اۆتونوميالى رايوننىڭ باس شۋجي شي جينپيڭنىڭ ماڭىزدى ءسوزىنىڭ رۋحىن جانە مەملەكەتتىك ەكى ءماجىلىستىڭ رۋحىن جەتكىزۋ، ۇيرەنۋ، دايەكتىلەندىرۋ كادرلار جينالىسى اشىلدى
يدەيا مەن ارەكەتتى مەملەكەتتىك ەكى ءماجىلىستىڭ رۋحىمەن بۇلجىماي بىرلىككە كەلتىرىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا شينجياڭ تاراۋىن قۇلشىنا جازۋ كەرەك
ما شيڭرۇي باسقاردى ءارى ءسوز سويلەدى
ەركىن تۇنياز، ءزۇمىرات وبۇل، نۇرلان ءابىلماجىن، نايىم ياسىن، لي يفي، جاڭ چۇنلين، حى جۇڭيوۋ قاتىناستى
انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، ليۋ شياڭ 3 - ايدىڭ 16 - كۇنى ۇرىمجىدەن حابارلايدى. اۆتونوميالى رايوننىڭ باس شۋجي شي جينپيڭنىڭ ماڭىزدى ءسوزىنىڭ رۋحىن جانە مەملەكەتتىك ەكى ءماجىلىستىڭ رۋحىن جەتكىزۋ، ۇيرەنۋ، دايەكتىلەندىرۋ كادرلار جينالىسى 3 - ايدىڭ 16 - كۇنى تۇستەن بۇرىن شينجياڭ حالىق سارايىندا اشىلدى. اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى ءارى ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن قاتىستى رۋحتى جەتكىزدى؛ نايىم ياسىن، لي يفي، جاڭ چۇنلين، حى جۇڭيوۋ قاتارلىلار ماجىلىسكە قاتىناستى.
ما شيڭرۇي بىلاي دەپ اتاپ كورسەتتى: وسى رەتكى مەملەكەتتىك ەكى ءماجىلىس ءبىر رەتكى دەموكراتيالى، ىنتىماقتى، شىندىققا ۇمتىلعان، ەكپىندەي ىلگەرىلەگەن ءماجىلىس بولدى. ماجىلىس كەزىندە باس شۋجي شي جينپيڭ ءبىر قىدىرۋ ماڭىزدى ءسوز سويلەپ، جوعارى ساپالى دامۋ، حالىقتىق شارۋاشىلىقتىڭ دامۋى، مەملەكەتتىڭ ءبىر تۇلعالانعان ستراتەگيالىق جۇيەسى مەن قابىلەت قۇرىلىسى سياقتىلاردى ارقاۋ ەتە وتىرىپ، جۇيەلى ورنالاستىرۋ جاسادى، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋدى ىلگەرىلەتۋ جونىندە كەلەلى ورنالاستىرۋ جاسادى، بۇل اسا كۇشتى ساياسي سيپاتقا، يدەيالىق سيپاتقا، ستراتەگيالىق سيپاتقا يە، ءبىزدىڭ جاڭا جورىقتا ەكپىندەي ىلگەرىلەۋىمىزگە، جاڭا داۋىردە ەسەلى ۇلەس قوسۋىمىزعا ءتۇبىرلى بويسۇنۋ ولشەمىن ازىرلەدى. باس شۋجي شي جينپيڭنىڭ جۇڭحۋا حالىق رەسپۋبليكاسىنىڭ ءتوراعالىعىنا، جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعالىعىنا تاعى دا تولىق داۋىسپەن سايلانۋى پارتيا ەركىنىڭ، حالىق ەركىنىڭ، مەملەكەت ەركىنىڭ وسكەلەڭ بىرلىگىن تولىق ايگىلەدى، بۇل − پارتيانىڭ زور باقىتى، مەملەكەتتىڭ زور باقىتى، ارميانىڭ زور باقىتى، حالىقتىڭ زور باقىتى، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن كوكىرەك كەرە ارشىندى قادام تاستاپ، اسقاق جىگەرمەن ەكىنشى 100 جىلدىق كۇرەس نىساناسىن جۇزەگە اسىرۋعا جورىق جاساپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە ۇزدىكسىز قول جەتكىزۋگە شابىتتاندىراتىندىعى داۋسىز. ءبىز مەملەكەتتىك ەكى ءماجىلىستىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن جاپپاي ۇيرەنىپ، ۇعىنىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، شىن مانىندە يدەيا مەن ارەكەتتى باس شۋجيدىڭ، پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ءۇشىن كۇش - قۋات قوسۋىمىز كەرەك.
