تيانشان تورى
تيانشان تورى   ›   جاڭالىقتار   ›   شينجياڭ حابارلارى

شينجياڭ ءبىرىنشى ماۋسىمداعى كەلەلى نىسانداردىڭ جۇمىسىن شوعىرلى قالپىنا كەلتىردى جانە باستادى

  شينجياڭ ءبىرىنشى ماۋسىمداعى كەلەلى نىسانداردىڭ جۇمىسىن شوعىرلى قالپىنا كەلتىردى جانە باستادى

  ما شيڭرۇي جۇمىس باستالعاندىعىن جاريالادى

  ەركىن تۇنياز ءسوز سويلەدى، جاڭ چۇنلين، حى جۇڭيوۋ قاتىناستى

  انار بۇلت \ شينجياڭ گازەتىنىڭ ءتىلشىسى لي ياڭ 3 - ايدىڭ 17 - كۇنى ۇرىمجىدەن حابارلايدى. 3 - ايدىڭ 17 - كۇنى تۇستەن بۇرىن 2023 - جىلعى اۆتونوميالى رايوننىڭ كەلەلى نىساندارىنىڭ جۇمىسىن شوعىرلى قالپىنا كەلتىرۋ، باستاۋ جانە ءبىرىنشى ماۋسىمداعى تۇتاس رايوننىڭ كەلەلى نىساندارىن ورنالاستىرۋ ءماجىلىسى وتكىزىلدى، حالىق تۇرمىسى، كاسىپ سالاسى، سۋ يگىلىگى، قاتىناس، ەنەرگيا سياقتى سالالارعا ساياتىن ءبىر توپ كەلەلى نىساندار جۇمىسىن شوعىرلى قالپىنا كەلتىرىپ جانە باستاپ، ءبىرىنشى ماۋسىمداعى ەكونوميكادا جاقسى باستاما باستاۋعا ۇمتىلىپ، تۇتاس جىلدىق نىسانا - مىندەتتەردى كۇش سالا ورىنداۋعا بەرىك نەگىز قالادى. اۆتونوميالى رايوندىق پارتكومنىڭ شۋجيى ما شيڭرۇي نىسانداردىڭ جۇمىس باستاعاندىعىن جاريالادى، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءسوز سويلەدى.

  اۆتونوميالى رايوندىق پارتكومنىڭ ورىنباسار شۋجيى جاڭ چۇنلين، حى جۇڭيوۋ قاتىناستى.

  ورنالاستىرۋ ءماجىلىسى تۇتاس رايوننىڭ 2022 - جىلعى كەلەلى نىساندارىنىڭ ىلگەرىلەتىلۋ جاعدايى جانە 2023 - جىلعى كەلەلى نىسانداردىڭ جالپى تۇلعالىق جاعدايى جونىندەگى مالىمەتتى تىڭدادى. 2023 - جىلى اۆتونوميالى رايوندا 400 ءتۇيىندى نىسان اتقارىلادى، جالپى 2 تريلليون 700 ميلليارد يۋان قارجى قوسىلادى. قارجى قوسۋ كولەمى 5 ميلليون يۋاننان جوعارى 8437 نىسان اتقارىلادى، مۇندا، ءبىرىنشى ماۋسىمدا 3891 نىساننىڭ جۇمىسى قالپىنا كەلتىرىلەدى جانە باستالادى. وسى جولعى قيمىل باسىندا، تۇتاس رايون بويىنشا 14 ايماق، وبلىس، قالاداعى 70 بەلگى سيپاتتى كەلەلى نىسان جۇمىسىن شوعىرلى قالپىنا كەلتىردى جانە باستادى، بۇل نىساندارعا جالپى 289 ميلليارد يۋان قارجى قوسىلدى.

  ءارقايسى ايماق، وبلىس، قالالارداعى جۇمىس باستاعان كاسىپورىنداردىڭ ۋاكىلدەرى كەلەلى نىسانداردىڭ قۇرىلىس جاعدايىن تانىستىردى.

