تيانشان تورى
تيانشان تورى   ›   جاڭالىقتار   ›   ماڭىزدى حابارلار

شەتەل باسشىلارى شي جينپيڭنىڭ مەملەكەت ءتوراعالىعىنا سايلانعاندىعىن قىزۋ قۇتتىقتادى

  شينحۋا اگەنتتىگىنىڭ 3 - ايدىڭ 14 - كۇنى بەيجيڭنەن بەرگەن حابارى. تاعى ءبىر ءبولىم ەلدەردىڭ باسشىلارى مەن حالىقارالىق ۇيىمداردىڭ جاۋاپتىلارى ىركەس - تىركەس تەلەگرامما جولداۋ، حات جولداۋ سياقتى تاسىلدەر ارقىلى شي جينپيڭنىڭ جۇڭحۋا حالىق رەسپۋبليكاسىنىڭ ءتوراعالىعىنا سايلانعاندىعىن قىزۋ قۇتتىقتادى.

  ساۋد ارابياسىنىڭ پاتشاسى سالمان، پاتشا مۇراگەرى، قوسىمشا باس ءۋازىرى مۇحاممەد مىنالاردى ءبىلدىردى: ءسىزدىڭ تاعى سايلانىپ، جاڭا مىندەت وتەۋ مەرزىمىن باستاۋىڭىزبەن ءسىزدى شىن جۇرەكتەن قۇتتىقتايمىن جانە ىزگى تىلەك بىلدىرەمىن، دوس جۇڭگو حالقىنىڭ ۇزدىكسىز دامۋىن، العا باسۋىن تىلەيمىن. ساۋد ارابياسى جاق ەكى ەل قارىم - قاتىناسىن جانە ءار سالاداعى سەلبەستىگىن ونان ارى كۇشەيتۋدى قالايدى.

  شريلانكانىڭ زۇڭتۇڭى ۆيكراماسينحا مىنالاردى ءبىلدىردى: ءسىزدىڭ پارمەندى باسشىلىعىڭىزدا جۇڭگو قات - قابات سىن - سايىستاردى جەڭىپ، وراسان زور ىلگەرىلەۋشىلىكتەردى جۇزەگە اسىردى. ءسىزدىڭ تاعى سايلانۋىڭىز جۇڭگونىڭ جاڭا شۇعىلالى تاراۋىن باستايتىندىعى داۋسىز. شريلانكا مەن جۇڭگونىڭ ايرىقشا دوستىعى مىڭداعان جىلدى باستان كەشىردى، مەن شريلانكا مەن جۇڭگونىڭ تىعىز سەلبەستىگىنىڭ ونان ارى قارىشتاپ دامىپ، ەكى ەل حالقىنا اناعۇرلىم ويداعىداي باقىت جاراتاتىندىعىنا كامىل سەنەمىن.

  نيگەريانىڭ زۇڭتۇڭى بۇحاري مىنالاردى ءبىلدىردى: جۇڭگو ۇكىمەتى مەن جۇڭگو حالقىنىڭ ءتوراعا شي جينپيڭنىڭ كەمەڭگەر، ەرەن باسشىلىعىندا بەيبىتشىلىكتىڭ، العا باسۋدىڭ جانە كوركەيىپ - گۇلدەنۋدىڭ داڭعىل جولىندا تابىستارعا جەتە بەرۋىن تىلەيمىن. نيگەريا − جۇڭگو ستراتەگيالىق سەرىكتەستىك قارىم - قاتىناسىنىڭ ۇزدىكسىز تەرەڭدەيتىندىگىنە سەنەمىن.

  سەنەگالدىڭ زۇڭتۇڭى سالل مىنالاردى ءبىلدىردى: سەنەگال − جۇڭگو قارىم - قاتىناسى بال جالاسقان تاتۋ، مەن سىزبەن بىرگە قۇلشىنىپ، سەنەگال − جۇڭگو دوستىعى مەن سەلبەستىگىن ونان ارى تەرەڭدەتۋدى قالايمىن.

  فينلانديانىڭ زۇڭتۇڭى نينيستو مىنالاردى ءبىلدىردى: ءسىزدىڭ وسى ماڭىزدى قىزمەت ورنىڭىزدا تىڭ دا كەلەلى تابىستارعا قول جەتكىزۋىڭىزدى تىلەيمىن. فينلانديا − جۇڭگو ەكى ەلدىڭ كەڭ سالالاردا ءوزارا تيىمدىلىك جەتكىزەتىن سەلبەستىك جاساسقاندىعىن كورگەنىمە قاتتى قۋانىشتىمىن. فينلانديا − جۇڭگو سەلبەستىگىنىڭ كومەسكى كۇشى وراسان زور، مەن سىزبەن ۇنەمى كەڭەسۋدى ۇزدىكسىز ساقتاپ، فينلانديا − جۇڭگو قارىم - قاتىناسىن ونان ارى كۇشەيتۋدى ءۇمىت ەتەمىن.

