دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلايىق
− ءتوراعا شي جينپيڭنىڭ 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندەگى ماڭىزدى ءسوزىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
”حاۋىپسىزدىك − دامۋدىڭ نەگىزى، ورنىقتىلىق − قۇدىرەتتەنۋدىڭ، گۇلدەنۋدىڭ العى شارتى“. 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندە ءتوراعا شي جينپيڭ ەلىمىزدىڭ دامۋى ءدوپ كەلگەن جاڭا ستراتەگيالىق ورايلاردى، جاڭا ستراتەگيالىق مىندەتتەردى، جاڭا ستراتەگيالىق كەزەڭدى، جاڭا ستراتەگيالىق تالاپتاردى، جاڭا ستراتەگيالىق ورتانى عىلمي يگەرىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋدى ىلگەرىلەتۋ جونىندە ايقىن تالاپ قويىپ، كەلەلى ورنالاستىرۋ جاساپ، ”دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاۋ كەرەك“ دەپ باسا دارىپتەدى.
حاۋىپسىزدىك پەن دامۋ ءبىر دەنەدەگى قوس قانات، قوزعالتاتىن قوس دوڭگەلەك. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋىنىڭ ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاۋ دەڭگەيىندە تۇرىپ، ەل ءىشى، حالىقارا سىندى ەكى كەلەلى جاعدايدى، دامۋ مەن حاۋىپسىزدىك سىندى ەكى ءىرى ءىستى ءبىر تۇتاس جوسپارلاپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قاتاڭ دا كۇردەلى حالىقارالىق جاعدايعا جانە ىركەس - تىركەس تۋىلعان وراسان زور حاۋىپ - قاتەر مەن سىن - سايىسقا ءونىمدى توتەپ بەرىپ، جاڭا داۋىردەگى جۇڭگوشا سوتسياليزمنىڭ ۇلى تابىسىن جاراتتى. ءبىز جالپى تۇلعالىق مەملەكەت حاۋىپسىزدىگى كوزقاراسىن دايەكتىلەندىرىپ، مەملەكەت حاۋىپسىزدىگىنىڭ باسشىلىق ءتۇزىلىسىن جانە زاڭمەن باسقارۋ جۇيەسىن، ستراتەگيالىق جۇيەسىن، ساياسات جۇيەسىن ۇزدىكسىز كەمەلدەندىردىك، مەملەكەت حاۋىپسىزدىگىن جاپپاي كۇشەيتىپ، بىرگە قۇراتىن، بىرگە باسقاراتىن، بىرگە يگىلىكتەنەتىن قوعامدىق باسقارۋ ءتۇزىمىن ونان ارى كەمەلدەندىردىك، تىنىش جۇڭگو قۇرىلىسىندا اناعۇرلىم جوعارى دەڭگەيگە قادام تاستادىق. حالىقارالىق جاعدايدىڭ شۇعىل وزگەرىسى الدىندا، وتە - موتە، سىرتتىڭ قۇقايى، تەجەۋى، قۇرساۋلاۋى، بارىنشا قىسىم كورسەتۋى الدىندا، ءبىز كۇرەس بارىسىندا مەملەكەتتىڭ ار - نامىسى مەن وزەكتى مۇددەسىن قورعاپ، ەلىمىزدىڭ دامۋ جانە حاۋىپسىزدىك ىرىقتىلىق ۇقىعىن مىقتاپ يگەردىك. اماليات مىنانى تولىق دالەلدەدى: دامۋ مەن حاۋىپسىزدىكتى ءبىر تۇتاس جوسپارلاپ، تاۋقىمەت تانىمىن كۇشەيتىپ، امانشىلىقتا جامانشىلىقتىڭ بولارىن ويلاۋ − پارتيامىزدىڭ ەل باسقارۋداعى كەلەلى پرينسيبى؛ مەملەكەت حاۋىپسىزدىگىن قورعاۋ − بۇكىل ەلدەگى ءار ۇلت حالقىنىڭ ءتۇبىرلى مۇددەسىنىڭ تياناعى، پارتيا مەن مەملەكەتتىڭ گۇلدەنۋىنىڭ، وركەندەۋىنىڭ، باياندى تىنىشتىعىنىڭ پارمەندى كەپىلى.
