−ءتوراعا شي جينپيڭنىڭ 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندەگى ماڭىزدى ءسوزىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
ادىلەتتىڭ داڭعىل جولىمەن جۇرسەڭ، دۇنيە كوپكە ورتاق بولادى. 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندە ءتوراعا شي جينپيڭ تاريحتىڭ جانە ءداۋىردىڭ بيىگىندە تۇرىپ، جۇڭگو مەن دۇنيە ءجۇزىنىڭ ورتاق مۇددەسىن، بۇكىل ادامزاتتىڭ بولاشاق تاعدىرىن شىعار ءتۇيىن ەتىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا ”ءبىز ادامزاتتىڭ تاعدىرلاس ورتاق تۇلعاسىن قۇرۋدى قۇلشىنا ىلگەرىلەتۋىمىز كەرەك“ دەپ باسا دارىپتەدى.
جۇڭگونىڭ دامۋى دۇنيە جۇزىنە تيىمدىلىك جەتكىزەدى، جۇڭگونىڭ دامۋى دۇنيە جۇزىنەن قول ۇزە المايدى. رەفورما جاساعان، ەسىك اشقان 40 نەشە جىلدا تالماي قۇلشىنۋ ارقىلى ءبىز ەكونوميكانىڭ تەز قارقىنمەن دامۋى مەن قوعامنىڭ ۇزاق ۋاقىت ورنىقتى بولۋى سىندى ەكى ۇلكەن كەرەمەتتى جاراتىپ، ءوزىمىزدى دامىتۋ ارقىلى دۇنيە جۇزىنە اناعۇرلىم كوپ وراي اكەلدىك. اسىرەسە، جاڭا داۋىردەن بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز سىرتقا ەسىك اشۋدى ۇزدىكسىز كەڭەيتىپ، بۇكىل الەمگە بەت العان جوعارى ولشەمدى ەركىن ساۋدا رايونى تورىن قۇرىپ، ەركىن ساۋدا سىناق رايونى، حاينان ەركىن ساۋدا پورتى قۇرىلىسىن جەدەل ىلگەرىلەتتىك، ”ءبىر بەلدەۋ، ءبىر جولدى“ بىرگە قۇرۋ قىزۋ قارسى الۋعا بولەنگەن حالىقارالىق الەۋمەتتىك ونىمگە جانە حالىقارالىق سەلبەستىك تۇعىرىنا اينالدى. ەلىمىز 140تان استام مەملەكەت پەن رايوننىڭ نەگىزگى ساۋدا سەرىگىنە اينالىپ، زات ساۋداسىنىڭ جالپى سوماسى دۇنيە ءجۇزى بويىنشا 1 - ورىندى يەلەپ، شەتەل قارجىسىن باۋراۋ مەن شەتەلگە قارجى قوسۋدا دۇنيە ءجۇزى بويىنشا الدىڭعى قاتاردا تۇرىپ، اناعۇرلىم كەڭ كولەمدە، اناعۇرلىم كەڭ سالادا، اناعۇرلىم تەرەڭ ساتىدا سىرتقا ەسىك اشۋدىڭ ارناسىن قالىپتاستىردىق. ءبىز حالىقارالىق ادىلدىكتى، تۋراشىلدىقتى باتىل قورعاپ، ناعىز كوپ جاقتىلىقتى امالياتتا ايگىلەۋدى دارىپتەپ، بۇكىل الەمدى قامتىعان سەرىكتەستىك قارىم - قاتىناس تورىن بەلسەنە قۇرىپ، جاڭاشا حالىقارالىق قارىم - قاتىناس ورناتۋدى ىلگەرىلەتىپ، الەمدىك باسقارۋ جۇيەسى رەفورماسى مەن قۇرىلىسىنا بەلسەنە ات سالىسىپ، بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى بۇكىل ادامزاتتىڭ ورتاق قۇنىن اسقاقتاتتىق، ادامزاتتىڭ تاعدىرلاس ورتاق تۇلعاسىن قۇرۋ ءداۋىر اعىمى مەن ادامزاتتىڭ العا باسۋ بەتالىسىنا جەتەكشىلىك ەتەتىن ايقىن تۋعا اينالىپ، ەلىمىزدىڭ حالىقاراداعى ىقپال قۋاتى، باۋراۋ قۋاتى، سومداۋ قۋاتى كورنەكتى جوعارىلادى.
