تيانشان تورى
تيانشان تورى   ›   جاڭالىقتار   ›   شينجياڭ حابارلارى

باس شۋجي شي جينپيڭنىڭ ماڭىزدى ءسوزىنىڭ، ماڭىزدى بەكىتۋىنىڭ رۋحىن جانە ورتالىقتىڭ تەكسەرۋ - زەرتتەۋدى بارىنشا ورىستەتۋ جونىندەگى ورنالاستىرۋلارىنىڭ رۋحىن جەتكىزدى، ۇيرەندى، دايەكتىلەندىردى

اۆتونوميالى رايوندىق پارتكوم تۇراقتى كوميتەتى ءماجىلىس اشتى

باس شۋجي شي جينپيڭنىڭ ماڭىزدى ءسوزىنىڭ، ماڭىزدى بەكىتۋىنىڭ رۋحىن جانە ورتالىقتىڭ تەكسەرۋ - زەرتتەۋدى بارىنشا ورىستەتۋ جونىندەگى ورنالاستىرۋلارىنىڭ رۋحىن جەتكىزدى، ۇيرەندى، دايەكتىلەندىردى

ما شيڭرۇي ءماجىلىستى باسقاردى

  انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 3 - ايدىڭ 20 - كۇنى ۇرىمجىدەن حابارلايدى. اۆتونوميالى رايوندىق پارتكوم تۇراقتى كوميتەتى 3 - ايدىڭ 20 - كۇنى تۇستەن كەيىن ءماجىلىس اشىپ، باس شۋجي شي جينپيڭنىڭ جۇڭگو كوممۋنيستىك پارتياسى مەن دۇنيە ءجۇزى ساياسي پارتيالارىنىڭ جوعارى جىكتەگىلەر كەڭەسىندە سويلەگەن ماڭىزدى ءسوزىنىڭ رۋحىن جانە قاتىستى ماڭىزدى بەكىتۋىنىڭ رۋحىن جەتكىزدى، ۇيرەندى، دايەكتىلەندىردى، جۇڭگو كوممۋنيستىك پارتياسى ورتالىق كوميتەتى كەڭسەسى باسىپ تاراتقان «بۇكىل پارتيادا تەكسەرۋ - زەرتتەۋدى بارىنشا ورىستەتۋ جونىندەگى قىزمەت جوباسىنىڭ» رۋحىن جەتكىزدى، ۇيرەندى، رايونىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى، ىندەتتەن ساقتانۋ - تىزگىندەۋگە قاتىستى قىزمەتتەردى ورنالاستىردى. اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى.

  ءماجىلىس مىنالاردى اتاپ كورسەتتى: باس شۋجي شي جينپيڭنىڭ جۇڭگو كوممۋنيستىك پارتياسى مەن دۇنيە ءجۇزى ساياسي پارتيالارىنىڭ جوعارى جىكتەگىلەر كەڭەسىندە سويلەگەن ماڭىزدى ءسوزى جۇڭگو كوممۋنيستىك پارتياسىنىڭ وسىزامانداندىرۋ جولى جاعىندا ىزدەنىس جاساۋ جونىندەگى تانىمىن جۇيەلى بايىمداپ، الەمدىك وركەنيەت باستاماسىن ايقىن العا قويىپ، دۇنيە ءجۇزىنىڭ وسىزاماندانۋ ءۇردىسىن ىلگەرىلەتۋگە، ادامزات وركەنيەتىنىڭ العا باسۋىن جەبەۋگە جۇڭگو جوباسىن ازىرلەدى. باس شۋجي شي جينپيڭنىڭ ماڭىزدى ءسوزىنىڭ رۋحىن دەن قويا ۇيرەنىپ، دايەكتىلەندىرىپ، شينجياڭنىڭ جۇڭگو ۇلگىسىندەگى وسىزامانداندىرۋ قۇرىلىسىنداعى ستراتەگيالىق ورنىن مىقتاپ يگەرىپ، ”ءبىر بەلدەۋ، ءبىر جول“ باستاماسى العا قويىلعاندىعىنىڭ 10 جىلدىعىن وراي ەتىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتىپ، جوعارى دەڭگەيلى سىرتقا ەسىك اشۋدى جاپپاي تەرەڭدەتىپ، حالىقارالىق مادەنيەت اۋىس - كۇيىسىن، سەلبەستىگىن كۇشەيتىپ، جۇڭگو شينجياڭىنىڭ حيكاياسىن بەلسەنە ويداعىداي بايانداپ، مەملەكەتتىڭ جالپى تۇلعالىق ديپلوماتيا كەلەلى جاعدايىنا ءتىپتى دە ويداعىداي قىزمەت وتەپ، جاپپاي سوتسياليستىك وسىزاماندانعان مەملەكەت قۇرۋدىڭ شينجياڭ تاراۋىن قۇلشىنا جازۋ كەرەك.

