شي جينپيڭ جۇڭگو كوممۋنيستىك پارتياسى مەن دۇنيە ءجۇزى ساياسي پارتيالارىنىڭ جوعارى جىكتەگىلەر كەڭەسىنە قاتىناستى ءارى ارقاۋ ءسوز سويلەدى
ساي چي قاتىناستى
3 - ايدىڭ 15 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭدە جۇڭگو كوممۋنيستىك پارتياسى مەن دۇنيە ءجۇزى ساياسي پارتيالارىنىڭ جوعارى جىكتەگىلەر كەڭەسىنە قاتىناستى ءارى «وسىزامانداندىرۋ جولىمەن قول ۇستاسا بىرگە جۇرەيىك» اتىندا ارقاۋ ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
3 - ايدىڭ 15 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭدە جۇڭگو كوممۋنيستىك پارتياسى مەن دۇنيە ءجۇزى ساياسي پارتيالارىنىڭ جوعارى جىكتەگىلەر كەڭەسىنە قاتىناستى ءارى «وسىزامانداندىرۋ جولىمەن قول ۇستاسا بىرگە جۇرەيىك» اتىندا ارقاۋ ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى ليۋ بين تۇسىرگەن
شينحۋا اگەنتتىگىنىڭ 3 - ايدىڭ 15 - كۇنى بەيجيڭنەن بەرگەن حابارى (ءتىلشى ۋاڭ بين). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 3 - ايدىڭ 15 - كۇنى بەيجيڭدە جۇڭگو كوممۋنيستىك پارتياسى مەن دۇنيە ءجۇزى ساياسي پارتيالارىنىڭ جوعارى جىكتەگىلەر كەڭەسىنە قاتىناستى ءارى «وسىزامانداندىرۋ جولىمەن قول ۇستاسا بىرگە جۇرەيىك» اتىندا ارقاۋ ءسوز سويلەدى. ول بىلاي دەپ باسا دارىپتەدى: ءبىر قىدىرۋ وسىزامانداندىرۋ سۇراۋى الدىندا، ساياسي پارتيالار وسىزامانداندىرۋ ۇردىسىنە جەتەكشىلىك ەتەتىن جانە ىلگەرىلەتەتىن ماڭىزدى كۇش رەتىندە، جاۋاپ قايتاراتىن جاۋاپكەرشىلىگى بار. جۇڭگو كوممۋنيستىك پارتياسى ءوز تاعدىرىن ءار ەل حالقىنىڭ تاعدىرىمەن باستان - اياق تىعىز بايلانىستىرىپ، جۇڭگو ۇلگىسىندەگى وسىزامانداندىرۋدىڭ جاڭا تابىسى ارقىلى دۇنيە ءجۇزىنىڭ دامۋىنا جاڭا وراي ازىرلەۋگە قۇلشىنىپ، ادامزاتتىڭ وسىزامانداندىرۋ جولى جونىندە ىزدەنىس جاساۋىنا جاڭا كومەكشى كۇش ازىرلەپ، ادامزات قوعامىنىڭ وسىزاماندانۋ نازارياسى مەن امالياتىندا جاڭالىق اشۋعا تىڭ ۇلەس قوسادى.
