«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
اۋىل شارۋاشىلىعىندا قۋاتتى ەل قۇرۋدى جەدەلدەتىپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن ىلگەرىلەتەيىك
شينحۋا اگەنتتىگىنىڭ 3 - ايدىڭ 15 - كۇنى بەيجيڭنەن بەرگەن حابارى. 3 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 6 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «اۋىل شارۋاشىلىعىندا قۋاتتى ەل قۇرۋدى جەدەلدەتىپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن ىلگەرىلەتەيىك» اتتى ماڭىزدى ماقالاسىن جاريالايدى.
ماقالادا مىنالار اتاپ كورسەتىلدى: اۋىل شارۋاشىلىعىندا قۋاتتى ەل قۇرۋ نىساناسىن كوزدەپ، اۋىل شارۋاشىلىعى، اۋىل - قىستاق قىزمەتىن شىنايى ويداعىداي يگەرۋ كەرەك. اۋىل - قىستاقتى گۇلدەندىرۋدى جاپپاي ىلگەرىلەتىپ، 2035 - جىلعا جەتكەندە، اۋىل شارۋاشىلىعىن وسىزامانداندىرۋدى نەگىزىنەن جۇزەگە اسىرۋ، وسى عاسىردىڭ ورتا شەنىنە جەتكەندە، اۋىل شارۋاشىلىعىندا قۋاتتى ەل قۇرۋ − پارتيا ورتالىق كوميتەتىنىڭ جاپپاي سوتسياليستىك وسىزاماندانعان قۇدىرەتتى مەملەكەت قۇرۋدى كوزدە ۇستاي وتىرىپ جاساعان ستراتەگيالىق ورنالاستىرۋى. مەملەكەتتى قۇدىرەتتەندىرۋدە، ءسوز جوق، الدىمەن اۋىل شارۋاشىلىعىن كۇشەيتۋ كەرەك، اۋىل شارۋاشىلىعى كۇشەيسە عانا، مەملەكەت قۇدىرەتتەنەدى. اۋىل شارۋاشىلىعىندا قۋاتتى ەل بولمايىنشا، بۇكىلدەي وسىزاماندانعان قۇدىرەتتى ەل بولماق ەمەس؛ اۋىل شارۋاشىلىعى، اۋىل - قىستاق وسىزاماندانباسا، سوتسياليستىك وسىزامانداندىرۋ دا جالپى بەتتىك بولمايدى. ءسوز جوق، اۋىل شارۋاشىلىعىندا قۋاتتى ەل قۇرۋدى جەدەلدەتۋدى سوتسياليستىك وسىزاماندانعان قۇدىرەتتى مەملەكەت قۇرۋداعى ماڭىزدى ورىنعا قويۋ كەرەك. اۋىل شارۋاشىلىعىندا قۋاتتى ەل قۇرۋدىڭ نەگىزگى تالابى − اۋىل شارۋاشىلىعىنىڭ وسىزاماندانۋىن جۇزەگە اسىرۋ. ءبىز قۇراتىن اۋىل شارۋاشىلىعىندا قۋاتتى ەلدە جۇزەگە اسىراتىن اۋىل شارۋاشىلىعىن وسىزامانداندىرۋدا شەتەلدەگى ادەتتەگى وسىزاماندانعان اۋىل شارۋاشىلىعىندا قۋاتتى ەلدەردىڭ ورتاق ەرەكشەلىگى بولۋمەن قاتار، ءوز ەلىمىزدىڭ جاعدايىن نەگىز ەتكەن جۇڭگو ەرەكشەلىگى دە بولۋ كەرەك. ءبىرىنشى، ءوز كۇشىمىزگە سۇيەنىپ اس كەسەمىزدى مىقتى ۇستاۋىمىز؛ ەكىنشى، قوس قاباتتى شارۋاشىلىق تۇزىلىسىنە سۇيەنىپ اۋىل شارۋاشىلىعىن دامىتۋىمىز؛ ءۇشىنشى، ەكولوگيالىق، تومەن كومىر قىشقىل گازدى اۋىل شارۋاشىلىعىن دامىتۋىمىز؛ ءتورتىنشى، ەگىنشىلىك وركەنيەتىن جالعاستىرۋىمىز؛ بەسىنشى، بىرگە بايۋدى تىڭعىلىقتى ىلگەرىلەتۋىمىز كەرەك.
