تيانشان تورى
تيانشان تورى   ›   ۇيرەنۋ   ›   شولۋ

قايراتتانا ۇمتىلىپ، نىسان قۇرىلىسىنىڭ تىڭ ورلەۋىن كوتەرەيىك

  قايراتتانا ۇمتىلىپ، نىسان قۇرىلىسىنىڭ تىڭ ورلەۋىن كوتەرەيىك

  □ گازەتىمىزدىڭ شولۋشىسى

  كوكتەم سامالىنا ىلەسە، ۇندەۋ تاستالىپ، جۇمىس باستاۋ دابىلى جەدەل قاعىلدى. بۇكىل رايوندا جوعارىدان تومەنگە دەيىن باس شۋجي شي جينپيڭنىڭ ماڭىزدى ءسوزىنىڭ رۋحىن جانە مەملەكەتتىك ەكى ءماجىلىستىڭ رۋحىن ىشكەرىلەي ۇيرەنىپ، دايەكتىلەندىرىپ، تياناقتاندىرىپ جاتقان ساتتە، 2023 - جىلعى اۆتونوميالى رايوننىڭ كەلەلى نىساندارىنىڭ جۇمىسىن شوعىرلى قالپىنا كەلتىرۋ، باستاۋ جانە ءبىرىنشى ماۋسىمداعى تۇتاس رايوننىڭ كەلەلى نىساندارىن ورنالاستىرۋ ءماجىلىسى وتكىزىلىپ، جەر - جەردىڭ نازاردى نىسانعا شوعىرلاندىرۋىنا، نازاردى كاسىپ سالاسىنا شوعىرلاندىرۋىنا، نازاردى دامۋعا شوعىرلاندىرۋىنا، ۇيرەنۋدە باسەكەلەسىپ، باسىپ وزۋىنا، ءوزارا ۇيرەنىپ، ءوزارا ۇلگى الۋىنا، نىسان قۇرىلىسىنىڭ ساپاسىن جوعارىلاتۋدى، ونىمدىلىگىن ارتتىرۋدى بار كۇشپەن ىلگەرىلەتۋىنە شابىت بەردى، رايونىمىز ەكونوميكاسىن جوعارى ساپالى دامىتۋدىڭ نەگىزىن بەكەمدەۋ جولىندا، نىسان قۇرىلىسىنىڭ اتوي دابىلىن تاعى ءبىر رەت قاعىپ، نىسان قۇرىلىسىنىڭ تىڭ ورلەۋىن كوتەردى.

  كەلەلى نىساندار − ەكونوميكانى جوعارى ساپالى دامىتۋدىڭ ”كۇشتى قوزعالتقىشى“، ”مىقتى تىرەگى“. وتكەن ءبىر جىلدا، شينجياڭ نىسان قۇرىلىسى سىندى ”بۇيدانى“ مىقتى ۇستاپ، ءۇرتىس ءتورت ماۋسىم ”قۇرىلىس باستاۋ“ دابىلىن قاقتى، جەر - جەر نىسانداردى يگەرىپ، قارجى قوسۋدى جەبەپ، ارتۋدى ورنىقتىرىپ، تۇتاس جىلدا 100 ميلليون يۋاننان استام قارجى قوسىلعان كەلەلى نىسانداردان جيىنى 3433 نىساننىڭ جۇمىسى تىڭنان باستالىپ، شامامەن جيىنى 2 تريلليون 900 ميلليارد يۋان قارجى قوسىلدى، تۇراقتى مۇلىككە قوسىلعان قارجىنىڭ جالپى سوماسى (شارۋا وتباسىلارىن قامتىمايدى) الدىنداعى جىلداعىدان %6. 7 ارتىپ، بۇكىل ەلدىكىنەن 5. 2 پايىز جوعارى بولدى، ءتۇرلى ءتيىمسىز فاكتورلاردىڭ ىقپالىنا توتەپ بەرىپ، بۇكىل رايوننىڭ ەكونوميكالىق اينالىمىنىڭ ۇيلەسىمدى ارالىقتى ساقتاۋىنا مىقتى تىرەك ازىرلەدى.