شي جينپيڭ بىلاي دەپ باسا دارىپتەدى: ادامزات قوعامىنىڭ دامۋ ءۇردىسى بۇرالاڭ، ءار ەلدىڭ وسىزامانداندىرۋ جولى جونىندە ىزدەنىس جاساۋ بارىسى ماشاقاتقا تولى. بۇگىنگى دۇنيە جۇزىندە كوپ جاقتىلى سايىس پەن داعدارىس ارالاسىپ، قاباتتاسىپ، دۇنيە ءجۇزى ەكونوميكاسىنىڭ جاندانۋى قيىنداپ، دامۋ پارقى ۇزدىكسىز الشاقتاپ، ەكولوگيالىق ورتا ءۇرتىس ناشارلاپ، قىرعي قاباق سوعىسى ويىنىڭ زاردابى سەيىلمەي، ادامزات قوعامىنىڭ وسىزاماندانۋ ءۇردىسى تاعى ءبىر رەت تاريحتىڭ جول ايرىعىنا تىرەلدى. بۇعان مەڭزەس، مەن 5 دارىپتەمەنى العا قويامىن: حالىقتى بارىنەن جوعارى قويۋ ۇستانىمىن بەرىك ساقتاپ، وسىزامانداندىرۋ بەتالىسىندا حالىقتىق سيپاتتى كورنەكتىلەندىرۋىمىز كەرەك؛ دەربەس، وزىنە - ءوزى قوجايىن بولۋ پرينسيبىن ۇستانىپ، وسىزامانداندىرۋ جولىنىڭ الۋان تۇرلىلىگى جونىندە ىزدەنىس جاساۋىمىز كەرەك؛ تۋراشىلدىقتان اينىماي، جاڭالىق اشۋ تانىمىن ورناتىپ، وسىزاماندانۋ ءۇردىسىنىڭ باياندىلىعىن ساقتاۋىمىز كەرەك؛ ءوزىن الۋەتتەندىرۋمەن بىرگە باسقالاردى دا وركەندەتۋ رۋحىن اسقاقتاتىپ، وسىزامانداندىرۋ جەتىستىگىنىڭ جالپىعا بىردەي بولۋ سيپاتىن كۇشەيتۋىمىز كەرەك؛ قايراتتانا العا ۇمتىلۋ بەينەسىن ساقتاپ، وسىزامانداندىرۋعا باسشىلىق ەتۋدىڭ دايەكتىلىگىنە شىنايى كەپىلدىك ەتۋىمىز كەرەك.
شي جينپيڭ بىلاي دەپ اتاپ كورسەتتى: وسىزامانداندىرۋدى جۇزەگە اسىرۋ − تاياۋ زاماننان بەرگى جۇڭگو حالقىنىڭ اينىماس مۇراتپەن كۇرەس جۇرگىزۋ ارمانى. جۇڭگو كوممۋنيستىك پارتياسىنىڭ 100 جىلدان استام ۋاقىتتا جۇڭگو حالقىن ىنتىماقتاستىرىپ، باستاپ، ۇلتتى گۇلدەندىرۋگە تالپىنۋ تاريحىنىڭ ءوزى − وسىزامانداندىرۋ جولى جونىندە ۇزدىكسىز ىزدەنىس جاساۋ تاريحى. سان ۇرپاقتىڭ قاجىماي - تالماي قۇلشىنۋىنىڭ ارقاسىندا، ءبىز جۇڭگو ۇلگىسىندەگى وسىزامانداندىرۋ جولىنا تۇستىك. جۇڭگو ۇلگىسىندەگى وسىزامانداندىرۋ ءوز مەملەكەت جاعدايىمىزدى تياناق ەتكەن ءارى ءار ەلدىڭ تاجىريبەسىنەن ۇلگى العان، تاريحي مادەنيەتتى جالعاستىرعان ءارى وسى زامانعى وركەنيەتپەن توعىسقان، جۇڭگو حالقىن باقىتقا كەنەلدىرەدى ءارى دۇنيە ءجۇزىنىڭ بىرگە دامۋىن جەبەيدى، ءبىزدىڭ مەملەكەتتى قۇدىرەتتەندىرۋ قۇرىلىسىمىزدىڭ، ۇلتتى گۇلدەندىرۋىمىزدىڭ داڭعىل جولى ءارى جۇڭگونىڭ ادامزاتتىڭ العا باسۋىن، دۇنيە ءجۇزىنىڭ ۇلى بىرلىگىن قاراستىرۋدا، ءسوزسىز، باسىپ وتەتىن جولى.
