ءتوراعا شي جينپيڭنىڭ 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ جابىلۋ جينالىسىنداعى ماڭىزدى ءسوزى شينجياڭداعى قالىڭ كادرلار مەن بۇقارانى شابىتتاندىردى −
كۇش - قۋات توپتاپ، جاڭا جورىقتا تاعى دا تىڭ شۇعىلالى تابىستار جاراتامىز
”قازىردەن باستاپ وسى عاسىردىڭ ورتا شەنىنە دەيىن، جاپپاي سوتسياليستىك وسىزاماندانعان قۇدىرەتتى مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ − بۇكىل پارتيانىڭ، بۇكىل ەل حالقىنىڭ وزەكتى مىندەتى“. ءتوراعا شي جينپيڭنىڭ 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ جابىلۋ جينالىسىنداعى ماڭىزدى ءسوزى شينجياڭداعى قالىڭ كادرلار مەن بۇقارانىڭ جۇرەگىن تەبىرەنتتى. كوپشىلىك مىنالاردى ءبىلدىردى: يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، اناعۇرلىم اسقاق رۋحاني بەينەمەن جانە ەرلىكپەن سايىسۋ كۇيىمەن، ىنتىماقتاسا كۇرەس جۇرگىزىپ، ءورىس اشا جاڭالىق اشىپ، جاپپاي سوتسياليستىك وسىزاماندانعان مەملەكەت قۇرۋدىڭ شينجياڭ تاراۋىن ويداعىداي جازىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا تاعى دا تىڭ شۇعىلالى تابىستار جاراتامىز.
”ءتوراعا شي جينپيڭ مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا ءبىز جوعارى ساپالى دامۋدى بۇلجىماي ىلگەرىلەتۋىمىز كەرەك دەپ اتاپ كورسەتتى، بۇل ءبىز جونىنەن ەڭ ۇلكەن شابىتتاندىرۋ، ەڭ كۇشتى قوزعاۋشى كۇش سانالادى“، - دەدى قارامايلى قالالىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى، ورقى رايوندىق پارتكومنىڭ شۋجيى شۋە حۇڭشۇن، - كاسىپ سالاسى ەكونوميكانىڭ دامۋىنىڭ ماڭىزدى ىرگە تاسى، ورقى رايونى وڭىرلىك ورىن، بايلىق، ەنەرگيا سياقتى باسىمدىقتارىن سۇيەنىش ەتىپ، جوعارى ساپالى دامۋدى جەتەكشى ەتۋگە تاباندى بولىپ، قاتىناس بايلانىسىن ورناتۋ كاسىپ سالاسى، تۇتاس وڭىرلىك ساياحات، اۋىل - قىستاقتى گۇلدەندىرۋ سياقتى جەتەكشى كاسىپ سالالارىنىڭ باسىمدىعىن ۇزدىكسىز كۇشەيتىپ، تاماشا شارۋاشىلىق - ساۋدا ورتاسىن بەلسەنە قالىپتاستىرىپ، جەتەكتەۋ قۋاتى كۇشتى، جەتىلۋى جاقسى جوعارى - تومەن بۋىنداعى قاتىستى كاسىپورىنداردى ەنگىزىپ، كاسىپ سالاسى شوعىرىن زورايتىپ، كۇشەيتىپ، جاڭا ەنەرگيا، جاڭا ماتەريال، قامبادا ساقتاۋ - زات اينالىمى، جابدىق جاساۋ سياقتى جاڭادان گۇلدەنگەن كاسىپ سالالارىن ناقتىلاندىرىپ، ەگجەي - تەگجەيلىلەندىرىپ، ءوز جەرىنىڭ ءىس جۇزىندىگىنە ۇيلەسەتىن وسىزاماندانعان كاسىپ سالاسى جۇيەسىن جەدەل قالىپتاستىرىپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتەدى.