پارتيا 20 - قۇرىلتايىندا جاپپاي سوتسياليستىك وسىزاماندانعان مەملەكەت قۇرۋ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ايبىندى جوباسى جاسالىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس ىلگەرىلەتۋ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋ جونىندە جاپپاي ورنالاستىرۋ جاسالىپ، جاڭا داۋىردەگى، جاڭا جورىقتاعى پارتيا مەن مەملەكەت ىستەرىنىڭ دامۋىنا، ەكىنشى 100 جىلدىق كۇرەس نىساناسىن جۇزەگە اسىرۋعا العا باسۋ بەتالىسى ايقىن كورسەتىلىپ، ارەكەت باعدارناماسى بەلگىلەندى. جاڭا دامۋ ارناسىن جەدەل قالىپتاستىرۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەكىنشى 100 جىلدىق كۇرەس نىساناسىن جۇزەگە اسىرۋدى، دامۋ مەن حاۋىپسىزدىكتى ءبىر تۇتاس جوسپارلاۋدى تياناق ەتىپ جاساعان ستراتەگيالىق شەشىمى، بۇل ءار ءتۇرلى الدىن الا بولجاۋعا بولاتىن جانە الدىن الا بولجاۋ قيىن داۋىلدى نوسەر، اساۋ تولقىنداردا ەلىمىزدىڭ ءومىر ءسۇرۋ قابىلەتىن، باسەكەلىك قابىلەتىن، دامۋ قابىلەتىن، باياندى جالعاستىرۋ قابىلەتىن كۇشەيتۋ ءۇشىن بولىپ تابىلادى. ەلىمىزدىڭ دامۋى ستراتەگيالىق وراي مەن حاۋىپ - قاتەر، سىن - سايىستار قاتار ءومىر ءسۇرىپ وتىرعان، تۇراقسىز، مەجەلەۋ قيىن فاكتورلار كوبەيگەن داۋىرگە قادام تاستاعان مەزگىلدە ءتۇرلى ”قاراقۋ“، ”سۇرى ءمۇيىز تۇمسىق“ وقيعالارىنىڭ كەز كەلگەن ۋاقىتتا تۋىلۋى مۇمكىن ەكەندىگىن، ءسوز جوق، تەرەڭ تانۋ كەرەك. تەك دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، دامۋ مەن حاۋىپسىزدىككە تەڭ ءمان بەرۋگە تاباندى بولىپ، دامۋ بارىسىندا حاۋىپسىزدىك فاكتورلارىن اناعۇرلىم كوبىرەك ويلاستىرىپ، العاشقى قادامدى ويداعىداي باسىپ، ىرىقتى شايقاستى ويداعىداي جۇرگىزىپ، ءتۇرلى حاۋىپ - قاتەرلەر مەن سىن - سايىستاردان ءونىمدى ساقتانىپ جانە ونى جويىپ، جاڭا دامۋ ارناسىنىڭ حاۋىپسىزدىك تومەنگى شەگىن ساقتاپ، جوعارى ساپالى دامۋ مەن جوعارى دەڭگەيدەگى حاۋىپسىزدىكتىڭ ءتيىمدى ىقپالداستىعىن جۇزەگە اسىرىپ، ەكونوميكانىڭ باياندى، اقاۋسىز دامۋى مەن قوعامدىق كەلەلى جاعدايدىڭ ورنىقتىلىعىن ساقتاعاندا عانا، ەلىمىزدىڭ دامۋ، العا باسۋ تاعدىرىن قاي - قاشان دا ءوز قولىمىزدا مىقتى يگەرە الامىز.