شي جينپيڭ بىلاي دەپ باسا دارىپتەدى: جۇڭگو كوممۋنيستىك پارتياسى جوعارى ساپالى دامۋدى ىلگەرىلەتۋگە كۇش سالىپ، بۇكىل الەمنىڭ دامۋىن، گۇلدەنۋىن جەبەيدى. ءبىز جاڭا دامۋ ارناسىن جەدەل قالىپتاستىرىپ، جوعارى دەڭگەيدە سىرتقا ەسىك اشۋدى ۇزدىكسىز كەڭەيتىپ، بازارعا كىرۋ رۇقساتىن ءۇرتىس كەڭەيتىپ، اشىق قاقپانىڭ بارعان سايىن ايقارا اشىلۋىنا مۇمكىندىك جاسايمىز. جۇڭگونىڭ وسىزاماندانعان كاسىپ سالاسى جۇيەسى قۇرىلىسىنىڭ ىلگەرىلەتىلۋىنە ىلەسە، ءبىز دۇنيە جۇزىنە اناعۇرلىم كوپ، اناعۇرلىم جاقسى جۇڭگو جاساۋىن جانە جۇڭگو جاسامپازدىعىن ازىرلەپ، دۇنيە جۇزىنە اناعۇرلىم كەڭ كولەمدى جۇڭگو بازارىن جانە جۇڭگو سۇرانىسىن ازىرلەيمىز. ءبىز قالىڭ وركەندەپ كەلە جاتقان ەلدەردىڭ دامۋدى جەدەلدەتۋىنە باتىل قولداۋ كورسەتىپ جانە كومەكتەسىپ، ونەركاسىپتەندىرۋدى، وسىزامانداندىرۋدى جۇزەگە اسىرىپ، وڭتۇستىك پەن سولتۇستىكتىڭ پارقىن ازايتۋعا، ورتاق دامۋدى جۇزەگە اسىرۋعا جۇڭگو جوباسى مەن جۇڭگو كۇشىن ازىرلەيمىز. ءبىز ءار ەلدىڭ ساياسي پارتيالارىمەن بىرگە ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتىپ، الەمدىك دامۋ باستاماسىن تياناقتاندىرۋدى جەدەلدەتىپ، الەمدىك دامۋدىڭ جاڭا قوزعاۋشى قۋاتىن جەتىلدىرىپ، الەمدىك دامۋ ورتاق تۇلعاسىن قۇرۋدى قالايمىز.
شي جينپيڭ بىلاي دەپ اتاپ كورسەتتى: جۇڭگو كوممۋنيستىك پارتياسى حالىقارالىق ادىلدىكتى، تۋراشىلدىقتى قورعاۋعا، دۇنيە ءجۇزىنىڭ بەيبىتشىلىگىن، ورنىقتىلىعىن جەبەۋگە كۇش سالادى. جۇڭگو ۇلگىسىندەگى وسىزامانداندىرۋ وتارلىق تاران - تاراجىلاۋدىڭ كونە جولىمەن جۇرمەيدى، وزگە ەلدەردىڭ قۇدىرەتتەنگەندە زورەكەر بولاتىن تەرىس جولىمەن جۇرمەيدى، بەيبىت دامۋ سىندى دۇنيەنىڭ دۇرىس جولىمەن جۇرەدى. ءبىز تىلدەسۋ ارقىلى الاۋىزدىقتى جاراستىرۋدى، سەلبەسۋ ارقىلى تالاس - تارتىستى شەشۋدى دارىپتەيمىز، ءارقانداي فورماداعى زورەكەرلىككە جانە وكتەمدىك ساياسيعا باتىل قارسى تۇرامىز، ىنتىماق رۋحى جانە بىرگە يگىلىككە كەنەلۋ ويى ارقىلى كۇردەلى دە قاباتتاسقان حاۋىپسىزدىك سايىسىنا توتەپ بەرىپ، ءادىل، ادىلەتتى، بىرگە قۇراتىن، بىرگە يگىلىككە كەنەلەتىن حاۋىپسىزدىك ارناسىن قالىپتاستىرۋدى دارىپتەيمىز. دۇنيە ءجۇزى ”جاڭا قىرعي قاباق سوعىستى“ قاجەت ەتپەيدى، دەموكراتيا تونىن جامىلىپ بولشەكتەۋشىلىككە، قارسىلاسۋعا ايتاقتاۋدىڭ ءوزى دەموكراتيا رۋحىن اياققا تاپتاعاندىق، ول جۇرت كوڭىلىنە جاقپايدى، ايىقپاس زارداپ قالدىرادى. جۇڭگونىڭ وسىزامانداندىرۋدى جۇزەگە اسىرۋى − دۇنيە ءجۇزىنىڭ بەيبىتشىلىك كۇشىنىڭ ارتۋى، حالىقارالىق ادىلەت كۇشىنىڭ زورايۋى. مەيلى دامىپ قاي دەڭگەيگە جەتسە دە، جۇڭگو ماڭگى زورەكەرلىك ىستەمەيدى، ماڭگى ىرگە كەڭەيتپەيدى.