”ءتوراعا شي جينپيڭنىڭ سوزىندە جاڭا جورىقتا جوعارى ساپالى دامۋدى بۇلجىماستان ىلگەرىلەتۋ سەنىمى مەن بەكىمى اشىق ايتىلدى“. ءۇرىمجى گانچۋانپۋ ەكونوميكالىق - تەحنيكالىق اشۋ رايونى (ونەركاسىپ رايونى) پارتيا قىزمەت كوميتەتىنىڭ شۋجيى تاڭ شان مىنالاردى ءبىلدىردى: گانچۋانپۋ ەكونوميكالىق - تەحنيكالىق اشۋ رايونى وزىق قۇرىلىمدىق ماتەريالدار كاسىپ سالاسى شوعىرىن ارقاۋ ەتىپ، ”عىلىم - تەحنيكادا قۋاتتى كاسىپورىن قۇرۋ“ ستراتەگياسىن اتقارىپ، جۇڭگو عىلىم اكادەمياسىنىڭ شينجياڭ بولىمشەسى، مەملەكەت دارەجەلى كاسىپورىندار تەحنيكا ورتالىعى سياقتى زەرتتەۋ - اشۋ تۇعىرلارىن سۇيەنىش ەتىپ، ءوندىرۋ، ۇيرەنۋ، زەرتتەۋدىڭ تەرەڭدەي توعىسا دامۋىن ىشكەرىلەي ىلگەرىلەتىپ، كرەمني نەگىزدى، اليۋمين نەگىزدى، كومىرتەگى نەگىزدى، بيولوگيالىق نەگىزدى جەتەكشى كاسىپ سالالارىنىڭ 8 ۇلكەن تۇردەگى باستى ونىمدەرىنىڭ جانە جوعارى - تومەن بۋىنداعى 14 ءتۇرلى سايكەستى ونىمدەرىنىڭ اينالىمدى جۇيەسىن ۇزدىكسىز كەمەلدەندىرىپ، باستاماشى كاسىپورىنداردىڭ عىلمي زەرتتەۋ قۇرىلىمدارىمەن بىرلەسىپ، باقشا رايونىندا جاڭادان زەرتتەۋ ورنىن، تاجىريبەحانا جانە عىلىم - تەحنيكانى جەتىلدىرۋ تۇعىرىن قۇرۋىن قولداپ، عىلمي زەرتتەۋ تەحنيكا جەتىستىكتەرىن كادەگە جاراتۋدى ىرىقتىلىقپەن ۇستىنە الىپ، جوعارى ساپالى دامۋعا قۋات ۇستەيدى.
وقۋ - اعارتۋ، عىلىم - تەحنيكا، دارىندىلار − جاپپاي سوتسياليستىك وسىزاماندانعان مەملەكەت قۇرۋدىڭ نەگىزدىك سيپاتتى، ستراتەگيالىق سيپاتتى تىرەگى. ءتوراعا شي جينپيڭنىڭ ”عىلىم - تەحنيكادا ءوز كۇشىنە سۇيەنۋ، ءوزىن الۋەتتەندىرۋ قابىلەتىن كۇش سالا جوعارىلاتۋ كەرەك“ دەگەن ءسوزىن ەستىگەندە جۇڭگو مۇناي حيميا ونەركاسىبى جارنا شەكتى سەرىكتەستىگى باتىس سولتۇستىك مۇناي الابى بولىمشە سەرىكتەستىگى عىلىم - تەحنيكا ءبولىمىنىڭ ورىنباسار ديرەكتورى ۋاڭ ياڭ ەرەكشە تەبىرەندى. ”جاڭا كەزەڭدە جاڭا دامۋ ارناسىن قالىپتاستىرۋ جاڭا تالابى الدىندا جۇڭگو مۇناي حيميا ونەركاسىبى جارنا شەكتى سەرىكتەستىگى حالىقارادا بىرەگەي، تەحنيكادا جەتەكشى كاسىپورىن تۇلعالاۋعا تاباندى بولىپ، مەملەكەتتىڭ ەنەرگيا حاۋىپسىزدىگىنىڭ تومەنگى شەگىن ساقتادى، سونىمەن بىرگە سۋتەگى ەنەرگياسى كاسىپ سالاسىنىڭ دامۋىن جەبەۋ اۋىر مىندەتىن ارقالاپ، ورتالىق كاسىپورىنداردىڭ جاۋاپكەرشىلىك ارقالايتىندىعىن ايگىلەدى“. ۋاڭ ياڭ بىلاي دەدى: جوعارى دەڭگەيدەگى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جەدەل جۇزەگە اسىرۋ − ءاربىر عىلىم - تەحنيكا قىزمەتكەرلەرىنىڭ بورىشى. جاڭا تەحنيكالاردى، جاڭا ادىستەردى ۇڭىلە زەرتتەپ، اسا تەرەڭ ۇڭعىما ينجەنەرياسى عىلىم - تەحنيكاسىنان قامال الۋ شايقاسىن ويداعىداي جۇرگىزۋ كەرەك.
”ءبىز حالىقتى بارىنەن جوعارى قويۋعا باستان - اياق تاباندى بولۋىمىز كەرەك“. ”حالىقتى وزەك ەتكەن دامۋ يدەياسىن دايەكتىلەندىرۋ كەرەك“. ”حالىق تۇرمىسىنىڭ تومەنگى شەگىن بەرىك ساقتاپ، حالىق بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن ويداعىداي شەشىپ، وسىزامانداندىرۋ قۇرىلىسىنىڭ جەتىستىكتەرىنەن جالپى حالىقتى اناعۇرلىم كوپ، اناعۇرلىم ءادىل يگىلىكتەندىرۋ كەرەك“... ءتوراعا شي جينپيڭنىڭ سوزدەرى تۇرپان قالاسى گاۋچاڭ رايونى جار قالاشىعى شاللىق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي نيجاتجان ساتتاردى ەرەكشە مەيىرگە بولەدى. ”نەگىزگى ساتى كادرى رەتىندە، بۇقارانى كىرىستى ارتتىرىپ بايۋعا باستاۋ − داۋ جۇرمەيتىن قيسىن“. نيجاتجان ساتتار بىلاي دەدى: الداعى جەردە شاللىق قىستاعى پارتيا قۇرىلىسى ارقىلى بىرىككەن كۇش ۇيىستىرۋعا جەتەكشىلىك ەتىپ، جەرگىلىكتى جاعدايعا قاراي دامۋدى كوزدەپ، شارۋالاردى قولدانىلمالى تەحنيكالىق شەبەرلىككە باۋلۋ، اۋىل - قىستاق ەرەكشە كاسىپ سالاسىن دامىتۋ، قىستاقتىڭ بەت - بەينەسىن جاقسارتۋ سياقتىلاردى ءبىر تۇتاس جوسپارلاپ ىلگەرىلەتىپ، شارۋالاردى شىنىمەن يگىلىككە كەنەلتەدى.