  ءماجىلىس مىنالاردى باسا دارىپتەدى: پارتيا ورتالىق كوميتەتىنىڭ بۇكىل پارتيادا تەكسەرۋ - زەرتتەۋدى بارىنشا ورىستەتۋدى ۇيعارۋى، سونداي - اق ونى بۇكىل پارتيادا ورىستەتىلەتىن نەگىزگى تاقىرىپتىق تاربيەنىڭ ماڭىزدى مازمۇنى ەتۋى باس شۋجي شي جينپيڭنىڭ، پارتيا ورتالىق كوميتەتىنىڭ تەكسەرۋ - زەرتتەۋ قىزمەتىنە باسا ءمان بەرەتىندىگىن تولىق ايگىلەدى، ءبىزدىڭ ماسەلەنى اناعۇرلىم ويداعىداي تانۋىمىزعا، ماسەلەگە تالداۋ جاساۋىمىزعا، ماسەلەنى شەشۋىمىزگە عىلمي جەتەكشىلىك ازىرلەدى. ساياسي دەڭگەيدى جوعارىلاتىپ، ”ەكى كەلەلى جاعدايدى“ كوكەيدە ءتۇيىپ، ”مەملەكەتتىڭ زور ءىسىن“ ەستە بەرىك ساقتاپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ دۇنيەگە كوزقاراسىنا، ءادىسناماسىنا جانە وعان سىڭىرىلگەن تۇرعىعا، كوزقاراسقا، ادىسكە تاباندى بولىپ جانە ودان ويداعىداي پايدالانىپ، 12 جاقتاعى ءتۇيىندى مازمۇندار مەن 6 ساتىنى ارقاۋ ەتىپ، نازاردى شينجياڭنىڭ باياندى تىنىشتىعىنا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەرگە شوعىرلاندىرىپ، ىشكەرىلەي تەكسەرۋ - زەرتتەۋ جۇرگىزىپ، ماسەلەلەردى سالالاپ، ءبىر - بىرلەي تەكسەرىپ، قيىن ماسەلەلەردى ءونىمدى شەشۋ كەرەك. حالىقتى بارىنەن جوعارى قويۋدى امالياتتا ايگىلەپ، سانالى تۇردە بۇقارادان ۇيرەنىپ، امالياتتان ۇيرەنىپ، نەگىزگى ساتىنىڭ ءبىرىنشى شەبىن ىشكەرىلەي ارالاپ، اتىز باسىنا بارىپ، بۇقارانىڭ تۇرمىسىنا ءسىڭىپ، رەال ماسەلەلەردى تاۋىپ، بۇقارانىڭ پىكىرىنە قۇلاق ءتۇرىپ، نەگىزگى ساتىنىڭ تاجىريبەسىن قورىتىندىلاپ، عىلمي شەشىم جاساۋ مەن باسشىلىق ەتۋ قابىلەتىن ۇزدىكسىز جوعارىلاتۋ كەرەك. شىندىقتى ءىس جۇزىنەن ىزدەۋگە، بارلىعىندا ءىس جۇزىندىكتى شىعار ءتۇيىن ەتۋگە تاباندى بولىپ، شىنايى تەكسەرۋدى، ىشكەرىلەي زەرتتەۋدى شىن مانىندە ورىنداپ، ءبىردى ءبىر، ەكىنى ەكى دەۋ، جاقسىلىقتى دا، كەمشىلىكتى دە ايتۋ، كىتاپشىلدىقتان، جوعارىعا تابىنۋشىلىقتان اۋلاق بولىپ، ناقتى جاعدايدى عانا نەگىزگە الۋ، بارىن سالا ناقتى ءىس ىستەپ، ناقتى شارا قاراستىرىپ، ناقتى ونىمدىلىككە تالپىنۋ كەرەك. ماسەلەنى باعدار ەتۋدى كورنەكتىلەندىرىپ، ماسەلەگە باتىلدىقپەن تۋرا قاراپ، ماسەلەنى شەبەرلىكپەن بايقاپ، ماسەلەنى شەشۋدى ءتۇبىرلى ماقسات ەتىپ، ماسەلەنى نەگىز ەتىپ تەكسەرىپ، ماسەلەنى قۋا زەرتتەۋ جۇرگىزىپ، ماسەلەدەن كوز جازباي شارالاردى شىعارىپ، نىسانالى ىستەپ، اۋرۋىنا قاراي ءدارى بەرىپ قيىن ماسەلەلەردى شەشۋ بارىسىندا جوعارى ساپالى دامۋدىڭ جاڭا جاعدايىن اشۋ كەرەك. ءبىر تۇتاس جوسپارلاپ ىلگەرىلەتۋدى كۇشەيتىپ، جالپى جاعداي مەن ءىشىنارا جاعدايدىڭ، قازىرگى مەن بولاشاقتىڭ، ماكرو مەن ميكرونىڭ، باستى قايشىلىق پەن ادەتتەگى قايشىلىقتىڭ، ەرەكشە مەن ادەتتەگىنىڭ قاتىناسىن ويداعىداي يگەرىپ، جوعارى مەن تومەن سايكەسىپ، تەكسەرۋ - زەرتتەۋدە بايقالعان ماسەلەلەردى شەشۋدى تۇتاس تۇلعالىق جاقتان ىلگەرىلەتىپ، باياندى مەحانيزمدى ۇزدىكسىز كەمەلدەندىرىپ، تەكسەرۋ - زەرتتەۋدىڭ تيانشان الابىندا سالتقا اينالۋىنا، ناقتى ونىمدىلىككە قول جەتكىزۋىنە مۇمكىندىك جاساۋ كەرەك.

