۋاقىت گۇلدەنۋىنەن، ورنىقتىلىعىنان قول ۇزە المايدى.
وتاننىڭ بۇكىلدەي بىرلىككە كەلۋىن جۇزەگە اسىرۋ − بارلىق جۇڭحۋا پەرزەنتتەرىنىڭ ورتاق تىلەگى، ۇلتتى گۇلدەندىرۋ تاقىرىبىنىڭ ماڭىزدى مازمۇنى.
بۇل دارقان كوڭىلدى الەمدىك سۇيىسپەنشىلىك −
شي جينپيڭ بىلاي دەپ اتاپ كورسەتتى: ”جۇڭگونىڭ دامۋى دۇنيە جۇزىنە تيىمدىلىك جەتكىزەدى، جۇڭگونىڭ دامۋى دۇنيە جۇزىنەن قول ۇزە المايدى“.
ءبىز بەيبىتشىلىك، دامۋ، سەلبەستىك، بىرگە يگىلىككە كەنەلۋ تۋىن بيىك ۇستاپ، قاي - قاشان دا تاريحتىڭ دۇرىس جاعىندا تۇرىپ، دۇنيە ءجۇزىنىڭ بەيبىتشىلىگى مەن دامۋىنا اناعۇرلىم كوپ ورنىقتىلىق سيپات جانە وڭ ەنەرگيا ۇستەپ، ەلىمىزدىڭ دامۋىنا تاماشا حالىقارالىق ورتا جاراتۋىمىز كەرەك.
مەملەكەتتى قۇدىرەتتەندىرۋ قۇرىلىسىن ىلگەرىلەتۋدە، ءسوز جوق، جۇڭگو كوممۋنيستىك پارتياسىنىڭ باسشىلىعىنا تاباندى بولۋىمىز كەرەك.
ماڭگىلىك ۇلى ءىستى مۇرات تۇتقان 100 جىلدىق ءىرى پارتيا قاي - قاشان دا ءىرى پارتياعا عانا ءتان قيىن ماسەلەلەردى شەشەتىن سەرگەكتىك پەن تاباندىلىقتى ساقتاپ، جۇرەكتىلىكپەن وزىنە - ءوزى توڭكەرىس جاساپ، پارتيانى جاپپاي قاتاڭ باسقارۋدى ءبىر ءسات تە توقتاتپاي، پارتيانىڭ قاسيەتىن ماڭگى ساقتاۋعا، ءتۇسىن ماڭگى وزگەرتپەۋگە، سيپاتىن ماڭگى ساقتاۋعا شىنايى كەپىلدىك ەتۋ كەرەك.
”ءبىز تەز قارمانىپ، تاريح سەنىمىن بەكەمدەپ، تاريحي ىرىقتىلىقتى كۇشەيتىپ، تۋراشىلدىقتان اينىماي، جاڭالىق اشۋعا تاباندى بولىپ، ستراتەگيالىق تاباندىلىقتى ساقتاپ، كۇرەسكەرلىك رۋحتى اسقاقتاتىپ، جۇرەكتىلىكپەن قامال الىپ، قيىندىقتى جەڭىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ءىسى ءۇشىن ۇزدىكسىز كۇش قوسۋىمىز، داڭق اپەرۋىمىز كەرەك“!
ساعات 9دان 46 مينۋت وتكەندە شي جينپيڭنىڭ ءسوزى اياقتادى، شاتىرلاعان شاپالاق ءۇنى ۇزاققا دەيىن تولاستامادى. بۇكىل ۋاكىلدەر الدىندا شي جينپيڭ تاعى ءبىر رەت ءيىلىپ ىزەت ءبىلدىردى.
10 نەشە مينۋتتىق سوزگە 10 رەت قىزۋ شاپالاق سوعىلدى.
”مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ، ءتوراعا شي جينپيڭنىڭ سوزىندە وسى ايبىندى نىسانانى تالاي رەت باسا دارىپتەۋى جۇرت جۇرەگىن جەلپىندىرىپ، ادامداردى ەكپىندەي ىلگەرىلەۋگە جىگەرلەندىردى“. جياڭسۋ ولكەسى جىنجياڭ قالاسى جىنجياڭ جاڭا رايونىنداعى يۇڭشيڭ اۋىل شارۋاشىلىعى ماشينالارى ىستەرىن ماشينالاندىرۋ كاسىپتىك سەلبەستىك كووپەراتيۆىنىڭ القا باستىعى، ۋاكىل ۋي چياۋ بىرنەشە كۇننىڭ الدىندا جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا باس شۋجي شي جينپيڭمەن بەتپە - بەت پىكىر اۋىستىردى. ول بىلاي دەدى: ”مەن باس شۋجي شي جينپيڭنىڭ تاپسىرماسىن ەستە بەرىك ساقتاپ، مەملەكەتتىڭ استىق حاۋىپسىزدىگى مەن اۋىل - قىستاقتى گۇلدەندىرۋگە ءوز ۇلەسىمدى قوسامىن“.
”ءبىز باس شۋجيدىڭ تالابىن تياناقتاندىرىپ، جۇرەكتىلىكپەن قامال الىپ، قيىندىقتى جەڭىپ، رەفورمانى ۇزدىكسىز تەرەڭدەتىپ، جوعارى دەڭگەيلى ەسىك اشۋدى ىلگەرىلەتىپ، سانالى تۇردە رەفورما جاساۋدىڭ، ەسىك اشۋدىڭ كوش باسشىسى بولامىز“، - دەدى جۇڭگو (شاڭحاي) ەركىن ساۋدا سىناق رايونى لينگاڭ جاڭا اۋماعى پارتيا قىزمەت كوميتەتىنىڭ ورىنباسار شۋجيى، ۋاكىل يۋان گوحۋا.
كوكتەمدە اتتانعان ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ايبىندى نىساناسىنا قاراي ەكپىندەي ىلگەرىلەيىك!
(شينحۋا اگەنتتىگىنىڭ 3 - ايدىڭ 14 - كۇنى بەيجيڭنەن بەرگەن حابارى)
