جوعارى ساپالى دامۋدى بۇلجىماي ىلگەرىلەتەيىك
− ءتوراعا شي جينپيڭنىڭ 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندەگى ماڭىزدى ءسوزىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
جوعارى ساپالى دامۋ ەلىمىزدىڭ سوتسياليستىك وسىزامانداندىرۋ قۇرىلىسىنىڭ جالپى جاعدايىمەن بايلانىستى. 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندە ءتوراعا شي جينپيڭ بۇكىل پارتيانىڭ، بۇكىل ەل حالقىنىڭ وزەكتى مىندەتىن كوزدە ۇستاي وتىرىپ، ”مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا، ءبىز جوعارى ساپالى دامۋدى بۇلجىماي ىلگەرىلەتۋىمىز كەرەك“، - دەپ باسا دارىپتەدى.
جاڭا داۋىردەگى 10 جىل − ەلىمىزدىڭ ەكونوميكالىق، قوعامدىق دامۋى تاريحي تابىستارعا قول جەتكىزگەن، تاريحي وزگەرىستەر تۋىلعان، جوعارى ساپالى دامۋعا قاراي بۇرىلىس جاساعان 10 جىل بولدى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ەلىمىزدىڭ دامۋ ۇلكەن اۋقىمىن عىلمي يگەرىپ، جاڭا دامۋ ۇستانىمىن العا قويىپ ءارى دايەكتىلەندىرىپ، جوعارى ساپالى دامۋدى كۇش سالا ىلگەرىلەتىپ، جاڭا دامۋ ارناسىن قالىپتاستىرۋدى ىلگەرىلەتىپ، قامداۋ جاعىنداعى قۇرىلىمدىق رەفورمانى اتقارىپ، ەلىمىز ەكونوميكاسىنىڭ اناعۇرلىم جوعارى ساپالى، اناعۇرلىم ونىمدىلىككە يە، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋ جولىنا تۇسۋىنە جەتەكشىلىك ەتتى. 10 جىلدان بەرى ەلىمىزدىڭ ەكونوميكالىق ناقتى قۋاتى تاريحي سەكىرۋدى جۇزەگە اسىرىپ، دۇنيە ءجۇزى ەكونوميكاسىنىڭ ارتۋىنا قوسقان ۇلەسى الەم بويىنشا الدىڭعى ورىندى يەلەدى، ستراتەگيالىق جاڭادان گۇلدەنگەن كاسىپ سالالارى دامىپ، ۇلعايىپ، دامۋدىڭ تەپە - تەڭدىگى، سايكەسىمدىلىگى، قامتىمدىلىعى ۇزدىكسىز جوعارىلاپ، ەكولوگيالىق ورتادا كورنەكتى جاقسارۋ جانە بەتالىستىق جاقسارۋ جارىققا شىعىپ، ”ءبىر بەلدەۋ، ءبىر جولدى“ بىرگە قۇرۋ تەرەڭدەپ، ناقتىلانىپ، جاڭاشىل مەملەكەت قۇرىلىسىندا كەلەلى ىلگەرىلەۋشىلىككە قول جەتتى. وتە - موتە، مۇلدەم كەدەيلىك ماسەلەسىن تاريحي سيپاتتى شەشىپ، دەر كەزىندە جاپپاي دوڭگەلەك داۋلەتتى قوعام ورناتىپ، ءبىرىنشى 100 جىلدىق كۇرەس نىساناسىن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستادىق. اماليات مىنانى تولىق دالەلدەدى: جوعارى ساپالى دامۋدى ىلگەرىلەتۋ − ەكونوميكالىق دامۋ زاڭدىلىعىنا بويسۇنۋدىڭ، ەكونوميكانىڭ باياندى، اقاۋسىز دامۋىن ساقتاۋدىڭ قاجەتتى تالابى، ەلىمىز قوعامىنداعى باستى قايشىلىقتىڭ وزگەرىسىنە ۇيلەسۋدىڭ، دامۋداعى بىركەلكى بولماۋ، تولىق بولماۋ ماسەلەلەرىن شەشۋدىڭ قاجەتتى تالابى، ءتۇرلى ەلەۋلى حاۋىپ - قاتەرلەردەن، سىن - سايىستاردان ءونىمدى ساقتانۋدىڭ جانە ونى جويۋدىڭ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدىڭ قاجەتتى تالابى.
