ءتوراعا شي جينپيڭنىڭ 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ جابىلۋ جينالىسىنداعى ماڭىزدى ءسوزى شينجياڭداعى قالىڭ كادرلار مەن بۇقارانى ەرلىكپەن العا باسۋعا ىنتالاندىردى −
ءبىز وسى ۇرپاق ادامدارىنا ءتان وسى تاياقشانى ويداعىداي الىپ جۇرەمىز
□ انار بۇلت \ شينجياڭ گازەتىنىڭ تىلشىلەرى
ءتوراعا شي جينپيڭنىڭ 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ جابىلۋ جينالىسىنداعى ماڭىزدى ءسوزى شينجياڭداعى قالىڭ كادرلار مەن بۇقارا اراسىندا قىزۋ اڭىس قوزعادى. كوپشىلىك جابال مىنالاردى ءبىلدىردى: جاڭا ءداۋىردىڭ ۇلى تابىسى − باس شۋجي شي جينپيڭنىڭ بۇكىل ەل حالقىن باستاپ، بىرگە كۇرەس جاساۋىنان كەلگەن، جاڭا جورىققا اتتانعاندا، باس شۋجي شي جينپيڭ جول باستاۋشى بولعاندىقتان، ءبىز اسقاق سەزىمگە بولەندىك، سەنىمىمىز ەسەلەپ ارتتى. كوپشىلىك ءبىر اۋىزدان بىلاي دەپ قارادى: مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ۇتىلامالى تاياقشاسى تاريحي تۇردە ءبىز وسى ۇرپاق ادامدارىنىڭ موينىنا جۇكتەلدى. ءبىز پارتيا 20 - قۇرىلتايىنىڭ ستراتەگيالىق ورنالاستىرۋىنا ساي، ىنتىماقتاسا كۇرەس جاساپ، ءورىس اشا جاڭالىق اشىپ، ءبىز وسى ۇرپاق ادامدارىنا ءتان وسى تاياقشانى ويداعىداي الىپ ءجۇرىپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قۇلشىنا جازۋعا تىڭ دا اناعۇرلىم زور ۇلەس قوسامىز.
”100 جىلدان بەرى پارتيامىز اۋەلگى ماقسات پەن بورىشتى جەتەكشى ەتۋگە باستان - اياق تاباندى بولىپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، اۋەلگى ماقسات پەن بورىشتى جۇزەگە اسىرۋ ءۇردىسى بارىسىنداعى بۇراڭدىقتار مەن سىن - سايىستاردى جەڭدى“. اۆتونوميالى رايوندىق پارتكوم پارتيا مەكتەبى (اكىمشىلىك شۋەيۋان) پارتيا تاريحىن، پارتيا قۇرىلىسىن وقىتۋ - زەرتتەۋ ءبولىمىنىڭ مەڭگەرۋشىسى، دوتسەنت حى ۋيچاڭ بىلاي دەدى: جاڭا داۋىرگە وتكەندە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيا مەن مەملەكەت ىستەرىندە تاريحي سيپاتتى تابىسقا قول جەتىپ، تاريحي سيپاتتى وزگەرىس تۋىلىپ، ءبىرىنشى 100 جىلدىق كۇرەس نىساناسىن جۇزەگە اسىردى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ جاڭا جورىعىن باستادى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ تەلەگەي كۇشىن ۇيىستىردى.
”ءتوراعا شي جينپيڭ: مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا، ءبىز جوعارى ساپالى دامۋدى بۇلجىماي ىلگەرىلەتۋىمىز كەرەك، - دەپ اتاپ كورسەتتى. بۇل ءبىز سياقتى جاڭا، جوعارى تەحنيكا كاسىپورىندارىنا زور شابىت بەردى“! باس شۋجي شي جينپيڭنىڭ ماڭىزدى ءسوزىن ۇستىندە تىڭداعان مەملەكەتتىك حالىق قۇرىلتايىنىڭ ۋاكىلى جاڭ شين جوعارى دەڭگەيلى جابدىق جاساۋ كاسىبىن ساپالىلاندىرۋ، كۇشەيتۋ، زورايتۋ، جوعارى ساپالى دامۋدى بۇلجىماي ىلگەرىلەتۋ سەنىمى مەن بەكىمىن اناعۇرلىم نىعايتتى. ول مىنالاردى ءبىلدىردى: ەرەكشە ترانسفورماتور توبى الداعى جەردە نازاردى شەشۋشى تەحنيكا، الدىڭعى قاتارلى تەحنيكا جانە ورتاق سيپات الاتىن تەحنيكا سياقتى سالالاردا جاڭالىق اشۋعا شوعىرلاندىرىپ، جوعارى دەڭگەيلى عىلىم - تەحنيكا ارقىلى ءوز كۇشىنە سۇيەنىپ، ءوزىن الۋەتتەندىرىپ، كاسىپ سالاسىنىڭ جوعارى ساپالى دامۋىن ىلگەرىلەتىپ، جۇڭگو جابدىق جاساۋ كاسىبىنىڭ الەمدىك باسەكەلىك قۋاتىن ورنىقتى جوعارىلاتۋىنا پارمەندى تىرەك ازىرلەيدى.