ما شيڭرۇي بىلاي دەپ باسا دارىپتەدى: مەملەكەتتىك ەكى ءماجىلىستىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋ، ۇگىتتەۋ، دايەكتىلەندىرۋ − قازىرگى ۋاقىتتاعى جانە بۇدان بىلايعى ءبىر مەزگىلدەگى كەلەلى ساياسي مىندەت. وڭىرلەر، تاراۋلار، ورىندار باس شۋجي شي جينپيڭنىڭ جەلىلەس ماڭىزدى ءسوزىنىڭ رۋحىنىڭ باي مازمۇنى مەن وزەكتى ءمانىن ىشكەرىلەي ۇيرەنىپ، ءتۇسىنىپ، تەرەڭدەي ۇيرەنىپ، جەتە تۇسىنۋگە، جەتە ۇعىنىپ، تولىق تۇسىنۋگە مىقتاپ كۇش سالۋعا قۇلشىنىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋدى ىلگەرىلەتۋدىڭ كەلەلى ورنالاستىرۋلارىن تەرەڭ ءتۇسىنىپ جانە يگەرىپ، جوعارى ساپالى دامۋ سىندى جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتىن تەرەڭ ءتۇسىنىپ جانە يگەرىپ، حالىقارالىق جانە ەل ءىشى ورتاسىنىڭ تەرەڭ دە كۇردەلى وزگەرىسىنە توتەپ بەرۋدىڭ ءادىسىن، جولىن تەرەڭ ءتۇسىنىپ جانە يگەرىپ، حالىقتىق شارۋاشىلىقتى اقاۋسىز دامۋعا، جوعارى ساپالى دامۋعا دۇرىس باستاۋدىڭ ماڭىزدى تالابىن تەرەڭ ءتۇسىنىپ جانە يگەرىپ، بيىلعى ەكونوميكالىق، قوعامدىق دامۋدىڭ نىسانا - مىندەتتەرىن تەرەڭ ءتۇسىنىپ جانە يگەرىپ، شىن مانىندە يدەيانى بىرلىككە كەلتىرىپ، تانىمدى بىرلىككە كەلتىرىپ، ۇيرەنۋ ارقىلى امالياتتا ايگىلەۋدى، ۇيرەنۋ ارقىلى قولدانا ءبىلۋدى ورىنداۋ كەرەك. تاباندىلىقپەن ءار ۇلت كادرلارى مەن بۇقاراسى قۋانا قابىلدايتىن فورمالاردى جانە تاسىلدەردى قولدانىپ، ءار ءتۇرلى ۇگىتتەۋ، ۇگىت لەكسيا جاساۋ قيمىلدارىن مۇقيات ۇيىمداستىرىپ ورىستەتىپ، كوپشىلىكتىڭ تۇسىنە الۋىنا، يگەرە الۋىنا، تياناقتاندىرا الۋىنا مۇمكىندىك جاساپ، مەملەكەتتىك ەكى ءماجىلىس رۋحىنىڭ تيانشان الابىنا تارالۋىن، سان مىڭداعان وتباسىنا جەتۋىن ىلگەرىلەتىپ، بۇكىل رايونداعى ءار ۇلت كادرلارى مەن بۇقاراسىنىڭ اقىل - پاراساتى مەن كۇش - قۋاتىن باس شۋجيدىڭ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋگە، تياناقتاندىرۋعا ۇيىستىرىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا شينجياڭ تاراۋىن قۇلشىنا جازۋ كەرەك.