  وسى جولعى جۇمىسى شوعىرلى قالپىنا كەلتىرىلگەن جانە باستالعان كەلەلى نىساندار رايونىمىزدىڭ بايلىق باسىمدىعى مەن وڭىرلىك ورىن باسىمدىعىن تياناق ەتىپ، نازاردى جىبەك جولى ەكونوميكالىق بەلدەۋى وزەكتى رايون قۇرىلىسى، ”8 ءىرى كاسىپ سالاسى شوعىرى“ قۇرىلىسى سياقتى اۆتونوميالى رايوندىق پارتكومنىڭ كەلەلى شەشىمدەرى مەن ورنالاستىرۋلارىنا شوعىرلاندىرعان، حالىق تۇرمىسى، سۋ يگىلىگى، قاتىناس، ەنەرگيا سياقتى كوپتەگەن سالاعا سايادى، قارجى قوسۋ كولەمى زور، كاسىپ سالاسى تىزبەگى ۇزىن، ەنەرگيا ونىمدىلىگى دەڭگەيى جوعارى، تۇرتكى بولۋى، باستاماشىلدىق ەتۋى كۇشتى، وسى كەلەلى نىسانداردى تۇتقا ەتىپ كوكتەمگى قيمىلداۋ ۇندەۋىن شىعارۋ ءىس جۇزىندىك ارەكەت ارقىلى باس شۋجي شي جينپيڭنىڭ ماڭىزدى ءسوزىنىڭ رۋحىن جانە مەملەكەتتىك ەكى ءماجىلىستىڭ رۋحىن ۇيرەنۋدىڭ، دايەكتىلەندىرۋدىڭ، تياناقتاندىرۋدىڭ ناقتى شاراسى بولىپ قانا قالماستان، ونان دا ماڭىزدىسى، پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ باستاما جىلىندا اسقاق بەينەدە ەكپىندەي ىلگەرىلەيتىن رۋحاني كۇيمەن ءبىرىنشى ماۋسىمداعى ەكونوميكادا ”جاقسى باستاما باستاۋعا“ ۇمتىلۋدىڭ، تۇتاس جىلداعى ەكونوميكادا جاقسى باستاما باستاۋدى، جاقسى قادام تاستاۋدى جۇزەگە اسىرۋدىڭ جاندى امالياتى بولماق.

  نىساندى يگەرۋ دەگەنىمىز دامۋدى يگەرۋ، نىساندى جوسپارلاۋ دەگەنىمىز بولاشاقتى جوسپارلاۋ. ءبىرىنشى ماۋسىم − تۇتاس جىلداعى ەكونوميكانىڭ باعدارلاۋىشى، جاقسى ەكونوميكالىق باستالىم قوعامدىق مەجەنى ورنىقتىرۋ، دامۋ سەنىمىن سەرپىلتۋ جونىنەن توتەنشە ماڭىزدى. بۇكىل رايوندا جوعارىدان تومەنگە دەيىن، ءسوز جوق، پارتيا 20 - قۇرىلتايىنىڭ جانە مەملەكەتتىك ەكى ءماجىلىستىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، اۆتونوميالى رايوندىق پارتكومنىڭ ورنالاستىرۋى، تالابى بويىنشا، اۆتونوميالى رايوننىڭ تۇتاس جىلداعى ەكونوميكالىق، قوعامدىق دامۋىنىڭ نىسانا - مىندەتتەرىن كوزدەپ، كەلەلى نىسانداردىڭ جەتەكتەۋدەگى، دەم بەرۋدەگى جانە ءونىمدى قارجى قوسۋداعى شەشۋشى رولىن شىن مانىندە ساۋلەلەندىرىپ، ارتقان نىسانداردى كولەمدەندىرىپ، ىركىندى نىسانداردى كۇشەيتىپ، ەكونوميكانى جوعارى ساپالى دامىتۋدىڭ ”نەگىزگى قوزعالتقىشىن“ تۇلعالاپ، شىنايى يگەرىپ، ناقتى ىستەۋگە، قاۋىرت ىستەۋگە، جەدەل ىستەۋگە تاباندى بولىپ، بۇكىل رايوننىڭ ەكونوميكالىق، قوعامدىق دامۋى ءبىرىنشى ماۋسىمدا ”ءساتتى باستاما باستاۋدان“ تۇتاس جىلدا ءساتتى بولۋعا قاراي ارىندى بەينەمەن بەت الۋىنا قوزعاۋشىلىق ەتۋى كەرەك.