”ءبىز جوعارى دەڭگەيدە سىرتقا ەسىك اشۋدى تىڭعىلىقتى ىلگەرىلەتىپ ءارى الەمدىك بازار مەن بايلىقتان ويداعىداي پايدالانىپ ءوزىمىزدى دامىتۋىمىز، ءارى دۇنيە ءجۇزىنىڭ بىرگە دامۋىن ىلگەرىلەتۋىمىز كەرەك“. ءتوراعا شي جينپيڭنىڭ ماڭىزدى سوزىنەن ءۇرىمجى كەدەنىنە قاراستى قورعاس كەدەنى پارتكومىنىڭ شۋجيى، كەدەن باستىعى ماۋ رۇڭگاڭ جاۋاپكەرشىلىگىنىڭ اۋىر ەكەندىگىن تەرەڭ سەزىندى، ”ءبىز الداعى جەردە ’ارنانى ىركىلىسسىزدەندىرۋ، تۇعىردى كەڭەيتۋ، كاسىپ سالاسىن جەتىلدىرۋ‘ جاعىندا ەسەلى ەڭبەك قوسۋدى كوزدەپ، ناقتى ونىمدىلىككە تالپىنىپ، ’جۇڭگو − ەۆروپا كەزەكشى پويەزى +‘ سىندى جاڭالىق اشا دامۋعا دەم بەرىپ، سىرتقى ساۋدانى جەبەۋ، ورنىقتىلىقتى ساقتاۋ، ساپانى كوتەرۋ جاعىندا ۇزدىكسىز كۇش سالىپ، كاسىپورىندارعا تيىمدىلىك جاساۋ ساياساتتارىنىڭ تياناقتانۋىن، ناقتىلانۋىن ىلگەرىلەتىپ، سىرتقى ساۋدانىڭ وزىندىك قۇنىن تومەندەتۋدى، ونىمدىلىگىن ارتتىرۋدى جەبەپ، شەكارا اتتاعان ساۋداعا قولايلىلىق جاساۋ دەڭگەيىن جوعارىلاتىپ، شينجياڭنىڭ جوعارى دەڭگەيدە سىرتقا ەسىك اشۋىنا اناعۇرلىم ويداعىداي قىزمەت وتەيمىز“.
جۇرەكتە سەنىم بولسا، بويدا قايرات بولادى. ماناس اۋداندىق پارتكومنىڭ شۋجيى ليۋ چياڭ مىنالاردى ءبىلدىردى: باستان - اياق باس شۋجي نۇسقاعان بەتالىسپەن ەرلىكپەن العا باسىپ، ءبىز وسى ۇرپاق ادامدارىنا ءتان وسى تاياقشانى ويداعىداي الىپ ءجۇرۋىمىز كەرەك. پارتيا قۇرىلىسىن جاپپاي كۇشەيتىپ، پارتيا ورتالىق كوميتەتى كوڭىل بولگەن، نازار اۋدارعان كەلەلى ماسەلەلەردى ءجىتى قاداعالاپ، جاڭا داۋىردەگى شينجياڭ قۇرىلىسىنىڭ قولامتالى ماسەلەلەرىن ءجىتى قاداعالاپ، ءار ۇلت بۇقاراسىنىڭ ىنتىزار بولىپ وتىرعان قيىن ماسەلەلەرىن ءجىتى قاداعالاپ، قىزمەت ءىس جۇزىندىگىمەن ۇشتاستىرىپ، ەكولوگيالىق اۋدان قۇرۋ، كاسىپ سالاسى ارقىلى اۋداندى كۇشەيتۋ، ساياحات ارقىلى اۋداندى گۇلدەندىرۋ، ەسىك اشۋ ارقىلى اۋداندى جانداندىرۋ، حالىق تۇرمىسى ارقىلى اۋداندى بەكەمدەۋ سىندى دامۋ ستراتەگياسىن ىشكەرىلەي اتقارىپ، نىسان قۇرىلىسى، اۋىل - قىستاقتى گۇلدەندىرۋ، بيڭتۋان مەن جەرگىلىكتى ورىندى توعىستىرۋ، ساۋداگەر شاقىرىپ، قارجى ەنگىزۋ سياقتى ءتۇيىندى قىزمەتتەردى كۇش سالا ىلگەرىلەتىپ، پارتياعا بولعان ادالدىقتى قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدىڭ ناقتى امالياتىندا جازامىز.