”اۋىل شارۋاشىلىعىنىڭ، اۋىل - قىستاقتىڭ وسىزاماندانۋى بولماسا، تۇتاس مەملەكەتتىڭ وسىزاماندانۋى بولماق ەمەس“. قاراقاش اۋداندىق اۋىل شارۋاشىلىعى، اۋىل - قىستاق مەكەمەسى پارتيا باسشىلىق گرۋپپاسىنىڭ شۋجيى فۋ حاۋ مىنالاردى ءبىلدىردى: بيىل كاسىپتىك شارۋالار مەن جاڭاشا اۋىل شارۋاشىلىعى تيجارات تۇلعاسىن باۋلۋدى ەرەكشە كۇشەيتىپ، اۋىل - قىستاق ينفورماتسيا دارىندىلارى قوسىنىن تۇلعالاپ، شارۋالاردى وسى زامانعى عىلىم - تەحنيكا جەتىستىكتەرىنەن تولىق يگىلىكتەندىرىپ، اۋىل شارۋاشىلىعىنا عىلىم - تەحنيكا ”قاناتىن“ بىتىرەمىز. سونىمەن بىرگە جوعارى ءتۇسىمدى، ساپالى، جوعارى ءونىمدى، ەكولوگيالى، حاۋىپسىز اۋىل شارۋاشىلىعىن دامىتۋ تالابىنا ۇيلەسەتىن اۋىل شارۋاشىلىعى تەحنيكالىق دارىندىلارى مەن تەحنيكالىق جۇيەنى جەتىلدىرۋدى جانە ورناتۋدى جەدەلدەتىپ، اۋىل - قىستاقتىڭ 1 -، 2 -، 3 - كاسىپ سالاسىنىڭ توعىسپالى دامۋىن جەبەيمىز.
حاۋىپسىزدىك − دامۋدىڭ نەگىزى، ورنىقتىلىق − قۇدىرەتتەنۋدىڭ، گۇلدەنۋدىڭ العى شارتى. ”ءتوراعا شي جينپيڭنىڭ ماڭىزدى ءسوزى حاۋىپ - قاتەردەن ساقتانۋ، حاۋىپسىزدىككە كەپىلدىك ەتۋ، ورنىقتىلىقتى قورعاۋ، دامۋدى جەبەۋ قىزمەتتەرىن ويداعىداي ىستەۋىمىزگە العا باسۋ باعدارىن كورسەتىپ، ءتۇبىرلى بويسۇنۋ ولشەمىن ازىرلەدى“. شينجياڭ ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ باس اترەتىنىڭ ورىنباسار باس اترەت باستىعى ساۋ شۇيدۇڭ بىلاي دەدى: جالپى تۇلعالىق مەملەكەت حاۋىپسىزدىگى كوزقاراسىن ىشكەرىلەي دايەكتىلەندىرىپ، تاۋقىمەت تانىمىن اناعۇرلىم كۇشەيتىپ، تومەنگى شەكتە ويلاۋدى كۇشەيتىپ، ءورت ءسوندىرۋ، ورتتەن ساقتانۋ قىزمەتى جاۋاپكەرشىلىك جۇيەسىن بىرتىندەپ كەمەلدەندىرىپ، ەلەۋلى حاۋىپسىزدىك حاۋىپ - قاتەرىنەن جۇيەلى ساقتانىپ جانە ونى جويىپ، نەگىزگى ساتى ءورت ءسوندىرۋ، ورتتەن ساقتانۋ كۇشتەرى قۇرىلىسىن جەدەل ىلگەرىلەتىپ، ناقتى شايقاستا اسكەر شىنىقتىرۋدى كۇشەيتىپ، ينفورماتسيالاندىرۋ، عىلىم - تەحنيكالاندىرۋ قولدانىلىمىن كورنەكتىلەندىرىپ، شينجياڭ ەكونوميكاسىنىڭ، قوعامىنىڭ جوعارى ساپالى دامۋىن جوعارى دەڭگەيدەگى حاۋىپسىزدىك ارقىلى قورعايمىز.
(ءتىلشى ليۋ شياڭ، قاتىناسقان تىلشىلەر گو ليڭ، يۇي جياڭيان، ما ينيڭ، رىن جياڭ، ءپاريزات ابدۇل، جاڭ رۇيلين، ەرىكتى تىلشىلەر ليۋ شاۋبين، جاۋ يۇي)
