□ گازەتىمىزدىڭ شولۋشىسى
3 - ايدىڭ 20 - كۇنى بۇكىل رايوننىڭ جوعارى ساپالى دامۋ (ءۇرىمجى − قارامايلى − سانجى اۋماعى) جۇمىس باسى ءماجىلىسى اشىلدى، باسقا اۋماقتاردىڭ جوعارى ساپالى دامۋ جۇمىس باسى ءماجىلىسى دە ىركەس - تىركەس اشىلادى. جۇمىس باسى ءماجىلىسىنىڭ اۋماقتارعا ءبولىنىپ اشىلۋى قوعامعا جوعارى ساپالى دامۋدى زور كۇشپەن ىلگەرىلەتۋدىڭ كۇشتى سيگنالىن تاراتۋمەن بىرگە، اۆتونوميالى رايوندىق پارتكوم مەن ۇكىمەتتىڭ جۇيە ويىنا تاباندى بولىپ، وڭىرلەردىڭ سايكەستى دامۋىن ءبىر تۇتاس جوسپارلاپ ىلگەرىلەتىپ، شينجياڭنىڭ جوعارى ساپالى دامۋى سىندى ءبىر تۇتاس جۇيەنى ويداعىداي جۇرگىزۋ ستراتەگيالىق ويىن دا ايگىلەدى.
باس شۋجي شي جينپيڭ ”جۇڭگو ۇلگىسىندەگى وسىزامانداندىرۋدى ىلگەرىلەتۋدە، ءسوز جوق، باستاما جىلداعى قىزمەتتەردى ويداعىداي يگەرۋ كەرەك. پارتيا ورتالىق كوميتەتىنىڭ شەشىمدەرىن، ورنالاستىرۋلارىن جاپپاي دايەكتىلەندىرىپ، تياناقتاندىرىپ، ورنىقتىلىقتى ماڭداي الدى ورىنعا قويۋعا، ورنىقتىلىق بارىسىندا ىلگەرىلەۋگە تاباندى بولىپ، ەل ءىشى، حالىقارا سىندى ەكى كەلەلى جاعدايدى اناعۇرلىم ويداعىداي ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، رەفورما جاساۋدى، ەسىك اشۋدى جاپپاي تەرەڭدەتىپ، جوعارى ساپالى دامۋدى ىلگەرىلەتۋ كەرەك“ دەپ باسا دارىپتەپ، ءبىزدىڭ پارتيا 20 - قۇرىلتايىنىڭ رۋحىن دايەكتىلەندىرۋدىڭ، تياناقتاندىرۋدىڭ باستاما جىلىندا جوعارى ساپالى دامۋدى ىلگەرىلەتۋىمىزگە بەتالىس كورسەتتى. جوعارى ساپالى دامۋدى ىلگەرىلەتۋ −ءبىر جۇيەلى ينجەنەريا، ”ءبارىن بىردەي يگەرۋگە“ بولمايدى، جۇيە كوزقاراسىن شىنايى كۇشەيتىپ، وڭىرلەردىڭ سايكەستى دامۋىنىڭ جاڭا ارناسىن تۇلعالاۋىمىز كەرەك.
شينجياڭنىڭ جەرى كەڭ، جەر - جەردىڭ جاراتىلىستىق بايلىق ارتىقشىلىعىندا پارىق زور، دامۋدا ءدوپ كەلگەن ماسەلەلەرى دە الۋان ءتۇرلى. جوعارى ساپالى دامۋدى ىلگەرىلەتۋ، ءبىر تۇتاس جوسپارلاپ سايكەستىرۋ −ىشكى تالاپ. وسى رەت جاعراپيالىق ورنى جاقىن، بايلىق ابزالدىلىعى، ەكونوميكالىق دامۋ دەڭگەيى سياقتىلار قارايلاس وڭىرلەردىڭ باسىن قوسىپ، جەكە - جەكە جۇمىس باسى ءماجىلىسىن اشۋ جالپى تۇلعانى كوزدە ۇستاۋ، ءىشىنارالىقتان باستاپ ىسكە كىرىسۋ، ءبىر تۇتاس جوسپارلاپ ويلاستىرۋ، تاراپتار سايكەسۋ سىندى دامۋ وي جەلىسىن ايگىلەدى، مۇنىڭ ءارقايسى اۋماقتاردىڭ جۇيە كوزقاراسىن كۇشەيتىپ، جەرگىلىكتى جاعدايعا قاراي ىستەۋگە تاباندى بولىپ، ءوزىنىڭ بايلىق ارتىقشىلىعىن، وڭىرلىك باسىمدىعىن، دامۋ شارت - جاعدايىن تياناق ەتىپ، ءوز رايونىنىڭ جوعارى ساپالى دامۋىنىڭ وي جەلىسىن، شارالارىن، تاسىلدەرىن، جولدارىن، كەلەلى قىزمەتتەرىن ءبىر تۇتاس جوسپارلاپ، اقىلداسىپ، ەرەكشەلىگىن اناعۇرلىم ويداعىداي ايگىلەپ، سالىستىرمالى ابزالدىلىعىن ساۋلەلەندىرىپ، ءتىپتى دە سايكەستى وڭىرلىك دامۋ ارناسىن جۇزەگە اسىراتىندىعى داۋسىز.
