انار بۇلت \ شينجياڭ گازەتىنىڭ حابارى. 3 - ايدىڭ 15 - كۇنى ٴۇرىمجى قالالىق حالىق ۇكىمەتىنىڭ تورى «ٴۇرىمجى قالاسىنىڭ 2023 - جىلعى حالىق تۇرمىسىنا قاتىستى ناقتى ىستەرى جونىندەگى حابارلاندىرۋىن» جاريالاپ، 2023 - جىلى حالىق تۇرمىسىنا قاتىستى 12 ناقتى ٴىستى اتقارۋدى ۇيعاردى.
بۇقارانىڭ ٴجۇرىس - تۇرىسىنىڭ قولايلىلىق دارەجەسى جوعارىلايدى. T ءپىشىندى جول مەن ءۇزىلىپ قالعان جولداردان 26 سىن اشىپ، 3 ورىنداعى قاتىناس كەپتەلىسىن وزگەرتەدى. ورتالىق قالا رايونىندا 2000 جەر بەتى كولىك توقتاتۋ ورنىنان 2000ىن تىڭنان قوسادى، 3 ستەرەولى اۆتوكولىك توقتاتۋ قويماسىن جاڭادان سالىپ، ”كۇندىز توقتاتۋعا تيىم سالىناتىن، تۇندە تەگىن توقتاتۋعا بولاتىن“ حالىققا قولايلى اۆتوكولىك توقتاتۋ ورنىنان 1000ىن تىڭنان قوسىپ، كونە، ەسكى شاعىن اۋماقتارداعى تۇرعىنداردىڭ اۆتوكولىك توقتاتۋ قيىنشىلىعىن شەشىم ەتەدى. شارت - جاعدايىن دايىنداعان مەكتەپتەر، اسحانا شوعىرلانعان وڭىرلەردىڭ توڭىرەگىنە شەكتى ۋاقىت ىشىندە اۆتوكولىك توقتاتۋ ورنىن قۇرادى. 50 كيلومەترلىك اۋىل - قىستاق تاس جولىن جاڭالاۋ جانە اۋىل - قىستاق تاس جولىنىڭ حاۋىپسىزدىك ينجەنەرياسى قۇرىلىسى ورىندالادى. اۆتوكولىكتى الەۋمەتتىك زاريادتاۋ قۇرىلعىسىنان 2100 ى تىڭنان سالىنادى.