شي جينپيڭ بىلاي دەپ باسا دارىپتەدى: جۇڭگو كوممۋنيستىك پارتياسى وركەنيەتتەردىڭ اۋىس - كۇيىسىن، ءوزارا ۇلگى الۋىن ىلگەرىلەتۋگە، ادامزات وركەنيەتىنىڭ العا باسۋىن جەبەۋگە كۇش سالادى. قازىرگى تاڭداعى دۇنيە جۇزىندە تۇرلىشە ەلدەردىڭ، تۇرلىشە وڭىرلەردىڭ وزىندىك ەرەكشەلىك العان وسىزامانداندىرۋ جولى باي مازمۇندى، الۋان ءتۇرلى، ارىدان باستاۋ العان وركەنيەتتەردىڭ جالعاسۋىنان تامىر العان. ادامزات قوعامى جاراتقان ءتۇرلى وركەنيەتتەردىڭ بارلىعى نۇر - شۇعىلا شاشىپ، ءار ەلدىڭ وسىزامانداندىرۋىنا مول قور جينادى، ايقىن ەرەكشە قاسيەت سيلادى ءارى ۋاقىت - كەڭىستىكتەن ەندەي ءوتىپ، مەملەكەت شەكاراسىنان اتتاپ ءوتىپ، ادامزات قوعامىنىڭ وسىزامانداندىرۋ ۇردىسىنە بىرگە ماڭىزدى ۇلەس قوستى. جۇڭگو ۇلگىسىندەگى وسىزامانداندىرۋ ادامزات وركەنيەتىنىڭ جاڭا فورماتسياسى رەتىندە، الەمدەگى باسقا دا وركەنيەتتەرمەن ءوزارا ۇلگى الاتىن بولسا، دۇنيە ءجۇزى وركەنيەتىنىڭ گۇلزارىن ايرىقشا بايىتاتىندىعى ءشۇباسىز.
شي جينپيڭ بىلاي دەپ اتاپ كورسەتتى: ءار ەلدىڭ بولاشاق تاعدىرى تىعىز بايلانىسقان قازىرگى تاڭدا، تۇرلىشە وركەنيەتتەردىڭ سيىسىمدى بولىپ قاتار ءومىر ءسۇرۋى، اۋىس - كۇيىس جاساپ ءوزارا ۇلگى الۋى ادامزات قوعامىنىڭ وسىزامانداندىرۋ ءۇردىسىن ىلگەرىلەتۋ، دۇنيە ءجۇزى وركەنيەتىنىڭ گۇلزارىن گۇلدەندىرۋ بارىسىندا ورنىن باسا المايتىن رولعا يە. وسىعان مەڭزەس، شي جينپيڭ الەمدىك وركەنيەت باستاماسىن العا قويدى.