پارتيانىڭ 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدىڭ ايبىندى جوباسىن كەسكىندەپ، ”ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى“ جۇڭگو ۇلگىسىندەگى وسىزامانداندىرۋدىڭ ماندىك تالاپتارىنىڭ ءبىرى ەتىپ، ”دۇنيە ءجۇزىنىڭ بەيبىتشىلىگى مەن دامۋىن جەبەۋ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ“ سىندى كەلەلى ورنالاستىرۋ جاسادى. قازىر دۇنيە ءجۇزىنىڭ وزگەرىسى، ءداۋىردىڭ وزگەرىسى، تاريحتىڭ وزگەرىسى بۇرىن بولىپ كورمەگەن تاسىلمەن ورىستەۋدە. ءبىر جاعىنان، بەيبىتشىلىك، دامۋ، سەلبەستىك، تەڭ يگىلىكتەنۋ سىندى تاريح اعىمى بوگەۋ بەرمەي، حالىق قالاۋى، كەلەلى اۋقىم ادامزات بولاشاعىنىڭ ءبارىبىر جارقىن بولاتىندىعىن بەلگىلەدى. ەندى ءبىر جاعىنان، كۇشتىگە ارقا سۇيەپ، ءالسىزدى باسىنۋ، الداۋ نەمەسە تارتىپ الۋ، تەكە - تىرەستىك سياقتى زورەكەرلىك، وزبىرلىق، وكتەمدىك ارەكەتتەرىنىڭ زالالى اۋىر بولىپ، بەيبىتشىلىك قىزىل سيفرى، دامۋ قىزىل سيفرى، حاۋىپسىزدىك قىزىل سيفرى، باسقارۋ قىزىل سيفرى ۇلعايىپ، ادامزات قوعامى بۇرىن بولىپ كورمەگەن سايىستارعا ءدوپ كەلدى. دۇنيە تاعى ءبىر رەت تاريحتىڭ جول ايىرىعىنا تىرەلىپ، قايدا بارىپ، قايدا تۇرۋ ءار ەل حالقىنىڭ تالعامىنا ءتۇستى. ادامزاتتىڭ تاعدىرلاس ورتاق تۇلعاسىن قۇرۋ دۇنيە جۇزىندەگى ءار ەل حالقىنىڭ بولاشاعى ەكەندىگىن، ءسوز جوق، جەتە تانۋىمىز كەرەك. تەك ءار ەل الەمنىڭ داڭعىل جولىمەن ءجۇرىپ، تاتۋ - ءتاتتى بولىپ، سەلبەسىپ تەڭ يگىلىككە كەنەلگەندە عانا، گۇلدەنۋ باياندى بولادى، حاۋىپسىزدىك قامتاماسىز ەتىلەدى. جۇڭگو سىرتقا ەسىك اشۋ سىندى نەگىزگى مەملەكەت ساياساتىنا تاباندى بولىپ، دۇنيە ءجۇزىنىڭ بەيبىتشىلىگىن قورعاۋ، بىرگە دامۋدى جەبەۋ سىندى ديپلوماتيالىق ساياسات باس ماقساتىنا تاباندى بولىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە كۇش سالىپ، باستان - اياق دۇنيە ءجۇزى بەيبىتشىلىگىنىڭ قۇرۋشىسى، الەمدىك دامۋدىڭ ۇلەس قوسۋشىسى، حالىقارالىق ءتارتىپتىڭ قورعاۋشىسى بولادى.
ەسىك اشۋ العا باستىرادى، توماعا تۇيىقتىق تابيعي تۇردە ارتتا قالدىرادى. ەلىمىز دامۋدا باسىمدىققا قول جەتكىزۋدە، ىرىقتىلىققا قول جەتكىزۋدە، بولاشاققا قول جەتكىزۋدە، ءسوز جوق، ەكونوميكانىڭ جاھاندانۋىنا ۇيلەسىپ، ەلىمىزدىڭ ەرەن كولەمدى بازار ابزالدىلىعىنا سۇيەنىپ، اناعۇرلىم بەلسەندى، ىرىقتى ەسىك اشۋ ستراتەگياسىن اتقارۋى كەرەك. جاڭا جورىقتا ءبىز جوعارى دەڭگەيدەگى سىرتقا ەسىك اشۋدى تىڭعىلىقتى ىلگەرىلەتىپ، ەل ءىشى ۇلكەن اينالىمى ارقىلى الەمدىك بايلىق فاكتورلارىن باۋراپ، ەل ءىشى، حالىقارا سىندى ەكى بازاردىڭ، ەكى بايلىقتىڭ ىقپالداستىق اسەرىن كۇشەيتىپ، ەرەجە، ەرەجە - ءتۇزىم، باسقارۋ، ولشەم سياقتى تۇزىمدىك ەسىك اشۋدى ورنىقتى كەڭەيتىپ، بازارلانعان، زاڭمەن باسقارىلاتىن، حالىقارالانعان ماڭداي الدى شارۋاشىلىق - ساۋدا ورتاسىن تۇلعالاپ، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتىپ، الەمدىك بازار مەن بايلىقتان ويداعىداي پايدالانىپ ءوزىمىزدى دامىتۋمەن بىرگە، دۇنيە ءجۇزىنىڭ بىرگە دامۋىن ىلگەرىلەتىپ، جۇڭگونىڭ جاڭا دامۋى ارقىلى دۇنيە جۇزىنە ۇزدىكسىز جاڭا وراي ازىرلەۋىمىز كەرەك.