ماقالادا مىنالار اتاپ كورسەتىلدى: استىقپەن جانە ماڭىزدى اۋىل شارۋاشىلىعى ونىمدەرىمەن ورنىقتى، حاۋىپسىز قامداۋدى قامتاماسىز ەتۋ قاشاندا اۋىل شارۋاشىلىعىندا قۋاتتى ەل قۇرۋداعى ماڭداي الدى ءىرى ءىس سانالادى. استىق حاۋىپسىزدىگىنىڭ ىرىقتىلىعىن مىقتى يگەرگەندە عانا، مەملەكەتتى قۇدىرەتتەندىرۋدىڭ، گۇلدەندىرۋدىڭ ىرىقتىلىعىن ورنىقتى يگەرە الامىز. اۋىل شارۋاشىلىعىن كۇشەيتۋدە، باستىسى، استىقپەن جانە ماڭىزدى اۋىل شارۋاشىلىق ونىمدەرىمەن قامداۋدى قامتاماسىز ەتۋ قابىلەتىن، ءسوزسىز، كۇشەيتۋ كەرەك. استىق ءوندىرىس قۋاتىن جوعارىلاتۋ ءالى دە ماڭداي الدى مىندەت، ماڭىزدى تەتىك، ءالى دە ەگىستىك جەر مەن تۇقىم سىندى ەكى وزەكتى ءتۇيىندى مىقتى يگەرۋ كەرەك. ءبىر ميلليارد 800 ميلليون مۋ ەگىستىك جەردىڭ قىزىل سىزىعىن باتىل ساقتاپ، ماڭگىلىك نەگىزگى ەگىنجايلاردى تۇگەلدەي جوعارى ولشەمدى ەگىنجايلار ەتىپ بىرتىندەپ قۇرىپ شىعىپ، تۇقىم شارۋاشىلىعىن گۇلدەندىرۋ ارەكەتىن شىنايى يگەرە وتىرىپ ناقتى ونىمدىلىككە قول جەتكىزىپ، ءوز ەلىمىزدىڭ باستى تۇقىم سورتتارىن ءوز قولىمىزدا مىقتاپ يگەرۋىمىز كەرەك. استىق ەگەتىن شارۋالاردىڭ كىرىسىن قامتاماسىز ەتۋ مەحانيزمىن اقاۋسىزداندىرىپ، نەگىزگى ءوندىرىس وڭىرلەرىندە مۇددەلىك تولىقتاما بەرۋ مەحانيزمىن اقاۋسىزداندىرۋ كەرەك. ءونىمدى ارتتىرۋ جانە زياندى ازايتۋ سىندى ەكى جاققا دا تەڭ كۇش سالىپ، ازىق - تۇلىكتى ۇنەمدەۋدىڭ ءتۇرلى ارەكەتتەرىن ۇزدىكسىز تەرەڭدەتۋ كەرەك. ۇلكەن ازىق - تۇلىك كوزقاراسىن ورناتىپ، كوپ نەگىزدى ازىق - تۇلىكپەن قامداۋ جۇيەسىن ورناتۋ كەرەك. ءار دارەجەلى پارتكوم مەن ۇكىمەت، ءسوزسىز، استىق حاۋىپسىزدىگى سىندى ”مەملەكەتتىڭ زور ءىسىن“ شىنايى ارقالاۋ كەرەك.