ءتوراعا شي جينپيڭ بىلاي دەپ باسا دارىپتەدى: قازىردەن باستاپ وسى عاسىردىڭ ورتا شەنىنە دەيىن، جاپپاي سوتسياليستىك وسىزاماندانعان قۇدىرەتتى مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ − بۇكىل پارتيانىڭ، بۇكىل ەل حالقىنىڭ وزەكتى مىندەتى“. پارتيا 20 - قۇرىلتايى بايانداماسىندا بىلاي دەپ العا قويىلدى: ”جوعارى ساپالى دامۋ − جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتى“. كەزەكتە ەلىمىزدىڭ دامۋى جاڭا ستراتەگيالىق ورايعا، جاڭا ستراتەگيالىق مىندەتكە، جاڭا ستراتەگيالىق كەزەڭگە، جاڭا ستراتەگيالىق تالاپقا، جاڭا ستراتەگيالىق ورتاعا ءدوپ كەلدى. دامۋ − پارتيانىڭ بيلىك جۇرگىزىپ، مەملەكەتتى كوركەيتۋدەگى ماڭداي الدى ماڭىزدى مىندەتى ەكەندىگىن، بەرىك ماتەريالدىق تەحنيكا نەگىزى بولماسا، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋ مۇمكىن ەمەس ەكەندىگىن، ءسوز جوق، تەرەڭ تانىپ جەتۋ كەرەك. ءتۇرلى حاۋىپ - قاتەرلەر مەن كومەسكى كىناراتتاردان ساقتانىپ جانە ولاردى جويىپ، سىرتقى ورتانىڭ وزگەرىسى الا كەلگەن سوققىلار مەن سىن - سايىستارعا بەلسەندىلىكپەن توتەپ بەرۋدىڭ تەتىگى − ءوز ءىسىمىزدى ويداعىداي ىستەپ، دامۋ ساپاسىن جوعارىلاتىپ، حالىقارالىق باسەكەلىك قۋاتتى جوعارىلاتىپ، مەملەكەتتىڭ جالپىلىق ناقتى قۋاتى مەن حاۋىپ - قاتەرگە توتەپ بەرۋ قابىلەتىن كۇشەيتۋ. مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا تەك جوعارى ساپالى دامۋ سىندى ماڭداي الدى مىندەتتى مىقتى يگەرىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، ەل ءىشى ۇلكەن اينالىمىن نەگىزگى تۇلعا ەتكەن، ەل ءىشى جانە حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن جەدەل قالىپتاستىرىپ، ەكونوميكانىڭ ساپا جاعىندا ۇتىمدى ءوسۋىن جانە سان جاعىندا ۇيلەسىمدى ارتۋىن جۇزەگە اسىرۋدى ىلگەرىلەتكەندە عانا، ەلىمىزدىڭ ەكونوميكالىق ناقتى قۋاتىن، عىلىم - تەحنيكالىق ناقتى قۋاتىن، مەملەكەتتىڭ جالپىلىق قۋاتىن ۇزدىكسىز زورايتۋعا بولادى.
جوعارى ساپالى دامۋ − جاڭا دامۋ ۇستانىمىن ايگىلەيتىن دامۋ، جوعارى ساپالى دامۋدى جۇزەگە اسىرۋ − جۇڭگو ۇلگىسىندەگى وسىزامانداندىرۋدىڭ ماندىك تالابىنىڭ ءبىرى. جوعارى ساپالى دامۋدى بۇلجىماي ىلگەرىلەتۋدە، ءسوز جوق، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، ءسوز جوق، ساپانىڭ ۇتىمدى ءوسۋى مەن ساننىڭ ۇيلەسىمدى ارتۋىن اناعۇرلىم ويداعىداي ءبىر تۇتاس جوسپارلاپ، ءسوز جوق، رەفورما جاساۋدى، ەسىك اشۋدى بۇلجىماي تەرەڭدەتىپ، دامۋ تاسىلىنە ىشكەرىلەي بۇرىلىس جاساپ، ءسوز جوق، حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋدى شىعار ءتۇيىن جانە تابان تىرەر تياناق ەتۋ كەرەك. جوعارى دەڭگەيلى عىلىم - تەحنيكا ارقىلى ءوز كۇشىنە سۇيەنىپ، ءوزىن الۋەتتەندىرۋدى جەدەل جۇزەگە اسىرۋ − جوعارى ساپالى دامۋدى ىلگەرىلەتۋدىڭ، ءسوزسىز، باسىپ وتەتىن جولى، مەملەكەتتى عىلىم - تەحنيكامەن، وقۋ - اعارتۋمەن گۇلدەندىرۋ ستراتەگياسىن، دارىندىلاردا قۋاتتى ەل ستراتەگياسىن، دامۋعا جاڭالىق اشۋ ارقىلى دەم بەرۋ ستراتەگياسىن ىشكەرىلەي اتقارىپ، عىلىم - تەحنيكادا ءوز كۇشىنە سۇيەنۋ، ءوزىن الۋەتتەندىرۋ قابىلەتىن كۇش سالا جوعارىلاتىپ، دامۋدىڭ جاڭا