ادامزات −بەينەت پەن زەينەتتى بىرگە وتكەرەتىن تاعدىرلاس ورتاق تۇلعا، ورتاق سىن - سايىس الدىندا تەك ءبىر جاعادان باس، ءبىر جەڭنەن قول شىعارۋ، جاراسىمدى قاتار ءومىر ءسۇرۋ سىندى ءبىر عانا شىعار جول بار، ءارقانداي قيىنشىلىق، بۇراڭ جولدار تاريحتىڭ العا باسۋ تەگەرشىگىن بوگەي المايدى. جاڭا جورىقتا ءبىز بەيبىتشىلىك، دامۋ، سەلبەستىك، تەڭ يگىلىككە كەنەلۋ تۋىن بيىك ۇستاپ، باستان - اياق تاريحتىڭ دۇرىس جاعىندا تۇرىپ، ادامزات وركەنيەتىنىڭ العا باسۋى جاعىندا تۇرىپ، ناعىز كوپ جاقتىلىقتى امالياتتا ايگىلەپ، بۇكىل ادامزاتتىڭ ورتاق قۇنىن امالياتتا ايگىلەپ، الەمدىك باسقارۋ جۇيەسى رەفورماسى مەن قۇرىلىسىنا بەلسەنە ات سالىسىپ، ەكونوميكانىڭ جاھاندانۋىنىڭ دۇرىس بەتالىسىنا تاباندى بولىپ، ساۋدا مەن قارجى قوسۋدىڭ ەركىن، قولايلى بولۋىن ىلگەرىلەتىپ، اشىق دۇنيە ءجۇزى ەكونوميكاسىن قۇرۋدى ىلگەرىلەتىپ، الەمدىك دامۋ باستاماسىن، الەمدىك حاۋىپسىزدىك باستاماسىن، الەمدىك وركەنيەت باستاماسىن تياناقتاندىرۋدى ىلگەرىلەتىپ، دۇنيە ءجۇزىنىڭ بەيبىت دامۋىنا اناعۇرلىم كوپ ورنىقتىلىق پەن وڭ ەنەرگيا ۇستەۋىمىز، ەلىمىزدىڭ دامۋىنا تاماشا حالىقارالىق ورتا ازىرلەۋىمىز كەرەك.
ءبىز سىن - سايىستارعا تولى، سونداي - اق ۇمىتكە تولى داۋىردە تۇرمىز. ءبىز بەيبىت دامۋ جولىمەن جۇرۋگە تاباندى بولىپ، دۇنيە ءجۇزىنىڭ بەيبىتشىلىگىن قورعاۋ ارقىلى ءوزىمىزدى دامىتۋمەن قوسا، ءوز دامۋىمىز ارقىلى دۇنيە ءجۇزىنىڭ بەيبىتشىلىگىن قورعاپ، دۇنيە جۇزىندەگى بارلىق العاباسار كۇشتەرمەن قول ۇستاسا العا ىلگەرىلەسەك، ءسوز جوق، ادامزات وركەنيەتىنىڭ العا باسۋىنا اقىل - پاراساتىمىز بەن كۇش - قۋاتىمىزدى ۇزدىكسىز ارناپ، دۇنيە جۇزىندەگى ءار ەل حالقىمەن بىرگە ۇزاق ۋاقىت بەيبىت بولعان، جاپپاي حاۋىپسىز بولعان، بىرگە گۇلدەنگەن، اشىق تا سيىسىمدى، تازا دا كورىكتى دۇنيە قۇرۋدى ىلگەرىلەتە الامىز.
(شينحۋا اگەنتتىگىنىڭ 3 - ايدىڭ 19 - كۇنى بەيجيڭنەن بەرگەن حابارى)
