ما شيڭرۇي اقسۋ ايماعىندا مۇناي - تابيعي گاز كاسىپ سالاسىنىڭ دامۋى جونىندە تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
اناعۇرلىم كۇشتى جاۋاپكەرشىلىك ارقالاۋ، اناعۇرلىم ناقتى ىسكەرلىك كورسەتۋ ارقىلى مۇناي - تابيعي گاز كاسىپ سالاسىنىڭ دامۋ ورەسىن جوعارىلاتىپ، مەملەكەت ستراتەگياسىنا قىزمەت ەتۋ، ەنەرگيا حاۋىپسىزدىگىن قامتاماسىزداندىرۋ ءۇشىن شينجياڭ ۇلەسىن قوسۋ كەرەك
ەركىن تۇنياز بىرگە تەكسەرۋ - زەرتتەۋ جۇرگىزدى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 3 - ايدىڭ 18 - كۇنى شاياردان حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 3 - ايدىڭ 18 - كۇنى اقسۋ ايماعىنا بارىپ، قۇمدى ءشول قويناۋى مەن قاتىستى اۋدان، قالالاردى ىشكەرىلەي ارالاپ، مۇناي - تابيعي گاز الابىنىڭ ءوندىرىسى مەن قاتىستى كاسىپ سالالارىنىڭ دامۋ احۋالىن ناقتى ورىندا ۇعىسىپ، پارتيا 20 - قۇرىلتايىنىڭ رۋحىن جانە مەملەكەتتىك ەكى ءماجىلىستىڭ رۋحىن جاپپاي دايەكتىلەندىرۋ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرۋ، جاپپاي سوتسياليستىك وسىزاماندانعان مەملەكەت قۇرۋداعى شينجياڭنىڭ ستراتەگيالىق ورنىن تياناق ەتىپ، ءتۇيىندى بايلىقتار مەن كاسىپ سالالارىنىڭ اناعۇرلىم زور رول اتقارۋىن ىلگەرىلەتۋ، مەملەكەتتىڭ دامۋ كەلەلى جاعدايىنا اناعۇرلىم ويداعىداي قىزمەت ەتىپ، ەكونوميكانىڭ جوعارى ساپالى دامۋىن ىلگەرىلەتۋ جونىندە تەكسەرۋ - زەرتتەۋ جۇرگىزدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز بىرگە تەكسەرۋ - زەرتتەۋ جۇرگىزدى.
ما شيڭرۇي تاكلاماكان قۇمدى ءشولىنىڭ قويناۋىنداعى جۇڭگو مۇناي حيميا توبى شۇنبەي مۇناي - تابيعي گاز الابىنىڭ ءوندىرىس اينالىمى قولباسشىلىق ورتالىعىنا بارىپ، مۇناي - تابيعي گاز الابىنىڭ قۇرىلىس جانە جۇمىس جۇرگىزۋ احۋالى جونىندەگى تانىستىرۋدى تىڭدادى. وسىدان بۇرىن وسى مۇناي - تابيعي گاز الابىنىڭ 84 - كولبەۋ قۇدىعىن تىك بۇرعىلاۋ تەرەڭدىگى 8937.77مەترگە جەتىپ، ازيا قۇرلىعىنداعى ەڭ تەرەڭ مىڭ توننالىق قۇدىققا اينالىپ، ەلىمىزدىڭ ”تەرەڭ جەر 1 - ءنومىرلى“ ينجەنەرياسىندا تىڭ سەرپىلىستى جۇزەگە اسىرعان ەدى. ما شيڭرۇي وسى جەتىستىكتى قۇتتىقتايتىندىعىن ءبىلدىردى ءارى 84 - كولبەۋ قۇدىق پەن 5 - بىرلەسكەن پۋنكتكە بەينە بايلانىستا ورنالاستىرۋ جاساپ، بارلاۋ - اشۋ، تەحنيكالىق قامال الۋ، مۇناي - تابيعي گازدى ءبىر جايلى ەتۋ سياقتى قىزمەتتەردى ەگجەي - تەگجەيلى ۇعىستى. ول بىلاي دەپ اتاپ كورسەتتى: تەرەڭ قاباتتاعى، اسا تەرەڭ قاباتتاعى مۇناي - تابيعي گاز بايلىعىن ۇزدىكسىز تابىستى اشۋدىڭ ءمانى زور. كوپشىلىكتىڭ باس شۋجي شي جينپيڭنىڭ ”ەنەرگيانىڭ تىزگىنىن، ءسوز جوق، ءوز قولىمىزدا ۇستاۋىمىز كەرەك“ دەگەن ماڭىزدى نۇسقاۋىنىڭ رۋحىن ەستە بەرىك ساقتاپ، ورتالىق كاسىپورىندارىنىڭ ەنەرگيامەن قامداۋدى قامتاماسىز ەتۋدەگى نەگىزگى قوسىندىق رولىن تولىق ساۋلەلەندىرىپ، تەرەڭ جەر تەحنيكاسى عىلمي زەرتتەۋىنەن قامال الۋدى جانە جوعارى ونىمدىلىكپەن قولدانۋدى ۇزدىكسىز كۇشەيتىپ، عىلىم - تەحنيكادا جاڭالىق اشۋ ارقىلى بارلاۋ، اشۋ، پايدالانۋ قۋاتىن جوعارىلاتۋعا ۇزدىكسىز جەتەكشىلىك، جەبەۋشىلىك ەتىپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋگە اناعۇرلىم پارمەندى تىرەك ازىرلەۋىن ءۇمىت ەتەمىن. سونان سوڭ ما شيڭرۇي شۇنبەي مۇناي - تابيعي گاز الابىنىڭ تەرەڭ 1 - كولبەۋ قۇدىعىنا بارىپ، اشۋ جۇمىسى، ءوندىرىس بارىسى، ءوندىرىس حاۋىپسىزدىگى سياقتىلاردى ناقتى ورىندا كورىپ، كوپشىلىكتى مۇناي - تابيعي گازدى ارتتىرۋدىڭ كومەسكى كۇشىن ۇزدىكسىز اشىپ، كاسىپ سالاسىنىڭ ساپاسىن جوعارىلاتۋدى، ونىمدىلىگىن ارتتىرۋدى ىلگەرىلەتىپ، ءىس جۇزىندىك ارەكەت ارقىلى پارتيا ورتالىق كوميتەتىنىڭ شەشىمدەرىن، ورنالاستىرۋلارىن ناقتاپ تياناقتاندىرۋعا شابىتتاندىردى.
جۇڭگو مۇناي حيميا توبى فۋمان مۇناي الابىنىڭ گولى 3C قۇدىعىنىڭ بۇرعىلاۋ جۇمىسى وسى ايدا ءساتتى اياقتاپ، 9396 مەترلىك قۇدىق تەرەڭدىگى ارقىلى ازيا قۇرلىعىنداعى ەڭ تەرەڭ مۇناي - تابيعي گاز گوريزونتال قۇدىعى رەكوردىن جاڭالاپ، تارىم مۇناي الابىنىڭ رەسمي تۇردە 9000 مەترلىك دەڭگەيدەگى مۇناي - تابيعي گاز بارلاۋ - اشۋدىڭ جاڭا كەزەڭىنە قادام تاستاعاندىعىن ايگىلەدى. ما شيڭرۇي قۇدىق بۇرعىلاۋ جابدىقتارىنىڭ جۇمىس جۇرگىزۋى، مۇناي - تابيعي گاز اشۋ اياق الىسى، ءوندىرىس قۋاتى جانە ءونىم مولشەرى سياقتى احۋالدارعا ناقتى ورىندا تەكسەرۋ جۇرگىزىپ، مۇناي - تابيعي گاز اشۋ ونىمدىلىگىن جوعارىلاتۋ، ءونىم مولشەرىن ۇزدىكسىز ورنىقتى ارتتىرۋ، مۇناي - تابيعي گاز كاسىپ سالاسىنىڭ دامۋى سياقتىلار جونىندە مۇناي الابىنىڭ قاتىستى جاۋاپتىلارىمەن جانە تەحنيكتەرمەن ىشكەرىلەي اڭگىمەلەستى. ول بىلاي دەپ اتاپ كورسەتتى: مۇناي - تابيعي گاز بايلىعىن بارلاۋ - اشۋ سەرپىنىن ارتتىرىپ، قوردان پايدالانۋ دەڭگەيى مەن جيناۋ مولشەرىن جوعارىلاتىپ، شيكى مۇناي - تابيعي گاز ءوندىرىس قۋاتىنىڭ ورنىقتى ارتۋىن ىلگەرىلەتىپ، اناعۇرلىم كۇشتى جاۋاپكەرشىلىك ارقالاۋ، اناعۇرلىم ناقتى ىسكەرلىك كورسەتۋ ارقىلى بەلسەندى تۇردە مەملەكەتتىڭ ەنەرگيامەن ءوزىن قامداۋ مولشەرىن جوعارىلاتۋعا كوبىرەك ۇلەس قوسۋ كەرەك. ما شيڭرۇي جۇڭگو مۇناي حيميا توبى تارىم مۇناي الابى حادى مۇناي - تابيعي گاز اشۋدى باسقارۋ اۋماعىنىڭ فۋيۋان مۇناي - تابيعي گاز بويىنشا جۇمىس جۇرگىزۋ، باپتاۋ ورتالىعىنا بارىپ، مۇناي - تابيعي گازدى ءبىر جاقتى ەتۋ، باسقارۋ - باپتاۋ سياقتى قىزمەتتەردىڭ احۋالىن تىڭداپ، كوپشىلىكتىڭ دۇنيە جۇزىندەگى بىرەگەي دەڭگەيدى كوزدەپ، سيفرلانۋعا قاراي تيپ جاڭالاۋدى، زەردەلىلەندىرىپ دامىتۋدى زور كۇشپەن ىلگەرىلەتىپ، جۇمىس جۇرگىزۋدى قاداعالاۋ مەن ارالاپ تەكسەرۋدى، باپتاۋدى ۇزدىكسىز كۇشەيتىپ، حاۋىپسىز، ورنىقتى جۇمىس جۇرگىزۋگە شىنايى كەپىلدىك ەتىپ، مۇناي - تابيعي گازدى ءبىر جايلى ەتۋ تەحنيكاسى مەن قابىلەتىن كۇش سالا جوعارىلاتىپ، مۇناي - تابيعي گازدى اشۋ، وڭدەۋ جاعىندا ۇزدىكسىز ءونىم مولشەرىن جوعارىلاتىپ، ونىمدىلىكتى ارتتىرۋدى اناعۇرلىم ويداعىداي قامتاماسىزداندىرۋدى ءۇمىت ەتتى.
ما شيڭرۇي تەكسەرۋ - زەرتتەۋدە بىلاي دەپ باسا دارىپتەدى: ەنەرگيا مەملەكەتتىڭ ەكونوميكالىق، قوعامدىق دامۋى جونىنەن جالپى جاعدايلىق، ستراتەگيالىق مانگە يە. كەلەلى جاعداي تانىمىن شىن مانىندە كۇشەيتىپ، ستراتەگيا جانە جالپى جاعداي بيىگىنەن كىرىسۋگە تاباندى بولىپ، شينجياڭنىڭ مۇناي - تابيعي گاز سياقتى بايلىقتارى مەن كاسىپ سالالارىنىڭ بۇكىل ەلدىڭ ەكونوميكالىق كەلەلى جاعدايىنداعى ماڭىزدى رولىن تولىق تانىپ، نازاردى ”ءبىر بەلدەۋ، ءبىر جولدىڭ“ جوعارى ساپالى دامۋى، جاڭا داۋىردەگى مەملەكەتتىڭ ”ءۇش بازا، ءبىر ارنا“ قۇرىلىسى سياقتى كەلەلى ستراتەگيالىق قاجەتىنە شوعىرلاندىرىپ، بۇكىل ەلدىڭ ەنەرگيا بايلىعى ستراتەگيالىق قامتاماسىزداندىرۋ بازاسىن تۇلعالاۋ سىندى شينجياڭنىڭ ستراتەگيالىق ورنىن كوزدەپ، ”8 ءىرى كاسىپ سالاسى شوعىرى“ قۇرىلىسىنىڭ دامۋىن تىعىز ارقاۋ ەتىپ، شينجياڭ مۇناي - تابيعي گاز كاسىپ سالاسىنىڭ جوعارى ساپالى دامۋىن جەدەل ىلگەرىلەتىپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋگە اناعۇرلىم زور ۇلەس قوسۋ كەرەك. كومەسكى كۇشتى اشۋدى جەدەل ىلگەرىلەتىپ، قوردى ارتتىرىپ، ءونىم مولشەرىن جوعارىلاتۋ قىزمەت سەرپىنىن ارتتىرىپ، مۇناي - تابيعي گاز كاسىپ سالاسىنىڭ دامۋىن ءارقايسى جاق بىرگە قولدايتىن قۇدىرەتتى بىرىككەن كۇش قالىپتاستىرىپ، ساياساتتىق قولداۋ جانە قۇرىلعى قۇرىلىسى سياقتى جاقتارداعى قامتاماسىزدىقتى كۇشەيتىپ، ءىرى مۇناي - تابيعي گاز الابىن بارلاۋ - اشۋ ونىمدىلىگىن جوعارىلاتىپ، كوپ شارانى قاتار قولدانۋ ارقىلى مۇناي - تابيعي گاز جاعىنداعى ءوندىرۋدى، قامداۋدى قامتاماسىزداندىرۋ قۋاتىن جوعارىلاتۋ كەرەك. وسى زامانعى كاسىپ سالاسى جۇيەسىن كەمەلدەندىرىپ، كاسىپ سالاسى نەگىزىنىڭ جوعارى دارەجەلىلەنۋىن، كاسىپ سالاسى تىزبەگىنىڭ وسىزاماندانۋىن ىلگەرىلەتىپ، ونەركاسىپتىڭ ساپاسىن جوعارىلاتىپ، ونىمدىلىگىن ارتتىرۋ مەن تيبىن جاڭالاپ، دارەجەسىن جوعارىلاتۋدى كوزدە ۇستاپ، تىزبەكتى ۇزارتۋدى، تىزبەكتى تولىقتاۋدى، تىزبەكتى كەڭەيتۋدى، تىزبەكتى كۇشەيتۋدى جەدەلدەتىپ، شوعىرلى، جيناقى دامۋدى زور كۇشپەن ىلگەرىلەتىپ، مۇناي - تابيعي گاز كاسىپ سالاسىنىڭ جوعارى ساپالى دامۋىن جانە جاسىل، تومەن كومىر قىشقىل گازدى بولۋعا بۇرىلىس جاساۋىن جۇزەگە اسىرۋ كەرەك. ەكونوميكالىق، قوعامدىق دامۋعا بەلسەنە قىزمەت ەتىپ، ورتالىق كاسىپورىندارى مەن جەرگىلىكتى ورىننىڭ سەلبەستىگىن تەرەڭدەتىپ، مۇناي - تابيعي گازدى سول جەردە وڭدەۋ، كادەگە جاراتۋ سەرپىنىن ارتتىرىپ، ”شينجياڭنىڭ مۇنايىن شينجياڭدا وڭدەۋدى“ ۇزدىكسىز ىلگەرىلەتىپ، جەرگىلىكتى مۇناي حيميا ونەركاسىبى كاسىپ سالاسىنىڭ دامۋىن دەمەپ جانە جەتەكتەپ، شينجياڭنىڭ ەنەرگيا بايلىعى باسىمدىعىن جوعارى ساپالى دامۋ باسىمدىعىنا اناعۇرلىم ويداعىداي اينالدىرۋدى ىلگەرىلەتۋ كەرەك. دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، ءوندىرىس حاۋىپسىزدىگى جانە ەكولوگيالىق ورتانى قورعاۋ سياقتى جاۋاپكەرشىلىكتەردى بۇلجىتپاي تياناقتاندىرىپ، ءوندىرىس، شارۋاشىلىق ورىندارىنىڭ تۇلعالىق جاۋاپكەرشىلىگىن كۇش سالا قاتايتىپ، ناقتىلاندىرىپ، اۋىر، ەرەكشە اۋىر ءوندىرىس حاۋىپسىزدىگى شىرعالاڭدارىنىڭ تۋىلۋىنان قاتاڭ ساقتانىپ جانە ونى تەجەپ، حاۋىپسىز بولۋ، قورشاعان ورتانى قورعاۋ ورەسىنىڭ جاپپاي جوعارىلاۋىن ىلگەرىلەتىپ، جوعارى دەڭگەيدەگى حاۋىپسىزدىك ارقىلى جوعارى ساپالى دامۋدى ءونىمدى قورعاۋ كەرەك.