باتىس سولتۇستىكتەگى قۇبا ءتۇز، شينجياڭ اسكەري رايونىنىڭ بەلگىلى تۋانى كەزەڭدىك سيپاتتى اسكەري جاتتىعۋ باعالاۋىن قاۋىرت ورىستەتىپ، جالپى بارىستا ”شىن، قيىن، قاتاڭ، ناقتى بولۋ“ تالابىن دايەكتىلەندىردى. وسى تۋاننىڭ 1 - دارەجەلى جۇنشىجاڭى ياڭ ليانجيڭ ءتوراعا شي جينپيڭنىڭ ماڭىزدى ءسوزىن مۇقيات ۇيرەنگەننەن كەيىن، مىنالاردى ءبىلدىردى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ارميا قۇرىلعاندىعىنىڭ 100 جىلدىعى كۇرەس نىساناسىن مىقتاپ ارقاۋ ەتىپ، جاۋىنگەرلىك قۋات سىندى وسى بىردەن - ءبىر ءتۇبىرلى ولشەمدى مىقتاپ يگەرىپ، جاڭادان سەپتەلگەن ءتۇرلى جاڭاشا قارۋ - جاراقتاردى، جابدىقتاردى جەتە ۇيرەنىپ، جەتە ءتۇسىنىپ، اسكەر جاتتىقتىرىپ، سوعىسقا دايىندالۋدى جاپپاي كۇشەيتىپ، اناعۇرلىم كوتەرىڭكى رۋحاني كۇيمەن مەملەكەت قورعانىسى مەن ارميانى وسىزامانداندىرۋدى جەدەل ىلگەرىلەتەمىز.
”ءتوراعا شي جينپيڭنىڭ ’حالىق‘ دەگەن ءسوزدى كوپ مارتە باسا دارىپتەۋى مەنى ەرەكشە مەيىرگە بولەدى“. شايار اۋدانى شايار قالاشىعى جينيانحى الەۋمەتتىك اۋماعىنىڭ تۇرعىنى ءپاريدا سەيىت تەبىرەنە بىلاي دەدى: ”تاياۋ جىلداردان بەرى، پارتيانىڭ باسشىلىعىندا، ءبىزدىڭ تۇرمىسىمىزدا وراسان زور وزگەرىس تۋىلدى، جەكەلەر شارۋاشىلىق قۇرسا ساياساتتان يگىلىكتەنەدى، بالالاردىڭ وقۋى دا تەگىن، وتباسىمىزدىڭ كىرىسى جىلدان - جىلعا جوعارىلاپ كەلەدى. الداعى جەردە مەن شوگەلدىكپەن قىزمەت ىستەپ، حالىققا تيىمدىلىك جاساۋ ساياساتىنىڭ بەلسەندى ۇگىتتەۋشىسى بولىپ، اناعۇرلىم كوپ تۇرعىندى پارتيانىڭ سوزىنە قۇلاق اسۋعا، پارتياعا العىس ايتۋعا، پارتياعا ىلەسۋگە جەتەكتەپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا ءوز كۇشىمدى قوسامىن“.
(ءتىلشى جاڭ يۇنمەي، قاتىناسقان تىلشىلەر جاڭ يانفاڭ، شى شين، چىن چياڭۋي، گى يوۋجۇن، ياڭ شۋحان، ەرىكتى تىلشىلەر چىڭ لەي، سۇڭ ۋىندۇڭ، ديڭ شياۋشياۋ)