  ءماجىلىس مىنالاردى باسا دارىپتەدى: باس شۋجي شي جينپيڭنىڭ ىندەتتەن ساقتانۋ - تىزگىندەۋ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجيدىڭ، پارتيا ورتالىق كوميتەتىنىڭ پارمەندى باسشىلىعىندا، ەلىمىزدىڭ ىندەتتەن ساقتانۋ - تىزگىندەۋدە كەلەلى شەشۋشى جەڭىسكە قول جەتكىزگەندىگىن تەرەڭ ءتۇسىنىپ، ساقتانۋ - تىزگىندەۋ شارالارىن ساپالىلاندىرۋدىڭ، رەتتەۋدىڭ كەلەلى ءمانى مەن تاجىريبە تولعانىسىن تەرەڭ يگەرىپ، پارتيا ورتالىق كوميتەتىنىڭ جاڭا كەزەڭدە ىندەتتەن ساقتانۋ - تىزگىندەۋ جونىندەگى ورنالاستىرۋلارىن، تالاپتارىن اناعۇرلىم ويداعىداي دايەكتىلەندىرىپ، تياناقتاندىرىپ، ”ءتورت جاق جاۋاپكەرشىلىگىن“ قاتايتىپ، ناقتىلاندىرىپ، ”B تۇردەگى B باسقارۋدىڭ“ ءتۇرلى شاراسىن عىلمي، دالمە - ءدال تياناقتاندىرىپ، ىندەتتى باقىلاۋ - تەكسەرۋ مەن ۇدايىلانعان ساقتاندىرۋ قابىلەتى قۇرىلىسىن كۇشەيتىپ، العاشقى دياگنوز جاۋاپكەرشىلىك ءتۇزىمى مەن ينفورماتسيا مالىمەتى ءتۇزىمىن تياناقتاندىرىپ، ءتۇيىندى قاۋىمنىڭ سالاماتتىعىن باقىلاۋ - تەكسەرۋدى كۇشەيتىپ، ۇدايىلانعان دارەجەگە، ساتىعا، سالاعا بولىنگەن ەمدەۋ - دەنساۋلىق ساقتاۋ قىزمەت وتەۋ جۇيەسىن ۇزدىكسىز اقاۋسىزداندىرىپ، كەمەلدەندىرىپ، وڭاي - وسپاق كەلمەگەن ىندەتتەن ساقتانۋ - تىزگىندەۋ جەتىستىگىن باتىل بەكەمدەۋ كەرەك.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.