مەملەكەت حاۋىپسىزدىگى − مەملەكەتتى ورنىقتىرۋدىڭ ماڭىزدى ىرگە تاسى. مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا، ءسوز جوق، جالپى تۇلعالىق مەملەكەت حاۋىپسىزدىگى كوزقاراسىن بۇلجىماي دايەكتىلەندىرىپ، مەملەكەت حاۋىپسىزدىگىن قورعاۋدى پارتيا مەن مەملەكەت قىزمەتىنىڭ بارلىق جاعىنا، جالپى بارىسىنا ءسىڭىرىپ، مەملەكەت حاۋىپسىزدىگى مەن قوعام ورنىقتىلىعىنا شىنايى كەپىلدىك ەتۋ كەرەك. ءبىز حالىقتىڭ حاۋىپسىزدىگىن باس ماقسات ەتۋگە، ساياسي حاۋىپسىزدىكتى ارقاۋ ەتۋگە، ەكونوميكالىق حاۋىپسىزدىكتى نەگىز ەتۋگە، اسكەري ىستەر، عىلىم - تەحنيكا، مادەنيەت، قوعام حاۋىپسىزدىگىن كەپىل ەتۋگە، حالىقارالىق حاۋىپسىزدىكتى جەبەۋدى سۇيەنىش ەتۋگە تاباندى بولىپ، سىرتقى حاۋىپسىزدىك پەن ىشكى حاۋىپسىزدىكتى، مەملەكەت تەرريتورياسىنىڭ حاۋىپسىزدىگى مەن ازاماتتاردىڭ اماندىعىن، ءداستۇرلى حاۋىپسىزدىك پەن ءداستۇرلى ەمەس حاۋىپسىزدىكتى، وزىندىك حاۋىپسىزدىك پەن ورتاق حاۋىپسىزدىكتى ءبىر تۇتاس جوسپارلاپ، مەملەكەت حاۋىپسىزدىگىن قورعاۋ جانە سومداۋدى ءبىر تۇتاس جوسپارلاپ، مەملەكەتتىڭ حاۋىپسىزدىگى مەن قوعامنىڭ ورنىقتىلىعىنىڭ نەگىزگى ساتىداعى نەگىزىن بەكەمدەپ، الەمدىك حاۋىپسىزدىكتى باسقارۋعا قاتىناسۋ مەحانيزمىن كەمەلدەندىرىپ، اناعۇرلىم جوعارى دەڭگەيدەگى تىنىش جۇڭگونى قۇرۋ كەرەك. پارتيا ورتالىق كوميتەتىنىڭ مەملەكەت حاۋىپسىزدىگى قىزمەتىنە ورتالىقتانعان ءبىر تۇتاس باسشىلىعىنا تاباندى بولىپ، مەملەكەت حاۋىپسىزدىگى جۇيەسى مەن قابىلەتىن وسىزامانداندىرۋدى كۇش سالا ىلگەرىلەتىپ، مەملەكەت حاۋىپسىزدىگى جۇيەسىن اقاۋسىزداندىرىپ، مەملەكەت حاۋىپسىزدىگىن قورعاۋ قابىلەتىن كۇشەيتىپ، الەۋمەتتىك حاۋىپسىزدىكتى باسقارۋ دەڭگەيىن جوعارىلاتىپ، قوعامدىق باسقارۋ جۇيەسىن كەمەلدەندىرىپ، جاڭا حاۋىپسىزدىك جاعدايى ارقىلى جاڭا دامۋ جاعدايىن قامتاماسىز ەتۋ كەرەك.