ماقالادا مىنالار اتاپ كورسەتىلدى: اۋىل - قىستاقتى گۇلدەندىرۋدى جاپپاي ىلگەرىلەتۋ − جاڭا داۋىردەگى اۋىل شارۋاشىلىعىندا قۋاتتى ەل قۇرۋدىڭ ماڭىزدى مىندەتى. اۋىل شارۋاشىلىعى، اۋىل - قىستاق، شارۋالار قىزمەتىنىڭ وزەگى تاريحي سيپاتتى بۇرىلىس جاساۋدى جۇزەگە اسىردى، ادام كۇشى ۇسىنىلىمىن، زات كۇشىنىڭ ۇلەستىرىلۋىن، قازىنا كۇشىمەن قامتاماسىز ەتۋدى تۇگەلدەي اۋىل - قىستاقتى گۇلدەندىرۋگە ويىستىرۋ كەرەك. جالپى تالابى ءالى دە كاسىپ سالاسى، دارىندى، مادەنيەت، ەكولوگيا، ۇيىم سىندى ”بەستى گۇلدەندىرۋدى“ جاپپاي ىلگەرىلەتۋ. كاسىپ سالاسىن گۇلدەندىرۋ − اۋىل - قىستاقتى گۇلدەندىرۋدەگى ماڭىزدىنىڭ ماڭىزدىسى ءارى ءىس جۇزىندىك قىزمەتتىڭ كىرىسۋ ءتۇيىنى. ”جەرگىلىكتى ەرەكشە ءونىم“ دەگەن ءسوزدى جەتە ويلانىپ - تولعانىپ، اۋىل شارۋاشىلىعىنىڭ، اۋىل - قىستاقتاردىڭ ەرەكشە بايلىقتارىنا سۇيەنىپ اۋىل - قىستاق كاسىپ سالاسىنىڭ دەڭگەيىن تۇتاس تىزبەك بويىنشا جوعارىلاتۋدى ىلگەرىلەتىپ، بازارداعى باسەكەلىك قۋاتى مەن باياندى دامۋ قۋاتىن كۇشەيتۋ كەرەك. كاسىپ سالاسىن گۇلدەندىرۋدى ىلگەرىلەتۋدە، ءسوز جوق، كاسىپ سالاسىنا كومەكتەسۋ - سۇيەمەلدەۋ ساياساتىن تياناقتاندىرۋ كەرەك. كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ − اۋىل - قىستاقتى گۇلدەندىرۋدى جاپپاي ىلگەرىلەتۋدىڭ تومەنگى شەك مىندەتى، جاۋاپكەرشىلىكتى ۇزدىكسىز قاتايتىپ، ناقتىلاندىرىپ، قىستاق بويىنشا، اۋىل بويىنشا قايتا كەدەيلەسۋ جايتىنىڭ تۋىلۋىنان باتىل ساقتانۋ كەرەك. شارۋالاردىڭ كىرىسىن ارتتىرۋدى اۋىل شارۋاشىلىعى، اۋىل - قىستاق، شارۋالار قىزمەتىنىڭ وزەكتى مىندەتى ەتۋگە تاباندى بولىپ، شارۋالاردىڭ كىرىس ارتتىرۋ، بايۋ ارنالارىن مۇمكىندىكتىڭ بارىنشا كەڭەيتۋ كەرەك.
ماقالادا مىنالار اتاپ كورسەتىلدى: عىلىم - تەحنيكا مەن رەفورما سىندى قوس جەتەككە سۇيەنىپ اۋىل شارۋاشىلىعىندا قۋاتتى ەل قۇرۋدى جەدەلدەتۋ كەرەك. اۋىل شارۋاشىلىعىندا قۋاتتى ەل قۇرۋداعى وتكىر قارۋ − عىلىم - تەحنيكا، ءتۇيىن − رەفورماعا سۇيەنۋ. عىلىم - تەحنيكادا جاڭالىق اشۋ مەن تۇزىمدە جاڭالىق اشۋدى، ءسوز جوق، سايكەستى ىلگەرىلەتىپ، جاڭا سالالاردى، جاڭا جارىس جولىن اشىپ، جاڭا قوزعاۋشى قۋاتىن، جاڭا باسىمدىقتى سومداپ، سانىن مولايتۋ مەن ساپاسىن جوعارىلاتۋدى جەدەل جۇزەگە اسىرۋ كەرەك. دۇنيە ءجۇزى اۋىل شارۋاشىلىعى عىلىم - تەحنيكاسىنىڭ الدىڭعى لەگىن ءجىتى قاداعالاپ، جوعارى دەڭگەيدەگى اۋىل شارۋاشىلىعى عىلىم - تەحنيكاسىندا ءوز كۇشىنە سۇيەنۋدى، ءوزىن الۋەتتەندىرۋدى جۇزەگە اسىرۋدى جەدەلدەتۋ كەرەك. اۋىل شارۋاشىلىق عىلىم - تەحنيكاسىندا جاڭالىق اشۋدا جاڭالىق اشۋ جۇيەسىنىڭ جالپى تۇلعالىق رولىن كۇش سالا جوعارىلاتىپ، اۋىل شارۋاشىلىعى عىلىم - تەحنيكا قىزمەتىندە قولدانىلۋ باعدارىن