  كەلەلى نىسانداردىڭ قۇرىلىس ورنى − دامۋ ورايىن مىقتى يگەرۋدەگى شايقاس مايدانى ءارى شارۋاشىلىق - ساۋدا ورتاسى جاعىندا باسەكەلەسەتىن باسەكە الاڭى. بۇكىل رايوننىڭ جەر - جەرى ۋاقىت كۇتىپ تۇرمايدى دەيتىن كوكەي تەستىلىك سەزىممەن جانە جاۋاپكەرشىلىك سەزىممەن جوسپارلاۋدى يگەرۋ ارقىلى كولەمدى كەڭەيتىپ، باستاپقى كەزەڭدى يگەرۋ ارقىلى جۇمىس باستاۋدى جەبەپ، ۋاقىتتى ۇتۋ ارقىلى اياق الىستى جەدەلدەتىپ، ولقىلىقتى تولىقتايتىن، يقۋاتى مىعىم، ۇزاق بولاشاققا پايدالى ءبىر توپ كەلەلى نىساندى جەدەل اتقارۋى كەرەك. ”فاكتوردىڭ نىسانعا ىلەسە جۇرۋىنە“ تاباندى بولىپ، نىسان قۇرىلىسىنداعى فاكتور قامتاماسىزدىعىن كۇشەيتۋ كەرەك؛ سايكەسە بىرگە ارەكەتتەنۋدى كۇشەيتىپ، بوگەت بولعان، قىسپاققا العان ماسەلەلەردى دەر كەزىندە شەشىپ، اناعۇرلىم كوپ نىسانداردىڭ جەدەل جۇمىس باستاۋىن ىلگەرىلەتۋ كەرەك؛ قىزمەت وتەۋ ونىمدىلىگىن جوعارىلاتىپ، قىزمەت وتەۋگە ىرىقتىلىقپەن ءجىتى ىلەسىپ، ءىرى كاسىپورىنداردى، جاقسى نىسانداردى الىپ قالۋعا، ويداعىداي دامىتۋعا شىنايى كەپىلدىك ەتىپ، بۇكىل رايون ەكونوميكاسىنىڭ جوعارى ساپالى دامۋىن ىلگەرىلەتۋدەگى ونىمدىلىگىن بارىنشا ايگىلەۋ كەرەك.

  باستالعان كەزدە - اق زىمىراپ، العاشقى قادامدا - اق ۇمتىلۋ كەرەك. جوعارى ساپالى دامۋدى كۇش سالا ىلگەرىلەتۋدىڭ جاڭا جورىعىندا بۇكىل رايونداعى ءار دارەجەلى ۇكىمەتتەر تۇگەلدەي ”نىساندى ءتۇيىن ەتۋ“ ۇستانىمىن بەرىك ورناتىپ، نىسان قۇرىلىسىنىڭ ”تەزدەتۋ تەتىگىن“ باسىپ، دامۋدى جەبەيتىن، حالىق تۇرمىسىنا تيىمدىلىك جەتكىزەتىن ءاربىر كەلەلى نىساندا جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋى كەرەك.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.