− ءبىز دۇنيە ءجۇزى وركەنيەتىنىڭ الۋان تۇرلىلىگىنە قۇرمەت ەتۋدى بىرگە دارىپتەۋىمىز كەرەك، وركەنيەتتەردىڭ تەرەزەسى تەڭ بولۋىنا، ءوزارا ۇلگى الۋىنا، تىلدەسۋىنە، سيىسىمدى بولۋىنا تاباندى بولىپ، وركەنيەتتەر اۋىس - كۇيىسى ارقىلى وركەنيەت كىربەڭدىگىن، وركەنيەتتىڭ ءبىر - بىرىنەن ۇلگى الۋى ارقىلى وركەنيەتتەر ارا قاقتىعىستى، وركەنيەتتەردىڭ سيىسىمدىلىعى ارقىلى وركەنيەت مەنمەندىگىن جويۋىمىز كەرەك.
− ءبىز بۇكىل ادامزاتقا ورتاق قۇندىلىقتى اسقاقتاتۋدى بىرگە دارىپتەۋىمىز كەرەك، بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك − ءار ەل حالقىنىڭ ورتاق تالپىنىسى، تۇرلىشە وركەنيەتتەردىڭ قۇن مازمۇنى جونىندەگى تانىمىن كەڭ پەيىلمەن ءتۇسىنىپ، ءوزىمىزدىڭ قۇن كوزقاراسىمىز بەن ۇلگىمىزدى باسقالارعا كۇشتەپ تاڭباۋىمىز، يدەولوگيالىق قارسىلىق تۋدىرماۋىمىز كەرەك.
− ءبىز وركەنيەتتى جالعاستىرۋعا جانە وندا جاڭالىق اشۋعا باسا ءمان بەرۋدى بىرگە دارىپتەۋىمىز كەرەك، ءار ەلدىڭ تاريحي مادەنيەتىنىڭ ءداۋىر قۇنىن تولىق قاراستىرىپ، ءار ەلدىڭ تاڭداۋلى ءداستۇرلى مادەنيەتىنىڭ وسىزامانداندىرۋ ۇردىسىندە جاسامپازدىقپەن كادەگە جاراۋىن، جاسامپازدىقپەن دامۋىن جۇزەگە اسىرۋدى ىلگەرىلەتۋىمىز كەرەك.
− ءبىز حالىقارالىق گۋمانيتارلىق اۋىس - كۇيىستى، سەلبەستىكتى كۇشەيتۋدى بىرگە دارىپتەۋىمىز كەرەك، الەمدىك وركەنيەتتەردىڭ تىلدەسۋ، سەلبەسۋ تورىن قۇرۋدى اقىلداسىپ، اۋىس - كۇيىس مازمۇنىن بايىتىپ، سەلبەسۋ ارناسىن كەڭەيتىپ، ءار ەل حالقىنىڭ ءوزارا ءتۇسىنىسۋىن، دوستاسۋىن جەبەپ، ادامزات وركەنيەتىنىڭ دامۋىن، العا باسۋىن بىرگە ىلگەرىلەتۋىمىز كەرەك.
شي جينپيڭ بىلاي دەپ باسا دارىپتەدى: جۇڭگو كوممۋنيستىك پارتياسى ساياسي پارتيالاردىڭ اۋىس - كۇيىسىن، سەلبەستىگىن كۇشەيتۋگە كۇش سالىپ، الەمنىڭ داڭعىل جولىمەن قول ۇستاسا بىرگە جۇرەدى. ءار ەلدەگى ساياسي پارتيالارمەن جانە ساياسي ۇيىمدارمەن اۋىس - كۇيىستى تەرەڭدەتىپ، ۇستانىمنىڭ قابىسۋ تۇيىندەرىن، مۇددەنىڭ توعىسۋ تۇيىندەرىن ۇزدىكسىز كەڭەيتىپ، جاڭاشا ساياسي پارتيالار قارىم - قاتىناسىن ورناتۋ ارقىلى جاڭاشا حالىقارالىق قارىم - قاتىناس قالىپتاستىرۋعا كۇش ۇستەپ، الەمدەگى ساياسي پارتيالارمەن سەرىكتەستىك قارىم - قاتىناستى بەكەمدەۋ، كەمەلدەندىرۋ ارقىلى الەمدىك سەرىكتەستىك قارىم - قاتىناستى تەرەڭدەتۋگە، كەڭەيتۋگە كۇش ۇستەۋدى قالايدى. جۇڭگو كوممۋنيستىك پارتياسى ءار ەلدىڭ ساياسي پارتيالارىمەن جانە ساياسي ۇيىمدارىمەن بىرگە پارتيانى باسقارۋ، مەملەكەتتى باسقارۋ تاجىريبە اۋىس - كۇيىسىن ورىستەتىپ، وسىزامانداندىرۋ جولىمەن قول ۇستاسا بىرگە ءجۇرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدىڭ داڭعىل جولىندا ۇزدىكسىز ارشىنداي العا ىلگەرىلەۋدى قالايدى.