  ەركىن تۇنياز سوزىندە بىلاي دەپ اتاپ كورسەتتى: بيىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ باستاما جىلى. پارتيا 20 - قۇرىلتايىنىڭ جانە مەملەكەتتىك ەكى ءماجىلىستىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، اۆتونوميالى رايوندىق پارتكومنىڭ ورنالاستىرۋىنا، تالاپتارىنا ساي، كەلەلى نىسانداردىڭ جەتەكتەۋدەگى، دەم بەرۋدەگى جانە ءونىمدى قارجى قوسۋداعى شەشۋشى رولىن شىن مانىندە ساۋلەلەندىرىپ، شىنايى يگەرىپ، ناقتى ىستەۋگە، قاۋىرت ىستەۋگە، جەدەل ىستەۋگە تاباندى بولىپ، تۇتاس رايون ەكونوميكاسىنىڭ جوعارى ساپالى دامۋىنا بەرىك نەگىز قالاۋ كەرەك. ارتقان نىسانداردى كولەمدەندىرىپ، ىركىندى نىسانداردى كۇشەيتىپ، ەكونوميكانى جوعارى ساپالى دامىتۋدىڭ ”نەگىزگى قوزعالتقىشىن“ تۇلعالاۋ كەرەك. جوسپارلاۋدى يگەرۋ ارقىلى كولەمدى كەڭەيتىپ، الدىڭعى مەرزىمدىك قىزمەتتەردى يگەرۋ ارقىلى جۇمىس باستاۋدى جەبەپ، ۋاقىتتى ۇتۋ ارقىلى اياق الىستى جەدەلدەتىپ، نازاردى جىبەك جولى ەكونوميكالىق بەلدەۋى وزەكتى رايون قۇرىلىسى، ”8 ءىرى كاسىپ سالاسى شوعىرى“ قۇرىلىسى سياقتى اۆتونوميالى رايوندىق پارتكومنىڭ كەلەلى شەشىمدەرىنە، ورنالاستىرۋلارىنا شوعىرلاندىرىپ، ولقىلىقتى تولىقتايتىن، يقۋاتى مىعىم، ۇزاق بولاشاققا پايدالى كەلەلى نىسانداردى جەدەل جۇرگىزۋ كەرەك. فاكتوردىڭ نىسانعا ىلەسە جۇرۋىنە تاباندى بولىپ، جەردەن پايدالانۋ، ورماننان پايدالانۋ، قورشاعان ورتاعا جاسايتىن ىقپالىن باعالاۋ، ەنەرگيا پايدالانۋ سياقتى فاكتورلارمەن قامتاماسىز ەتۋدى ويداعىداي يگەرىپ، كوپ نەگىزدى قارجى قوسۋ، قارجى قۇراۋ ۇلگىسىن ورناتۋ ارقىلى كەلەلى نىسان قۇرىلىستارىنا قولداۋ كورسەتىپ، ىرىقتى تۇردە ىلەسە قىزمەت وتەپ، ءىرى كاسىپورىنداردى، جاقسى نىسانداردى الىپ قالۋعا، ويداعىداي دامىتۋعا شىنايى كەپىلدىك ەتۋ كەرەك. سايكەسە بىرگە ارەكەتتەنۋدى كۇشەيتىپ، اۆتونوميالى رايوننىڭ ءتۇيىندى نىسانداردىڭ العاشقى مەرزىمدىك قىزمەتى بىرلەسكەن ءماجىلىسى تۇزىمىنەن جانە اۆتونوميالى رايون، ايماق، اۋدان ءۇش دارەجە بىرلەسىپ ارەكەتتەنۋ، ورنالاستىرۋ مەحانيزمىنەن ويداعىداي پايدالانىپ، تەكسەرىپ بەكىتۋ ونىمدىلىگىن ۇزدىكسىز جوعارىلاتىپ، بوگەت بولعان، قىسپاققا العان ماسەلەلەردى دەر كەزىندە شەشىپ، اناعۇرلىم كوپ نىساننىڭ جەدەل جۇمىس باستاۋىن ىلگەرىلەتۋ كەرەك. دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، حاۋىپسىزدىكتىڭ تومەنگى شەگىن بەرىك ساقتاپ، ءوندىرىس حاۋىپسىزدىگى سىندى وسى ارقاۋدى قاشاندا مىقتاپ شيراتىپ، جالپى بەتتىك تەكسەرۋ ورىستەتىپ، حاۋىپسىزدىك كومەسكى قاتەرلەرىنەن باتىل ساقتانىپ جانە ونى جويىپ، كەلەلى نىسان قۇرىلىستارىن ءتارتىپتى جەدەلدەتۋگە حاۋىپسىزدىك قامتاماسىزدىعىن ازىرلەۋ كەرەك.

  چىن ۋيجۇن جۇمىستى شوعىرلى قالپىنا كەلتىرۋ جانە باستاۋ سالتىن باسقاردى. ياڭ فاسىن، ءيۇسۇپجان مامەت، قادەن كابەن، سۇن حۇڭمەي، ليۋ سۋشى، ۋاڭ گاڭ، ءماردان مۇحيت، اۆتونوميالى رايونعا (ورتالىققا) توتە قاراستى قاتىستى ورىنداردىڭ نەگىزگى جاۋاپتى جولداستارى جانە قاتىستى كاسىپورىنداردىڭ جاۋاپتىلارى نەگىزگى ءماجىلىس ورنىندا قيمىلعا قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.