ما شيڭرۇي بىلاي دەپ باسا دارىپتەدى: مەملەكەتتىك ەكى ءماجىلىستىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن بۇلجىماي دايەكتىلەندىرۋدى، تياناقتاندىرۋدى پارتيا 20 - قۇرىلتايىنىڭ جانە 20 - كەزەكتى ورتالىق كوميتەتتىڭ ءبىرىنشى، ەكىنشى جالپى ماجىلىستەرىنىڭ رۋحىن جاپپاي دايەكتىلەندىرۋمەن تىعىز ۇشتاستىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن دايەكتىلەندىرۋمەن، تياناقتاندىرۋمەن تىعىز ۇشتاستىرىپ، جۇڭگو ۇلگىسىندەگى وسىزامانداندىرۋدى تىڭعىلىقتى ىلگەرىلەتۋدىڭ شينجياڭ امالياتىمەن تىعىز ۇشتاستىرىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى بۇلجىماستان ىلگەرىلەتۋ كەرەك. شينجياڭنىڭ بۇكىل ەلدىڭ دامۋ كەلەلى جاعدايىنداعى ستراتەگيالىق ورنىن شىن مانىندە ءدال تاۋىپ، ازيا − ەۆروپانىڭ التىن ارناسىن جانە باتىسقا ەسىك اشۋدىڭ الدىڭعى شەبىن بەلسەنە تۇلعالاپ، جاڭا دامۋ ارناسىنىڭ ستراتەگيالىق تىرەگىن، بۇكىل ەلدىڭ ەنەرگيا جانە بايلىق ستراتەگيالىق قامتاماسىزدىعى بازاسىن، بۇكىل ەلدىڭ ساپالى ەگىن، مال شارۋاشىلىعى ونىمدەرىمەن ماڭىزدى قامداۋ بازاسىن، مەملەكەتتىڭ وڭىرلىك حاۋىپسىزدىگىن قورعاۋدىڭ ستراتەگيالىق قالتقىسىن قۇرۋ كەرەك. شينجياڭدى جاپپاي زاڭمەن باسقارۋعا تاباندى بولىپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن ورنىقتى قاداممەن ىلگەرىلەتىپ، مەملەكەتتىڭ حاۋىپسىزدىگى مەن شينجياڭنىڭ قوعامدىق كەلەلى جاعدايىنىڭ ورنىقتىلىعىن باتىل قورعاۋ كەرەك. شينجياڭعا ساياتىن سىرتقا باعىتتالعان كۇرەس قابىلەتىن جوعارىلاتىپ، شينجياڭعا ساياتىن سىرتقا باعىتتالعان ۇگىتتى كوپ ساتىلى، جان - جاقتىلى، ستەرەولدى ورىستەتىپ، ىرىقتىلىق شايقاسىن قيسىندى، تيىمدى، ۇستامدى تۇردە ويداعىداي جۇرگىزۋ كەرەك. جۇڭحۋا ۇلتى ورتاق تۇلعا تانىمىن ناقتى، جاندى، ءونىمدى تۇردە بەرىك ورناتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەپ، ءار ۇلت بۇقاراسىنىڭ كەڭىستىك، مادەنيەت، ەكونوميكا، قوعام، پسيحيكا سياقتى جاقتاردا جان - جاقتى كىرىگۋىن بىرتىندەپ جۇزەگە اسىرۋ كەرەك. شينجياڭدا ءىسلام ءدىنىن جۇڭگوشالاندىرۋدى ورنىقتى ىلگەرىلەتىپ،ءدىن ىستەرىن باسقارۋدىڭ زاڭمەن باسقارىلۋ ورەسىن جاپپاي جوعارىلاتىپ، ءدىندى سوتسياليستىك قوعامعا ۇيلەسۋگە اناعۇرلىم ويداعىداي جەتەكتەۋ كەرەك. شىنايى مويىنداۋدى كۇشەيتۋدى ماقسات ەتە وتىرىپ شينجياڭدى مادەنيەتپەن نارلەندىرۋدى ىلگەرىلەتۋگە تاباندى بولىپ، ساياسي جاقتان شىنايى مويىنداۋ، جۇرتتىڭ قۇپتاۋ - قۇپتاماۋى ماسەلەسىن ءتۇبىرلى جاقتان شىنايى شەشۋدى كوزدە ۇستاپ، ءار ۇلت