انار بۇلت \ شينجياڭ گازەتىنىڭ ءتىلشىسى ۋي يۇڭگۇي 3 - ايدىڭ 17 - كۇنى ۇرىمجىدەن حابارلايدى. بۇكىل مەملەكەتتىك جاڭا كەزەكتى شينجياڭعا باعىتتامالى كومەكتەسۋ قىزمەتى ورىستەتىلگەندىگىنىڭ 13 جىلدىعى قارساڭىندا، 3 - ايدىڭ 17 - كۇنى تۇستەن بۇرىن شينجياڭ گازەتىنىڭ شينجياڭعا كومەكتەسۋ بەتى شىعارىلدى، انار بۇلت شينجياڭعا كومەكتەسۋ ارناسى ينتەرنەت جەلىسىنە شىعارىلدى.
2010 - جىلى 3 - ايدا مەملەكەتتىك جاڭا كەزەكتى شينجياڭعا باعىتتامالى كومەكتەسۋ قىزمەتى باستالعاننان بەرى، ورتالىق پەن مەملەكەت ورگاندارى، ورتالىق كاسىپورىندارى، شينجياڭعا كومەكتەسەتىن 19 ولكە، قالا نازاردى شينجياڭداعى ءار ۇلت بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىنە شوعىرلاندىرىپ، دالمە - ءدال كۇش سالىپ، شينجياڭنىڭ ەكونوميكالىق، قوعامدىق دامۋىن ءونىمدى قولداپ - قۋاتتادى، شينجياڭعا باعىتتامالى كومەكتەسۋ قىزمەتى بۇرىن بولىپ كورمەگەن جىلدامدىقپەن، تەبىنمەن، كولەمدى جۇرگىزىلىپ، ”ءۇش تاۋ، ەكى ويپاتتىڭ“ بەت - بەينەسىن تەرەڭدەي وزگەرتۋدە.
شينجياڭعا كومەكتەسۋدىڭ تولقىنى كوتەرىلدى. شينجياڭعا كومەكتەسۋ بەتىن شىعارىپ، شينجياڭعا كومەكتەسۋ ارناسىن ينتەرنەت جەلىسىنە شىعارۋ − شينجياڭ گازەتى مەكەمەسىنىڭ (توبى) مەديالاردى ىشكەرىلەي توعىستىرا دامىتۋدى ىلگەرىلەتۋدەگى تاعى ءبىر شاراسى، بۇل شينجياڭ گازەتى مەكەمەسىنىڭ (توبى) شينجياڭعا كومەكتەسۋ جاعىنداعى حابارلاۋىنىڭ جاڭا ساتىعا كوتەرىلگەندىگىن تۇسىندىرەدى ءارى اۆتونوميالى رايوننىڭ شينجياڭعا كومەكتەسۋ ۇگىتىندە جاڭا كەزەڭ اشۋىن ىلگەرىلەتەتىندىگى ءسوزسىز.
اۆتونوميالى رايوننىڭ قاتىستى تاراۋلارىنداعى جولداستار باستالۋ سالتىنا قاتىناستى، شينجياڭعا كومەكتەسەتىن ءارقايسى ولكە، قالالاردىڭ الدىڭعى شەپ قولباسشىلىق شتابى بەينە ەكران ءتاسىلى ارقىلى قىزۋ ىقىلاستى سالەم جولداپ، شينجياڭ گازەتىنىڭ شينجياڭعا كومەكتەسۋ بەتىن، انار بۇلتتىڭ شينجياڭعا كومەكتەسۋ ارناسىن اشقاندىعىن قۇتتىقتايتىندىقتارىن ءبىلدىردى.
سوڭعى جىلدارى شينجياڭ گازەتى مەكەمەسى (توبى) انار بۇلت اۆتونوميالى رايون دارەجەلى توعىسپالى مەديا تەحنيكالىق تۇعىرىن باستاماشى ەتىپ، مەديالاردىڭ ىشكەرىلەي توعىسا دامۋىن ىلگەرىلەتىپ، 19 ءتۇرلى گازەت - جۋرنال مەن 46 تۇعىر، تەرمينالدان قۇرالعان جالپىلىق اقپارات مەديالارى تاراتۋ شەبىن العاشقى ادىمدا قۇردى. سونىمەن بىرگە، اۆتونوميالى رايون دارەجەلى مەديالاردى ەندەي تۇتاستىرىپ، اۆتونوميالى رايون، ايماق، اۋدان ءۇش دارەجەلى توعىسپالى مەديا ورتالىعىن بويلاي تۇتاستىرىپ، ”بۇكىل شينجياڭدا ءبىر تور بولۋ“ سىندى تاراتۋ ارناسىن قالىپتاستىرۋدى ىلگەرىلەتتى.
شينجياڭ گازەتى شينجياڭعا كومەكتەسۋ بەتىن جانە انار بۇلتتىڭ شينجياڭعا كومەكتەسۋ ارناسىن اشقاننان كەيىن، تيانشان تورىنىڭ شينجياڭعا كومەكتەسۋ ارناسىمەن، ۇيرەنۋدە قۇدىرەتتى ەل شينجياڭ ۇيرەنۋ تۇعىرىنىڭ شينجياڭعا كومەكتەسۋ ينتەرنەت جەلىسى سياقتى تۇعىرلارمەن بىرگە، شينجياڭ گازەتى مەكەمەسىنىڭ (توبى) قۇرىلىمى كەمەلدى، سايكەسۋى ءونىمدى بولعان شينجياڭعا كومەكتەسۋدى حابارلاۋ جۇيەسىن قالىپتاستىرادى. نازاردى ورتالىقتىڭ جانە اۆتونوميالى رايوننىڭ شينجياڭعا كومەكتەسۋ قىزمەتى جونىندەگى ورنالاستىرۋلارىنا شوعىرلاندىرىپ، شينجياڭنىڭ ءىشى - سىرتىنا باعىتتاي وتىرىپ، شينجياڭعا كومەكتەسۋ قىزمەتىنىڭ جاڭا تابىستارىن، جاڭا جارقىن تۇيىندەرىن ويداعىداي حابارلاپ، شينجياڭعا كومەككە كەلگەن كادرلاردىڭ وتباسىن قيىپ وتانعا قىزمەت ەتكەن، شىن ىقىلاسىمەن شينجياڭعا كومەكتەسكەن اسەرلى، ىزگى ىستەرىن ويداعىداي حابارلاپ، كومەككە يە بولعان جەرلەردەگى جانە شينجياڭعا باعىتتامالى كومەكتەسكەن ولكە، قالالارداعى كادرلار مەن بۇقارانىڭ ارالاسقان، ىشتەسكەن، توعىسقان ەتەنە سۇيىسپەنشىلىگىن ويداعىداي حابارلاپ، اۆتونوميالى رايوننىڭ شينجياڭعا كومەكتەسۋ ۇگىتى قىزمەتىندە اناعۇرلىم زور ونىمدىلىككە قول جەتكىزۋىن ۇزدىكسىز ىلگەرىلەتەدى.
