كوكتەمگى ەگىس جۇمىسى تۇتاس جىلدا استىقتان مول ٴونىم الۋعا سايادى. اۋىل شارۋاشىلىعى، اۋىل - قىستاق مينيسترلىگىنىڭ ەڭ جاڭا اۋىل شارۋاشىلىق جاعدايى ورنالاستىرۋىندا كورسەتىلۋىنشە، قازىر بۇكىل ەل بويىنشا كوكتەمگى ەگىلەتىن استىقتىڭ %3.6ى ورىندالىپ، اياق الىسى سايكەس مەزگىلدەگىمەن نەگىزىنەن قارايلاس بولعان. ”مايسا جاقسى وتىرعىزىلسا، جاقسى ءونىم الۋعا بولادى“ دەگەن ٴتامسىل بار، جارامدى مايسا كۇرىش ٴتۇسىمىنىڭ نەگىزى. ال، ٴوسۋى رەتتى، تىعىزدىعى ۇيلەسىمدى مايسا ماشينامەن مايسا وتىرعىزۋ جونىنەن العاندا توتەنشە ماڭىزدى. فۋجيان، حۋنان قاتارلى جەرلەردە كۇرىش مايساسىن جەتىلدىرۋ قىزمەتى جالپى بەتتىك قانات جايدىرىلۋدا.
بيىل فۋجيان جياننيڭدا ەرتە پىساتىن كۇرىش ەگىلگەن جەر اۋدانى 16 مىڭ مۋعا جەتكەن، كۇرىش تۇقىمىن جيىپ العاننان كەيىن نەگىزىنەن ەلىمىزدىڭ چاڭجياڭىنىڭ وڭتۇستىگىندەگى رايوندارعا ساتىلادى.
جاقسى مايسا ءونىمنىڭ نەگىزى، بيىل حۋنان ولكەسى 74 ٴتۇيىندى اۋداندا (قالا ، رايون) 13 ميلليون 500 مىڭ مۋ جەردەگى ەرتە پىساتىن كۇرىشتىڭ مايساسىن شوعىرلى جەتىلدىرۋ مىندەتىن تياناقتاندىرۋدى جوسپارلاپ وتىر، قازىر ٴوندىرىس مىندەتى تۇگەلدەي ٴبولىنىپ بولدى. چاڭشا قالاسىنىڭ ۋاڭچىڭ رايونىنداعى زەردەلى مايسا جەتىلدىرۋ بازاسىندا استىق ەگەتىن ٴىرى وتباسىلارى ەرتە پىساتىن كۇرىش مايساسىن شۇعىل جەتىلدىردى، ٴداستۇرلى مايسا جەتىلدىرۋمەن سالىستىرعاندا، زەردەلى مايسا جەتىلدىرۋ زاۆودى ۇلاسپالى ءوندىرىس ارقىلى تۇقىم ٴسىڭىرىپ، ساڭلاۋسىز بولمەدە كوكتەتتى، بۇرشىكتەرى رەتتى ءونىپ، جەتىلۋ ۋاقىتى بىردەي بولدى.
قازىر بۇكىل ەل بويىنشا ەرتە پىساتىن كۇرىش مايساسىن جەتىلدىرۋدىڭ %41.8ى ورىندالىپ، قارقىنى سايكەس مەزگىلدەگىدەن %4.3 پايىز ارتىپ، ەگۋدىڭ %8.6ى ورىندالىپ، قارقىنى سايكەس مەزگىلدەگىدەن %1 تەزدەدى. (ورتالىق تەلەۆيزيا باس ستانسياسىنىڭ تىلشىلەرى چىن بو، شاۋ حايچىڭ)