بۇقاراسىن دۇرىس ”بەس كوزقاراس“ ورناتۋعا، ”بەستى شىنايى مويىنداۋدى“ نىعايتۋعا تاربيەلەۋ، جەتەكتەۋ كەرەك. مەملەكەتتىڭ استىق، ەنەرگيا جانە شەشۋشى كەن ونىمدەرى بايلىعى حاۋىپسىزدىگىن بار كۇشپەن قامتاماسىز ەتىپ، مۇناي - تابيعي گاز، كومىر، كەن ونىمدەرى، استىق، ماقتا، جەمىس - جيدەك، كوكونىس سياقتى بايلىقتار مەن كاسىپ سالالارىنىڭ بۇكىل ەلدىڭ ەكونوميكالىق كەلەلى جاعدايىنداعى ماڭىزدى رولىن تولىق ساۋلەلەندىرىپ، ”سەگىز ءىرى كاسىپ سالاسى شوعىرىن“ جەدەل قۇرۋ كەرەك. جوعارى ورەدە سىرتقا ەسىك اشۋدى ۇزدىكسىز كەڭەيتىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن ىلگەرىلەتىپ، جاڭا دامۋ ارناسىنا بەلسەنە قىزمەت وتەۋ جانە وعان توعىسۋ كەرەك. ءارقايسى سالالارداعى ەلەۋلى حاۋىپ - قاتەرلەردەن، كومەسكى كىناراتتاردان ساقتانىپ جانە ونى جويىپ، ساياسي حاۋىپسىزدىك، قوعام ورنىقتىلىعى، ۇلت جانە ءدىن، ەكونوميكالىق دامۋ سياقتى سالالارداعى حاۋىپ - قاتەرلەرگە ۇدايىلاندىرا تالداۋ جاساپ، تۇجىرىمداپ جانە ساقتانىپ، جويىپ، تاماشا دامۋ ورتاسىن قالىپتاستىرۋ كەرەك. پارتيانى جاپپاي قاتاڭ باسقارۋدى ىشكەرىلەي ىلگەرىلەتىپ، پارتيانىڭ ساياسي قۇرىلىسىن ءبىر تۇتاس باسشىلىققا الا وتىرىپ پارتيانىڭ ءارقايسى جاقتارداعى قۇرىلىسىن ىلگەرىلەتىپ، الداعى جەردە ورىستەتىلەتىن شي جينپيڭ جاڭا ءداۋىر جۇڭگوشا سوتسياليزم يدەياسى نەگىزگى تاقىرىپتىق تاربيەسىمەن ۇشتاستىرىپ، تەكسەرۋ - زەرتتەۋ ستيلىن بارىنشا ساۋلەلەندىرىپ، ءار دارەجەلى باسشى كادرلاردىڭ شىندىققا جۇگىنىپ، ناقتى ءىس تىندىرۋىن، شىنايى يگەرىپ، ناقتى ىستەۋىن ىلگەرىلەتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا ناقتاپ تياناقتاندىرۋ كەرەك.
جاڭ جۋ، تيان شياڭلي، چىن ۋيجۇن، ۋاڭ ميڭشان، ۋاڭ جيانشين، ياڭ فاسىن، ءيۇسۇپجان مامەت، ەلزات احمەتجان، قادەن كابەن، اۆتونوميالى رايوندىق حالىق قۇرىلتايى، ۇكىمەت، ساياسي كەڭەس، بيڭتۋان باسشىلىق القاسىنىڭ قۇرامىنداعىلار، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار، ءىشىنارا قازىرگى مىندەتىنەن شەگىنگەن ولكە دارەجەلى باسشىلار مەن دەمالىسقا، پەنسياعا شىققان ولكە دارەجەلى باسشىلار، رايونعا (ورتالىققا) توتە قاراستى قاتىستى ورىندارداعى جاۋاپتى جولداستار قاتارلىلار نەگىزگى ءماجىلىس الاڭىندا ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى فورماسىندا اشىلدى،ءارقايسى ايماق، وبلىس، قالالاردان، اۋدان، قالا، رايونداردان جانە بيڭتۋاننىڭ ءارقايسى شى - قالالارىنان، تۋان - الاڭدارىنان بولىمشە ءماجىلىس الاڭى ورنالاستىرىلدى.