     گەرمانيانىڭ زۇڭليى شولتس مىنالاردى ءبىلدىردى: ءسىزدىڭ جۇڭگونىڭ مەملەكەت ءتوراعالىعىنا تاعى سايلانعاندىعىڭىزدى شىن جۇرەكتەن قۇتتىقتايمىن، ءسىزدىڭ وسى ماڭىزدى قىزمەت ورنىڭىزدا تاعى دا شۇعىلالى ناتيجەلەر جاراتۋىڭىزدى، بارلىق ىستەرىڭىزدىڭ ءساتتى بولۋىن تىلەيمىن.

  بىرلەسكەن مەملەكەتتەر ۇيىمىنىڭ باس حاتشىسى گۋتەرەس مىنالاردى ءبىلدىردى: ءسىزدىڭ جۇڭگونى دامىتۋ جونىندەگى ارمانىڭىز ۇزدىكسىز تابىسقا جەتتى، كوپ جاقتىلىقتى قورعاۋدا، باياندى دامۋ كەڭەستىك ءتارتىبىن جەبەۋدە، جۇڭگونىڭ بىرلەسكەن مەملەكەتتەر ۇيىمىمەن سەرىكتەستىك قارىم - قاتىناسىن كۇشەيتۋدە پارمەندى باسشىلىق قابىلەتىڭىزدى ايگىلەدىڭىز. مەن سىزبەن ۇزدىكسىز كەڭ كولەمدى سەلبەستىك ورىستەتۋدى ءۇمىت ەتەمىن.

  حالىقارالىق وليمپيادا كوميتەتىنىڭ ءتوراعاسى باح مىنالاردى ءبىلدىردى: ءسىزدىڭ باسشىلىعىڭىزدا، 2022 - جىلعى بەيجيڭ قىسقى وليمپيادا سپورت جارىسى، مۇگەدەكتەر قىسقى وليمپيادا سپورت جارىسى وراسان زور تابىستارعا قول جەتكىزدى. حاڭجوۋ ازيا سپورت جارىسى تاياپ قالدى، جۇڭگو دۇنيە جۇزىنە تاعى ءبىر الەمدىك دەڭگەيدەگى دەنە تاربيە سالتاناتىن كورسەتەدى.

  ءتوراعا شي جينپيڭگە قۇتتىقتاۋ جولداعانداردان تاعى باحرەيننىڭ پاتشاسى حاماد، يوردانيانىڭ پاتشاسى ابدۇللاⅡ، اراب بىرىككەن امىرلىگىنىڭ زۇڭتۇڭى مۇحاممەد، ماۆريتانيانىڭ زۇڭتۇڭى عازوۋاني، تۇركيانىڭ زۇڭتۇڭى ەردوعان، يەمەن زۇڭتۇڭ باسشىلىق كوميتەتىنىڭ ءتوراعاسى اليمي، ليۆيانىڭ زۇڭتۇڭ كوميتەتىنىڭ ءتوراعاسى مانفي، انگولانىڭ زۇڭتۇڭى لورەنسو، نيگەردىڭ زۇڭتۇڭى بازۇم، توگونىڭ زۇڭتۇڭى فاۋرە، ليبەريانىڭ زۇڭتۇڭى ۆيا، چەحيانىڭ زۇڭتۇڭى پاۆەل، باحرەيننىڭ پاتشا مۇراگەرى، قوسىمشا باس ءۋازىرى سالمان، اراب بىرىككەن امىرلىگىنىڭ ورىنباسار زۇڭتۇڭى، قوسىمشا زۇڭليى مۇحاممەد، گرۋزيانىڭ زۇڭليى گاريباشۆيلي، ۆانۋاتۋدىڭ زۇڭليى كارساكو، رەسەي ءبىر تۇتاس رەسەي پارتياسىنىڭ ءتوراعاسى مەدۆەدەۆ، رەسەي فەدەراتسياسى كوممۋنيستىك پارتياسى ورتالىق كوميتەتىنىڭ ءتوراعاسى جۋگانوۆ، بەلورۋسسيا كوممۋنيستىك پارتياسى ورتالىق كوميتەتىنىڭ ءبىرىنشى شۋجيى سوكول، دۇنيە جۇزىلىك ءبىلىم مەنشىك ۇقىعى ۇيىمىنىڭ باسالقاسى دىڭ حۇڭسىن بار.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.