3 - ايدىڭ 16 - كۇنى بايىنعولين موڭعۇل اۆتونوميالى وبلىسى يانجي حۇيزۋ اۆتونوميالى اۋدانىنداعى شينجياڭعا كومەككە كەلگەن كاسىپورىن بايىنعولين وبلىسى شىڭتۇڭ سۋلياۋ بۇيىمدار شەكتى سەرىكتەستىگىنىڭ ٴوندىرىس سەحىندا ماشينانىڭ گۇرىلدەگەن ٴۇنى ەستىلىپ، جۇمىسشىلار ٴتۇرلى توقىما قالتالاردى وندىرۋمەن قاربالاس بولدى. 2021 - جىلى 9 - ايدا شينجياڭعا كومەككە كەلگەن كادرلاردىڭ دانەكەر بولۋىندا، بايىنعولين وبلىسى شىڭتۇڭ سۋلياۋ بۇيىمدار شەكتى سەرىكتەستىگى يانجيگە ىرگە تەپتى. بۇل سەرىكتەستىك سۋلياۋ قالتانى ارناۋلى وندىرەتىن كاسىپورىن، جىلدىق ٴونىم قۇنى 100 ميلليون يۋانعا تايايدى، جەرگىلىكتى ورىنداعى 30 نەشە ادامدى جۇمىس ورنىمەن قامدادى. (انار بۇلت \ شينجياڭ گازەتىنىڭ ٴتىلشىسى دۋ جيانحۇي)
وسى اۋداننىڭ يانجي قالاشىعى جينلياڭ الەۋمەتتىك اۋماعىنىڭ تۇرعىنى تۇساگۇل احات ٴبىر جىلدىڭ الدىندا وسى سەرىكتەستىككە كەلىپ قىزمەت ىستەگەن، قازىر ايلىق ەڭبەكاقىسى 5000 يۋانعا تايايدى. سەرىكتەستىك ۇيگە جاقىن بولعاندىقتان، تۇرساگۇل احات ۇيدەگى قاريالارعا قارايلاسۋىن دا، جۇمىسىن دا اقساتپادى. سۋرەتتە تۇساگۇل احات سىم تارتۋ ماشيناسىنىڭ الدىندا جۇمىس ىستەۋدە.
”بيىل جىل باسىنان بەرى، سەرىكتەستىك 13 ميلليون يۋاندىق تاپسىرىسقا قول قويدى“. سەرىكتەستىكتىڭ باس ديرەكتورى حوۋ رۇيگۋاڭ بىلاي دەيدى، يانجي ويپاتىندا قىزىل بۇرىش، قىزاناق سياقتى ەرەكشە اۋىل شارۋاشىلىق ونىمدەرىنىڭ ەگىلەتىن جەر اۋدانى كەڭ، توقىما قالتاعا سۇرانىسى زور، سەرىكتەستىك ٴوندىرىس ونىمدىلىگىن بىرتىندەپ جوعارىلاتىپ، ٴتىپتى دە كوپ بۇقارانى كىرىستەرىن ارتتىرىپ اۋقاتتانۋعا باستايدى. سۋرەتتە جۇمىسشىلار سۋلياۋ توقىما قالتا تاسىمالداۋدا.