شي جينپيڭ سوڭىندا بىلاي دەپ اتاپ كورسەتتى: ادامزات قوعامىنىڭ وسىزامانداندىرۋ جورىعىندا ساتسىزدىككە جولىعۋدان ساقتانۋ قيىن، الايدا بولاشاعى، ءسوز جوق، جارقىن بولادى. جۇڭگو كوممۋنيستىك پارتياسى ءار جاقپەن بىرگە قۇلشىنىپ، وزىندىك ەرەكشەلىككە يە وسىزامانداندىرۋ ىستەرىن دۇنيە ءجۇزىنىڭ گۇلدەنۋىن، العا باسۋىن ىلگەرىلەتەتىن ءداۋىر اعىمىنا اينالدىرىپ، تاريحتىڭ سالقار كوشىندە جوڭكىلە العا ىلگەرىلەۋدى، تىنباي دامۋدى قالايدى!
وڭتۇستىك افريكا افريكالىقتار حالىقتىق كەڭەسىنىڭ ءتوراعاسى، زۇڭتۇڭ رامافوسا، وڭتۇستىك سۋدان سۋدان حالىق ازاتتىق قوزعالىسىنىڭ ءتوراعاسى، زۇڭتۇڭ جير، نيكاراگۋا ساڭدينو ۇلت ازاتتىق شەبىنىڭ باس شۋجيى، زۇڭتۇڭ ورتەگا، ۆەنەسۋەلا بىرلىككە كەلگەن سوتسياليستىك پارتياسىنىڭ ءتوراعاسى، زۇڭتۇڭ مادۋرو، سەربيا العا پارتياسىنىڭ ءتوراعاسى، زۇڭتۇڭ ۆۋچيچ، موڭعۇليا حالىق پارتياسىنىڭ ءتوراعاسى، ۇكىمەت زۇڭليى ويون ەردەن، شىعىس تيمور حالىق ازاتتىق پارتياسىنىڭ ءتوراعاسى، ۇكىمەت زۇڭليى لۋۋاك، پاپۋا − جاڭا گۋينەيا پانگۋ پارتياسىنىڭ كوسەمى، ۇكىمەت زۇڭليى مالاپي، گرەنادا ۇلتتىق دەموكراتيالىق قۇرىلتايى پارتياسىنىڭ كوسەمى، ۇكىمەت زۇڭليى ميچەر، رەسەي ءبىر تۇتاس رەسەي پارتياسى ەڭ جوعارى كوميتەتىنىڭ ءتوراعاسى گليزىلوۆ، قازاقستان ”امانات“ پارتياسىنىڭ ءتوراعاسى قاسەنوۆ، توگو رەسپۋبليكاسى قورعاۋ وداعىنىڭ باس قولباسشىسى، حالىق پارلامەنتىنىڭ باستىعى سايگاڭ قاتارلىلار كەڭەستە ءسوز سويلەپ، جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنىڭ جەڭىسپەن اشىلعاندىعىن قىزۋ قۇتتىقتادى، شي جينپيڭنىڭ جۇڭگو كوممۋنيستىك پارتياسى ورتالىق كوميتەتىنىڭ باس شۋجيلىگىنە، مەملەكەت ءتوراعالىعىنا، ورتالىق اسكەري ىستەر كوميتەتىنىڭ ءتوراعالىعىنا تاعى سايلانعاندىعىن قىزۋ قۇتتىقتادى، جاڭا ءداۋىردىڭ 10 جىلىنداعى تاريحي سيپاتتى تابىستاردى، تاريحي سيپاتتى وزگەرىستەردى قىزۋ مەرەيمەن القادى، باس شۋجي شي جينپيڭنىڭ ارقاۋ سوزىندە