كورنەكتىلەندىرىپ، ديسسەرتاتسيانى بايتاق دالادا جازۋ كەرەك. اۋىل - قىستاق رەفورماسىن تەرەڭدەتۋدە، ءسوز جوق، شارۋالار مەن جەردىڭ قاتىناسىن ويداعىداي ءبىر جاقتى ەتۋ سىندى نەگىزگى جەلىنى ۇزدىكسىز مىقتى يگەرىپ، قالىڭ شارۋالاردى رەفورما بارىسىندا اناعۇرلىم كوپ جەتىستىكتەردەن يگىلىكتەندىرۋ كەرەك. كوتەرمەگە الۋ مەرزىمىن تاعى 30 جىل ۇزارتۋدىڭ ءتۇرلى قىزمەتتەرىن تىڭعىلىقتى ويداعىداي ىستەپ، اۋىل - قىستاق قورا - جايلىق جەر ءتۇزىمى رەفورماسىن تۇيىندە سىناق ەتۋدى ورنىقتى، بايىپتى ىلگەرىلەتىپ، اۋىل - قىستاقتاعى كوللەكتيۆتىك تيجارات سيپاتتى قۇرىلىسقا پايدالانىلاتىن جەرلەردى بازارعا سالۋدى تۇيىندە سىناق ەتۋدى تەرەڭدەتىپ، جەردىڭ ارتقان قۇن پايداسىن ءبولۋ مەحانيزمىن كەمەلدەندىرۋ كەرەك. اۋىل - قىستاق كوللەكتيۆ مۇلكىن باقىلاۋ - باسقارۋ جۇيەسىن اقاۋسىزداندىرىپ، كوللەكتيۆ تيجاراتىنىڭ حاۋىپ - قاتەرىن قاتاڭ مەڭگەرۋ كەرەك. قالا مەن اۋىلداعى فاكتورلاردىڭ تەڭ تۇرعىدا اۋىسۋىنا، قوس باعىتتا جىلجۋىنا كەدەرگى بولاتىن تۇزىمدىك بوگەتتەردى الاستاپ، الدىمەن اۋدان كولەمىندە قالا مەن اۋىلدىڭ ەكى نەگىزدى قۇرىلىمىن جويۋ كەرەك. اۋىل - قىستاق رەفورماسىن ىلگەرىلەتۋدە، ءسوز جوق، تاريحي ۇستامدىلىقتى ساقتاپ، كوز جەتكىزگەننەن كەيىن ىلگەرىلەتۋ، شارت - جاعداي جەتىلمەسە، اسىعىپ قوزعاماۋ كەرەك.
ماقالادا مىنالار اتاپ كورسەتىلدى: اۋىل - قىستاقتى وسىزامانداندىرۋ قۇرىلىسىن زور كۇشپەن ىلگەرىلەتۋ كەرەك. اۋىل - قىستاقتى وسىزامانداندىرۋ − اۋىل شارۋاشىلىعىندا قۋاتتى ەل قۇرۋدىڭ ىشكى تالابى جانە قاجەتتى شارتى، قونىسقا جايلى، كاسىپكە ىڭعايلى، جاراسىمدى دا كورىكتى اۋىل - قىستاق قۇرۋ − اۋىل شارۋاشىلىعىندا قۋاتتى ەل قۇرۋدىڭ تيەسىلى ءمانى. اۋىل شارۋاشىلىعىن وسىزامانداندىرۋ مەن اۋىل - قىستاقتى وسىزامانداندىرۋدى ءبىر تۇلعالاندىرا ىلگەرىلەتىپ، اۋىل - قىستاقتىڭ سىرتىنان ىشىنە دەيىن، سىرتقى كەلبەتى مەن رۋحى سايما - ساي جان - جاقتى دامۋىن جۇزەگە اسىرۋ كەرەك. ”اۋىل - قىستاقتىڭ وسى زامانعى تۇرمىس شارت - جاعدايىن نەگىزىنەن ازىرلەۋى“ نىساناسىن كوزدەپ، اۋىل - قىستاق قۇرىلىسى ارەكەتىن ويداعىداي ۇيىمداستىرىپ اتقارىپ، شارۋالاردىڭ ءوز جەرىندە - اق وسى زامانعى وركەنيەتتى تۇرمىس كەشىرۋىنە مۇمكىندىك جاساۋ كەرەك. پارتيا ۇيىمىنىڭ باسشىلىعىنداعى ءوزىن - ءوزى باسقارۋ، زاڭمەن باسقارۋ، مورالمەن باسقارۋ ءوزارا ۇشتاستىرىلعان اۋىل - قىستاق باسقارۋ جۇيەسىن كەمەلدەندىرىپ، اۋىل - قىستاقتىڭ ومىرشەڭدىك كۇشىن قاۋلاتۋ ءارى ورنىقتى دا ءتارتىپتى ەتۋ كەرەك. اۋىل - قىستاقتى وسىزامانداندىرۋدى ىلگەرىلەتۋدە ماتەريالدىق تۇرمىس مول بولىپ قالماستان، رۋحاني تۇرمىس تا باي بولىپ، اۋىل - قىستاقتىڭ رۋحاني وركەنيەت قۇرىلىسىن كۇشەيتۋ كەرەك.
