ەلىمىز دۇنيە ءجۇزى بويىنشا ورمان بايلىعىنىڭ ارتۋى ەڭ تەز، ەڭ كوپ بولعان مەملەكەتكە اينالدى

　　بۇگىن 11 - كەزەكتى حالىقارالىق ورمان كۇنى، بيىلعى نەگىزگى تاقىرىپ ”ورمان جانە سالاماتتىق“

　　ءتىلشىنىڭ مەملەكەتتىك ورمان شارۋاشىلىعى، جايلىم مەكەمەسىنەن ۇعىسۋىنشا، اعاش ەگىپ، ورمان وتىرعىزۋدى جالعاستىرۋ، مەملەكەت جەرىن جاسىلداندىرۋ ارقىلى ەلىمىزدىڭ ورماندى جەر كولەمى ۇزدىكسىز ارتىپ، ساپاسى توقتاۋسىز جوعارىلاپ، دۇنيە جۇزىندەگى ورمان بايلىعىنىڭ ارتۋى ەڭ تەز، ەڭ كوپ ەلگە اينالعان.

　　قازىر ەلىمىزدىڭ ورمان كولەمى 3 ميلليارد 465 ميلليون مۋعا جەتتى، مۇنىڭ ىشىندە جاساندى ورماننىڭ ساقتالۋ كولەمى ٴبىر ميلليارد 314 ميلليون مۋعا جەتىپ، دۇنيە ٴجۇزى بويىنشا الدىڭعى ورىندى يەلەدى.

　　مەملەكەتتىك ورمان شارۋاشىلىعى، جايلىم مەكەمەسى ەكولوگيانى قورعاۋ، قالپىنا كەلتىرۋ مەڭگەرمەسىنىڭ 1 ـ دارەجەلى شارلاۋشىسى ۋ شيۋلي بىلاي دەدى: پارتيا 18 ـ قۇرىلتايىنان بەرى، بۇكىل ەل بويىنشا جيىنى ٴبىر ميلليارد 20 ميلليون مۋ ورمان وتىرعىزىلىپ، ورمانمەن كومكەرىلۋ مولشەرى %24.02 كە جەتتى، ورمان قورى 19 ميلليارد 400 ميلليون تەكشەمەتردەن اسىپ، ٴۇرتىس 30 نەشە جىل بويى ورمان كولەمى مەن زاپاس قور مولشەرى بىردەي ارتتى.

　　جۇڭگو پارمەندى شارا قولدانىپ، تاۋ، سۋ، ورمان، اتىز، كول، جايلىم، قۇم جۇيەسىن جونگە سالۋعا تاباندى بولىپ، مەملەكەت جەرىن كەڭ كولەمدى جاسىلداندىرۋ قيمىلىن عىلمي ورىستەتىپ، قۇمايتتانۋدى، شولەيتتەنۋدى ۇزاق ۋاقىت، كەڭ كولەمدە جونگە سالىپ، جۇڭگونىڭ تاۋ - وزەنىن، بايتاق دالاسىن، قالا - قالاشىق، قىستاقتارىن جاسىلداندىرىپ، كورىكتەندىرىپ قانا قويماي، جەرشارىنىڭ ورمان بايلىعىن ارتتىرۋعا دا ماڭىزدى ۇلەس قوستى.

　　بەيجيڭ ورمان شارۋاشىلىعى داشۋەسىنىڭ پروفەسسورى جۋ چيڭكى بىلاي دەدى: ا ق ش عارىش مەكەمەسىنىڭ جاساندى سەرىك ارقىلى باقىلاۋ ـ ولشەۋى وتكەن 20 جىلدا جەر شارىنىڭ ۇزدىكسىز ”جاسىلدانعانىن“ كورسەتتى، جۇڭگونىڭ وسىمدىك جامىلعىسىنىڭ ارتۋ مولشەرىنىڭ ٴوزى بۇكىل جەر شارىنداعى وسىمدىك جامىلعىسىنىڭ جالپى ارتۋ مولشەرىنىڭ %25ىن ۇستاعان، ال جۇڭگونىڭ بۇكىل جەر شارىن جاسىلداندىرۋعا قوسقان ۇلەسىنىڭ %42ى اعاش ەگىپ، ورمان وسىرۋدەن كەلگەن.

     ەلىمىز 2023 - جىلدان 2025 - جىلعا دەيىنگى مەملەكەت جەرىن جاسىلداندىرۋ نىسانالىق مىندەتىن ايقىندادى

　　مەملەكەتتىك ورمان شارۋاشىلىعى، جايلىم مەكەمەسى كەزەكتە «مەملەكەت جەرىن كەڭ كولەمدە جاسىلداندىرۋدى عىلمي ورىستەتۋدىڭ 3 جىلدىق ارەكەت جوسپارىن» ۇيىمداستىرىپ جاساپ، 2023 − 2025 - جىلدىق مەملەكەت جەرىن جاسىلداندىرۋ ارەكەتىنىڭ نىسانالىق مىندەتىن ايقىندادى.

　　ارەكەت جوسپارى بويىنشا 2023 − 2025 - جىلدارى مەملەكەت جەرىنەن جىلىنا 100 ميلليون مۋ جاسىلداندىرۋعا، جاساندى ورمان 20 ميلليون مۋدان كەم بولماۋعا كەپىلدىك ەتۋ كەرەك. ورمان ٴوسىرىپ جاسىلداندىرۋ كەڭىستىگىنىڭ ۇيلەسىمدىلىگىن باعالاۋ نەگىزىندە، ٴتۇيىندى تۇردە ادەتتەگى بۇتا - بۇرگەندى جەر، سيرەك ورماندى جەر، ورمان وسىرۋگە ۇيلەسەتىن جايلىم مەن سورتاڭ جەر، قۇمدى جەر سياقتى باسقا جەرلەرگە كەڭىستىك ازىرلەپ، جاڭادان ارتقان ورمان ٴوسىرۋ كەڭىستىگىنىڭ 200 ميلليون مۋدان تومەن بولماۋىنا كۇش سالۋ كەرەك.

　　مەملەكەتتىك ورمان شارۋاشىلىعى، جايلىم مەكەمەسى ەكولوگيانى قورعاۋ، قالپىنا كەلتىرۋ مەڭگەرمەسىنىڭ 1 - دارەجەلى شارلاۋشىسى ۋ شيۋلي بىلاي دەدى: مەملەكەت جەرىن جاسىلداندىرۋ، جونگە سالۋدا ٴتاسىلى جالاڭ ەكولوگيالىق فاكتورلاردى جونگە سالۋدان كوپ فاكتوردى، جالپى پەريودتى جۇيەلى جونگە سالۋعا قاراي بۇرىلىس جاساپ، جونگە سالۋ نىساناسىن قاراپايىم عانا ”جاسىلداندىرۋدان“ ەكولوگيا، ەكونوميكا، قوعامنىڭ كوپ ٴتۇرلى فۋنكتسيالىق ونىمدىلىگىنە قاراي ويىستىرىپ، ەكولوگيالىق جۇيەنىڭ الۋان تۇرلىلىگىن، ورنىقتىلىعىن، باياندىلىعىن ۇزدىكسىز جوعارىلاتۋ كەرەك.