العا قويىلعان ساياساتتىق دارىپتەمەلەرگە بەلسەنە اڭىس قايتارىپ، جۇڭگو كوممۋنيستىك پارتياسىمەن بىرگە وسىزامانداندىرۋ ۇردىسىندە جەتەكتەۋ جانە ىلگەرىلەتۋ رولدارىن ويداعىداي ساۋلەلەندىرۋدى قالايتىندىقتارىن ءبىلدىردى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي كەڭەسكە قاتىناستى ءارى قورىتىندى ءسوز سويلەدى. ول بىلاي دەپ اتاپ كورسەتتى: باس شۋجي شي جينپيڭ ارقاۋ ءسوز سويلەپ، جۇڭگو كوممۋنيستىك پارتياسىنىڭ وسىزامانداندىرۋ جولى جونىندە ىزدەنىس جاساۋ تانىمىن جۇيەلى بايىمدادى، الەمدىك وركەنيەت باستاماسىن العا قويدى، جۇڭگو كوممۋنيستىك پارتياسىنىڭ ءار ەلدىڭ ساياسي پارتيالارىمەن بىرگە ءوز ەلىنىڭ ەرەكشەلىگىنە يە وسىزامانداندىرۋ ىستەرىن ىلگەرىلەتۋدى، الەمدىك وركەنيەتتەر اۋىس - كۇيىسىن، ءوزارا ۇلگى الۋىن جەبەۋدى، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايتىن شىنايى تىلەگىن ءبىلدىردى، جۇڭگو كوممۋنيستىك پارتياسىنىڭ ادامزاتتىڭ ورتاق سايىسىنا تىكە بەتپە - بەت كەلەتىن ساياسي باتىلدىعى مەن جاۋاپكەرشىلىك ارقالاۋىن ايگىلەدى، دۇنيە ءجۇزىنىڭ وسىزامانداندىرۋ ءۇردىسىن ىلگەرىلەتۋگە، ادامزات وركەنيەتىنىڭ العا باسۋىن جەبەۋگە جۇڭگو جوباسىن ازىرلەدى. جۇڭگو كوممۋنيستىك پارتياسى ءار ەلدىڭ ساياسي پارتيالارىمەن جانە ساياسي ۇيىمدارىمەن وسىزامانداندىرۋ جولى جونىندە ىزدەنىس جاساۋداعى، وركەنيەتتەردىڭ العا باسۋىن ىلگەرىلەتۋدەگى ساياسي پارتيالار جاۋاپكەرشىلىگىن بىرگە ارقالاپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ جورىعىندا قول ۇستاسا بىرگە ءجۇرۋدى قالايدى.
ۋاڭ ي، يىن لي، لي شۋلەي، چين گاڭ قاتارلىلار كەڭەسكە قاتىناستى.
جۇڭگو كوممۋنيستىك پارتياسى مەن دۇنيە ءجۇزى ساياسي پارتيالارىنىڭ جوعارى جىكتەگىلەر كەڭەسى ”وسىزامانداندىرۋ جولى: ساياسي پارتيالاردىڭ جاۋاپكەرشىلىگى“ دەگەندى نەگىزگى تاقىرىپ ەتتى، 150نەشە ەلدەن كەلگەن 500 نەشە ساياسي پارتيا مەن ساياسي ۇيىمنىڭ باسشىلارى ماجىلىسكە قاتىناستى.