وزەكتى قالالار مەن قالالار شوعىرى سياقتى باسىمدىعى بار وڭىرلەر ءبىرشاما جوعارى بايلىق فاكتورىن جايعاستىرۋ ونىمدىلىگىنە جانە سەرپىندى ەكونوميكالىق دامۋ ومىرشەڭدىگىنە يە بولىپ، جوعارى ساپالى دامۋ شاحمات تاقتاسىنداعى ماڭىزدى شاحمات تاسى ەسەپتەلەدى. شينجياڭ ەكونوميكاسىنىڭ جوعارى ساپالى دامۋىنىڭ وزەكتى موتورى جانە جىبەك جولى ەكونوميكالىق بەلدەۋى وزەكتى رايونىن قۇرۋداعى شەشۋشى بۋىن رەتىندە، ءۇرىمجى − قارامايلى − سانجى اۋماعى جەلىلەس جۇمىس باسى ءماجىلىسى العاش اشىلعان جەر بولدى. وندا وڭىرلىك باسىمدىعى كورنەكتى، ەنەرگيا بايلىعى مول، كاسىپ سالاسى نەگىزى جاقسى، دارىندىلار بايلىعى شوعىرلى، سوتسياليستىك وسىزاماندانعان قۇدىرەتتى ەل قۇرۋدىڭ شينجياڭ امالياتىندا، شينجياڭنىڭ جاڭا دامۋ ارناسىنا قىزمەت وتەۋدە جانە توعىسۋدا، جوعارى ساپالى دامۋدى ىلگەرىلەتۋدە جاقسى اتويشى جانە باستاماشى بولۋىنا كوپشىلىك زور ءۇمىت ارتىپ وتىر. وسى شاحمات تاسىن ويداعىداي ءجۇرۋ ءۇرىمجى − قارامايلى − سانجى اۋماعىنىڭ بۇكىل شينجياڭنىڭ جوعارى ساپالى دامۋ ۇردىسىندە ونەگەلىك، جەتەكشىلىك رول اتقارۋىنا ءتيىمدى بولىپ، وسى ءتۇيىندى تابىستار ارقىلى جالپى تۇلعالىق ىلگەرىلەۋدى جەتەكتەۋ ونىمدىلىگىنە جەتۋگە بولادى.
ءۇرىمجى − قارامايلى − سانجى اۋماعىن بۇكىل رايونىمىزدىڭ جوعارى ساپالى دامۋىنداعى باستاماشى رايون ەتىپ تۇلعالاۋدا جوعارى ساپالى دامۋدىڭ ءتۇبىرلى تالابىن تەرەڭدەي يگەرىپ، جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرىپ، سالىستىرمالى باسىمدىعىن ساۋلەلەندىرىپ، قايشىلىقتاردى، ماسەلەلەردى جەدەل شەشىپ، ءوز رايونىنىڭ ءىس جۇزىندىك جاعدايىنا ۇيلەسەتىن جوعارى ساپالى دامۋ جولىن شىنايى تابۋ كەرەك. جەرگىلىكتى ورىننىڭ بايلىق ارتىقشىلىعىن تياناق ەتىپ، ”8 ءىرى كاسىپ سالاسى شوعىرىن“ تىرەك ەتكەن وسىزاماندانعان كاسىپ سالاسى جۇيەسىن كۇش سالا تۇلعالاۋ؛ عىلىم - تەحنيكادا جاڭالىق اشۋ ارقىلى دەمەۋدى كۇشەيتىپ، دامۋدىڭ جاڭا قوزعالتقىش قۋاتىن، جاڭا باسىمدىعىن جەدەل سومداۋ؛ ىشكى سۇرانىستى كەڭەيتۋ ستراتەگياسىن اتقارىپ، ەكونوميكانىڭ ارتۋ كومەسكى كۇشىن ءونىمدى ىسكە قوسۋ؛ رەفورما جاساۋدى، ەسىك اشۋدى تەرەڭدەتۋگە تاباندى بولىپ، ءتۇرلى تيجارات تۇلعالارىنىڭ باسەكەلەسە دامۋىن جەبەۋ؛ وڭىرلەردىڭ سايكەستى بىرلەسىپ قيمىلداۋىن جەبەپ، دامۋدىڭ جالپى تۇلعالىلىعىن، سايكەستىلىگىن ۇزدىكسىز كۇشەيتۋ؛ حالىقتىڭ قۇت - ىرىسىن ۇزدىكسىز نىعايتىپ، جوعارى ساپالى دامۋ جەتىستىكتەرىن شىن مانىندە جوعارى ساپالى تۇرمىسقا اينالدىرۋ؛ دامۋ مەن حاۋىپسىزدىكتى جوعارى ونىمدىلىكپەن ءبىر تۇتاس جوسپارلاپ، جوعارى ساپالى دامۋ مەن جوعارى دەڭگەيدەگى حاۋىپسىز، ۇنامدى ىقپالداستىقتى جۇزەگە اسىرۋ كەرەك.
جوعارى ساپالى دامۋ سىندى ماڭداي الدى مىندەتتى مىقتاپ يگەرىپ، ءارى ”جوعارى جاقتا تەتىك پەن پرينسيپتى يگەرىپ“، ستراتەگيالىق جوبالاۋ مەن جوعارى دەڭگەيدە جوبالاۋدى كۇشەيتىپ، جۇيەلى ىلگەرىلەتۋىمىز، ءارى ”ناقتى جۇمىستاردى تومەنگە ءبولىپ بەرىپ“، جەرگىلىكتى جاعدايعا قاراي ىستەپ، ءتۇيىندى قامال الىپ، تۇتاس شينجياڭنىڭ جوعارى ساپالى دامۋى سىندى ءبىر تۇتاس جۇيەنى كۇش سالا ويداعىداي جۇرگىزىپ، وڭىرلىك جوعارى ساپالى دامۋدى ىلگەرىلەتۋ بارىسىندا جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ۇزدىكسىز ىلگەرىلەتۋىمىز جانە كەڭەيتۋىمىز كەرەك.