سالاسىن، جاڭا جارىس جولىن ۇزدىكسىز اشىپ، دامۋدىڭ جاڭا قوزعاۋشى قۋاتىن، جاڭا باسىمدىعىن سومداۋ كەرەك. جاڭا دامۋ ارناسىن جەدەل قالىپتاستىرۋ − جوعارى ساپالى دامۋدى ىلگەرىلەتۋدىڭ ستراتەگيالىق نەگىزگى ءتۇيىنى. ىشكى سۇرانىستى كەڭەيتۋ ستراتەگياسىن اتقارۋدى قامداۋ جاعىنداعى قۇرىلىمدىق رەفورمانى تەرەڭدەتۋمەن ورگانيكالى ۇشتاستىرىپ، ەكونوميكانى دامىتۋدىڭ كۇش سالۋ ءتۇيىنىن ناقتى ەكونوميكاعا اۋدارۋعا تاباندى بولىپ، ەلىمىز ەكونوميكاسىنىڭ دامۋىنىڭ نەگىزىن بەكەمدەۋ، دامۋدىڭ حاۋىپسىزدىگىن، ورنىقتىلىعىن كۇشەيتۋ، ەلىمىزدىڭ ءومىر ءسۇرۋ قابىلەتىن، باسەكەلىك قابىلەتىن، دامۋ قابىلەتىن، باياندى جالعاستىرۋ قابىلەتىن ۇزدىكسىز كۇشەيتۋ كەرەك. اۋىل شارۋاشىلىعىندا قۋاتتى ەل بولۋ − سوتسياليستىك وسىزاماندانعان قۇدىرەتتى ەل بولۋدىڭ نەگىزى، اۋىل شارۋاشىلىعىنىڭ وسىزاماندانۋىن ىلگەرىلەتۋ − جوعارى ساپالى دامۋدى جۇزەگە اسىرۋدىڭ قاجەتتى تالابى. استىقپەن جانە ماڭىزدى اۋىل شارۋاشىلىق ونىمدەرىمەن ورنىقتى، حاۋىپسىز قامداۋعا شىنايى كەپىلدىك ەتىپ، كاسىپ سالاسىن گۇلدەندىرۋدى اۋىل - قىستاقتى گۇلدەندىرۋدەگى ماڭىزدىنىڭ ماڭىزدىسى ەتىپ، اۋىل شارۋاشىلىعىنىڭ ساپاسىن، ونىمدىلىگىن جانە باسەكەلىك قۋاتىن جوعارىلاتىپ، قونىسقا جايلى، كاسىپكە ىڭعايلى، جاراسىمدى دا كورىكتى اۋىل - قىستاق قۇرۋدى جەدەلدەتۋ كەرەك، اناعۇرلىم بەلسەندى ىسكەرلىك كورسەتىپ، اۋىل - قىستاقتى گۇلدەندىرۋدىڭ تياناقتانىپ ونىمدىلىك كورسەتۋىن جاپپاي ىلگەرىلەتۋگە شىنايى كەپىلدىك ەتۋ كەرەك. حالىقتىڭ باقىتتى، الاڭسىز بولۋى جوعارى ساپالى دامۋدى ىلگەرىلەتۋدىڭ ەڭ سوڭعى ماقساتى، قالىڭ حالىقتىڭ ءتۇبىرلى مۇددەسىن باستان - اياق كوكەيدە ساقتاپ، حالىقتىڭ ىرىس - قۇتىن ارتتىرۋعا تاباندى بولىپ، جوعارى ساپالى دامۋدى حالىقتىڭ تاماشا تۇرمىس قاجەتىن قاناعاتتاندىرۋمەن تىعىز ۇشتاستىرىپ، دامۋ جەتىستىكتەرىن تۇرمىس ساپاسىنا ۇزدىكسىز اينالدىرىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك.
اقيقات توتەنشە قاراپايىم بولادى، ناقتى ىستەۋ ماڭىزدى ورىندا تۇرادى. بيىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ باستاما جىلى، باستاما جالپى جاعدايعا سايادى، باستاپقى قادام سوڭعى بارىستى بەلگىلەيدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، جوعارى ساپالى دامۋدى ىلگەرىلەتۋدى نەگىزگى تاقىرىپ ەتۋگە تاباندى بولىپ، ەل ءىشى ۇلكەن اينالىمىنداعى ىشكى قوزعاۋشى كۇش پەن سەنىمدىلىكتى كۇشەيتىپ، حالىقارالىق اينالىمنىڭ ساپاسى مەن دەڭگەيىن جوعارىلاتىپ، وسىزاماندانعان ەكونوميكا جۇيەسىن قۇرۋدى جەدەلدەتىپ، تولىق فاكتورلى ءوندىرىس ونىمدىلىگىن كۇش سالا ارتتىرىپ، كاسىپ سالاسى تىزبەگىنىڭ، قامداۋ تىزبەگىنىڭ سەرپىمدىلىگى مەن حاۋىپسىزدىك ورەسىن كۇش سالا جوعارىلاتىپ، قالا مەن اۋىلدىڭ توعىسا دامۋى مەن وڭىرلىك سايكەسە دامۋدى كۇش سالا ىلگەرىلەتىپ، شىنايى يگەرىپ، ناقتى ىستەپ، شىندىققا جۇگىنىپ ناقتى ىستەرمەن اينالىسىپ، جوعارى ساپالى دامۋدىڭ تىڭ ونىمدىلىكتەرى ارقىلى جاپپاي سوتسياليستىك وسىزاماندانعان مەملەكەت قۇرۋدىڭ باستاماسىن جاقسى اشايىق، جاقسى قادام تاستايىق!
(شينحۋا اگەنتتىگىنىڭ 3 - ايدىڭ 15 - كۇنى بەيجيڭنەن بەرگەن حابارى)