ءتوراعا شي جينپيڭ بىلاي دەپ باسا دارىپتەدى: ”مەملەكەت قورعانىسى مەن ارميانى وسىزامانداندىرۋ قۇرىلىسىن جاپپاي ىلگەرىلەتىپ، حالىق ارمياسىن مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن ءونىمدى قورعايتىن قۇرىش قورعان ەتىپ قۇرىپ شىعۋىمىز كەرەك“. مەملەكەتتى قۇدىرەتتەندىرۋ ءۇشىن ارميانى قۇدىرەتتەندىرۋ كەرەك، ارميا قۇدىرەتتەنگەندە عانا مەملەكەت تىنىش بولادى. ارميا قۇرۋدىڭ 100 جىلدىق كۇرەس نىساناسىن ۋاعىندا جۇزەگە اسىرىپ، حالىق ارمياسىن دۇنيە جۇزىندەگى بىرەگەي ارميا ەتىپ قۇرۋدى جەدەلدەتۋ − جاپپاي سوتسياليستىك وسىزاماندانعان مەملەكەت قۇرۋدىڭ ستراتەگيالىق تالابى. مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا حالىق ارمياسى، ءسوز جوق، شي جينپيڭنىڭ ارميانى قۇدىرەتتەندىرۋ يدەياسىن دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن دايەكتىلەندىرىپ، پارتيانىڭ حالىق ارمياسىنا شارتسىز باسشىلىعىنا تاباندى بولىپ، ساياسي جاقتان ارميا قۇرۋعا، رەفورما ارقىلى ارميانى قۇدىرەتتەندىرۋگە، عىلىم - تەحنيكا ارقىلى ارميانى قۇدىرەتتەندىرۋگە، دارىندىلار ارقىلى ارميانى قۇدىرەتتەندىرۋگە، زاڭ بويىنشا ارميانى باسقارۋعا تاباندى بولىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ ستراتەگيالىق قابىلەتىن جوعارىلاتىپ، جاڭا داۋىردەگى حالىق ارمياسىنىڭ بورىشى مەن مىندەتىن ءونىمدى اتقارۋ كەرەك. مەملەكەتتىڭ ءبىر تۇلعالانعان ستراتەگيالىق جۇيەسى مەن قابىلەتىن بەكەمدەۋ، جوعارىلاتۋ − پارتيا ورتالىق كوميتەتىنىڭ مەملەكەتتى قۇدىرەتتەندىرۋدە، ارميانى قۇدىرەتتەندىرۋدە ءدوپ كەلگەن جاڭا جاعدايلاردى، جاڭا مىندەتتەردى، جاڭا تالاپتاردى يگەرىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاۋدى، ەكونوميكالىق قۇرىلىس پەن مەملەكەت قورعانىسى قۇرىلىسىن اناعۇرلىم ويداعىداي ءبىر تۇتاس جوسپارلاۋدى كوزدەي وتىرىپ شىعارعان ستراتەگيالىق ورنالاستىرۋى، يدەيالىق تانىمدى بىرلىككە كەلتىرىپ، بورىش پەن جاۋاپكەرشىلىكتى كۇشەيتىپ، قىزمەتتى تياناقتاندىرۋدى مىقتى يگەرىپ، مەملەكەتتىڭ ءبىر تۇلعالانعان ستراتەگيالىق جۇيەسى مەن قابىلەت قۇرىلىسىنىڭ جاڭا جاعدايىن قۇلشىنا اشۋ كەرەك.
”توسىن جاعدايعا دايىن بولۋ مەملەكەتتى باسقارۋدىڭ داعدىلى جولى“. جاپپاي سوتسياليستىك وسىزاماندانعان مەملەكەت قۇرۋ − ۇلى دا جاپالى ءىس، بولاشاعى نۇرلى، مىندەتى اۋىر، جولى ۇزاق. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”مەملەكەتتىڭ ءىرى ءىسىن“ ەستە بەرىك ساقتاپ، ساياسي دەڭگەيدى جوعارىلاتىپ، قايراتتانا ىسكەرلىك كورسەتۋ رۋحاني كۇيىمەن جانە ”ءاردايىم قام جەپ تۇراتىن“ جاۋاپكەرشىلىك تانىممەن دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، العا باسۋ جولىنداعى ءتۇرلى قيىنشىلىقتار مەن سىن - سايىستاردى كۇش سالا جەڭىپ، ەلىمىز ەكونوميكاسىنىڭ دامۋ نەگىزىن ۇزدىكسىز بەكەمدەپ، دامۋدىڭ حاۋىپسىزدىگىن، ورنىقتىلىعىن كۇشەيتكەندە عانا، جۇڭحۋا ۇلتىنىڭ ۇلى گۇلدەنۋى اتتى الىپ كەمە، ءسوز جوق، تولقىن جارا العا ىلگەرىلەپ، نىق قاداممەن الىسقا جەتە الادى.
(شينحۋا اگەنتتىگىنىڭ 3 - ايدىڭ 17 - كۇنى بەيجيڭنەن بەرگەن حابارى)