ماقالادا مىنالار اتاپ كورسەتىلدى: پارتيانىڭ اۋىل شارۋاشىلىعىندا قۋاتتى ەل قۇرۋدى جەدەلدەتۋگە جالپى بەتتىك باسشىلىعىن كۇشەيتۋ كەرەك. اۋىل - قىستاقتى گۇلدەندىرۋدى جاپپاي ىلگەرىلەتۋدىڭ، اۋىل شارۋاشىلىعىندا قۋاتتى ەل قۇرۋدى جەدەلدەتۋدىڭ تەتىگى پارتيادا. پارتيانىڭ اۋىل شارۋاشىلىعى، اۋىل - قىستاق، شارۋالار قىزمەتىنە باسشىلىق ەتۋ پرينسيبىنە، ءسوزسىز، بۇلجىماي تاباندى بولىپ، باسشىلىق ءتۇزىلىسى مەن قىزمەت مەحانيزمىن اقاۋسىزداندىرىپ، اۋىل شارۋاشىلىعىندا قۋاتتى ەل قۇرۋدى جەدەلدەتۋگە پارمەندى كەپىلدىك ازىرلەۋ كەرەك. بەس دارەجەلى شۋجيلەر اۋىل - قىستاقتى گۇلدەندىرۋدى يگەرۋ − پارتيا ورتالىق كوميتەتىنىڭ ايقىن تالابى، سونداي - اق اۋىل شارۋاشىلىعىندا قۋاتتى ەل قۇرۋدى جەدەلدەتۋدىڭ ءونىمدى مەحانيزمى. ساياسيدا توسەلگەن، جاڭا ءداۋىر تالابىنا ۇيلەسەتىن، اۋىل شارۋاشىلىعىندا قۋاتتى ەل قۇرۋعا باسشىلىق ەتۋ قابىلەتى بار اۋىل شارۋاشىلىعى، اۋىل - قىستاق، شارۋالار قىزمەتى كادرلار قوسىنىن تۇلعالاۋ، بايسالدى، تۇراقتاپ تۇرا الاتىن، جارامدى اۋىل - قىستاق دارىندىلار قوسىنىن سومداۋ كەرەك. اۋىل - قىستاق نەگىزگى ساتى پارتيا ۇيىمى − پارتيانىڭ اۋىل - قىستاقتاعى بارلىق قىزمەتىنىڭ جانە جاۋىنگەرلىك قۋاتىنىڭ نەگىزى. قىستاق پارتيا ۇيىمىنىڭ باسشىلىعىنداعى قىستاق دارەجەلى ۇيىمدىق جۇيەنى اقاۋسىزداندىرىپ، اۋىل - قىستاق نەگىزگى ساتى پارتيا ۇيىمىن پارتيانىڭ باسشىلىعىن ءونىمدى تۇردە جۇزەگە اسىراتىن پارمەندى جاۋىنگەرلىك قامال ەتىپ قۇرىپ شىعۋ كەرەك.
ماقالادا مىنالار باسا دارىپتەلدى: اۋىل شارۋاشىلىعىندا قۋاتتى ەل بولۋ قۇلشىنۋمەن، ەڭبەك ەتۋمەن، كۇرەس جۇرگىزۋمەن كەلەدى. قايراتتانا ىسكە كىرىسىپ، اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىن، اۋىل - قىستاقتى وسىزامانداندىرۋ اياق الىسىن جەدەلدەتىپ، اۋىل شارۋاشىلىعىندا قۋاتتى ەل قۇرۋدى جەدەلدەتۋ جولىندا قۇلشىنا كۇرەس جۇرگىزۋ كەرەك.
